Saturday, September 22, 2007

بشروني


ها .. بشروني
شلون الديرة من دوني
ها .. بشروني
كل مشاكلنا حلوها
عشى امالنا حققوها
خلاص مافي زحمه
صارت الوجوه سمحه
بكحّل بالسنع عيوني
ها .. بشروني
أنا مخضوض خوش خضّه
الطيار ماعرف جوّه من أرضه
تصروعت بين روما واليونان
اللي يركب الكويتيّه ترى يان
وصلت بالسلامه
بخروني
ها .. بشروني
عسى المسلسلات كانت هادفه
وعقول الممثلات ماكانت خافّه
صار فيه منطق بالحوار ؟؟
وصرح المصاخه إنهار ؟؟
تكفون طمنوني
ها .. بشروني
ولهتوا علي وإلا عادي
والا بس اللي وله أولادي
وجني وشريف ومارسيل
تكفون ابي منكم دليل
أمانه نسيتوني
ها .. بشروني
22/09/2007
السبت

47 comments:

Nescafé said...

براك الوصف عندك عجيب
LOL

الحمدلله على السلامه
كل شي بخير الحمدلله

بس تتوقع المسلسلات بتصير هادفه وبحوار راقي؟ .. مااتوقع هالشي راح يصير
اذا كل سنه المسلسلات تصير اخس
حسبي الله ونعم الوكيل

Barrak said...

Nescafé

شلون مايصير وصفي عجيب وانا راد من ديرة التواصيف
شلون مايصير عجيب وانا قاعد بالطياره متبريد
انا من شفت الطيار شكله صغير وانا قايل ان السالفه مرق

الله يبشرك بالخير دام كل شي بخير
يقولون ان فيه مسلسل سوري اسمه فيه كلمة الحاره او الحواري وايد حواره راقي
ويقولون فيه برطم راقي على قناة سكوووووب
والله سمعوا كلامي عشان صيامكم ماينخدش او ينجرح
لاتشوفون التلفزيون هالشهر

Q8DOLL said...

اي ولهنا عليك
اكييييد
حمدالله على السلامه
هههههههههه حلوه مشاكلنا حلوها ؟؟
الظاهر بلد الرومانسيه وأحلام اليقظه مأثره عليك
ولا في الأحلام ..طب ده اسموو كلام ؟؟

ومسلسلاتنا في انحطاط كالمعتاد يعني مافي عنصر مفاجئه هالسنه

والكويتيه تهبل عالأقل تحس بإثاره وخرعه ومفتح عيونك ليمن توصل

الحين قولي دام توك راجع من فغنسا
الكلمه الصحيحه لشكرا بالفرنسي
ميرسوووه
والا ميرسي
؟؟
p~
نورت الديره اخوي براك

kila ma6goog said...

ابشرك الممثلات كلهم حجابات و الممثلين لحايا

:)

Om Jaber said...

walahnaa 3alaik moooooooooooot moooooooooooooot moooooooooooooot ;p

tala said...

الحمد لله على السلامة
وأكيد اشتاقو لك
:)
نورتهم
وكل سنة وانتا طيب

بـوبـحــر said...

ابشرك ابشرك ابشرك ..ابشرك في كل شيئ ..يحوم حوالينا ..كل نكد ..وكل غباء حوالينا ..بل ابشرك في كل ذي منقار حوالينا ..الحلول قاد زاد والحمدالله قد ارتاحت معده المواطنين..واما عن حقوقنا فهيا والله الحمد بخير ومصانه من قبل سكان جنوب السرة حفظهم الله ورعاه فهم العين الساهره لكل صاحب لسان ..فيخرونه امام يشرب الحلول
او يتشرف كضيف عندهم
واما عن الزحمة فهيا من خيار المؤمنين واصحاب الشئن هم من اصحاب الايمان الطاهر والعلى الباهر ارادو ان يدربوا الشعب في يوم القيامه فزادو الزحمه ولم يصلحوا الطرقات حفظهم الله ورعاه
واما عن الوجوه السمحة المزحه المستنيرة المستنارة فهيا بخير في اعلى قصورها لاتعلم عن شيئ فهم اعالي القوم فنحن نتبع وهم سماحه يتسمحون ..بين فيلا مودا الى نينوا يتمخطرون..واصحاب الرواتب الكادحه فهم يا سيدي ليس لهم شأن من هذه السماحه يتمسحون رحم الله حالهم وحفظ الله غيرهم....

واما عن الولهان فنوله واما عن النسيان فنحن لاننسى كل من يعشق الوطن ..وانا عن اسمك فهو من البركه ..عد الينا فنحن محتاجين الى كل بركات الوطنين

اخوك بوبحر

charisma said...

اووه احنا فوق فوق النخل برااك
بس ارجع

:))

حافظك الله

Najmah said...

الحمدلله على سلامتك براك

نورت ديرتك ومكانك

والله كل شي على حطة ايدك

واكيد محفوظ لك مكانك

وهذي الكويت صل على النبي
=)

Bad-Ran said...

الحمدالله على السلامة

والوضع على حطة ايدك

حنطفيس said...

تيتي يا تيتي مثل مارحتي ييتي

حمدلله عالسلامة

mtfa2el said...

الحمد لله على السلامة براك
المسلسلات و عقول الممثلات خلهم بصوب كل ما لها و تصير اردى

انور عبدالله said...

الحمدالله على السلامة

بس حال المواطن ماهو بسلامة

`~MnO YeNSa! ~` said...

7yaaaaaaaaaak allah nawart el kuwait walla ....

Noor said...

حمد الله على سلامتك:)

وابشرك الوضع ما تغير بالبلد

انت بشرنا اشلونك مع بلاد الفرنجه شنو تعلمت واستفدت مو يقولون للسفر 7 فوائد

قولنا شنو 7 الفوائد الى استفدتها من السفر


وانشاء الله خوفك من الطياره خف


مممم ما ادرى ليش احساسى ايقول انه الى بالصوره اهوه انت الله اعلم:)يعنى صايدتها:q

استناداالى انك شاعر رومانسى بلاشعر

Nescafé said...

بالنسبه للمسلسل السوري اللي تقول عنه.. عدل اسمه - باب الحاره
واهو الجزء الثاني العام كانو عارضين الجزء الاول.. والله مسلسل عجيب واهم شي فيه قصه تستاهل الواحد يتابعها
يحطونه
mbc 9:00pm
والاعاده ثاني يوم 3 العصر
Qatar 10:00pm

kuwaitya_7saweya said...

اييييييييييييه المشاكل انحلت
ومافي زحمه بالشوارع
والكل مبتسم
هذي احلامنا لي باجر

وليش راكب الكويتيه
شلك بعوار الراس والبطن
بس المهم انك وصلت بالسلامه
حمدلله على السلامه

ولامسلسل كويتي هادف والممثلات استخفوا كلهم حتى المذيعات
والمصاخه ماراح تخلص ابد طول مافي ناس امصخ يتابعون


وجد ولهنا يااخوي
ومحد يقدر ينساك
افا عليك بس افا
ترجع لنا بالسلامه يارب
ومن طول الغيبات ياب الغنايم

qesat_5ayal said...

اشتقنا
لهالكلام
اشتقنا
لهالطلة

ما نسينا
خفة الروح
ما نسينا
مكان فيه نستريح




الحمدلله على السلامة

Barrak said...

Q8DOLL

توله عليكم العافيه
وليش مافي شي انحل سعر النفط بتصاعد مستمر
والا لي اللحين تعانون من مشكلة الاداره
والمسلسلات هم مو راضيه احوالها تتصلح ليش
انتو ببلد فيها خالد الصديق وفيها غنام الديكان وسليمان الشطي
شسالفتكم
الخطوط الجويه الكويتيه هي تمثل دولتي الحبيبه
والله انها حلوه والمضيفين اللي فيها هم الوحيدين اللي يساعدونك ويصعدون الجنطه فوق بالكبت
ماكو طيران بالعالم يسويها
بس سؤال مهم 6 ساعات بالطياره وماكو تلفزيون واحد شغال ليش
انزين وزعوا علينا حب والا بنك ونقل انتسلى بالدرب
الكلمه الصحيحه ميرسي
واذا تبين تكشخين قولي ميرسي بوكوه
داكور
والا مو داكور

Barrak said...

kila ma6goog

حشى هذي قتاة اقرا مو تلفزيون الكويت

Barrak said...

Om Jaber

توله عليج العافيه

Barrak said...

tala

الله يسلمك
منو قصدك اللي اشتاق
جني مربية مخشيم الفار
والا شريف سايقنا
والا مارسيل مربية محسن

انا احس مارسيل وايد ولهت

Barrak said...

بـوبـحــر


ياسلام عليك يابوبحر
تملك خيالا خصبا
انا عاد مابغيت احول الموضوع الى موضوع سياسي
بس انت صدتني
ماشاء الله عليك

واشكرك على اطرائك

دايما بعيوني راقي

انا وصلت بالسلامه
والدليل كلمة بخروني

Barrak said...

charisma

اكيد فوق النخل

ودي اصدق

انا رجعت بالسلامه
بس انتو بشروني وطمنوني

ذكرت مسرحية عزل السوق

اصحوني

Barrak said...

Najmah

يسلمج ويخليج

يعني ابد ماتغير شي
كلش ملش

ليش ليييييييييييييييش ؟

Barrak said...

Bad-Ran

هلا فيك اخوي

وليش ماصار شي
انا مخليكم عشان تضبطون الامور
علامكم

Barrak said...

حنطفيس


يسلمك ويخليك

تصدق جملتك تعور القلب

يعني لو اخليكم سنين بيتغير شي ؟؟

ايه هيّن

Barrak said...

mtfa2el

يسلمك حبيبي

يعني انكتب علينا التخلف حتى بالفن

اه يابلد من قلب

Barrak said...

انور عبدالله


يسلمك ويخليك يارب

يعني افهم من كلامك اننا لي اللحين صايرين حطب دامه

Barrak said...

`~MnO YeNSa

يحييج ويخلييج
الكويت منوره بأهلها

ترى والله منو ينسى وايد عاجبتني

Barrak said...

Noor

يسلمج ويخليج
الله يبشرج بالخير
ال 7 فواشد هي

1- استغلال جزيئات الوقت بالقراءه لان معظم الناس في بلاد الافرنجه يقرأون بانتظار المترو وانتظار الباص
2- الصبر وتحمل الجوع والعطش فموعد اذان المغرب في تمام الثامنه
3- محاولة الوصول للهدف باسهل وسيله واقصر وقت مع المحافظه على درجة التكلفه هذا ماتعلمته من استغلالي للمترو في تنقلاتي
4- السرعه البديهيه في تحويل اليور الى الدينار وكذلك الفرنك السويسري
5- احترام الانسان لانه انسان وليس لانه لابس هالساعه او راكب هالسياره او شايله هالجنطه فالانسان انسان في تعامله واخلاقه ومنطقه بالحياة
6-افشاء السلام فالجميع في بلاد الفرنجه صباحا يقولون بونجور ومساءا يقولون بونسوار مع ابتسامه صادقه حتى لو ماتعرفه او ماتعرفها
7- عدم التنقل بواسطة الخطوط الكويتيه لانها الوحيده في العالم التي تحتاج منك للذهاب لمكتب الحجز المجهول الملامح لتأكيد الحجز

وابشرك الخوف من الطياره زاد وايد وايد وايد

والاصلع اللي بالصورة هو انا في ربوع جنيف

Barrak said...

Nescafé

هذا المسلسل رائع وراقي تخيلي سيدتي العزيزه ان طلاق الرجل لزوجته وخوفه من كلام الناس ونومه في المحل ليلا جعله يرى الناس بصوره اخرى
فعلا منطق بالسيناريو وحوار رائع
وتمثيل سهل ممتنع

اشكرك على هذه المعلومات القيمه

Barrak said...

kuwaitya_7saweya

راح اصدق كلامك هذا لما يتغير اسمج من كويتية حساويه الى فنلديه حساويه

لان اللي قلتيه مايصير الا في فنلندا
بلد الحضاره والرقي

مابي اتكلم عن المسلسلات انصحك بمتابعة باب الحار ه التي تحدثت عنه العزيزه نسكافيه

وانا رجعت بالسلامه
الحمد لله

Barrak said...

qesat_5ayal

تشتاق لج العافيه

انا اللي كنت اترنم مع ردودكم الراقيه وانا جالس في الريف الفرنسي
الله لايحرمني منكم اللهم امين

كلامج بارد يذكرني بالنسايم البارده في بلاد الفرنجه

Shaima'a Alkandari said...

الحمدلله عالسلامه يا قااي من السفر وحشتنا سواليفك وكلماتك بعد اكثر

برااااك

ان قلت لك مبدع وبس

اكون جذابه لانك تملك موهبه حلوه وخفيفه وكلمة مبدع شويه عليك

انت تستاهل حروفك اكثر بكثير

magnoonah said...

حمدلله على السلامه بوعبود

وابشرك الصوره روعه والصلعه تلمع بالشمس يعني مو محتاجين عدسه مكبره
:)))

مبين كويتي اصلــــــــــــي


الحال عند عالم الحال
ما كو على حطت ايدك
الا جان لقيت لنا شي بسفرتك يغير الحال

Barrak said...

Shaima'a Alkandari

لا مو ياقاي لا ياجاي

هههههه

الله يسلمج ويخليج

كلامج وايد كبيرعلي
اتمنى ان استحق نصفه
اخجلتمونا
اشكرك

Barrak said...

magnoonah

يسلمج ويخليج ياوخيتي المجنونه

شرايج بالصلعه تلق لق
اصلا لو مصور بفلاش جان اللحين انعميتوا
ياصلعتي يانديه روحي لخلي بهديه

شلون مبين اني كويتي؟

انا لقيت لكم حلول بس نطروا علي

magnoonah said...

يا صلعتي يا نديه ها؟

الله كريم الله كريم


شلون كويتي ؟ انا اقولك


من علامات الرجل الكويتي الصلعه وخصوصا ذات طابع (تلق لق) عشان جذي وثقناك


وعلى ايدك وكا احنا ناطرين

Barrak said...

magnoonah

اللحين افتهمت

هسه عرفت

lawyer said...

يا حلااااااااااااااااااات هالكلماااااااااات افا عليييييييييييييك لو ما ولهنا عليك جان ما شفت الطوابير صاااااافه


بس اقوووووولك هذا المنظر وين؟

بحيره جنيف ؟

جني اشوووووووف زول ديرتي

:)

المسلسلات كلهم قطهم ورا ظهرك احلى ما فييييييييييهم بن عدواااااااااااااااان


يا زييييييييييينه

الله يخلييييييييك شوفلي جاره
خرب صيامي هذا


ما تقدر تتغزل فيه

راضيه بيتين اطيب خاطري فييييييييييييهم

Barrak said...

lawyer

الله لايحرمني من هالطوابير

انتي صح
بحيرة جنيف بس مو صوب البحيره والقهوة مالت العيوز لا صوب الشسمونه انتي تدرين وين

بصراحه ياحلو ديرتج بس وايد غاليه شدعوه

بالنسبة للمسلسلات بصراحه فيه شي اكتشفته الناس صاروا متذوقين للفن من حيث النص ومنتبهين للسيناريو وحتى للموسيقى التصويريه
واحد يحب بن عدوان اللي انا ماشفته والثاني يحب الفريج وام خماس
انا اتابع كاني وماني
الاذواق مختلفه وبالنسبة لطلبك
نخليه بعد رمضان
وبعد صيام الست

The Voice Within said...

الحمدلله على سلامتك


ولهنا عليك وعلى تواصيفك


والديرة على حطت ايدك

lawyer said...

اي ادري مو من صوب محطه القطار و الفور سيزن و هذاك الصوب

انت مصور من صوت و انت جنك ياي من فرنسا او افيان و انسي و شومونيه


الا على طاري هالطريج عسى لي الحين تصليحات !!

Enter-Q8 said...

قاعد يحلم
لا تلومونه

Barrak said...

lawyer

انتي ترى ضليعه بالامور الجينيفيه
انا مااقدر اوصل مواصيلج على طاري التصليحات ماشفت فيه عمال يشتغلون

Barrak said...

Enter-Q8

انا عم بحلم ليل نهار
بقطف باقه
بشم وراقه
انا عم بحلم

عاشوا