Thursday, May 26, 2011

لازم أحبّك



لازم أحبّك

عشان قلبي يِدِق

لازم أحبّك

عشان ما أحترِق

حبّك ونس لي

حبّك أريَحْلِي

لو ماأحبّك

أحس أنا وروحي

نفتِرِق

لازم أحبّك

عشان قلبي

يدق

....

إنت الحياة بالنسبه لي

لو رحت ... الرّوح تِبتِلي

أحس اليوف يبرِد بليّاك

ماأعيش بغير نسايم هواك

إنت الهوى اللي أتنسِّمَه

من غيرك

أختِنِق

لازم أحبّك

عشان قلبي

يدق

٢١-٥-٢٠١١
السبت

Saturday, May 7, 2011

ثقافة النجره



اهو بس خبر يحطونه نطيحله نجره

 بس سالفه تشبعنا شماته ومعايات

لغة الحوار ياعمي روح اطلع برّه

ماعندنا شي اسمه ثقافة الإنصات

لو ايتعرجب واحد بشارع بالبصره

 انتداحر وتشتغل الإستجوابات

لو بقي يدعم بعير بجزيرة سومطره

راح تختلف المعايير والولاءات

موضوع اسمع رايك  انتهى أمره

اللحين زمن صراخ ووعيد وتهديدات

لو يزلق ياهل بالنقره نطيحله نجره

ولو يعتزل ميسي  نطيحله معايات