Monday, September 10, 2007

بلاليط

هالمره راح يكون شكل الكتابة غير مادري ليش ، المهم امس رحت لصديق ضليع بامور الهاكرز وهو مصري الجنسيه جلست عنده وقلتله سرقوني ياهاني قال لي مالك يابراك يابني مين اللي سرقك قلتله القصه بالتفصيل المهم اخذ الجهاز وفحصه وبعد نصف ساعه سمعت صوته من الغرفة المجاوره يقول لي : يخرب بيتك ايه ده قلتله : شنو قالي 275 واحد باعثلك مادري شنو سماها بالانجليزي والخلاصه انه فيه امر من اكثر من هاكرز بعثولي سم للكمبيوتر او فايروس من مميزاته انه اي باسوورد احطه ينبعث ايميل الى الحبايب يعني اهم حاطين ريل على ريل وتوصلهم الايميلات واحد تلو الاخر
وانا قاعد اقول باقوا ايميلي وبلوجي زين ماباقوا فنايلي اللي بالكبت
كل هالكلام اقوله لاخواني اهل البوجرز ديروا بالكم موتستانسون لما تشوفون التعليقات عندكم بالهبل ترى فيه ناس قاعدين لكم قعده
اللهم اني بلغت
ثانيا
واحد من الربع توه راد من السفر من لندن مع واحد ثاني مسمينه الملقوف الريال مايعرف ولاكلمة انجليزيه المهم راحوا ماكدونالدز جان يقول الاول العاجل حق الملقوف لاتتكلم خلني اطلب لانك بتفشلنا قاله الملقوف لا لازم اني اتعلم واللغه يبيلها جرأة المهم قام الحبيب بصوت عالي قال
one cheese burger without cheese
التفسير الحبيب الملقوف يبي همبورجر من دون جبن
راعي المطعم قاعد يطالعه ولا تكلم ولاكلمه صاحبنا راح اقرب مكتب حجز تذكرتين ورد بالسلامه
ثالثا
واحد من الربع ثاني يسولف سالفه عن صاحبه اللي مايدرون شلون تخرج من الجامعه وصار مدرس عربي طبعا اكتشفت ان الموضوع اللي بقوله صار نكته وبدا ينتشر عن طريق المسجات
يقولك صاحبنا المدرس يملي على الطلبه
ذهب سعيد إلى السوق يوم الثلاثاء
سأله الطالب : استاذ همزة الثلاثاء على الألف او عالسطر ؟
قال المدرس : خلوها الخميس
رابعا
مبارك عليكم الشهر
الأثنين
10/09/2007

59 comments:

SolaimaN said...

لوووول

يا زتلي سالفه الخميس

علينا وعليك انشالله

Barrak said...

SolaimaN


ههههههههههه

الحبيب لي الحين الناس مو مصدقه انه متخرج
انزين دام انك ماتفهم شكو رايح تدرس لغه عربيه
ليش ماتدرس ألعاب
شخباري العاب
لا ليش ماتدرس تربية رياضيه على الاقل مافيها اسئله محرجه

وكل عام وانت بخير

mtfa2el said...

على هالمكر الله يغربلهم
انا ما ادري شنو ماكو شغل عندهم مجابلين خلق الله و مناشبينهم
http://www.spywareterminator.com/
هذا خوش برنامج يحارب ملفات التجسس
أما whithot chees
هذا الريال فلم بحد ذاته نفس اللي داش مطعم يقول plese one cola without snow

Barrak said...

mtfa2el

اشكرك اخوي العزيز انا بعد القرصه اللي انقرصتها اخوي المصري ماقصر وضبطني حطلي هالبرنامج

حلوه مالت السنو

ههههههههههه

ذكرني بسعد الفرج
نبويه هاتيلي كباية ميّه بقلاص

sologa-bologa said...

الله يستر من الايميلات اللي تنباق
وخصوصا لما تروح حق الحبايب
:)

أحلى شي اللي يبي همبورجر جبن بدون جبن

أما سالفة الخميس
ههههههههه

صج بلاليط وفوقه قرص بيض بعد



ودمت بحب وود

nena said...

لووووووووووول

اعجبتني السوالف
اهم شي تشيز برجر بدون تشيز

ههههههه
اي جذي براك سولف واكتب سوالفك الحلوة مو كله شعر

البلوقرز فجأه صارو حببببييببة
الكل يتكلم عن الحب والرومانسية

انا ما اهضم حق الشعر اللي تكتبة حه عجيب .. بس هم انت دمك خفيف ونبي نسمع سوالف حلوة منك
:))

اول مرة اعلق عندك وحدي داشة بقوة
:))
السموحة اخوي براك

عيون الحب said...

تصدق انا مع نينا
اسلوبك مرح في السرد
والتغيير شي وارد ولا بد منه

يعني كم مرة شعر
ومرة سالفة
3 مرات شعر
ومرة نقاش

ووووو

كأني تفلسفت بزيادة لول

بس سوالفك ضحكتني حيل
ومشكلة اللي يبي يتفلسف ومايعرف

ذكرتني مرة كنت مع اخوي رحنا المستشفى
وبعد ماطلعنا تذكرت سؤال اريد اسأله الدكتورة

جيت باتصل
اخوي لا انا بتصل
المهم ردت عليه فلبينيه
خبص القصة كلها
وقال كلمات من كوكب ثاني
مو من الكواكب السبع
وانا من كثر ماني ميته من الضحك
زين ماطلعت من جامة السيارة

ياخي بتتفلسف وبتتعلم مو قدام غرب
تعلم بينك وبين اللي حوالينك
عقب امام الملأ

ههههههههه والله اذكر شكلي وشكل اخوي لما يسولف
لا ازيدك من الشعر بيت
كنا واقفين جنب ستاربكس

عاد انا مب مال كوفي وهالشاكلات
حدي هوت جوكليت وبالدز تعلمته
المهم احيد ربيعتي نصحتني اشرب كراميل مكياتو من عندهم
واخوي نصحه ربيعه بشي مادري وش هو
وقفنا عند ستاربكس

انا ادق على ربيعتي اريد اسم الكراميل مكياتو
واخوي يتصل يبي الشغله من عند ربيعه

حرقنا تيلفوناتهم محد رد علينا
جان نتحرك وبلا ستاربكس بلا خرابيط لوووووووووووووووووووول

وكانت بتكون اول مرة اذوق فيها من ستاربكس
وعقب لما ذقته كرهت ربيعتي
مر وهي تعرف اني ما احب المر
ياخسارة تفكيري فيه طول هالوقت
والوقت اللي انتظر فيه تجي اللحظة لووووووووول

اقول كأني قرقت واايد
شاردة من الشغل اللي بيدي
ماصدقت على الله اسولف لوول

السموحة عالاطالة

Enter-Q8 said...

هههههههههه
براك حسبي الله على ابليسك
مت من الضحك
المهم انا عبالي طالع فيها
وداز قبل اسبوعين كرت رمضان
لك اثاري
راح حق اللي باقك

تدري اشلون خلوها الخميس
ههههههههههههههههه

مبارك عليك الشهر

hamdool said...

مبارك عليكم الشهر
ويا رب رمضان خير على الكل

qesat_5ayal said...

علينا وعليك ان شاء الله

الله يونسك بالعافية
ونستنا
:)

Barrak said...

sologa-bologa

وتروح حق الحبايب والحبايب يحطون ريل على ريل ويتطمشون وياكثر الحبايب اللي خلوا كمبيوتري سمردحه

بالنسبة لموضوع الهمبورجر
عيل ليش مسمينه الملقوف

وموضوع الخميس تحفه
اصلا لما يدق علي يطلعلي بالتلفون يوم الخميس

اه ياالبلاليط اه

Barrak said...

nena

الحبيب يعني صايدها
خله كل زائر للماكدونالدز يطيح من الضحك

بالنسبه للسوالف هذي طفره جذيه يت ببالي ولكن الشعر مااستغني عنه لاني من البدايه اخترت هالدرب لاني احس اني القى نفسي فيه
وبالنسبه للسوالف فيه ناس مبدعين بهالمجال
وترى مافي انسان يستغني عن الحب والرومانسيه ابدا ابدا

وترى مو انا دمي خفيف لا الربع اهم اللي سوالفهم عجيبه

دشتك بقوه هذي من طيبتك وواقعيتك وصراحتك وهالامور الثلاثه انا احترمها فيك
هذا طبعا غير تقديري لوجودك

مسموحه اختي العزيزه
وصراحتك راقيه مثلك

Barrak said...

عيون الحب

والله مااعرف اسولف عدل بس مرات احس انه فيه شي ودي اقوله وطلع معاي جذيه
وكلام نينا اقدره بس مثل ماقلت المسار اللي انا حددته لنفسي مابي احيد عنه
ترى احيد باللهجه العمانيه يعني اذكر

عموما
اقولج شي ياعيون الحب
ترى مافهمت شي من اللي قلتيه
بس تدرين شاللي ضحكني انك ناقله الموقف بحذافيره
ههههههه

ماقرقتي بالعكس
موضوع الستاربكس فهمته
انا لو منك اسوي مقلب بربيعتك
بعدين ليش ربيعتك قولي رفيجتي والا صاحبتي

عيل انا باجر اقول عن ربيعي خريفي
املق يابراك املق

Barrak said...

Enter-Q8

هههههههه

هلا باخوي لالاتحاتي ترى الايميل اللي دزيته كان قبل البوقه بلحظات شفته وقريته
عيل شدراني انك رجعتلنا بالسلامه
المشكله رفيجي دازلي صورته وهو لام خروف ومايدري انه الايميل مبيوق
انا اشهد انه اللي باق الايميل مستمتع
يقول بقلبه شهالربع اللي عندي


تدري شلون خلها الخميس

ههههههههههه
دازلي مسج يقولي فضحتني يالنذل

Barrak said...

hamdool

مابغينا نتشرف بوجودك
اذكر مره قالي واحد انت ماتعرف
hamdool

قلتله لا قالي ماعندك سالفه
بصراحه بعد مادشيت بلوجك صج ماعندي سالفه
شرفتني ياخوي

ومبارك علينا وعليك

Barrak said...

qesat_5ayal

عليج بالعافيه
انا اللي استانس بوجودك

انا لو اسولف عن التحف اللي اعرفهم مااخلص
بس المشكله انهم يزعلون
حساسين
عاد اللي يشوفهم يقول اهم وين والاحساس وين
طبعا مو كلهم
بس الغالبيه

عيون الحب said...

براك

احيد باللهجة الاماراتية
انا ماعرف اذا اهل عمان يقولونها لول

وشو اللي مافهمته ؟
تصدق شككتني ورجعت قريت كلامي مرة ثانية
ماشفت فيه كلمات مب مفهومة لوول

اقولك اخوي اتصل وتفلسف عالفلبينيه اللي ردت عليه
وقعد يقول كلام هو مايعرف من وين جابه اصلا لوول
يعني بالعربي ماعرف يرقع السالفة
وانا ضحكت عليه وبس
!!!!! شو اللي مب مفهوم

ههههههه احس لما اقول رفيجتي ثقيلة
الكلمة احسها صعبه لماتطلع لوول
مو زي ربيعتي سهله وسلسله
بعدين الكلمة ما تفرق دام المعنى يوصل لووووووووووول

الحين انا مافهمت اخر شي لووووووووووول
"عيل انا باجر اقول عن ربيعي خريفي
املق يابراك املق "

Barrak said...

عيون الحب

ههههههههههه

اللحين فهمت

حلوه املق

وعلى فكره الجمع
ملاقه

خلينا ساكتين
عليل باللع عليج شنو معناة ازقر

والا يدوخ زجاير


هههههههههههه

عليكم سوالف

عموما الخبر عند ام سرور

الحارث بن همّام said...

ذكرتني واحد ملقوف قاعد يشرب شوربة بمطعم شيليز .. ما عجبته الشوربة .. قال حق الجرسون :
excuse me .. what this soup ??!
WATER WATERUUUUUH!!
يعني ماي مايووو !! :)

Barrak said...

الحارث بن همّام
ههههههههههههههههههههههههههههههههههههههههههههههههههههههههههههههههههههههههههههههههههههههههه

هذا صك على صاحبنا

عاد ماي مايوه ماتترجم باي لغه
تدري شلون لازم نعرف ملقوفنا على ملقوفكم

Anonymous said...

املق يابراك املق

ضحكتي ردك هني أكثر من البووست ، حسيت انا لما املق :P


eva

magnoonah said...

تشيز برجر من دون جبن

قويه حدها
:))
مو عشان جذي ناخذ الطلب ونطلع

عاد كله ولا اللقافه الاسبوع الي طاف عصبت من كثر الملاقيف حولي والمشكله انا اطوف بس صار الكل يلاحظ والبنات عارفين طبعي

قعدت اقولهم :وانا وين الله قاطني وين ما اروح ملاقيف ظلم والله ظلم ما اتحمل جذي

يعني مره نتحجى عن لكزس اليديده(si)
ومندمجين انا ورفيجتي بالسالفه والاخت داشه بالعرض انا الماكسيما مالتي وتكمل
ماله داعي اقولك ملامحي شلون سكت وقلت ماراح اسولف جدامها مره ثانيه

ومره بورتر مصري عندنا دخل ياخذ شي من الغرفه وانا رفيجتي نتحجى عن النادي وهو واصل عند الباب يبي يطلع جان يقول

تصدئي يا اخت مقنونه انا اعرف نادب بالقابريه كويس بس مش فاكر اسمه

طبعي انا مصدومه ورفيجتي تبجي وتضحك بنفس الوقت
والله حاله

صج بلغ السيل الزبى

2 u ALL said...

مبارك علينا وعليك ..!! ام مدرس العربيه فحدثولاحرج ..!! اما صديقك مال "الجيز بيرغر" ألي بدون "جيز" ذبحني من الضحك ..!! ومشكورعلى التنبيه عن الهاكرز ..!! براك نبي قصيده ..!!؟

Selezya said...

لوووووول
حلوة سالفة الملقوف بس الخميس احلى واذا تبي الصراحة هالاستاذ ذكي وغبي بنفس الوقت

علينا وعلييك وعسا الله يبلغك رمضان بصحة وعافيه :)
وشكرا على مرورك الطيب

esTeKaNa said...

ويا ماقصر أخينا المصري عسى عمره طويل
شفت؟
رب ضاره نافعه لو ما صار اللي صار جان شدرانا احنا بسالفه هالايميلات
يالله ميخالف اجر وعافيه حق البلوق
:)
سالفه اخونا جيس برجر
كسر خاطري
يعني يايب اليهده يقول يبيلها جرأة
لووووووووووووووول
ترا انا حبيته لا تضحكون عليه
عطوه فرصه وبينطلق
ذكرني ببنات عبدالغني شربت يوم راحو ويا ريايلهم لندن
:)
اما مدرس العربي بدع بدع
واي يا طلبه بيطلعون من تحت ايده
الله يستر عليهم
:)

عيون الحب said...

انا فهمت انا املق جاية من مليق
وكتبت اسألك اذا جاية منها
بعدين قلت فشله
لو تطلع مو نفس المعني
اطلع اجيب كلمة املق لمليق واسبب لنفسي احراجات لوووووووووول
كلمة مليق احلى من املق لوول

بدري عليك وزين يوم فهمت لوول
عيل نحن كلماتنا غريبة

كله كوم وكلمه يكوكس كوم ثاني خخخخخخخخ
توني سمعت عنها من يومين واتفلسف

اي ازقر يعني انادي
ويدوخ من الدوخة لانه الزقاير تتدوخ لوووووووول >> هذا تفسيري المتفلسف الفيلسوفي لووووووووول

كوكس يكوكس فهو مكوكس
اي تشقلب شقلبه متشقلبه
ليضرب في الكبت اللي فيه التلفاز
حتى يقع على رأسه
كااااااااااااااااااااك

بسني قرقة
وترى ناطرة رد على شيسمونه المتسمي هذاك الشي اوكيك

DanDash said...

الله يهدااك براااك يوعااانه و شهيتني على البلالييط عاد باجر ان شاء الله قريش ما يندري زميلاتي العزيزات بيسون قريش ولا لا عشان اعرف اسوي شي على السريع و لا اشتري من بره ؟

نرجع لحديثنااا

الله يعينك على سالفة البوق خل صديقك التكنولوجي يضيف لك برامج حماية عشان محدش يهوب نايحتك مرة تانية

و على سالفة الأنجليزي رفيجتي تبي تشيحط جدامنا ايام المتوسط انها تعرف انجليزي عدل و انها بلندن راحت السوق بروحها و شرت عطر قلت لها و شسم العطر باللإنجليزي و بكل ثقة تقول لي اسمه تش تش
لوول

يا برااك سالفة العربي تهون اعرف ناس تخرجت من الهندسة و تشتغل و اهم حتى 5+5 ما تعرف تستخدم الالة الحاسبة و بالعلووم مييح

يالله خليهااا على الله

مبارك عليك الشهر و كل سنة و انتا طييب

عالية said...

مبارك عليك الشهر اخوي وكل عام وانتوا بخير

امبراطـــورة اشعاري said...

مساء الخير ياكل الخير..

والله سالفتك سالفه يابراك ..

كل ذولا مطرشين لك فايروسات..

من قدك حدك مرغووووب لوووووووووول:))

المهم الله يستر منهم وانت تعلم من اللي صار لاينسرق مره ثانيه :)

اما صاحبك بو الانجليزي جيبه عندنا نعلمه الانجليزي :))

والمدرس ترى فعلا عندنا ابلات والله يتوهقون اذا سألهم الطالب لدرجه انه اذا كان الموجه موجود ويبي يحضر لها حصه قبل الحصه تدخل على الصف تعطيهم الاسأله والاجوبه وتقول غيرهم لاتسألون..

نقولها ليش اصلا الموجه يستانس اذا شاف فيه حوار بينج وبين الطالب..

ترد وتقول لا يامعوده مابيه يوهقني بالأساله

وبالأخير اقولك كل عام وانت بخيروصحه وسلامه ومبارك عليك الشهر..

شغله اخيره ترى ماسرقوا الباسوورد ابشرك انا حاطه حمايه بس يشوفون نك الامبراطوره سيدا ينحاشون
لوووووول

والجد الهارد دسك محترق من الفايروس صارله اسبووووع ::(((

امبراطـــورة اشعاري said...

ونااااااااسه نزل التعليق بأسمي مبروووووووك علي

لووووووووووووول ^_^

برنسيس إيكاروس said...

كتاباتك خفيفة ولطيفة
لكنها معبرة وعميقة تحكي الواقع بصدق
ولكن يجب ان لا نتحسر كثيرا فهذه الأمور الحياتية اليومية تحدث في كل مكان وزمان
وهي حالات فردية
لكن على الأقل هناك من يلاحظها ويكشفها
ولا يسعنا في هذه الحالة غير النصيحة والمواجهة لتصحيح أي اعوجاج في المجتمع قدر استطاعتنا
لعل الخلل بالديرة يتعدل
وشكرا مرورك
يا ابني العزيز على مدونتي
مودتي
منى

Barrak said...

eva


هذي الكلمة وايد استخدمها
وبقولج شي ترى انا هالايام اخاف من المجهولين

من خاف سلم
سلم ولا درج
املق يابراك املق

Barrak said...

magnoonah

على فكره ترى الملاقيف او الملقوفين او اهل اللقافه انتشروا بالديره انتشار واسع

ترى راعية المكسيما فلّه

هههههه

Barrak said...

2 u ALL

الله يسلمك ويخليك
بالنسبة للقصيده على امرك بس خل الاحاسيس الجياشه تتكون وانا حاضر

Barrak said...

Selezya

والله ياوخيتي هالاستاذ محد يعرفه كثري بينه وبين الذكاء
كبعد العبدلي عن خط الوفرة

Barrak said...

esTeKaNa

اي والله الله يعافيه ويخليه
وصح رب ضارة نافعه ديري بالج مو تقولين ماقلت
بالنسبة لاخونا جيز بيرقر يقول الجراة اهي اللي بتعلمني واكثر واحد جرئ شفته بحياتي اهو
بس ماكو فايده مو راضي يتعلم

والحبيب المدرس هذا بيخرج اجيال بيشيلون يوم الثلاثاء من قواميسهم

vancouver said...

ههههههه

يا حلوك براك ويا حلو بلااااليطك


هههه


اقول خله الخميس احسن
كااااااااااااك

Barrak said...

عيون الحب

لااملق جايه من محمود المليقي

اها بدينا بالتعيّب
كوكس يكوكس كوكسه
مو مشكله انا وياك كلمة كوكسه تضحك
انزين

لما الواحد عندكم ينادي امه شيقولها
أمّايه
أمايه
لازاد ولا مايه
هههههه

بالنهايه احنا اهل الخليج لهجاتنا متقاربه
والله لايحرمنا من بعض
ولايفرقنا
وخليجنا واحد
وشعبنا واحد

Barrak said...

DanDash

بالنبه لموضوع قريش
ودي اعرف لغويا شنو معناة قريش

نرجع لمحور حديثنا
حلوه محدش يهوّب هههههههههههه
انتي تغيبين فجاة وتردين متألقه

لاتحاتين ظبطني تظبيطه موطبيعيه
حره يالهاكرز حره
لو يحنقزون مايقربون
ايه هين

تش تش
هههههههههههههههه
كلش ماتعرف تجذب


انا اعرف واحد محامي عطيته مره عقد الحمدلله لو معتمدين عليه جان الشرط الجزائي اللي موجود يوصلنا غوانتنامو

عادي
كل عام وانتي بالف خير

لاتقاطعين
تش تش

Barrak said...

عالية

وانتي بخير وصحه وعافيه

Barrak said...

امبراطـــورة اشعاري

ايه وايد مرغوب
حشا كامري مو براك
ههههه

مادري على شنو
مخلينكم انتو وطايحيله فيروسات عندي
بالنسبة لموضوع التدريس بس بقول الله يعينكم
بصراحه تستاهلون ساعة الماس ماركه دومبفويه من محلات قحافه ابن الاطنب

ونصيحه لاتتحرشين وتهددين الهاكرز
ترى سوالفهم سوالف
انا اسميهم الخكرز

ومبروك عليك اصلاح الخلل الفني

Barrak said...

برنسيس إيكاروس

اشكرك سيدتي لوجودك
واشكرك سيدتي لاطرائك
اللي عاجبني فيك انك لاتفقدين الامل
دائما متفائله
ماشاء الله عليك

Barrak said...

vancouver

ماعندكم هناك بلاليط تبون نطرشلكم
على فكره ترى فيه ناس وايد امتنعوا عن البلاليط والقبوط ماادري ليش

يمكن هذي اثار العولمه

والا اقولك خليها الخميس
ههههههههههه

Mishari said...

كااااااااااك لا حلوة سالفة المدرس الله يهديه فشلنا
:))
اما البوق الله يستر منه والله خايف يالبرك

Barrak said...

Mishari

اي والله فشلنا المدرس

وانت يادكتور اعرفك صريح وصراحتك راح تخلي الهاكرز عندك اكثر من الهم على القلب
دير بالك

special vision said...

اينن هالمدرس لووووول خلص نفسه بسرعه


يعجبني هالانسان


ثانكيو على النصيحه .. ماتوقع تنفع معاي >> اللقافه فيني ماقدر استغني عنها .. لو تخليت عنها جنه تقولي لا تشربين مااي طوول حياتج .. تعبير قوي ولكن معقول؟؟؟:p


عساك من عواده ومبارك عليكم الشهر

Q8DOLL said...

هلا بالزميل
:)
لوووول حلوه سالفت الخميس
يعني السالفه مو نكته ؟ والله فشله
اذا توهقت غير الموضووع بكبره احلا

بس سالفت الهاكرز تقهر تقهر وايد
عسى ما تصير فيني بس
مبارك علينا وعليك وعساك من عواده

Barrak said...

special vision

لا رجاءا هل المدرس مااييّنن لا يفتّخ

بالنسبة لموضوع اللقافه
لقافه عن لقافه تفرق
ومو كل نجمة بالسما تبرق

هلا فيج اختي وكل عام وكلنا بخير

Barrak said...

Q8DOLL

هلا فيك
بس انا خلاص ماصرت زميل بعد البوقه اللي صارت
بالنسبة للمدرس
لا اهي سالفه وانقلبت نكته
والله يبعد عنك الهاكرز
وبما ان بلوقك صار عالمي حطي ببالك
ان الهاكرز راح يتنوعون
الله يبعدهم عنك

Ealaf said...

هههههههههههههه
لا عزاء للغتنا الكريمة !

هههه وأيضًا لا عزاء للغة الأخوان الإنجليز !

Barrak said...

Ealaf

ولاعزاء لتلاميذ هذا الاستاذ الفلته

عصفور بلا أجنحة said...

جيت اقول بس كل سنة وانتم بالف خير

الـفــــجـــ الــبـــعـــيـــد ــــــر said...

هههههههههههههه
حلللللوة.. اقول برااك " أونه" لاتستقبل اي شي مرة ثانية من حد ماتعرفه عشان "أونه" الهاكرز مايبلشك مرة ثانية لووووول

بس حلوة سالفة مدرس العربي!!!
هذا كيف تخرج وكيف تعين !!!

ههههههههههههه

Kuw_Son said...

خطاك السو يا البرك .. تعيش و تاكل غيرها
:P

و عطني واحد شييييز برجر و صلحووووه
:P

وصلت لي مسج
:P

Om Jaber said...

wallah dammek khafeeef barakyy ;)

Barrak said...

عصفور بلا أجنحة

وانت بخير وصحه وسلامه
اشكرك استاذي العزيز
واسعد بوجود اشقاء لي من مصر المحروسه

Barrak said...

الـفــــجـــ الــبـــعـــيـــد ــــــر


اونه كلامك صح
بس انا مااستقبل اي ايميل
ولكن المقرود مقرود

وضحكي علي ضحكي
راح يجيلك يوم
واذا جاء هذا اليوم
اونه بضحك عليك

ههههههههههه

Barrak said...

Kuw_Son

خطاك اللاش

هههههههههه

يعد هذا البوست صابنا صار عالمي

هههههههههه

Barrak said...

Om Jaber


لا لاتقولين

من صجج