زهيري

الالم من رحت وهو مناشبني نـِشْـــبَــه

جمر العذاب كل ماطفى الوله ..شَــبَّـــه

انا ...الضيم شبهني وأنا له أشْـــــبَه

بالصدر الأنّه..ومن الزمن المنهَــــــل

كل ما أحس بالضيم صوبي ...هَلْ

أحس إنّي من الحياة ..أتسَهَّــــــــلْ

أشوف نفسي وأحس إنّي ...مشَـبِّــــه

٩-٣-٢٠١٢

الجمعه

وطن ومطر

انت الوطن ... انت المُطر

وانت النسمات الحْنَــــــــيْـــــنَه

اللي إسكنتني

شوفتك تروي اليوف ..وتزَيْنــــَه

وتجازيه...كِثر ماصُبَر

انت الوطن ... وانت المطر

........

وانا قطره ماي ...بذرى سماك

وانا نسمه تتمايل على هواك

وانا كلمه ... حروفك تنسِجها

بشفاهك .. جِذبها وصجْها

وكل طاري .. وكل خبر

انت الوطن ... وانت المُطر

.....

كلّنا بسما الأشواق .. تمايلنا

احس انا والسحاب .. تلاممْنا

ماكذبت .. هذا اللي أحسّه

حسيت بشي .. مافي نفسه

ماكذبت ..جنّي لمّيت القُمَر

ياوطن ...... يامطر

٢-٣-٢٠١٢

الجمعه

بسنا شِمَاته

ياللي ماعندك غير التشاؤم والتحلطم ... والشماته

عطني إيدك قوم .. قوم .......الوطن والله محتاج لنا

ان كان باجي بروحك ........شوية أمل يسلمِك هاته

شوي منّي ..وشوي ومنّك......... والدنيا بتبتسِم لنا

إخذ صوتي إخذه ..........وآخذ صوتك بكل نبراته

واذا مثلي متجتّف .. ترى فيه أيادي ......بتنمَد لنا

فيه............ بيرق أمل ....يحدد لكل متفائل جهاته

طِيبتنا..... بتعينّا على كل اللي شايلينه ....بقلوبِنا

الحلم ......بنلقاه ببسمة طفل ....توه مبتدي حياته

ترى الواقع ..والماضي ..والمستقبل.. بإيدينّا كلّنا

كل واحد فينا ملزوم .....وله حق ....يحقّق أمنياته

ويحس ..إنه تلمّس حلمه ..وصوبه ...قرّب ..ودنا

لابد الكل يتعلّم من ...زلّاته ...وأغلاطه ....وعثراته

المفروض ..كل واحد يكون ..بكنز القناعه ..إغتنى

المفروض حب الوطن ..نعرف عدل شنهي صفاته

ليش يعني مانعيش بعزّه.. وكرامه ..وتقدّم.. وهنا

حرام بس بس كافي تشاؤم .. وتحلطم .. وشماته

بها الوقت بالذات ..ترى الكويت ..محتاجه ......لنا

3-2-2012

friday

يادهينه

مبروك علينا

وعلى ماسوّينا

هذي اصواتنا

تترجم أمنياتنا

الجميله

الخاثره

الزينه

مبروك علينا

.....

هذي كلمة ... شعبي

راح ترسم .....دربي

وتخطط مستقبل عيالي

وتحدد ابسط آمالي

وتدلّينا ..وتِجدّينا

مبروك علينا

.....

راح نطوف ألمانيا

ويمكن بعد ايطاليا

الكويت بتصير جنّه

ماكو حنّه ورنّه

مانبي أحّد يحاتينا

مبروك علينا

.......

إحنا شعب نعاقِب

مرات مالنا صاحب

بس الشخص الواضح

اللي بالصّوت فالح

ويسوّينا يادهينَه

مبروك علينا

.....

الشعب مايبي نائبات

نتقبّل الإختيار بسكات

مانزعَل ولاإنتحلطم

ماكو شي تحطّم

هذا ماسوته

ايدينّا

راحت علينا

٣-٢-٢٠١٢

الجمعه

غيرك مافي

تبرد أطرافي

والروح دفت

لي سمعت طاريك

تظل انت المنى

وعيونك ستري

ولحافي

ماالقى اجابه شافيه

تلملمني فيك

اتم بردان

واتم دفيان

على حسّك صاحي

وغافي

وتبرد اطرافي

.....

نسمات بارده

وطعنات جاحده

....تطعن اليوف

والروح صامده

للحين معانده

.....رغم الخوف

يظل القلب وافي

وتبرد اطرافي

.....

وجودك معنى الوفى

وجودك هو صفه

...تتوصّف فيها الليالي

الخفوق مااكتفى

والقلب عفـــــــى

.........لإنّك غالي

وهذا كافي

وتبرد اطرافي

............

لأحاسيس التجمّد متصوّر

ماني أبد متهوّر

.....أحبك بإقتناع

الروح وياك تنوّر

والقلب منك متعوّر

......ويفداك ماضاع

غيرك مافي

وتبرد اطرافي

.......

ترتعش الحنايا وأحبّك

مُنيتي أبقى قربـــــــــــك

..بس آآآخ ..يالأيّام

تغلبني وتغَلبِك

تصعّب علي دربك

.......وتحطّم الأحلام

وتكسر مجدافي

تبرد اطرافي

...

٢١-١-٢٠١٢

السبت

اوتار طائفيّه

الموضه العزف عالاوتار الطائفية

الكلام سئ واللحن قام ينشّز

لاتهنينا بلحن ولاتهنينا بأغنيه

الكل بالمعاياة والنشاز متحفز

تدرون ياناس شنو وحده وطنيه

يعني التفاهه والفوضى ماتلفِز

احنا بنعمه والله عطانا هديه

نبي حوار هادي ماينرفز

اخذ نص الكلام واترك باجيّه

ليمتى الواحد يلمّح وينقّز

نبي بس ترحمونا شويّه

كافي فتن ولويه وتعنطز

ليش هذا وليش هالأذيه

ليش هالافلام وليش هالتجمبز

الطائفيه تحتاج وقفه رجوليه

مايصير الكل ساكت ومتنعّز

لايصير العزف عالاوتار الطائفيه

ترى هاللحن والله بدا ينشّز

ياحكومه تكفين

اذا كنت مواطن يحترم الانظمه والقوانين

مااحب السياسه مااشارك ابد باعتصامات

مااقول هذا بواق وهذا حرامي لعين

ولااتحجى عن وزراء ونواب ونائبات

شنو جزاتي ياحكومه قولي تكفين

قوليلي قبل لاأستخف قوليلي زتات

انا مواطن صالح ماأسولف بالدواوين

ماأصفط غلط ماأطوف حتى الاشارات

ماأعرّض نفسي للويه وجيم وسين

ماأشوف أخبار مااتابع مسلسلات

ياحكومه انا مواطن انطع من الدارسين

منهنه غير شكل وأقط قطّات

قولي شتبين اصير .. قولي شتبين

ماقلت ابي اراضي ومليون وسيارات

المفروض تعطين كادر للراكدين والمخلصين

اللي يمشون يم الساس بهدوء وسكات