Tuesday, December 29, 2015

واصل

المكاتيب ماتت بعصر وسائل التواصل

الكل مع الكل صار قريب وواصل

اليوم حتى التافه صار واصل

اوّل يعبرون بحور لأجل كلمه

واليوم كل شخص له كلمه

صارت الصوره ابلغ من كلمه

وباب الشهره مشرّع والعرض متواصل

Sunday, December 20, 2015

فكرة النسيان

ماتت فكرة النسيان

بأهدابي ... لقيتك سور

بعيني .. صرت السواد

بالحشا حبك .. يثور

و يشفعلك .. لو كنا بعاد

اوتار حبك بالقلب

عزفت للوله الحان


نهيت فكرة النسيان


....


 وياك تعديت المعقول

يوميه تغمرني ذكرياتك

 الليل مايكفيني

 لو مليون مره يطول

وياك تعديت المعقول

ياللي زرعت بيوفي

بذور الحنان

نهيت فكرة النسيان

-----

تعّبت حروفي بوصف اشتياقي

ابي كلمه تسعفني ماألاقي

ابي اخلي للعشاق وله

خذيت كل شي ورحلت

احب وايد اذكرك

عشان احس بأمان

نهيت فكرة النسيان

...


Tuesday, November 3, 2015

ابتسامة نويره



انت فرحة هالارض .....


 بهالمطرَه

انت ابتسامة نوّيرَه ..


بصحرا


والخير كله



و البلسم اللي ...



 علم جرحي ..



 يبرا



.....


لي امطرت .. تجيبك على رموشي


 ذكرياتك


لي امطرت..تتلون الدنيا


بحكاياتك


تنولد من يديد فرحه بفّادي


 تيتّمت


تتجمع احاسيس جميله


 تشتّتت


كل شي يلتإم


لانك


 الروح 

والنسمه

والقطره


انت فرحة هالارض بهالمطره


......




Sunday, October 25, 2015

كل شي بيبرى


علشان العشره

لازم اضحي

واحضن جرحي

واصبّر قلبي

وإن ماصبر ....

غصب أصبره


علشان العشره

........


قبل لاالندم يذبحني 

بامد ايدي لك

ولو حضن القهر لمني

بأعلم روحي  تحبّك

حتى لو علمتني ... أكرَه

علشان العشره

.....

بحياتي تعلمت  ... أعطي

وانت تعودت  ....   تخطي

باصير الغيمه اللي تروي

ونجمه بسماك تضوي

ومرد كل مافيني ...

بيبرى

علشان العشره







Tuesday, October 13, 2015

زتات



لما يصير لي مع التعب حكايات

ولي تمكن مني الوله 


وسكاكين الحنين


استقرت بصدري بْرَهَات


اغمض عيني


واتخيلك جدامي......


ويتلاشى الالم


لما تكوين الخيال 


يكون نسيجه انت 


تموت الامي....


اغمض عيني


لما احس بموتي


والقى بطيفك حياة


لي صار  لي مع التعب حكايات

........


لا ابد ماهو هروب


انا من بعدك مرعوب


زايده نيراني وتسعر


محمل الصبر  فيني تكسّر


اغمض عيني


لاني مااتحمل


ضيم


ووحده


ومعاناة


لي صار مع التعب حكايات

.......


الواقع يجبرني اهرب لك


كل شي ظلمني ابي عدلك


ضيعت عناويني بس ادلّك


انت الطريج 


وانا عويج


غمضت عيني


تعال زتات


 صارلي مع التعب حكايات


Sunday, October 4, 2015

إنتي هروبي

إنتي

 اول درب بلحظة هروبي


 اللي تزينين بعيوني عيوبي

إنتي الملاذ

إنتي رذراذ

يروي ضما دروبي


------

لو نوت الأيام ..وعزّمت تجرح

لي سل التعب سيفه

بعيونك اسرح

إنتي الأمل

لو حط الوقت دوبه

ودوبي

إنتي هروبي

------

إنتي المنتهى 

وبدايات الفرح فيني

إنتي كل شي حلو 

شافته عيني

من هواچ

تعلمت غاياتي

ورسمت أسلوبي 

وهروبي




Monday, September 14, 2015

سهالات




فيه ناس بهالحياة

مايعرفون معنى الازدحام

مامرّت عليهم كلمة دوام

ماسمعوا عن ال(ALARM)

ماعرفوا كلمة معاناة

......

مايفهمون شعور الحَرّه

نص عمرهم عايشين بَرّه

كل ماتضايقوا خذوا فَرّه


مابين الانهر والبحيرات

....

المناصب تنطرهم بس يامرون

ليش يتعبون ويحاتون

لو كانوا قواطي مايفهمون


الفهاميه هالايام بالبيزات

.....

ماعمرهم  يابو التموين

ولاتعنّوا وصبّوا بانزين

ماذاقوا تلسّب الخيازرين


حياتهم سهالات بسهالات

Tuesday, August 25, 2015

درايش الأمل






عايش 

وفاتح للأمل درايش

من كل شي محروم


 تعلّمت  اكون ساكت

و تفهمت اكون طايش

وعايش

وفاتح للأمل درايش

....

لازلت عاشق

لو طعم الهوى تغيّر

لازلت عاشق

لو لغز العشق ماتفسّر

لازلت عاشق

اجني من غصون الهوى

صوت للريح

وصوت للنسمات

حتى لو حطام الصدى

على صدري تنثّر

وعايش

وفاتح للأمل درايش

...

إيه باجي بموعيدي أمل

مهما تمطر سما أحزاني


دواي بألقاه

مهما القلب انفعل

وتمرمرت من الآه

بتستمر حياتي 

على امل 

على مهل

وعايش

...

من غير حب شلون نعيش..؟؟

 شلون ..؟؟

الحب زاد 

الحب ماي

 الحب ..عون

 يفتح عيونك على... الاحلام

 يعلمك شلون ماتنام

وانت اسعد من بهالكون

الحب عون

وانا معاه متعايش

وعايش







Tuesday, August 18, 2015

نواح



اعزف لي عالجرح .... ارتاح

اشجيني ..ذبح روحي  ..النواح

انا نغمه تنتظر صرح الحزن .. ينهار

انا طير وده يطير ..

وناطر غيم الشقا .. ينزاح

واعزف لي عالجرح 

ارتاح

Monday, August 17, 2015

احوال ماتِسر



كنت انتظر...


 وعلى كفوف الامل ...

أحتضر


كنت انقهر ..


والضياع كسرني ... كسر


تلاحقت عمري ..


قبل لايروح العمر ..


اقتنعت : 


وتآكدت : 


كل شي يصير 


الا النسيان ماله  ... قدر


وظليت انتظر

......

الانتظار يعني .. روح 


ماتعرف تتنسّم اذا صبرَت 



الانتظار  .. عين تنوح


اذا الحنايا تعبّرت


من عُمر 


وأحوالي ماتِسر


وبانتظر 


....


 اللي يحب ... يقول ويتحلّم


وباول لحظة وله ... يتألّم


حلمه يداوي لهفته


 وده بنور لدروب وحدته


كل من يحب متوهّم ... بالصبر


وبينتظر 









Thursday, August 13, 2015

حنين يتغافلني



كل ماقلت ..نسيت 

حنيني يتغافلني ..

كل ماقلت سليت ..

اللهفه تغصبني ..

شلون  انسى ؟؟

وكل شي لك ياخذني

كل ماقلت نسيت ..

حنيني يتغافلني ....

.....

لانك اللي راح .. واللي باقي

 واللي يحرّك ..سكون اشواقي

واللي يهز .. كيان اعماقي 

وحروفي .. وسعادة أوراقي

لانك حبري ..

ولانك سطري

والفكره اللي تسكنّي

كل ماقلت نسيت

حنيني .. يتغافلني

....

حاولت انساك ... وفشلت

بكل نبضه  ..القاك انت

كذاب لو قلت ..

اني من غيرك عشت

فشلت

فشلت

نسيانك مستحيل 

 كل احساس فيني لك ....

يدني 

وحنيني يتغافلني 



Monday, June 8, 2015

أقنعه

زادت الاقنعة 

وعلى صدر الوطن

الضربات موجعه


صار للزيف نواخذه

وللتفاهه اشرعه

وزادت الاقنعه

.......

عشنا عشان نتذمر

عشنا عشان نتأمّر

شلون نمشي خطوه

واليأس بالضلوع

شلون تبون أيد من حديد

واصابعنا مدلّعه

وذبحتنا الاقنعه

....

قناع الطهاره كلن يلبسه

بنينا للخداع مدرسه

وتخرجت اجيال بتفوّق

على التشاؤم متأسسة 

تشوف الخطا وتتبعه

وصرنا بلد الاقنعه



Thursday, May 21, 2015

تباهى

تباهى


واجعل الكذب 

أسمى انواع الوجاهه

استرعِ للزيف انتباهه 

اغرس على ارضك

بذور الخداع

وانتظر غرسك يكبر

وابني  اطماع

واجني من مازرعته

غش

وتفاهه

وتباهى 

...

تباهى على مسرح الحياة

اكتب حوارات وردد افيهات

اختار الأدوار والممثلين

واسدل الستار بكيفك

النص بين إيدك 

اجعله دراما 

اجعله فكاهه

وتباهى

Tuesday, May 19, 2015

حس كلمه يصبرني


 كلمه منك .. تصبرني


شوفة مكان التقينا فيه..تطمني


ذكريات  وياك مرّت .. تصبرني 

ارضى بالقليل 

لانك على القليل ... معودني


.....

تعلمت... مااطمع وياك

ولااتمادى بأحلامي 

تأكدت..  ماالقاك 

ولاباشوفك جدامي 

لكنه حبّك

حَطم كل ياس ..

 تمكّن مني 

وحس كلمه .. يصبرني 

......

تعودت اعيش بشوية امل 

ومن الشويّه ابني اماني 

تعودت امنّي دمعٍ انهمل 

واوضح له قسوة زماني

لاانا اللي اقتنعت!!

ولا هو اللي فهمني

بس انت تصبرني




Tuesday, May 5, 2015

إسكت




بهالوقت ..... إسكت


شوف ........ وإقمِت

ماتفيد إنفعالاتك

خلك على سكاتك

ماراح توّحد عالم

أهو بالأصل متشتّت

إسكت 

.......

الكلام انتهى دوره

غيّر اشكال اعتراضك

لاتفتح باب انفعالاتك 

صون عهد الصمت 

اكسر مجاديف الغضب 

ماارتاح غير... النسّاي 

ومااشتقى الا...المتعنّت

اوشششششش 

 اسكت 





Sunday, May 3, 2015

مافي

تبي حب ؟؟

مافي

ودّك بحضن ؟؟

مافي

تتعشم بكلمة حلوه..

 رد يطمنك

 قلب يأمنِك

او شرح وافي ؟؟

مافي

......


تبي عيون .. تقدّر مشاعرك

مافي

تبي اللي ياخذ.. بخاطرك

مافي

يموت صبرك 

وينتهي عُمرك

ومالقيت لك ..

 صدر دافي

ومافي

...

تحتاج عقل تثيره .. ويثيرك


تحتاج راي يحفِّز .. تفكيرك


حفلة جفاف .. تِذبِحِك


تشوف التافه ينصحِك


ودك تقول: لا


تخاف ...يفضحك


ويظل سراج الرّقي

  
طافي


ومافي

....

توافه الأمور أشغلت .. الدّيره


لغة الشارع تكتب لنا ... سيره


والتاريخ يسجّل


لحظة ضياع :

مثقف

لحظة ضياع:

عاشق

لحظة ضياع

مؤدَّب

ونبقى نردد بالخفا

يانبع الوفى الصافي

ومافي

....

نَحَلْ جسم الوطن .. ونخاف يتكسَّر

وظل الرضيع قبل الكبير يتحسّر

ونقول باچر أحلى

وللاسف

يبقى الصح ضعيف

والغلط متعافي

ومافي

مافي

Sunday, April 12, 2015

مشاعر عنيفه



غيابك

 علمني الجساة 

صرنا انا وقلبي اموات

غيابك

 نساني الحنان

غيابك

 حرمني الامان

غيابك 

نسّاني الحياة

غيابك 

علمني الجساة

..........

صارت المشاعر عنيفه

لما أكرَه وأحِب

صارت عيوني كفيفه

واستكف القلب

على هم اصبح وأبات

غيابك 

علمني الجساة

..........


من رحت تعلمت ماأسامح

اثر غيابك باطباعي واضح

يبيّن علي لو غبت ثواني

تخيّل... شصاير فيني

وانت غايب عشر سنوات!

غيابك 

علمني الجساة





Wednesday, March 25, 2015

غُض النظر




غض النظر 

لاتشوف  الهم 

لو كبر

غض النظر 

لايهمك حزني

لو كثر 

كل شي ممكن اتخيله

الا انك تكون بشر

وغض النظر 

....

 هذا انت

من الاحساس نشفت

ادري انك راضي

ونسيت الماضي

وقلبك ماكذّب خبر

.....


انهيت كل القصه

ذبحت اللي زاد حرصه

وتحمل فوق ماتحمل

ومع هذا كمّل

للاسف ماعنده بعد نظر

وغض النظر

Monday, March 23, 2015

روح وعين




هبت نسايمك وذكرت ما مضى

انشرح الصدر وفرحت العين

 غبت ومكانك باليوف مافضى

لك بالخفوق علوم  وبراهين

انت النسم والنبض اللي أنبضه

إنت الأمل وأصل  الحنين

لو تزعّلني كلي عليك رضى

انا  دنياي بس وياك تزين

الماضي يتجدد أبد ماإنقضى

لو تمر الايام وتنطوي السنين

نسيمك مر وذكرت مامضى

إنشرح الصدر تبوسمت العين

زهيري



ياللي عيونك فيها من الحسن .. آيه

ياللي جمالك له نور  ... مايتوايه

من آشوفك اروح بذيك ... الحكايه


شاقول بس شاحجي عن حسنك

شلون اوصف بس ضحكة سنّك

تصدق إني مرات احس إنك

 اكبر من زهيرية واعذب من روايه

حابّك



مثل الوله اللي فيني .. ماانْوَلَهْ

محدٍ ابد تحمٌَل ..اللي اتحمّله

بكل لحظه تمر اعاتبك

حرام اللي تسويه فيني

والله حابّك

وهذا اللي شاقيني

وعمره

طيفك ماانجلى

مثل الوله اللي فيني

 ماانوله 


....

مثل ردة الروح ..لين شفتك 

مثل اشابيه النور لين لمحتك

كل كلي ناداك

ياللي القلب خلاك

مكانه

ودنياه

وبيته

وخليته ..

 بحبك ابتلى

مثل الوله اللي فيني 

ماانوله


Monday, March 16, 2015

هلكت من الجفاف





كل شي حلو .. مر ...وطاف


متى القى ملاذ؟؟


هلكت من الجفاف


متى الروح

تلقى من الدنيا انصاف ؟؟


.......

متى الحزن تتغير ألوانه ؟؟


متى الزمن يذكرني أنا ؟؟


ويعطيني أمل ينسّيني أخاف


.......

اسئلة .. نهشت .. أفكاري


وآفكار .. أشعلت .. ناري


ونار ..كتبت .. أشعاري


وأشعار تصرخ ..محد داري


ولاحد شاف


كل شي حلو .. طاف 




Tuesday, February 24, 2015

بلاعنوان




وين ذاك المكان؟؟

اللي ينزع مني التعب ..


وين اللي أحب


تعبت ادور الامان

وين ذاك المكان؟؟

...

يادروب .. اخذي خطواتي

يابساتين.. لوني اتجاهاتي

يادنيا : انثريني

يادنيا : فرحيني

خلي نور السعاده .. يبان

وين ذاك المكان ؟؟

.....

 باهرب من واقع يخنق

لها حق جروحي تنطق

ببحور الضياع قمت اغرق

لا.. بر يحضني

ولا..مرسى يفهمني

ولابقى لي عنوان 

وين ذاك المكان 


......



Wednesday, February 4, 2015

اشوفك




اشوفك ..

مثل القمر ....

اشوفك 

بالمطر...

اشوفك

قمره تغريفت بغيمه

اشوفك 

تهدي للحظه قيمه

وتكتمل على سماي

وصوفك 

.....

استمرت همساتك ...تنقال

صارت الروح لك .. يال

وعلى شواطي حياتي

بقت صورتك 

تلبّس الدنيا شال

يدفينا 

ويحسسني بدقات 

يوفك 

واشوفك 

.....

لو أشهق ألاقيك

لك نصيب بشهقتي

لو أنطق ألاقيك

حروفي وكلمتي

لو اسكت الاقيك

بوحي وفكرتي

ماتعلمت اعيش الا فيك

بدونك تنتهي دنيتي

تعوفني نفسي

لو اعوفك

واشوفك





Wednesday, January 14, 2015

الحب العذري





فيه حب عذري؟؟

يخلي العاشق يهذري؟؟


للحين فيه شاعريه ... وإحساس ؟؟

للحين فيه ناس ؟؟

تسهر .. لي الفجر؟؟

لمسة الإيد للحين لها قَدِر؟؟

فيه حب عذري ؟؟

.......

للحين فيه ناس

 رعشة الكلمه بالشفاه تبكّيهم!!

للحين فيه ناس

 صوت الريح بالشجر يشجيهم!!

 للحين فيه ناس

على يال البحر يرسمون أمانيهم!!

ودي أدري 

فيه حب عذري

....