Friday, June 22, 2012

منو ؟؟؟




منو يبي يبني ؟؟

منو يبي يَصلح؟؟

منو اللي يفهَم ..

منو اللي مِهتَم ..

ويكون باللّبن مفتّح

منو يبي يبني ؟؟

منو يبي يصلح ؟؟

.....

منو مايهمّه منو أُهوَه

مقزّرها مطاعم وقَهوَه

يردّد الدنيا حلوَه

ياخذ زجارته ويجثّح

منو يبي يبني ؟؟

منو يبي يصلح؟؟

.....

منو يعْطِي من عُمرَه ؟؟

يعدّل الأحوال المندمرَه

بوسط يوفي يَمْرَه

وغيري متزنْقِح !!

منو يبي يبني ؟؟

منو يبي يصلح ؟؟

......
الثلاثاء
٢٨-٧-٢٠٠٩

Wednesday, May 9, 2012

كل شي مقدّر


اللي مع خلّه .... يسهر

واللي من الألم ...يتعبّر

واللي يفكّر بهديّه ..

واللي غارّته الدنيا ..

واللي بحادث تكسّر



........

واللي من المرض ينتفض

حامد ربّه  مايعترض

موكّل اموره .. للرحيم

محدٍ عليها .......مديم

كل شي مقدّر



.......

واللي ينام عالمليارات

حياته طقطقه وحفلات

يظن مايتألّم لحظه

يحسب محد يمرضَه

ولاراح يتحسّر



.....

واللّي واللّي واللّي 

شقول بس شخلّي

الحياة عجيبه

صارت غريبه

فوق ماأتصوّر


.....

واللي بجبينه ..آثار سجوده

يحترم الكل وعارف حدوده

يدري فيه رب بيحاسبَه

ابليس ماكان غالبه

مول مايقدَر


.....

واللي الندامه تطعن قلبه

مضيّع مساره ودربَه

غرّته الايام والصحّه

مااظن بيوم بيصحى

اكيد بيتكدّر


٢٠-٤-٢٠١٢
الجمعه

Friday, May 4, 2012

عارف غلاك




لاتهددني برحيلك 

 وانت ابخص بغلاك

مااقول دخيلك 

 خاف ربٍّ سوّاك

 كيف تنوي الرحيل؟؟

وفيه من مات … بهواك

لاتهددني برحيلك ... وانت ابخص بغلاك

                  

٢٠-٤-٢٠١٢الجمعه


Friday, March 23, 2012

ليش انا بالذات




ليش أنا بالذات

تموت بعيونه الحياة

وتتحطّم آماله

ليش كلمة أمنيات

مالها طعم وحلاة

وليش حالتي حاله

مجروح أبد ماأطيب

مالي بالفرح نصيب

حرِيمتِي البسمات

ليش أنا بالذات

.......

وليش يادنيا ماتعرفين؟؟

علي شوي تحنــّين

جنّج ماتدرين

ارحميني زتات

ليش أنا بالذات ؟؟

....

تحمّلت .. بس ودّي أفهم

متى مع الهنا بلْتــَم

وأعيش مرتاح نوبه

هذي أكيد حوبه

ماأدري من وين ..يات؟

ليش انا بالذات ؟؟؟؟؟


الجمعه
٢-٣-٢٠١٢

Friday, March 9, 2012

زهيري




 من رحت والإلم مناشبني نـِشْـــبَــه

جمر العذاب كل ماطفى.. الوله شَــبَّـــه

انا ...الضيم شبهني وأنا له أشْـــــبَه


بالصدر الأنّه..ومن الزمن المنهَــــــل

كل ما يدني الضيم وصوبي ...هَلْ

أحس إنّي من الحياة ..أتسَهَّــــــــلْ

أشوف نفسي وأقول إنّي ...مشَـبِّــــه


٩-٣-٢٠١٢
الجمعه


Friday, March 2, 2012

وطن ومطر




انت الوطن ... انت المُطر

والنسمات الحْنَــــــيـــنَه


شوفتك تروي اليوف



وتجازيه...كِثر ماصُبَر

انت الوطن ... وانت المطر

........

وانا قطره ماي ...بذرى سماك

ونسمه تتمايل على هواك

وكلمه ... حروفك تنسِجها

بشفاهك .. جِذبها وصجْها

وكل طاري .. وكل خبر

انت الوطن ... وانت المُطر

.....

كلّنا بسما الأشواق .. تمايلنا

احس انا والسحاب .. تلاممْنا

ماكذبت .. هذا اللي أحسّه

حسيت بشي .. مافي نفسه

 ..جنّي لمّيت القُمَر

ياوطن ...... يامطر

٢-٣-٢٠١٢
الجمعه

Friday, February 3, 2012

بسنا شِمَاته






ياللي ماعندك غير االتحلطم ... والشماته

عطني إيدك  .......الوطن محتاج لنا

ان كان  بروحك ........شوية أمل  هاته

شوي منّي ..ومنّك. .. والدنيا بتبتسِم لنا

إخذ صوتي .....وآخذ صوتك  بنبراته

واذا متجتّف .. فيه أيادي ......بتنمَد لنا

فيه... بيرق أمل ....يحدد للمتفائل جهاته

طِيبتنا..... بتعينّا على  اللي ...بقلوبِنا

الامل......بنلقاه  بطفل ....ابتدت حياته

ترى الماضي ..والمستقبل.. بإيدينّا كلّنا

كل واحد فينا له حق ....يحقّق أمنياته

ويحس ..بحلمه ..صوبه ...قرّب ..ودنا

الكل بيتعلّم من ...زلّاته ....وعثراته

المفروض .الكل ..بكنز القناعه ..إغتنى

المفروض حب الوطن ..نعرف   صفاته

ليش مانعيش بكرامه ..وتقدّم.. وهنا

 بس كافي تشاؤم .. وتحلطم .. وشماته

..ترى الكويت ..وايد محتاجه ......لنا

3-2-2012
friday

يادهينه




مبروك علينا
وعلى ماسوّينا
هذي اصواتنا
تترجم أمنياتنا
الجميله
الخاثره
الزينه
مبروك علينا
.....

هذي كلمة ... شعبي
راح ترسم .....دربي
وتخطط مستقبل عيالي
وتحدد ابسط آمالي
وتدلّينا ..وتِجدّينا
مبروك علينا
.....

راح نطوف ألمانيا
ويمكن بعد ايطاليا
الكويت بتصير جنّه
ماكو حنّه ورنّه
مانبي أحّد يحاتينا
مبروك علينا
.......

إحنا شعب نعاقِب
مرات مالنا صاحب
بس الشخص الواضح
اللي بالصّوت فالح
ويسوّينا يادهينَه
مبروك علينا
.....

الشعب مايبي نائبات
نتقبّل الإختيار بسكات
مانزعَل ولاإنتحلطم
ماكو شي تحطّم
هذا ماسوته
ايدينّا
راحت علينا
٣-٢-٢٠١٢
الجمعه

Friday, January 27, 2012

غيرك مافي




تبرد أطرافي

واتدفى بطواريك


تظل انت المنى

وعيونك ستري

ولحافي

ماالقى اجابه 

تلملمني 

اتم بردان

واتم دفيان

على حسّك صاحي

وغافي

وتبرد اطرافي

.....

نسمات بارده

وطعنات جاحده

تطعن اليوف

والروح صامده

للحين معانده

رغم الخوف

يظل القلب وافي

وتبرد اطرافي

.....

وجودك معنى الوفى

وجودك هو صفه

توصف  الليالي

الخفوق مااكتفى

والقلب عفـــــــى

لإنّك غالي

وهذا كافي

وتبرد اطرافي

............

لأحاسيس التجمّد متصوّر

ماني أبد متهوّر

.....أحبك بإقتناع

الروح وياك تنوّر

والقلب منك متعوّر

......ويفداك ماضاع

غيرك مافي

وتبرد اطرافي

.......

ترتعش الحنايا وأحبّك

مُنيتي أبقى قربـــــــــــك

..بس آآآخ ..يالأيّام

تغلبني وتغَلبِك

تصعّب علي دربك

.......وتحطّم الأحلام

وتكسر مجدافي

تبرد اطرافي
...

٢١-١-٢٠١٢
السبت