Tuesday, September 4, 2007

المنتخب


إلا ابسأل شاخبار المنتخب ؟
للحينه بطل الخليج والعرب ؟
شاخبار المنتخب
خلاص راحت أيام جاسم يعقوب
خلاص ماراح تفرح القلوب
ولاراح تعلمونا شالسبب
إلا بسأل شخبار المنتخب ؟
اتحاد الكره صار بالتوريث
لازم اللي يرأسه غثيث
واذا ماخليتوه يخرّب
يختار حتى المدرّب
حتى بالكره حقنا انسلب
إلا بسأل شاخبار المنتخب؟
صج!! عندنا محترفين بالبرازيل
صج !!منتخب ألمانيا علينا يعيل
صج!! اسعار لاعبيننا بالملايين
صج!! خذنا كاس العالم مرتين
صج !!على ارضنا رونالدينهو انغلب ؟
الا بسأل شاخبار المنتخب؟
الرياضه أصبحت فن وإدارة
الانديه صارت منبع للتجارة
ليش متخلفين سنين لورى
ليش فضايحنا أشكره
انا اسميها قلة أدب
إلا بسأل شخبار المنتخب

43 comments:

qesat_5ayal said...

سلام الله على المنتخب المسكين

3atreis said...

.,


الحال من سيء إلى أسوأ .,
وبكل خسارة في سجل خيبات المنتخب
يسوون عفسه وحالتهم حاله
ولقاءات وراح نحاسب .!
ولافتات عند الاتحاد .!


فلان وعلان لو يرفعون ايدهم
من المنتخب احنا بخيير .,

وفيه شي ثاني يضحك
سالفة البرازيل والبرتغال
حاولت اهضمها ما قدرت .,


.,
\

أنصحك براك انك تترك عنك المنتخب وهمه
وتابع نجاحات
أحمد منير في الكراتيه
ومحمد الغريب في التنس

شي يبرد القلب و يفرح الواحد
انك تشوف نجاحاتهم على مستوى عالمي ..

..

رسالة لمنتخبنا العزيز

كل مره أقول ماراح اشوف لعبكم
لكن هي دقيقة والقى نفسي قبال الشاشة

والله نحبكم
وعندنا أمل انه يتغير الوضع
بفعل لاعبينا وليس الاداريين


.

Barrak said...

qesat_5ayal

سيدتي صاحبة التعليق الاول
حتى بهذي بعد صرنا مساكين
ماخلوا لنا شي
اتعلمين سيدتي سبب كتابتب لهذه الكلمات هو تقرير من الاتحاد الانجليزي لكرة القدم
ذكر بان اسباب التطور الرياضي الواضح في كرة القدم الانجليزيه
هي كالتالي
- النهضه الكرويه الانجليزيه كانت باموال روسيه امريكيه
فقد استثمر العديد من التجار الروس والامريكان وكذلك الصينيين والتايلنديين في الانديه الانجليزيه
- مداخيل دوري الدرجه الممتازه تدخل مباشره في حسابات الانديه الانجليزيه وليس الاتحاد الانجليزي

وهناك اسبابا اخرى
عشان جذيه من حرتي كتبت هالكلام

Barrak said...

3atreis

صح لسانك
فعلا فلان وعلان لو يشيلون ايدهم ويرفعونها عن المنتخب راح نكون بخير
بس مستحيل تدرين ليش
لان المنتخب يرز ويخلي الناس تصفقلك وتوصل مواصيل مايوصلها احد بقول واحد
انا تارك المنتخب من زمان والدليل اني اسال عن اخباره
انا اخر مباراة تابعتها للمنتخب سنة 2000
وبس حرمت
بالنسبه لابطالنا احمد منير اولا
ومحمد الغريب ثانيا ومنتخب اليد للشباب وايضا الرمايه

بالنسبه للكراتيه والتنس تلك الالعاب فرديه حتى لو كانت الادارة سيئه فالانجاز بيد اللاعب عشان جذيه اهم رافعين روسنا
مره من المرات سالت السيد عادل الغريب بطل الكويت السابق في الاسكواش وشقيق السيد عبدالرضا الغريب رئيس الاتحاد الكويتي للتنس
لو محمد الغريب مايصيرلكم جان بيوصل هالمواصيل بمشاركاته العالميه
قالي ايه
قلتله مااعتقد

bydvsj said...

راحت ايام المنتخب المرعب ايام العز والمجد :(

وما ادرى لى متى على هالحاله الرديه

والمسئولين للاسف ما همتهم ديرتهم كثر ماهمهم المنصب والفلوس

وبس تعبنا وملينا لى متى؟؟؟

Barrak said...

Noor

راحت ايام كل شي حلو

خلاص
الوضع اليديد جذيه
اعتقد لو اتيمّع انا وعيالي ونباريهم راح نفوز عليه 2 صفر
وخشيم الفار بيحط قول وانا قول

magnoonah said...

احنا عندنا منتخب



كان زمــــــــــــان


ولا اقول ردد

ياليل ما اطولك

kuwaitya_7saweya said...

راحت ايام المنتخب
راحت ايام العنبري وفتحي كميل والدخيل
اللي حتى بنغلادش اغلبونا والله حاله
فشله
وصح لسانك

عيون الحب said...

بعد مارديت عالبوست اللي قبل
سويت رفرش لقيت هالموضوع

ماعندي شي اقوله في هالبوست
بس راجع البوست اللي قبله ورد علي لوول

امبراطـــورة اشعاري said...

صباح الخير اخوي براك..

شلونك عساك بخير..

انا اقولك اخبار المنتخب هذه اخباره

يامتكتك..الكاس لك..

لك وحدك.. من غير شك..
أووووه يالأزرق..

واوووووووه يا شينهم

وربك كريم :))

enter-q8 said...

شخباري كرة قدم
اللحين الناس بالكويت تغيرت يالبرك
اللحين الناس تتابع كرة اليد
اللعاب القوى
الكراتيه
لا انت صرت رجعي حيل

مالومك يالبرك مو منا من خمال المنتخب

ذكرتني بايام قبل شوف هالتصميم

وسع صدرك مع أحمد اليوسف

عالية said...

صح لسااانك

صج الدنيا دوااااااااااارة

Unknown said...

يا سائل ترى الاخبار ما تسر
ووزير الشوؤن عسر
والاندية تلعلع وتطر
من الديوان وكل ليوان تنتظر
شوية دنانير والغريب ان فلوس القادسية نفس النصر
وين التطور بالرياضة
مدام الجل على راس لاعبينا يقطر قطر

Barrak said...

magnoonah

قول لزمان ارجع يازمان

الا يامرحبا بش

Barrak said...

kuwaitya_7saweya

اي والله راحت
بعدين من وين مطلعه منتخب بنغلادش
لاتظلمينهم اصلا مايتنزلون يلعبون معانا

Barrak said...

عيون الحب


اصلا مايصير تردين على هالبوست
هذي امور كويتيه بحته
هههههههههه

Barrak said...

امبراطـــورة اشعاري

صباح النور هلا اختي

يامتكتك
الكاس مو لك
ولا لك وحدك


اي والله اوووووه

Barrak said...

Enter-Q8


ياحلو هالطله والله
انا مو وايد رجعي
بس اهوا استفسار برئ
شخبار المنتخب
مجرد سؤال

ووسع صدرك

Barrak said...

عالية

اهلا بك سيدتي العزيزه

اي والله الدنيا دواره

Barrak said...

Mishari

ياسلام
ياكتور ياشاعر

احوالنا تخلي الواحد غصب يشعر

عيون الحب said...

افاااا يعني تعدني غريبة عنكم؟
جي زعلت
اهئ اهئ
لووووووووول

Barrak said...

عيون الحب

لا والله منتي غريبه
انتي اخت عزيزه
بس انتو على الاقل فزتوا بكاس الخليج
يعني ماوصلتوا مرحلة الانحدار

احنا صرنا وين ياخلاف

يعني الواحد مايتغشمر

شو

عيون الحب said...

هي مرة وحدة اللي فزنا فيها
بتحسدونا عليها لووووووووول

اي ادري انك تتغشمر
وانا بعد اتغشمر معاك

خو مايصير؟

Dana__23 said...

براك .. ضربت عالوتر الحساس :(
منتخبنا عليه السلام رااااااح ..
من أسوأ إلى أسةأ للأسف ...

الله يكون بعونا :(

Barrak said...

عيون الحب

عليكم بالف عافيه

Barrak said...

Dana__23

تدرين شنو المشكله

المشكله انه اللي متولين موضوع الكره بالاتحاد مالهم علاقه بالامور الاداريه او ماعندهم خبره رياضيه

على سبيل المثال رئيس اتحاد الكره الالكاني او بالتحديد المسئول عن الامور الاداريه بالاتحاد الالماني لكرة القدم
حمل كاس العالم مرتان وله خبرات اداريه وكرويه
حتى على المستوى العربي رئيس هيئه الشباب والرياضه في مصر من دكاترة القنون يعني فيه خبره اداريه على الاقل
الحبايب اللي عندنا
مايعرفون تلت التلاته كام
وسلامتك

Om Jaber said...

sheno e7na 3endena montakhab?? wain? meta? ay9oob? ;p

Shaima'a Alkandari said...

المنتخب شخبااااااري صار عليه غبار

قبل كان في منتخب ولاعبين تحس انهم صج لاعبين


الاول تحول


الحين في اسم منتخب بس من غير شي

برنسيس إيكاروس said...

أخي العزيز
شكرا لمرورك على مدونتي
كلنا يا أخي صغار .. كبار .. نحب الكويت ونطلب الإصلاح والصلاح لديرتنا الحلوة
هناك خلل في كل شيء وهذا ما نطالب به كمواطنين غيورين على الديرة وأهلها
أن يتعدل هالخلل
الديرة متروسة خيرين وصالحين وشباب رائعين مثلك ومثل إخوانك أصحاب المدونات وبالتالي أكيد سوف تتغير الأوضاع المقلوبة و تأخذ وضعها الصحيح
بس شوي شوي
نحن نأمل ونتفاءل
لأن الإصلاح والقضاء على الفساد لا يكتمل بيوم وليلة
أكرر شكري
ومبروك المدونة
مودتي
منى

فريج سعود said...
This comment has been removed by the author.
فريج سعود said...

الي منقهر عالمنتخب ما عنده سالفه
فريق كله يهال الكلمة فيه حسافه
مافيه صاحي من الفراش لي الرئاسه
ديرة بكبرها خراب
وانت تسال شاخبار المنتخب؟

sologa-bologa said...

أول شي
سلامات على البلوق
اشسالفة حركات الحرمنة البلوقية
!!

سمعت خبر من مصادر
غير موثوقة ويا خوفي تصير
موثوقة
إن اتحاد اليد بحطون عليه
واحد من الأخوة اياهم

الله يستر


ودمتَ بحب وود أيها الشاعر

Barrak said...

Om Jaber

بصراحه قدرتي تقولين اللي انا مقجرت اوصله

يسلم فمّك

Barrak said...

Shaima'a Alkandari

ههههههههه

حلوه صار عليه غبار

الظاهر كل شي فيه امل قام يغبّر

يالهوتي عليج ياديرتي

Barrak said...

برنسيس إيكاروس

اولا
شرف لي وجودك بمدونتي المتواضعه
ثانيا عندما ادخل لمدونتك فانا ادخل لعاصمة الفن
ماله داعي الشكر

كلامك مفعم بالأمل

والله العظيم نحبها ونموت فيها
بس الامل كل يوم يموت
والشباب الخيرين موجودين
بس هناك نقطه
احنا شعب فوق طيبتنا وايد حساسين
ليتهم يفهمون هالنقطه

اشكرك سيدتي الراقيه

Barrak said...

فريج سعود

يعني مايصير اسأل
يااخي مااتابع كره محليه
من حقي اسأل

احس انه فيك واهي
شوف انصحك بما ان رقمك السري سهل
تحمل عيل

لانه كلامك القوي يبيله باسوورد قوي

هههههههههه

حياك الله اخوي العزيز

Barrak said...

sologa-bologa

الحرمنه البلوقيه اسلوب جديد
احسن من الفضايح بالجرايد

دش المدونه واقمت الباسوورد
وشيل ده من ده يرتاح ده عن ده

عيل انا بقولك شي من مصادر موثوقه

ترى الاخوان اياهم بيجي يوم اذا ماقلت قبل اسمهم العم فلان راح شسمونه

والا ماني قايل بصراحه عيالي يبوني

DiLLi O MiLLi said...

أييييه يا براك
شقول شحجي
منتخبنا دوم عليه تسلل
من بو فهد وبو تركي
الجماعة كثرت فاولاتهم
والحكم قاعد يطوف لهم
عصب وتنرفز عليهم الجمهور
بس فكرة الطلعه في بالهم ما تدور
أثنينهم يباصون الكره
وعن المرمى تطلع بره
وييين أمنية الجمهور
وييين الكرت الحمر
وييين صاحب الأمر
بس يوبا فارجونا متنا
أعنبوكم لاحيا ولا مستحا
لا بطولة ولا كاس
منتخبنا دوم يطلع منحني الراس


ياااا براك
السكوت ابرك

Barrak said...

DiLLi O MiLLi

اهلا بك سيدتي

اشكر وجودك وبصراحه كلامك اختصر الوضع الكروي الهزيل بصوره هزليه جاده رائعه

اي والله ضعنا من هالباصات
صح لسانك

aaaaaa said...

صح السانك

Barrak said...

انور عبدالله

صح بدنك واشكرك على زيارتك الاولى
سيدي الراقي

Om Jaber said...

ee wallah dodahtony 7asabt ba3ad 6ala3lena montakhab min om thanyah wana madry ;p

Barrak said...

Om Jaber

ماعندنا الا هالمنتخب بمساوئه العظيمه

حلوه من ام ثانيه
هههههه