إلا ابسأل شاخبار المنتخب ؟
للحينه بطل الخليج والعرب ؟
شاخبار المنتخب
خلاص راحت أيام جاسم يعقوب
خلاص ماراح تفرح القلوب
ولاراح تعلمونا شالسبب
إلا بسأل شخبار المنتخب ؟
اتحاد الكره صار بالتوريث
لازم اللي يرأسه غثيث
واذا ماخليتوه يخرّب
يختار حتى المدرّب
حتى بالكره حقنا انسلب
إلا بسأل شاخبار المنتخب؟
صج!! عندنا محترفين بالبرازيل
صج !!منتخب ألمانيا علينا يعيل
صج!! اسعار لاعبيننا بالملايين
صج!! خذنا كاس العالم مرتين
صج !!على ارضنا رونالدينهو انغلب ؟
الا بسأل شاخبار المنتخب؟
الرياضه أصبحت فن وإدارة
الانديه صارت منبع للتجارة
ليش متخلفين سنين لورى
ليش فضايحنا أشكره
انا اسميها قلة أدب
إلا بسأل شخبار المنتخب
43 comments:
سلام الله على المنتخب المسكين
.,
الحال من سيء إلى أسوأ .,
وبكل خسارة في سجل خيبات المنتخب
يسوون عفسه وحالتهم حاله
ولقاءات وراح نحاسب .!
ولافتات عند الاتحاد .!
فلان وعلان لو يرفعون ايدهم
من المنتخب احنا بخيير .,
وفيه شي ثاني يضحك
سالفة البرازيل والبرتغال
حاولت اهضمها ما قدرت .,
.,
\
أنصحك براك انك تترك عنك المنتخب وهمه
وتابع نجاحات
أحمد منير في الكراتيه
ومحمد الغريب في التنس
شي يبرد القلب و يفرح الواحد
انك تشوف نجاحاتهم على مستوى عالمي ..
..
رسالة لمنتخبنا العزيز
كل مره أقول ماراح اشوف لعبكم
لكن هي دقيقة والقى نفسي قبال الشاشة
والله نحبكم
وعندنا أمل انه يتغير الوضع
بفعل لاعبينا وليس الاداريين
.
qesat_5ayal
سيدتي صاحبة التعليق الاول
حتى بهذي بعد صرنا مساكين
ماخلوا لنا شي
اتعلمين سيدتي سبب كتابتب لهذه الكلمات هو تقرير من الاتحاد الانجليزي لكرة القدم
ذكر بان اسباب التطور الرياضي الواضح في كرة القدم الانجليزيه
هي كالتالي
- النهضه الكرويه الانجليزيه كانت باموال روسيه امريكيه
فقد استثمر العديد من التجار الروس والامريكان وكذلك الصينيين والتايلنديين في الانديه الانجليزيه
- مداخيل دوري الدرجه الممتازه تدخل مباشره في حسابات الانديه الانجليزيه وليس الاتحاد الانجليزي
وهناك اسبابا اخرى
عشان جذيه من حرتي كتبت هالكلام
3atreis
صح لسانك
فعلا فلان وعلان لو يشيلون ايدهم ويرفعونها عن المنتخب راح نكون بخير
بس مستحيل تدرين ليش
لان المنتخب يرز ويخلي الناس تصفقلك وتوصل مواصيل مايوصلها احد بقول واحد
انا تارك المنتخب من زمان والدليل اني اسال عن اخباره
انا اخر مباراة تابعتها للمنتخب سنة 2000
وبس حرمت
بالنسبه لابطالنا احمد منير اولا
ومحمد الغريب ثانيا ومنتخب اليد للشباب وايضا الرمايه
بالنسبه للكراتيه والتنس تلك الالعاب فرديه حتى لو كانت الادارة سيئه فالانجاز بيد اللاعب عشان جذيه اهم رافعين روسنا
مره من المرات سالت السيد عادل الغريب بطل الكويت السابق في الاسكواش وشقيق السيد عبدالرضا الغريب رئيس الاتحاد الكويتي للتنس
لو محمد الغريب مايصيرلكم جان بيوصل هالمواصيل بمشاركاته العالميه
قالي ايه
قلتله مااعتقد
راحت ايام المنتخب المرعب ايام العز والمجد :(
وما ادرى لى متى على هالحاله الرديه
والمسئولين للاسف ما همتهم ديرتهم كثر ماهمهم المنصب والفلوس
وبس تعبنا وملينا لى متى؟؟؟
Noor
راحت ايام كل شي حلو
خلاص
الوضع اليديد جذيه
اعتقد لو اتيمّع انا وعيالي ونباريهم راح نفوز عليه 2 صفر
وخشيم الفار بيحط قول وانا قول
احنا عندنا منتخب
كان زمــــــــــــان
ولا اقول ردد
ياليل ما اطولك
راحت ايام المنتخب
راحت ايام العنبري وفتحي كميل والدخيل
اللي حتى بنغلادش اغلبونا والله حاله
فشله
وصح لسانك
بعد مارديت عالبوست اللي قبل
سويت رفرش لقيت هالموضوع
ماعندي شي اقوله في هالبوست
بس راجع البوست اللي قبله ورد علي لوول
صباح الخير اخوي براك..
شلونك عساك بخير..
انا اقولك اخبار المنتخب هذه اخباره
يامتكتك..الكاس لك..
لك وحدك.. من غير شك..
أووووه يالأزرق..
واوووووووه يا شينهم
وربك كريم :))
شخباري كرة قدم
اللحين الناس بالكويت تغيرت يالبرك
اللحين الناس تتابع كرة اليد
اللعاب القوى
الكراتيه
لا انت صرت رجعي حيل
مالومك يالبرك مو منا من خمال المنتخب
ذكرتني بايام قبل شوف هالتصميم
وسع صدرك مع أحمد اليوسف
صح لسااانك
صج الدنيا دوااااااااااارة
يا سائل ترى الاخبار ما تسر
ووزير الشوؤن عسر
والاندية تلعلع وتطر
من الديوان وكل ليوان تنتظر
شوية دنانير والغريب ان فلوس القادسية نفس النصر
وين التطور بالرياضة
مدام الجل على راس لاعبينا يقطر قطر
magnoonah
قول لزمان ارجع يازمان
الا يامرحبا بش
kuwaitya_7saweya
اي والله راحت
بعدين من وين مطلعه منتخب بنغلادش
لاتظلمينهم اصلا مايتنزلون يلعبون معانا
عيون الحب
اصلا مايصير تردين على هالبوست
هذي امور كويتيه بحته
هههههههههه
امبراطـــورة اشعاري
صباح النور هلا اختي
يامتكتك
الكاس مو لك
ولا لك وحدك
اي والله اوووووه
Enter-Q8
ياحلو هالطله والله
انا مو وايد رجعي
بس اهوا استفسار برئ
شخبار المنتخب
مجرد سؤال
ووسع صدرك
عالية
اهلا بك سيدتي العزيزه
اي والله الدنيا دواره
Mishari
ياسلام
ياكتور ياشاعر
احوالنا تخلي الواحد غصب يشعر
افاااا يعني تعدني غريبة عنكم؟
جي زعلت
اهئ اهئ
لووووووووول
عيون الحب
لا والله منتي غريبه
انتي اخت عزيزه
بس انتو على الاقل فزتوا بكاس الخليج
يعني ماوصلتوا مرحلة الانحدار
احنا صرنا وين ياخلاف
يعني الواحد مايتغشمر
شو
هي مرة وحدة اللي فزنا فيها
بتحسدونا عليها لووووووووول
اي ادري انك تتغشمر
وانا بعد اتغشمر معاك
خو مايصير؟
براك .. ضربت عالوتر الحساس :(
منتخبنا عليه السلام رااااااح ..
من أسوأ إلى أسةأ للأسف ...
الله يكون بعونا :(
عيون الحب
عليكم بالف عافيه
Dana__23
تدرين شنو المشكله
المشكله انه اللي متولين موضوع الكره بالاتحاد مالهم علاقه بالامور الاداريه او ماعندهم خبره رياضيه
على سبيل المثال رئيس اتحاد الكره الالكاني او بالتحديد المسئول عن الامور الاداريه بالاتحاد الالماني لكرة القدم
حمل كاس العالم مرتان وله خبرات اداريه وكرويه
حتى على المستوى العربي رئيس هيئه الشباب والرياضه في مصر من دكاترة القنون يعني فيه خبره اداريه على الاقل
الحبايب اللي عندنا
مايعرفون تلت التلاته كام
وسلامتك
sheno e7na 3endena montakhab?? wain? meta? ay9oob? ;p
المنتخب شخبااااااري صار عليه غبار
قبل كان في منتخب ولاعبين تحس انهم صج لاعبين
الاول تحول
الحين في اسم منتخب بس من غير شي
أخي العزيز
شكرا لمرورك على مدونتي
كلنا يا أخي صغار .. كبار .. نحب الكويت ونطلب الإصلاح والصلاح لديرتنا الحلوة
هناك خلل في كل شيء وهذا ما نطالب به كمواطنين غيورين على الديرة وأهلها
أن يتعدل هالخلل
الديرة متروسة خيرين وصالحين وشباب رائعين مثلك ومثل إخوانك أصحاب المدونات وبالتالي أكيد سوف تتغير الأوضاع المقلوبة و تأخذ وضعها الصحيح
بس شوي شوي
نحن نأمل ونتفاءل
لأن الإصلاح والقضاء على الفساد لا يكتمل بيوم وليلة
أكرر شكري
ومبروك المدونة
مودتي
منى
الي منقهر عالمنتخب ما عنده سالفه
فريق كله يهال الكلمة فيه حسافه
مافيه صاحي من الفراش لي الرئاسه
ديرة بكبرها خراب
وانت تسال شاخبار المنتخب؟
أول شي
سلامات على البلوق
اشسالفة حركات الحرمنة البلوقية
!!
سمعت خبر من مصادر
غير موثوقة ويا خوفي تصير
موثوقة
إن اتحاد اليد بحطون عليه
واحد من الأخوة اياهم
الله يستر
ودمتَ بحب وود أيها الشاعر
Om Jaber
بصراحه قدرتي تقولين اللي انا مقجرت اوصله
يسلم فمّك
Shaima'a Alkandari
ههههههههه
حلوه صار عليه غبار
الظاهر كل شي فيه امل قام يغبّر
يالهوتي عليج ياديرتي
برنسيس إيكاروس
اولا
شرف لي وجودك بمدونتي المتواضعه
ثانيا عندما ادخل لمدونتك فانا ادخل لعاصمة الفن
ماله داعي الشكر
كلامك مفعم بالأمل
والله العظيم نحبها ونموت فيها
بس الامل كل يوم يموت
والشباب الخيرين موجودين
بس هناك نقطه
احنا شعب فوق طيبتنا وايد حساسين
ليتهم يفهمون هالنقطه
اشكرك سيدتي الراقيه
فريج سعود
يعني مايصير اسأل
يااخي مااتابع كره محليه
من حقي اسأل
احس انه فيك واهي
شوف انصحك بما ان رقمك السري سهل
تحمل عيل
لانه كلامك القوي يبيله باسوورد قوي
هههههههههه
حياك الله اخوي العزيز
sologa-bologa
الحرمنه البلوقيه اسلوب جديد
احسن من الفضايح بالجرايد
دش المدونه واقمت الباسوورد
وشيل ده من ده يرتاح ده عن ده
عيل انا بقولك شي من مصادر موثوقه
ترى الاخوان اياهم بيجي يوم اذا ماقلت قبل اسمهم العم فلان راح شسمونه
والا ماني قايل بصراحه عيالي يبوني
أييييه يا براك
شقول شحجي
منتخبنا دوم عليه تسلل
من بو فهد وبو تركي
الجماعة كثرت فاولاتهم
والحكم قاعد يطوف لهم
عصب وتنرفز عليهم الجمهور
بس فكرة الطلعه في بالهم ما تدور
أثنينهم يباصون الكره
وعن المرمى تطلع بره
وييين أمنية الجمهور
وييين الكرت الحمر
وييين صاحب الأمر
بس يوبا فارجونا متنا
أعنبوكم لاحيا ولا مستحا
لا بطولة ولا كاس
منتخبنا دوم يطلع منحني الراس
ياااا براك
السكوت ابرك
DiLLi O MiLLi
اهلا بك سيدتي
اشكر وجودك وبصراحه كلامك اختصر الوضع الكروي الهزيل بصوره هزليه جاده رائعه
اي والله ضعنا من هالباصات
صح لسانك
صح السانك
انور عبدالله
صح بدنك واشكرك على زيارتك الاولى
سيدي الراقي
ee wallah dodahtony 7asabt ba3ad 6ala3lena montakhab min om thanyah wana madry ;p
Om Jaber
ماعندنا الا هالمنتخب بمساوئه العظيمه
حلوه من ام ثانيه
هههههه
Post a Comment