Monday, April 29, 2019

وردة بساتيني



انا ماأكتب

 انا أنسخ آثار عيونج فيني

انسخ عالم حنانج اللي ضاويني

صوتي فيه جرح

مالقيت من يروي عطش عيني

....


ليش دايم الورد بإيدج يزهر

ليش من ابتعدنا وانا افكر

من اللي يحبونج حاولي لاتعدّيني

.....

ابي انسى اني كنت ولهان

ابي يضحك مني النسيان

وزهور التحدّي فيني تورّد

وعلى غصون العناد أغرّد

وتحتارين شتسميني


....


احرقي حس الذكريات

بعثري كل الأمنيات

شباجي لنا غير اللي راح

شبقى فينا متى نرتاح

شبقى بعد مامات


....

اطيب قلب كنتي ياإنتي

مشكلتج انج مافهمتي

شلون ننهي غموض الذات

وشالفرق بين اللهفه والمعاناة

ياأصل الحرف بدواويني



.....

راح ابقى القلب اللي يحب

ورغم الغياب حسج بالصدر منثور


لج انا الهدب ..العين ..القلب

مثل وردتين تسمع غناوي الطيور


يااجمل ورده في بساتيني