Tuesday, September 18, 2007

غيمتين ونجمه






بين غيمتين ونجمه

ونهار ناسيه همه


أبرسم احساس


او يرسمني


ابي ألم الناس


وتلمني


كذا لمّه


بين غيمتين ونجمه


...


ماهو ضروري اكون رسام


انا كل كلي الهام


القلم يصير ريشه


والورق ينثرلي الوان


و حولي نور وظلام


ماهو ضروري اكون رسام


لاجل اصور بسمه


بين غيمتين ونجمه


.....

هوى يسري باعماق صدري


ارد النسم واشهق بعمري


من جمال هاللحظه اذوب


تخضر حولي دروب


كل مااختار درب


تنولد لحظة حب


شاللي صاير ماادري


كل مااعرفه بكمّل هالرسمه


بين غيمتين ونجمه


....


اسمع حس امطار تنادي


كل قطره تعطر فؤادي


ناس من المطر تحتمي


وانا بالمطر ارتمي


للاسف ماقدروا هالنعمه


بين غيمتين ونجمه


17-9-2007
Trouville

50 comments:

فريج سعود said...

انا باعلق هني على البوست الي هناك مال مانبي طراقات
عجييبة والله جنها وصيه الابو حق عياله بس وين الي يحترم
المهم انت رايح باريس مو القصبة لا تقاطع علبو مسافر
تروح وترد بالسلامه
بس تدري ان اوربا رافعين حالة التاهب الى البرتقالي ويقول لك في تهديدات قوية هالمرة وسمعت انهم مكتشفين ان القاعدة يبون يعيدون سالفة 911 لانهم يعتقدون ان محد يفتكر انهم يستخدمون الطيارات في الارهاب مرة ثانية بس هالمرة باوربا
بس ولا يهمك انت اخذ وياك قرآن
والله الحافظ

kuwaitya_7saweya said...

يه يه
اول وحده تعلق على البوست اليديد
طبعا بعد فريج سعود اللي معلق على بوست قديم

احساسك عجيب
والله يعيشني بجو مو طبيعي
عساك عالقوه وصح لسانك
ويعطيك العافيه

kila ma6goog said...

يا معود درجة الحراراة 55

أي غيمتين أي عماة عين

طاحوا بجبدي هدوم الشتا

بـوبـحــر said...

رمزيه جميله لشاعر المهجر ....

حلو اني اشوف شاعر يحب الرمز وحلو
اني اشوف رمزيه شبه شعبيه

استاذ وانا تلمذيك

Ealaf said...

إلى أي آفاقٍ نقلتنا مع تلك الخاطرة ..

أحب مناجاة الطبيعة , والتقرب منها , فكم هي رحبة وجميلة

عَـــــــــــــذبه said...

هوى يسري باعماق صدري
ارد النسم واشهق بعمري
من جمال هاللحظه اذوب
تخضر حولي دروب
كل مااختار درب
تنولد لحظة حب
شاللي صاير ماادري
كل مااعرفه بكمّل هالرسمه
بين غيمتين ونجمه

اسمع حس امطار تنادي
كل قطره تعطر فؤادي
ناس من المطر تحتمي
وانا بالمطر ارتمي
للاسف ماقدروا هالنعمه
..
..
..
مبارك عليك المطر..
..
كعادتك..تمسك بيد القارئ ببساطة..
تصحبة .
منذ بداية الفكرة..والى نهاية جذابة....

بلغة سلسة. تشبه الهمس الحميم

.بلا تكلف..

انا هنا تنفست الغيم والمطر.. والنسيم البارد
واحسست اني عاشقة.
.احب باريس
و الناس و المطر و المظلات
المقاهي على الرصيف..
واسطح القرميد.
..
الكرواسان الساخن و الاكسبريسو اللاذع
..
احببت الدنيا اكثر..في.. هذا النص ..

..
انت هنا جميل. يابراك...وتستحق..كل هؤلاء المحبين.. و اكثر
..

دمت بخير

Aldenya said...

هوى يسري باعماق صدري
ارد النسم واشهق بعمري
من جمال هاللحظه اذوب
تخضر حولي دروب
كل مااختار درب
تنولد لحظة حب
شاللي صاير ماادري
كل مااعرفه بكمّل هالرسمه
بين غيمتين ونجمه


الله عليك يا شاعر الإحساس

Shaima'a Alkandari said...

برااك واخيرا لقيت بلوقك

مبارك عليك الشهر ياخوي

وبعلق على الغيميتين والنجمه


اسمع حس امطار تنادي
كل قطره تعطر فؤادي
ناس من المطر تحتمي
وانا بالمطر ارتمي
للاسف ماقدروا هالنعمه
بيت غيمتين ونجمه

الله عليك ياخوي حروف جميله نثرتها لنا

وتحت الغيوم سنجلس لنستمتع بحروفك وستكون النجمه نورا يضوي طريقنا

مبدع ومتميز

الـفــــجـــ الــبـــعـــيـــد ــــــر said...

ها تاُثير فرنسا عليك يا برااااك

والا نحن ماعدنا غير لفحة الشمس اللي تحرقنا

قواك الله

mtfa2el said...

يا سلام و الله كلك الهام يا براك
بس احمد ربك بفرنسا بهالجو الحو
مو احنا بالحر و كل ما فتحنا التلفزيون طلع لنا برطم داش عرض
ولا طراق طاقه بتوين
ترجع بالسلامة ان شاء الله

Barrak said...

فريج سعود

هلا فيك اخوي
وليش ماعلقت عند البوست مال الطراقات
عموما وجودك باي مكان يشرفني
انا في باريس وبكره في جنيف اذا الله راد
صدقني مااقدر اقاطع بس للظروف احكام
بالنسبة لموضوع الارهاب بالعكس ماشفت منهم اي شي قمةالاحترام والذوق
ومن حقهم يفتشون ويسوون اللي يبونه
برتقالي اصفر وردي انا قاعد عندهم
والله يحفظهم من كل شر ويحفظنا
القران موجود معاي وناوي اختمه اذا الله راد قبل الوصول

Barrak said...

kuwaitya_7saweya

لي الشرف بوجود تعليقك الاول سيدتي
شلون مااعيش الجو وبيني وبين بحر المانش شبرين


الله يسلمج ويخليج ويعافيج

Barrak said...

kila ma6goog
هذي ثاني مره
اخاف انك عند مشكله بالخيال
يبيلك دوره هني وترد اوكيه

والا الظاهر حرة هدوم الشتا مأثره عليك
ههههه

شوف الشباب والشابات العموم عاشوا الجو

Barrak said...

بو بحر

مره وحده اعر المهجر
انا شويعر اتتلمذ على احساسك الراقي استاذ

Barrak said...

Ealaf

انقلكم الى افاق جديده
ابعد من حدود الغيوم والسماء

اريد لكم الاستمتاع بهذا المنظر كما استمتعت انا بتلك اللحظه
اسعد بوجودك
كلامك يخلق باعماقي فرحه راقيه تشبهك

Barrak said...

عَـــــــــــــذبه

اشكرك سيدتي
مبارك علينا وعليك
لو بيدي اخذت نمونه من المطر ونثرتها على شواطيك العذبه
سيدتي
هل فعلا كلام براك يفعل كل هذا
منذ ان قرات عزفك اقصد تعليقك وانا مبتسم
هل كل هذا حصل
لااملك الا ان اشكرك
شكرا من القلب
اسعدني نقدك الراقي لكلامي

Barrak said...

Aldenya

شاعر الاحساس مره وحده
وبوبحر يقول شاعر المهجر

انا شويعر
لم اصل لمرحلة الشعراء

الاحساس يبدأ من عندك
لانك دنيا الاحساس

اشكرك

Barrak said...

Shaima'a Alkandari

شسوي بعد حاولوا ان يبعدوني عنكم
ولكن لان فيكم الخير ولانكم اخوه اعزاء على قلبي
ربي جمعنا مرة اخرى رغم انف المعتدين

سأحاول ان استعير غيمة اجلبها معي للكويت لكي تستمتعوا بهذه النعمه التي نفتقدها هذه الايام
يقولون المطر بالكويت بيتأخر
الله يعين

Barrak said...

الفجر البعيد

طول ماانا هني بابقى متأثر هايم حالم
هني مكاني
هني الكل احتواني
اشعر بغربه عندما اغيب عن مدينة الاحاسيس

اه يافرنسا اه

Barrak said...

mtfa2el

تصدق جو رمضان مو موجود هني ولكن بعض اخلاق الاسلام القاها موجوده
كلمة بونجور وبونسوار باي لحظه ومن اي شخص
احس انه واجب على كل فرنسي ان يسلم على الاخر
والرسول الكريم يقول افشوا السلام بينكم

احترام القانون
العموم يحترم القانون ويعتذر لاي سبب
قال الله تعالى وانك لعلى خلق عظيم

تبقى هناك امورا سلبيه موجوده بهم لانهم لم يفقهوا بتعاليم ديننا الحنيف
وعندنا ناس اول شي يسونه يطولون اللحيه وياكثرهم بمجتمعاتنا
وافشاء السلام غائب والاخلاق غائبه ونحن في بلد بكل قطعه بأي منطقه يوجد اكثر من مسجد
ديننا الاسلامي يحث على الاخلاق والسلام واحترام الغير
ونحن نتفنن بتقصير الدشاديش
ماادري شفيني دشيت عرض
وجني بدش بالطوفه
بس والله شي يحر
في فرنسا مايعرفون شنو الدين ويطبقونه
واحنا عندنا مليون لجنه خيريه وسلامتك نود لك سلامتك

خلني اروح اجابل المانش احسن لي


اه يابلد

charisma said...

براك ولهت عليك
الله عجييبه يا براك
كنت متاكده بدش بلقى كلام استمتع فيه

كل مااختار درب
تنولد لحظة حب
شاللي صاير ماادري
كل مااعرفه بكمّل هالرسمه
بين غيمتين ونجمه


الله الله برااك ابدعت فيها
كل ما اختار درب تنولد لحظة حب

يا سلالام عليك
شقووولك يا ربى مانى لاقيه كلام يعكس احساسى بالى قريته

حافظك الله وعسااك يا خوى دووم مستانس ومرتاح

ومن عواده

Q8DOLL said...

اي مالومك يطلع منك هالكلام الروعه
الجو هناك اكيد خلاك تبي تلم الناس وتلمك
:)
تحفه يا براك
متى الوصول انشالله ؟؟
شكلك ما ودك

حنطفيس said...

قصيدة رائعه

شكرا

فريج سعود said...

حسافة ما خفت
بغيت اخرعك لما عرفت انك تخاف من الطيارة
ولا كل الي قلته جوكينج
حافظك الله

Kuw_Son said...

والله الناس ما تقدر المطر ..

صح لسانك ..

Selezya said...

Yaa salaaaaaaaaM

من قلب وااااو

خاطرره جميلة جداجدا جدا

ماشالله عليك وعلى هالالهام

:)

يعطيك العافيية

The Voice Within said...

مبارك عليك الشهر ولو ان بتناصف


و مسكّت البوست مثل العادة


الله يزيد افراحك

mtfa2el said...

براك يا الغالي خلها على الله
هني الناس بس يبون يتهاوشون على بو صايم لحد يكلمني
ما يدري انه الصيام اصلا يربي الأخلاق
قبل لا يمنعك من الأكل
لا و ابشرك واحد من نوابنا الخبول- أول حرف من اسمه صالح عاشور - مقترح زيادة بالمعاش حق الموظفين عشان الجهد الإضافي بشهر رمضان !!!
بالله شتقول حق هالمتخلف ؟؟

Barrak said...

charisma

توله عليج العافيه
وبصراحه انتي عليج غياب
ولازم تدفعين الغرامه باليورو او الفرنك السويسري

طول عمري عندي حلم اني ارسم وللاسف انا فاشل بالرسم لان الرسم يحتاج لموهبه افتقدها
والمنظر الذي رايته كان يجب ان يرسم فحولت القلم الى ريشه والورقه الى لوحه
اتمنى اعجبكم هذا الرسم المغلف بالشعر ان صح التعبير
ياحلو دعاؤك
باااااااارد ابرد من الجو هني
اشكرك

Barrak said...

Q8DOLL

انا كنت بلمهم ولكن اللي وقفني شغلتين


اولا
ان الناس رمضان وانا صايم

ثانيا

كانوا وايد يمكن 400 نفر لو اقعد سنتين مااخلص

هههههه
مرات الانسان من فرحته وراحته وده يلم الناس وتلمه
يمكن انا اشوفها جذيه ماادري

بالنسبه للعوده المفروض اني اكمل رمضان هنيه
بس خشيم الفار قط علي نغزه
خلاني احترم نفسي واعزم بامر واحد احد ارجع الجمعه القادم

Barrak said...

حنطفيس

وجودك هو الرائع

شكرا لك

Barrak said...

فريج سعود

ترى والله صج مو غشمره انا اخاف من الطياره
ومن قالك ماخفت الا تبريدت

Barrak said...

Kuw_Son

صح بدنك

المفروض ناخذهم بجوله سياحيه عندنا
عشان يحسون بلذة المطر


اشكرك على وجودك

Barrak said...

Selezya

اشكرك سيدتي

مو مني من تروفيل

وجوها

Barrak said...

The Voice Within

علينا وعليك

وربي يزيد افراح افراحك

مشكوره

Barrak said...

mtfa2el

اخوي الحبيب
انت ناوي علي شكلك
كلامك صح
وانت صح
جم واحد صيامه هذب اخلاقه
جم هوشه صارت عند الاشلره او عند لفة فوق تحت بيت الساعه التاسعه صباحا والرابعه عصرا

بالنسبه لموضوع صالخ عاشور
انا هالريال احترمه وايد اول مانجح
بس اللخين الله يهداه ماادري منو قايله اللي يقدم 4 اقتراحات بالمجلس احتمال يصير وزير
اللحين انا بجنيف وانت تقولي صالح عاشور
الله يسامحك

`~MnO YeNSa! ~` said...

mashllah 3alaik bel3afya ,, 9ej 3ayashtni eljaw o elmu6aar o ba3ad re7taa (madri i smell the rain P ) o i really feel it as real o the cloudy sky mashaaaaallaa 3alik , etha aba9aif esena kanat paris jawha wayd 7elw `3air 3n baji elsneen fa allah ehaneek there , ewansek methel ma khalitni atfa`al mn your poem ..(ra7 takseb feni ajer cuz rm`6aan )

mtfa2el said...

اي و الله يا براك
قاعد بهالبريدات و الهوا الزين يا الله من فضلك و اذكر بمجلسنا و صالح عاشور و سعدون حماد
حق الحارج و الغثى !!
انساهم يا معود و استانس و تهنى بصيامك و تقبل الله
بس نبي بوست عن سفرتك و الإنطباعات اللي شفتها
و ترد بالسلامة ان شاء الله

شبكة الحوار الليبرالي said...

تتشرف شبكة الحوار الليبرالي, باستضافة النائب علي الراشد , ليتواصل مع الأعضاء ويجيب على تساؤلاتكم واستفساراتكم حول قانون الأحزاب الذي تقدم به النائب

نستقبل أسئلتكم على مدى اسبوع كامل ابتداءا من اليوم الخميس 20 - 9- 2007
وحتى تاريخ 1 - 10 - 2007

للأشتراك

www.secularkuwait.net

شبكة الحوار الليبرالي said...

تتشرف شبكة الحوار الليبرالي, باستضافة النائب علي الراشد , ليتواصل مع الأعضاء ويجيب على تساؤلاتكم واستفساراتكم حول قانون الأحزاب الذي تقدم به النائب

نستقبل أسئلتكم على مدى اسبوع كامل ابتداءا من اليوم الخميس 20 - 9- 2007
وحتى تاريخ 1 - 10 - 2007

للأشتراك

www.secularkuwait.net

Sowhat said...

كلمات لعبت لها فأفرت بها معاني اكثر من ان تتحمل ان تحتويها

كلمات رائعة من شخص اروع

تحياتي

Barrak said...

منو ينسى

اعجبتني هذه الجمله
منو ينسى


اشكرك سيدتي
ومن استطاع ان يعيش بهذا الجو الذي جعلني اشتم رائحة المطر وانا ارسم هذه الحروف
هو فنان بمعنى الكلمة ليس لان ماكتبته كان جميلا لا
لان خياله العذب كان رقيقا

انور عبدالله said...

بين غيمتين ونجمة اشوف اسمك يا براك

ادام الله قلمك

Enter-Q8 said...

اسمع حس امطار تنادي
كل قطره تعطر فؤادي
ناس من المطر تحتمي
وانا بالمطر ارتمي

ناس ما تقدر يالبرك

يا اخوي عيشتني بجو الصراحه
خصوصاً

اسمع حس امطار تنادي

ايه يالبرك

Barrak said...

mtfa2el

بانساهم وبنسى من حطهم وسواهم
وان شاء الله راح اعطيكم التفاصيل اول بأول

Barrak said...

Sowhat

الرائع هو انت
والاروع هو وجودك
كلامك سيدي قبل ان اقرأه
اترنم بمعانيه

اشكرك

Barrak said...

انور عبدالله

بالله عليك كيف اكون انا الغيمتين والنجمه وانت انور

قولي شلون تصير بس وانت مصدر النور

اسم على مسمى

Barrak said...

Enter-Q8

لانك فنان تحس بحس الامطار

لانك راقي تهزك الكلمات البسيطه

اشكرك
استاذي العزيز

`~MnO YeNSa! ~` said...

مشكوور و هذي الحقيقة مشالله عليك و الله انتعلم منك الاحساس و العذوبة و البساطة الممزوجة بين حدود الواقع و اللا نهاية بالخيال

Barrak said...

`~MnO YeNSa


على قولتهم
ماعليج زود

تسلمين
وانا ماقلت الا الصج