Thursday, April 30, 2009

قلايد ذهب







على الهدب

تلقى تعب


و حرف ماانكتِب


ناطر صفحة عيونك


تهديني دروب بوحي


وتردلي بقايا روحي


وصوتي اللي إنسلب


على الهدب


تلقى تعب


،،،،،،


تصدّق!! كلمتي تعبت تنزف


تصدّق !!ماتعلّمت أعزِف


إلا وأوتار نبراتي مشدوده


 صرت أهذي بإنشوده


ماتعرف للأوزان طريج


تصدّق الكلمه تنشّف الرّيج


تصدّق مشكلتي إني


وايد أحَب


وعلى الهدب 


تلقى تعب


،،،،،،

والله وبالله مابغيت أتكلم


بغيت بصمت فيك أتحلّم


بس التعب غصبني


والله مو مني


إنت السبب


على الهدب


تلقى تعب


،،،،،،


شي موحش لو تكون شاعر


تحس بداخلك وحش كاسر


يفترس أحاسيسك ويهزمك


ماتلقى أحد يفهمك


تحس بنشوة إنتصار


وكل مافيك إنغَلب


وعلى الهدب


تلقى تعب


،،،،،

 ياأيامي إسمعيني


واسمعي صرخات حنيني


ماأبي إجابة أبي رحمه


أبي تقدرين مفاهيم الكلمه


اللي بصدري ماهي حروف


اللي بصدري 


قلايد ذهب


وتعب



30-4-2009
الخميس

Monday, April 27, 2009

بووليد

كتبت بمناسبة زواج اخي خالد
ــــــــــــــــــــ
بووليد
ليش أحس بالعيد
وطيور تحوم حواليك
وكل الغيوم تناغيك
والبهجه كلمالها وتزيد
يابووليد
،،،،،،
ماتشوف عيون اللي يحبونك
كلهم بحب ينادونك
فرحتهم غطّت الكون
إفرحت قلوب وإدمعت عيون
شفت شلون الصبر يفيد
يابووليد
،،،،،،
زوجناك والألم بقلوبنا
ذبح أرواحنا وصدورنا
ماكان ويانا بوبراك
تأكد كان فرحان هناك
وماكان عنّك بعيد
يابووليد
،،،،،،،
شفت عيون أمك
كانت بشوق تضمّك
وعيونها غورفت على جتوفك
حسيت بلمتها بحنايا يوفك
ياعلك دوم سعيد
يابووليد
،،،،،،،
أدري خطبتلك وماسديت مكانه
أدري لوشما أسوّي أنا
ماأقدر اعوضك حنانه
العين بصرت
وقصرت الإيد
يابووليد

Friday, April 24, 2009

غزو













تذكرون أيام الغزو


يوم اذبحوا كل شي حلو

أيام الإعتقالات

 أيام الباصات

اللي شالت شباب الكويت

وراحت لنينوى والبصره

وعند الناس اللفو

تذكرون أيام الغزو

،،،،،،،،

تذكرون السيطرات

وأهل الهوسات

وصيحات الماجدات

ماكان في كويتي واحد

يقول : أنا شكو

تذكرون أيام الغزو

،،،،،،،،،،

تذكرون دموع جابر

يوم بجى على الديره

وربّى بدمعته مشاعر

خلّت حب الوطن سيره

 يوم الناس كلهم

عشانه صفقوا ووقفوا

تذكرون يوم الغزو

،،،،،،،،،،

تذكرون عيال كيفان

خلوا المنطقه ميدان

داسوا على روس المغتصبين

علموهم شنو يعني كويتيين

وشنو يعني ندوس العدو

تذكرون أيام الغزو

،،،،،،،،

تذكرون يوم على السطوح كبّرنا

وسمّعنا برنا وبحرنا

الله وأكبر على الظالم

وإسمعونا كل العالم

وقالوا ونعم فينا

والله كفو

تذكرون أيام الغزو

،،،،،،،،

تذكرون يوم الضربة الجويه

يوم إشبقتنا الدنيا

وكان الأمل يبرق

كانت القلوب تخفق

وطارت أسراب المحتليين

مثل الطفو

تذكرون أيام الغزو

،،،،،،،

تذكرون يوم حلفنا نحب الوطن

ومانخليه مهما دار الزمن

تذكرون إغنية وطن النهار

اللي بكّت كبار وصغار

منو مابجى يومها منو

تذكورن أيام الغزو

،،،،،،،،،

 وحقول البترول يوم حرقوها

وعيال الكويت بعزيمتهم طفّوها

ماهمهم نار ولا حروره

كان حب الوطن ضروره

ماخافوا دخان وإلا ربو

تذكرون أيام الغزو

،،،،،،،،،

بأذكّركم بذيج الأيام ياكويتيين

شوفوا انتو شتسوون اللحين

صرنا مفترقين

ماقمت اسمع كلمة كويتي

بس سلف -شيعه-حضر

وبدو

نسيتوا الغزو؟؟

Thursday, April 23, 2009

زهيرية خدّه






ترفّق بعليلٍ من صدّاتك تخدّه

من رحت عنه ودمعته بخدّه

همومه لحافه وجروحه مخدّه


صد عني وأحوالي مهي بزينه

العقل منه  اختلت موازينه

يخطي علي وأقول وازينه

تنوّر دنياي من نور خدّه
ــــــــــــــــــــــــــــــــــــــــــــــــــــــ
تخده:اي كان مدركا وأصبح لايدرك أي تائه والصفه هي مخدّي بتشديد الدال ويطلق على الرجل او المرأه الكسلانه خدايوه
بخده : أي الخد
مخده: اي الوساده
مهي بزينه : ليست بجيده
موازينه : اي ميزان العقل
وازينه : اي ماأجمله

Tuesday, April 21, 2009

ياعيالي

: رسالة إلى ابنائي

ياعيالي ياعيالي

لاتخافون علي ياعيالي

اذا خذوني عنكم

اذا منعوني منكم

انتو ببالي

ياعيالي

,,,,,,,,

ماأوصيكم تجيبون لي ميرندا

ولحاف ومسواك ومخده

وزرعوا صوب البيت ورده

وداروها بدالي

ياعيالي ياعيالي

,,,,,,,

يمكن يقولون ابوكم نصاب

يمكن يسموني الكذاب

ومثال سئ للشباب

أو مالي والي

ياعيالي ياعيالي

,,,,,,,

يمكن يسموني لص المدونات

مجرم كريه عدو الإنصات

هيهات يايبا هيهات

تراني ابوكم الغالي

ياعيالي ياعيالي

,,,,,

يبا الحريه طوق ورد لبسوه

يبا الوطن بعيونكم حضنوه

حبوه إحموه داروه

وكملوا باجي آمالي

ياعيالي ياعيالي

,,,,,

إنطقوا بالحق أبد لاتخافون

يسوّون اللي يسوّون

غير الله لاتهابون

ياراس مالي

ياعيالي ياعيالي

21-4-2009

الثلاثاء

Sunday, April 19, 2009

مالك شبيه


لو لك شبيه

جان طمّنت قلبي

ولاتعنيت بدربي

ولايبقى شي بالدنيا

أحاتيه

لو لك شبيه


،،،،،،،،
وين ألقى ربع طيبتك

إحساسك وحنيتك

رحت عني وإنتهيت

وعلى همومي صفيت

والحزن وين ماألتفت

ألاقيه

لو لك شبيه

،،،،،،،،

لو ألقى مثلك ماأحاتي

أقدر أعيش حياتي

أعيش مهتني ماأحتار

ماأخاف مهما صار

بس عمري مالقيت

اللي أبيه

لو لك شبيه


،،،،،،،،

منو على أشواقي يداري

بعدك للفرحه محاري

ماغيرك يطربني بحس إسمي

ماغيرك يوريني ملامح حلمي

ياراحة القلب

وأمانيه

مالك شبيه

Thursday, April 16, 2009

Paris




يامن ياخذني يوديني باريس

إسبوع  أقط همومي هناك

أنهي  الملل والهواجيس

والحره والغلقه  والإرتباك

قطوني لاأنيس ولاونيس

بأكوّن لي نجوم وأفلاك

باخذ خبز إيراني وهريس


وسي دي لأنغام و2pac

هي ديرة تبعد الوساويس

ديرة تصنع البهجه  لبراك

أروح السبت ارجع الخميس

أتريّق مع ميشيل ومع جاك

شسوي باتعوّذ من إبليس

أحلم بالشانز شاريsac

يالايواد تكفون ابي باريس

تكفون بس ودوني هناك

،،،،،،،،
،،،،
،،
،
حقيبه باللغه الفرنسيه :sac

Tuesday, April 14, 2009

الله على المفتري





للأسف راعي الحق قام يعري

والمصلحه كسّرت كل مياديفه


فرقنا بين شيعي وبدوي وحضري

الوضع العام صار هُولَه وشيفه

اللي يمدح حرامي  ويمجّد المفتري

واللي الشيطان صار عمّه وحليفه


تنقاله أشعار تصك على البحتري

وتصير الحوارات مبهمه وعنيفه

 كثروا الناس اللي بيردونا قري

وقلوا أصحاب الأيادي النظيفه

Sunday, April 12, 2009

Thursday, April 9, 2009

عيب




















طلبت من اخي العزيز (شفيف الثنايا ) ان يكتب رساله للموسيقار غنام الديكان لكي ارسلها انا من هاتفي الخاص

اليكم مضمون الرساله

فنر هالدار ...
تعب يضوي...
ولابانت مضاويكم
ظما هالدار ....
متى تروي
موق منهو يرجيكم ؟

وبعد دقائق معدوده جاء الرد من استاذي غنام الديكان الذي يعالج في الجمهوريه الفرنسيه

بإذن الله راح يضوي بمضاوينا
او مضاويكم
عسى الرحمن يجمعنا
ونفرح في تهنيكم


واتصلت بالاستاذ غنام وقلت له : عمي ولهنا عليك ترى الكويت ناطرتك ولهت عليك

قال : انا اكثر والله راجع فيكم الخير والله
أحسست بصوته فيه حزن فيه ألم
لماذا هذا الالم لماذا هذا الجحود لفنان عظيم

غنام الديكان ثروه وطنيه
غنام الديكان جمله موسيقيه تعشق الكويت
غنام الديكان رمز وطني
غنام الديكان قيمه فنيه بعطائه بأخلاقياته
تعلمنا منه كيف نسمع الصوت الكويتي
والايقاع البحري والنهمه واليامال
لماذا كل هذا التجاهل
،،،،،،
جائني اتصال في نفس اليوم من صديق اخر عزيز وقال لي براك اسمع واسمعني مقطع لاغنيه اعشقها لأنغام ( إنت إيش ) من يرد الماء للسما لانت قادر او انا
قلت له : هل هذا الكلام يخص الكويت
قال : كل الاحداث الجاريه تدل على هذا المعنى
قلت له : لماذا يتجاهلون غنام الديكان والرموز الفنيه والثقافيه لماذا
قال : من يرد الماء للسما
قلت : بس هذا غنام اهو اللي علمني شنو يعني الفن الاصيل شنو يعني تتغنى بحب الكويت
قال : من يرد الماء للسما لانت قادر او انا
قلت له : فمان الله

انتهى الحديث


الم اخر

بدر القطامي توفاه الله قبل فتره بسيطه اهديت له ديواني الاول وقلت له : عمي اتشرف ان اسمع ردك وغاب غاب ،،، ولم اسمع رده الى الان
لماذا لا نهتم بهؤلاء المبدعين في حياتهم وعند مماتهم بدر القطامي قضى وقته وريشته المعطره بحب الكويت لاترسم إلا سور الكويت او يال الكويت لوحاته كانت ومازالت تحدثنا عن تراث هذا الوطن الى متى هذا التجاهل
عبدالله القصار رحمه الله مبدع في لوحاته اهتمت به فرنسا ولم نهتم به لانه مبدع
محمد السريع رحمه الله عبدالرحمن الضويحي سعود الراشد عبدالله العتيبي محمد الفايز والكثير الكثير
هل هذا جزاء من احب واثرى هذا البلد
نعم تريدونا ان نهتم بإغنية المطافي أو نتعمق بتوافه الفن وننسى عطاء هؤلاء المبدعين
هل هي حمله مدروسه لطمس التاريخ



http://www.youtube.com/watch?v=Zh3XP9Ubklw

Tuesday, April 7, 2009

محـــّـــــد


بتِتنهّد!!

تنهّد

بتبكي دم


محّد درى عنك

محّد

 بتتنهد!!

تنهّد

،،،،،

لا تترجى... الوقت مايسمعلك

كل شي بهالدنيا .....ملـّــــــــك

لانك كتلة من الجذبات

لأنه ضميرك مات

إي والله مات

أنا أشهد

 بتتنهد!!

تنهّد

،،،،

كنت تفرح لما تظلمني

كنت ترتاح لما تحطّمني

علّمتني الجسى شلون

علّمتني شلون أكون

وشلون من الطيبه

أتجرّد

بتتنهد!!

تنهّد

بتبجي دم

بتصرخ بآه

أبد محد درى عنك

محد

بتتنهّد

،،،،،،،

2/04/2009

الخميس

Monday, April 6, 2009

بلا روح




سهّيتك بكلامي

وطيرتك فوق السما

من هول غرامي

خليت قلبك يرتاح

وغمرته هنا وأفراح

وأنا حزني

واصل عظامي

سهّيتك بكلامي

،،،،،،،

لاقي لك من يحبك ويرعاك

واللي يمثل السعاده معاك

وهو  مدمره  الخوف

وصرخته بحنايا اليوف

وجرح بالقلب

دامي

سهّيتك بكلامي

،،،،،،،،،،

خلّك بأشواقي لاهي

وعن آلامي ساهي

أقدر أفرحِك وأنا مجروح

أقدر أعيش بلا روح

أحققلك آمالك

وتنكرني أحلامي

سهيتك بكلامي


26/02/2009
الخميس

Wednesday, April 1, 2009

كِثرك




مو قدرك

ألمك

ولاقدرك

باهدابي أضمّك

قدرك

أحتويك بنبضاتي

وماأخلي بشر على الأرض

يسمع كلمة حب

كثرك

ومو قدرك

،،،،،،،

أعطيك الروح تملكها؟؟

ماتوفّي


ولاأقدر

أقول : عطيتك

أحاول أخلق من الشوق

مجرى يجري بالعروق

ويسري بأطراف قليبي

لو إتّعذرلي .... مافهَمتْ

 معاك عذرك

ومو قدرك

1/4/2008
الأربعاء