Thursday, December 27, 2018

مبينه



ابد ماكانت لحظات الفراق هَيْنَه

تذوّب الروح باليوف وتَنْثُر آلامه

آثارها بالفاد  بالعين مبينه

تنهي القلب وتحطّم  أحلامه

 تموّت تخنق كل لحظه حنيْنه

كلنا مايشوف غير موته جدامه

فيها رماح العذاب تهل متزينه

الكل يتفقّد شي ضاع بايامه

الفرح بعيوني الدنيا تشيْنه

والسواد يتسيّد الماضي وأوهامه

Wednesday, December 5, 2018

حراقه



دموعي يانظر العين تراها  حراقه

والشقا اللي برويحتي ماصار

 ماأدري متى ويا الهنا  انتلاقى

 ياحيف قلبي  غابوا عنه الخطار

شلون ماأموت ومكتوب علي  فراقه

شاتنسم وباليوف  لواهيب النار

شبقى بانسان عمره الهنا ماذاقه

شبيشوف  وعينه مااحفظت  اسرار

الليل جاسي وعمره  مارحم عشاقه

 من كل صوب محاوطني بأسوار

Tuesday, November 27, 2018

ورده



ياورده

ياتلاوين الوفى 

وينابيع الموده

ياورده

،،،،،،،

عطرتي صدري .. بانفاسج

كبرتي ديره ..صرت فيها ناسج

ياندى عذب

ومن الندى أنده

ياورده

،،،،،،

بكيفه حسج .. يسرح فيني

وعلى سِيف بحرج ..يخليني

شهقة يال دفيان

حدّه

ياورده

،،،،،،،،،،،

شباجي لجل عيونج مابعته

تكفين قوليلي

يانور عيوني

مهما اظلمت دنياي

ينبض قلبي بحبج

واعرف انا ويني

مااستاحش

مااخاف

من غيرج 

ريّح روحي المنهدّه

ياورده

،،،،،،

اطق بابج دمعتي تسبقني

ارد منج مثل العشب

أمطرت عليه مطره على غفله

ووردت روحه

 برياحين

وخلت غيومه بقطيراتها

منهده

ياورده

،،،،،،


الالم يستحي مني من عرفتج

الضيقه ماتعرفني من شفتج

ياحلاة الياي 

ياحلاة دنياي

خلتني اعرف هالقليب

واعيش بين عينه وخده

ياورده

Monday, November 5, 2018

إسمع



إِسْمِعْ

إسمع

إسمع

خل سمعك لي .... يخضع 

إسمع 

إسمع 

بالأول قلبك .. يتألّم 

وصرح الصبر .. يتحطّم

ويصير الظلام .. أَظلَم

ويهتز كل مافيك

وتبحر بمحمل دموعك



هذا درس اليوم


البكي




 .......وشلون تِدمَع ....

إسمع 

إسمع 


إسمع



Tuesday, October 30, 2018

ماهقى






شبقى فيني ماحبّك ... شبقى 

روحي بعيونك .. معلّقه

بضلوعي  حنين .... الكون

بعيوني اختصارات .. الجنون

وساعات الانتظار

وشهقات اللقا

شبقى فيني .. ماحبك شبقى



.......

أسْمَعْ صوت يَدْوِي ... بصدري

وياك انشدّت اوتار ... عمري

حروفي  صارت  لك .. ممدوده

كلي إنذهل .. إنشده .. تدوده

ماهقى قلبي هالكثر يحبك

ماهقى

Wednesday, October 17, 2018

طفلي




مع الطفل اللي فيني محتاج أقعد

اتناقش وياه بكل صدق و عفويّه

بحاول افك رموز وضعي المعقّد

واطرح مواضيع الجنون بشفافيه

بداخلي طفل جرئ وخواف ويتردّد

بداخلي طفل يحتاج مناغاة وممّيه

كل منا محتاج من مشاكله يتصدّد

حرام العمر يضيع بمحاتاة وأذيّه

ليمتى دير بالك صير عاجل اقعد

ليمتى جد والتزام وشغل ومسئوليه


Wednesday, October 10, 2018

مدينه




مدينه



الحياة فيها... مستحيله



مدينه



 الخطوه بشوارعها... ثقيله



تنام على انات ناسها



وناموا كل حراسها



صاروا الحراميه حراس



وصاروا عيال ناس




وبطريج الحق .. صاروا دليله



......





اصحاب الدم الازرق ... يسيطرون



واذا انت عليهم .. ماتمون



لا تطلب اكثر من .. لقمتك



لاتفكر تشرح .. حالتك



بأي طريقه ووسيله 




....




اللي كان واثق .. قام يهَذِي



ماتوفّق الا بو لسان ..بِذِي




اللي كان يتشكّى .. سكت



واللي كان يتنفّس .. إنقمت



والشريف انهد حيله









Monday, October 8, 2018

بين الصدر والسما



بين الصدر والسما 

 مليون آه تنقال

واوتار نزلت من فوق 

 على حظي تصير حبال

ومات اللحن بالصدر

وتجتّفت الآمال


.......


أنا السهاد 

 سهّرته على كتفي

أنا الضيم 

بحضني متدفّي


  دموعي إحرقت كفّي

وياحرقة الدمع لين سال

.....


وسع هالكون صدري  

 ومالي حظ

الضياع بحياتي 

 شي وانفرض

نبض الفرح بعروقي 

عمره مانبض

لاانا قادر اعيش 

 ولاقادر احتال




Thursday, July 19, 2018

انت ولهان ؟؟


انت ولهان ؟؟

سؤال فجر بكياني 

الف ينبوع حنان

انت ولهان ؟؟

سؤال حيّرني


وعيّشني بأمان

انت ولهان؟؟



......


خله نسمه صوب الروح تمر

خله الرد يصير شهقة عمر

بعروقي انتشت فرحتي

وعلى صدري اجابه .. وصرخه

ولهان ولهان ولهان

ياكل الاكوان 

ولهان


....


Wednesday, May 16, 2018

للحين بذكراك

للحين بطرياك


 وطيورك ترفرف بالصدر

حاولت انساك

بس لك مكانه وقدر

انسى صوتك؟؟

انسى حسك ؟؟

شانسى الله يهداك 

للحين بذكراك

...


بتلقى اسمك بين الضلوع

بتلقى بين شراييني دموع

فيني صرخه وحس

فيني انت وبس

كل مافيني يتمناك

للحين بذكراك

...





Tuesday, April 24, 2018

منت سهل



عرفتك .. وتغيّرت حسبة ايامي وحسبتي

مسكت قلبي بإيدك .. ردّيتني طفل

انت غيّرت معالم خريطة .. حالتي

رسمت بقلبي للفرح مليون شكل

صرت الحضن والسند ..ضعفي وقوتي

عرفت عذوبة القول .. وسحر الفعل

شناديك؟؟ ياعمري؟ يانبضي؟؟ ياعزوتي

انت ملاك !انت سما! انت منت سهل

Thursday, March 8, 2018

مره

مُر مره

خذ هالضيقه .. وهالحسره

مر مره

هدّي امواج القهر

وسرع مجاديف الامل

بيوف عاشق ... وبصدره

مر مره


سيّر على صدري المخنوق

ترجم هذيان قليبي

كسّر اسواري حبيبي

صرح الهم فيني

تعال وكسره

مر مره

Thursday, February 22, 2018

كاني



كاني

عفت الدنيا .. 

وخليت عيونك مكاني

كاني

كل شي صوبك جرني

كل شي عندك ودّاني

كاني

رويحتي بيدي .. وجيتك

ياللي عيوني .. بويتك

لو كنت في بالي .. يمكن انساك

يمكن اتغافل عنك

بس انت .. بكياني

كاني

لو ماالقاك بروحي .. لاتتباطاني

تفز كل نبضه فيني

تسبقني لك


يااجمل معنى لدنياي

واعمق احساس احتواني

كاني

Tuesday, January 23, 2018

عيب

عيب اطلب حب 

وعاطفه واعذار

ومستحيل ارتجي

واطلب حكي

يطفي لواهيب النار

اللي بصدري لو حرقني

ماانكسر

على كثر الاسى

تعلمنا انا وقليبي

نصير كبار

نعبر فوق الالام

مثل الضوا في الاحلام

مهما يصير

مستحيل  ننهار

عيب اطلب حب

وعاطفه 

واعذار

------


مهما ارتفعت امواج الهوى

القى مواني تحضني

انا واللهفه والنور سوى

نرسم بساتين الوانها تغنّي

ونغماتنا انوار 

عيب اطلب حب

وعاطفه 

واعذار

----


شاللي يوقف احساس وفي

و يخلي الشوق يختفي

وشاللي ينهي سويلفات قمره

انا لون الهوى كاسيني

ملوني مهنيني

ولو تتغير كل احوالي

تنهمل على صدر يوفي

امل وقصايد وامطار

عيب اطلب حب

وعاطفه

 واعذار