Tuesday, September 23, 2008

حوالـــــــــيك





حواليك

قلب كثر مايحبّك

شاريك

حواليك

إحساس ينبض

بلمسة أياديك

حواليك

،،،،

أنثر أشواقي ورود

خذ عشق بساتيني

خذ من عمري زود

خذني باللي فيني

وياعل أرضيك

حواليك

قلب كثر مايحبك

شاريك

،،،،

إنت العمر وكل هالدنيا

إنت اللي عايش لأجله

إنت من الله هديّه

شويه لو خذت عمري كلّه

إي والله شويه

عليك

حواليك

قلب كثر مايحبك

شاريك


2/11/2006
الخميس

Thursday, September 18, 2008

يريور بردان




أولا شاهدوا الرابط الاول والثاني ومن ثم نتكلم بالموضوع













بطل حلجك

وروح بيان للأسنان

قلد التماسيح

خلك هب ريح

هناك الدكتور يضبطك

يمكن تضحك وتصيح

وتغني يالادان دان

بطل حلجك

وطير بيان للأسنان

,,,,,

يسوون ضرسك بدينار

ياخذون درهم ودولار

يخلون ضحكتك تسحر

ماتصير أبد متنحر

ويمكن تدق هبّان

فج حلجك

وروح بيان للأسنان

,,,,,,


لايهمك اكل ككاو وقند

واشرب بارد والعب هند

يخلون ضروسك تلق لق

لما تضحك تبرق برق

وتشبه تان تان

روح البيان



18/09/2008

الخميس


Tuesday, September 16, 2008

إيران




إيران

دوله حواليها جيران

شوي مأذيتهم

شوي مضايقتهم

تبادلهم بعناد

يبادلونها بحنان

إيران


،،،


أكو حرب؟ وإلا ماكو؟

بيفوز بيتر؟ وإلا هولاكو؟

واحنا انتطمش

بتصريح انتنعنش
وبتصريح

نقط ألوان
إيران
،،،،


الجيره لها أصولها

الناس طارت عقولها

والسبه التهديد

والوعد والوعيد

ترى حب الجار

مذكور بالقرآن

ياإيران


26/08/2008


هولاكو :هو مغولي كان شديد الولع بالحضارة الفارسيه

انتطمش : نشاهد

نقط الوان: تتغير الوان بشرتنا

السبه : السبب

Saturday, September 13, 2008

زهيرية مبوزه




مالكم شغل بلوية وإستقالة محافـظ

ولابالسوق ليش بط من هالمحافظ

صار الكل لنشيد الغلقه حـــــــافظ

والمشاكل مثل الصورة مبروزه

والناس متحلطمه ومبــــــــــوزه

الجمود منو اللي إنصره وفوِّزه

قولولي الصج شدعوه ياحافظ

09/09/2008
الثلاثاء

Tuesday, September 9, 2008

قِمتَه



ناس بقربهم تحس بأمان

ناس بوجودهم تحس بقمته

فيه ناس تربّوا على الحنان

وناس للود ماهي ملتفته

دنيا توريك بألوانها ألوان

تعلم عدل من اللي شفته

أخلقلك من الطيبه كيان

وفهّم البشر منهو إنته

حاول انك تعيش بأمان

وألم الدنيا بأحلامك قِمتَه


29/08/2008
الجمعه

Sunday, September 7, 2008

براك اوبوما


عاش السِّمي
قــــفـّط المرشحين
عاش السِّمي
عاش السناتور الأمين
اللي بيفوز
وبنرميه بالورود
رمِي
عاش السِّمي
،،،،،
صوتوله يالربع يالأمريكان
إسمه يعمّر أوطان
غنّوله ياليل دانه لدان
يستاهل هالآدمي
عاش السِّمي
،،،،،،
ياهل تكساس وميامي
من اللبحه صبّت عظامي
تراه نظيف لا مو حرامي
سمعته واصله الأدعمي
عاش السِّمي
،،،،،
إن فزت لاتنساني خالي
أنا سميِّك لاتخليني بحالي
ابي نص مانهاتن حلالي
يانوخذه تراني مجدّمي
يرحم والديك السمي
5/9/2008
الجمعه


السمِي : بكسر السين عندما يتشابه الاسمان أي شخص اسمه مخيمر والاخر كذلك مخيمر ينادي الاول الثاني حيالله السِّمي
يقفّط : بتشديد الفاء كلمه تصف سرعة الشئ مثال رونالدينهو يقفط لاعبي نادي الساحل الكويتي
اللبحه : ترديد الكلام مرارا والفعل منها يلبح
صبت عظامي : تعبت وخافت
الأدعمي : منطقه بريه في جنوب الكويت
خالي : شفره يتناولها الخوال فيما بينهم والخوال اي من هم بلون بشرة براك اوبوما ومنها مصطلحات كثيره مثل السِّقنقه أو العقرب
المجدمي : جرى العرف البحري في الكويت على اطلاق تسمية مجدمي على رئيس البحارة الذي يقسم عليهم العمل ويشرف عليهم. وفي السفينة الكبيرة يكون عددهم نحو 3 مجادمة, مجدمي (عود ), مجدمين صغيرين (مجدمي صغير) علما بأن المجدمي الثالث يسمى مجازا مسواق
للأمانه الادبيه هذا التعريف من قبل هذا السايت

Thursday, September 4, 2008

هذره x هذره




ودّي بحوار راقي

وفيه أتمتّع


ودي بالحكي


أتنطّع


مليت كلام فاضي


ولقاءات تافهه


تكدّر من شافها


ناس تهذر


وناس للنوط


تخضع


ودي بحوار راقي


وفيه أتمتّع


......


ودي ببرنامج كله واقعيه


ودي بحوار كله مصداقيه


مو مهم من تكلّم


مو مهم من يطلع


ودي بحوار راقي


وفيه أتمتّع


.....


حيثيّات وايحاءات واستنتاج


وشويّة كلام وشويّة إخراج


ونسوّي برنامج


نترسه هذره


ونخلي باب التفاهه


مشرّع


ودي بحوار راقي


وفيه أتمتّع

.....



أبي فكر راقي متحرّر


يبيّن الواقع ويبرّر


ويشرح بموضوعيه


مابي حوارات جذبيّه


ليش الكل عن الصج


تمنّع


ودي بحوار راقي


وفيه أتمتّع