Wednesday, September 12, 2007

إلحقيني يمّه

من دون مقدمات سأغادر إلى مدينة الاحاسيس ليش بهالوقت ماادري ليش برمضان هم ماأدري اهي فرصه وصارت محتاج شوية تغيير وولهت على باريس مدينة الاحاسيس ، وللأسف الظروف اجبرتني اني اطير على متن الخطوط الجويه الكويتية مسافر انا مسافر بجناح الفرح طاير ، وطبعا انا كلش ماأخاف من الطياره ولا أتراجف أبد ومن يوم مانويت السفر حصلت امور مضبوطه كانت في صالحي
أولا : استقالة مجلس ادارة الخطوط الجوية الكويتية
ثانيا : ثلاث طيارات يحصل بها خلل فني وتهبط اضطراريا
ثالثا : واحد من الربع طيار يقول ان طائرات الخطوط الجويه الكويتيه انتهت مدتها الافتراضيه
رابعا : يالهوتي ياخرابي الحقيني يمّه
اخيرا : انا بروح وبوصي المنتجين والمنتجات يخافون الله بهالشهر الفضيل مانبي مسخره وطراقات ومسلسلات مافيها الا مواتر وموبايلات ومخافر ودراريع ، نبي فكر ورقي بالحوار
وترى مدرس العربي يسلّم عليكم
مانبي طراقات
يامنتجين يامنتجات
مانبي براطم متفوخه
الواحد تعب يافوخه
مانبي تفاهات
مانبي طراقات
نبي يمر هالشهر الفضيل
من غير مصاخه ودم ثقيل
نبي شوية سنع
مانبي هلاقه ودلع
ومصاخة ممثلات
مانبي طراقات
أنا رايح ماأوصيكم ياممثلين
ابيكم شوي تصيرون سنعيين
تحترمون هالشهر
لاتقطون السنع بحر
الرحمه ياأصحاب الفضائيات
مانبي طراقات
أنا من باريس بتابعكم
مابي اقول سليمه تصكّم
ابي اقول والنعم فيكم
الرحمه واللّي يعافيكم
مع السلامه ياصبيّان ويابنات
مانبي طراقات
12/09/2007
الأربعاء

84 comments:

Ms Lonely Lavandier said...

لووول الله يعينك !

يااعيني على جو بلاد الاحاسيس
ودي بها = (

ليش مافكرت تسافر على طيران ثاني
وبالذات اوروبا ما اروحها الا بالقطريه..

تروح وترجع لنا سالم ومعافى ان شاء الله ;p
الله يحفظك

Barrak said...

Ms Lonely Lavandier

صاحبة التعليق الاول
والوجود الاول كذلك
سيدتي
الله يعين الجميع
عاد يقولون الجو 22 نفس هني بالضبط
بصراحه الظروف اجبرتني اني اسافر على الكويتيه
يمكن انا وايد وطني عشان جذيه اخترت طيران بلادي وافادي وافادي
يمدحون القطريه بس انا بصراحه مره قريت بالجريده انها مره صار فيها خلل لو فيها انا جان قمت اطقطق روس
الله الحافظ
ومشكوره على هالدعوه اللي محتاجها وايد
تسلمين

special vision said...

لووووووووول


يبه من حاصله يروح باريس .. والله لو قالولي نوصلج لباريس بسكوتر ارووح ولا اسال اهم شي اوصل باريس

روح توكل على الله ولا تحاتي ترجع بالسلامه

هناك راح تلهى ما راح تلحق على التلفزيون بس شكلك وايد متاثر بالمسلسلات
شكلهم دابلين جبدك صح
لوول

لا انشالله هالشهر انا حااسه ان غيرر حاسه ان المسلسلات راح تصير سنعه وفيها تمثيل اكثر من المكياج

بس ما تروح من الملاقه بتلقاها موجوده موجوده ماعليه تابعنا من هناااك واذا ماعجبناك حط على شوو تايم ابركلك

لا تعور راسك بهالسوالف يا براك



ثانكيوو على مرورك

Barrak said...

special vision

هههه
تصدقين انا عندي السكوتر امان اكثر من الطياره
على الاقل السكوتر مايبيله غير دزه بالرّيل وبس بدون مطبات جويه واذيه
بتوكل على الله وبروح
انا بصراحه اكثر شي اتابعه مسلسلات ساهر ودرويش والبلام
عشان اضحك شوي واتثقّف شعريا لانه الاستاذ ساهر شي ماحصل
وعموما انا رحت للاستاذ ساهر وماقصر وراني مقدمة برنامجهم كاني ماني والخاتمه وسمعة الاغنيه
وفيه مقطع وايد عاجبني بإغنية المسلسل
او مايبدي
يقولون كان ياماكان ياساده
اتشوووووووه
شهاده

وثلاث حلقات
وحده اسمها كيد النساء
والثانيه الاميره النائمه
والثالثه ماادري شسمها
بس لاتطوفكم الاميره النائمه
اما الباجي مالي شغل فيهم


ولاشكر على واجب

Barrak said...

اسف وفيه مقطع ثاني


من هذا وهدي وهاده

شكلي حرقت المسلسل عليكم

هههههه

mtfa2el said...

مبارك عليك الشهر و تروح و ترجع بالسلامة ان شاء الله
صدقني راح تقول لهم سليمة تصكم
مستحيل تقول و النعم فيهم
هالسنة واعدينا ببراطم نيو لوك
و طراقات آخر موديل

Barrak said...

mtfa2el

الله يسلمك ويخليك وربي يسمع منك
اقولك شي
من قريت كلامك طاح قلبي بشسمه
قصدي ببطني

علبالي تتكلم عن الخطوط الجويه الكويتية
بس لما دققت بالكلام استانست قصدك المسلسلات
يايبا الواحد من المنتجين يدفعله نص مليون عشان ينتج مسلسل شلون تبيه يربح
لازم شوية برطم على شوية طراق على شسمه وشسمونه
عشان يربح

qesat_5ayal said...

لما كنت بتسافر
ليش تتابع الاخبار
:P

الله يعين ويسمح دربك
ويسهل سفرتك
وترد فرش
:)


والله يسلم المدرس



وسالفة المسلسلات
تتوقع يسمعون
ولا يقرون
ربك كريم :)

ويسلم لنا قلمك
وبالسلامة ان شاء الله

Aldenya said...

تعليقاتك عجيبة ":>


تروح وترجع بالسلامة وربي يحفظك يا أخوي

وباريس حلوة بس برمضان !! أحس حلاته مع الأهل

بس أكيد للظروف أحكام

ومسلسلاتنا عجب عُجاب :>


" تعودنا "


take care

فراوله said...

مساالورد والجوري
سيدي المبدع
براك
مبارك عليك الشهر...وتقبل الله صيامك وقيامك
بس عاد باريس برمضان
الله يعينك ويسهل عليك سفرتك
آمين
ولن نقول وداعا...بل الا لقاء قريب باذن الله تعالي
دمت بدفء وعذوبه
ابدا
:)

charisma said...

بالسلامه يا رب
ومبارك عليك الشهر
ومن عواده

Noor said...

مبارك عليك الشهر

وتروح وترجع بالسلامه و لاتخاف الله الحافظ اقره قرءان طول الطريج ليمن توصل الى باريس مدينه النور

وقررت مقاطعه مسلسلات الكويتيه نهائيا فشلونا مسلسلات تافهه وتمثيل بايخ وتنافس بثقل الدم والملاقه وما انشوف اله دراريع وبراطم ويه حاط مكياج الكويت كله , الله يرحم زمن الفن الراقى

SolaimaN said...

طراقات على قفا اللي مايحبك

مبارك عليج الشهر

:)

MANAF said...

كل عام وانت بخير

وترجع لنا بالسلامه يالحبيب


راح توحشنا

:)

Q8ya said...

لووووووووول

والله حاسه هالسنة بتصير انيل من اللي قبلها!!!

مبارك عليك الشهر....وعطلة سعيده...:)


وصج اشسالفه بلوقك اللي انباق ؟؟ معقوله ؟؟!!!

Mamloo7a Q8ia said...

مبارك عليك الشهر يا وخيي يا براك
وتروح وترجع بالسلامة والله يسهل دربك

DiLLi O MiLLi said...

الله معـــاك

جنك أناااا ... كلش ما أخـــــــاف من الطيارة !! والكويتية أنا مقاطعتها من 10 سنين .. أطول الرووت وأنزل بكذا ديرة ترانزيت ولا أركب الكويتية اللي تاخذني دايركت !!ء

أيييي ... حتى تلفزيون الكويت مقاطعتة من 10 سنين !! شخباره!؟

الله على باريس وجو باريس خبري فيها شهر أبريل اللي فات .. كان الجو على قولة الوالد : شربت
:)


~: مبــــارك عليــك الشــــــهر :~

Alather said...

تروح وترد بالسلامة ان شاء الله
ومبارك عليك الشهر :)

Selezya said...

ههههههههههه
حراام كل هذا بقلبك @@
يبه تروح وترد بالسلامه انشالله وبحفظ الله ورعايته بس دام بالكويتية عسا الله يوصلك لي باريس سالم :p
لان هالايام ينخاف تروح بالكويتيه
اما المسلسلات مأخوذ خيرها والله يستر
C ya broth

Q8DOLL said...

مبارك عليك الشهر اولا
وثانيا مبروك السفره
بس ياربي وقت غريب
بس على قوولتك فرصه ما تتعوض
والكويتيه يمونون شنسوي يعني صناعه محليه والكويتي انفع
مع ان هالمره الكويتي أخرع

تمتع بباريس
اللي راح تزيدك رومانسيه
أو سخريه
مادري :)
بالسلامه

Ealaf said...

ههه واضح جدًا بأنك لا تخشىالطيران , كحالتي هه !

والمسلسلات , إن لم تكنت كما تمنيت ان لا تكون فكيف ستكون إذًا

!!!

Barrak said...

qesat_5ayal

سؤالك سيدتي سؤال منطقي
ليش اتابع الاخبار
بعد القراده شلون صايره

الله يسلمك ويخليك ويحفظك

Barrak said...

Aldenya

عودتك اهي اللي عجيبه
اصلا باريس ماتحلى الا برمضان
ماكو احد
ماكو مخازز
الجو جميل
وماراح اقول شي عن المسلسلات
لان المكتوب مبين من عنوانه
بس باتفائل

اشكرك

Barrak said...

فراوله


مبارك علينا وعليك

شفيكم علي ايه باريس برمضان
عادي

ترى العام نفس الوقت كنت هناك
لازم اشوف امور الرعايا الفرنسيين
عقب رئيسهم الجديد
يمكن محتاجين حاجه محتاجه

Barrak said...

charisma
الله يسلمك
ويخليك
ويعافيك
ويتقبل طاعتك

Barrak said...

Noor

علينا وعليك سيدتي نوور
راح اقرا قران
واذا ابي انام اشغل اناشيد
بس نوصل بالسلامه
ولو ان الخطوط الجويه الكويتيه مو تكانه بس شسوي

بالنسبة للفن
اول للزمان ارجع يازمان
انا اقولك السبب طبعا انتي قيسيه على جميع الميادين الاجتماعيه والفنيه
قبل كان يهتمّون ببناء الانسان الكويتي
اللحين يهتمون ببناء شوارع وتجديد ارصفه

طبعا انتي فهمتيني

وفمان الله

Barrak said...

SolaimaN

حبيب ألبي

انت

مبارك علينا وعليك
ماتبي شي من باريس ؟

Barrak said...

MANAF

مبارك علينا وعليك
عاد لك وحشه من اللحين

صارلك جم يوم غايب
عسى ماشر

ماتوصينا بشي

؟؟؟

Barrak said...

Q8ya

علينا وعليك
انا اقول تفاءلوا
ربك كريم

يمكن ننافس المسلسلات الامريكيه

وبالنسبه للسرقه شاقول بعد الله يجازي اللي كان السبب
ولاتخافين عطيناه دعوتين
والحبايب ماقصروا بدعاويهم

Barrak said...

Mamloo7a Q8ia

علينا وعليج وعساج من عواده
والحمد لله عالسلامه

::heba:: said...

مبارك عليك الشهر براك
وتروح وترد بالسلامه انشالله

الكلمات لوول عجيبه
صج مانبي طراقات
:P

Barrak said...

DiLLi O MiLLi

الله يخليك ويسلمك
طلعتي نفسي ماتخافين
ولايهمج موضوع الطياره
ولاتهتزين باي هزه
ولا دقات قلبج تسوي جكبم بكبم لما تطير
ولا تسوي بم جك بم جك لما تهبط

ايه صح

تصدقين مرات اسب اللي اخترع الطياره
ليش ماخلونا مقزرينها على السفن والبعارين
عمركم سمعتوا ايام قبل بعارين تداعمت او هبوط اضطراري لبعير


بس ماابي اكمل
والله صج ترى من اللحين خايف

Barrak said...

Alather

الله يسلمك ويخليك
ومبارك علينا وعليك

Barrak said...

Selezya

يعني اللحين لما تقولين الله يستر من الكويتيه انا راح اتشجع واستانس واطق اصبع

حسبي الله ونعم الوكيل
بروحي انا منتهي من الخوف

ياسلام عليك

Barrak said...

Q8DOLL
علينا وعليج ايتها الزميله السابقه
ليش الوقت غريب
ماغريب الا الشيطان
احسن وقت هالوقت كل شي رخيص لانه اللي مسببين الغلاء ردّوا لاوطانهم

انشاء الله راح استمتع بباريس
واستلهم الرومانسيه واستلهم السخريه
واشكرك

Barrak said...

Ealaf

لااخاف من الطائرات
بل اتصروع فقط لاغير

لااكره المسلسلات
ولكن
اللهم اني صايم مابي اقول

بس مامنهم فايده كلش ملش

Barrak said...

::heba::

علينا وعليج
الله يسلمج ويخليج

اذا ماصار فيه طراقات وراشديات وتمجّع شعور وكحل سايح من الراشدي
مانحس بنكهة مسلسلات رمضان


ورجاءا بما اننا برمضان انا شفت صورة القهوة اللي حاطتها وتشوّقت
ترى اذا فطرن انتي السبب

عَـــــــــــــذبه said...

في احداث كثيرة صارت
وشكلي آخر من يعلم.
.!..
خطاكم السو
جد عوار قلب ان يختفي ارشيفك
ويسرق ايميلك
..
لكن عزاءنا انك انت من كتب

وسيظل إبداعك مستمرا
.
. ان شاءالله
ويديم محبة


روادك ومريديك


.
.
براك

سأظل هنا قليلا لأقرأ
احس اني الهث للحاق بكم
.
.
مبارك عليكم الشهر
وتقبل الله طاعاتكم مقدما
وتروح باريس وترجع محملا بأجمل الذكريات
وبالسلامة
كن بخير

Enter-Q8 said...

مبارك عليكم الشهر
و عساكم من عواده
و عسى الله يهله علينا بالامن و الايمان
و يحفظ كويتنا ويصلح حال حكومتنا

Joli said...

مبــــــــارك عليـــــك الشهــــــــــر

Purplecious said...

مبــــــــارك عليـــــك الشهــــــــــر

Barrak said...

عَـــــــــــــذبه

اهلا بك سيدتي العذبه

ماكو شي بيطوفك
انا من إنبقت ماصار لي شهر

وشبقول غير حسبي الله ونعم الوكيل
والله لايحرمني من هالناس الطيبه

وراح اعطيك اجازه عشان تقرين على مهلك وماتلهثين


والله يسلمك من كل شر
تسلمين

Barrak said...

Enter-Q8

كل عام وانت بخير
وعساك من عواده
والله يصلح الجميع

Barrak said...

Joli

علينا وعليك

مشكوره

Barrak said...

Purplecious

علينا وعليك
تسلمين

special vision said...
This comment has been removed by the author.
special vision said...

لووول براك جذي ما خليت شي ما شفته


عموما الي يناسبك شووفه .. بس لا تلهى عن ذكر الله وعبادته

استفيدوااا من الوقت يا جماعه فرصه لا تعوض

78o8eYa said...

مبارك عليكم الشهر
وتردون بالسلامه إن شاء الله
^_^

Barrak said...

special vision

جزاك الله خيرا

Barrak said...

78o8eYa

علينا وعليك الله يسلمك ويخليك

sologa-bologa said...

تروح وترجع بالسلامة
وكل عام وانت بخير

ودمت بحب وود

2 u ALL said...

مبارك عليك الشهر ..!! وينعاد عليك بصحه وسلامه ..!! ويتقبل منك صالح الأعمال ..!!؟

وتروح وترد بالسلامه ..!! ولا تسوي أشياء أنا ما أسويها ..!!؟

Barrak said...

sologa-bologa

وانت بصحه وسلامه


اشكرك اخوي

Barrak said...

2 u ALL

علينا وعليك جزاك الله خير

لا تحاتي حبيبي
انا ماأسوي الا الاشياء اللي انت تسويها

سويلفاتي said...

مبارك عليك الشهر وعاك تعوده بالصحه والعافيه
عسى الله يسمح دربك ويعينك على الخطوط الجويه الكويتيه ويردك سالم
انا مثلك شجاعه ولا تهزني المطبات
بس الله وكيلك قبل لا اركب الطياره اخذ لي حبتين مهدي و اذا المسافة طويله حبتين منوم ولا يهمني عقبها شي
شفت شلون انا ما اخاف

Fahad Al Askr said...

حافظك الله، هنيالك باريز بس حسافة برمضان حلاته العيد، أمانة إرجع لنا سالم

kila ma6goog said...

شنو هالخبر السيء؟

من متى و ليش و شلون و شحقه؟

خطاك السو يالحبيب و عطنا التفاصيل؟

بنت الشامية said...

هلا اخوى براك.....تونى اشوف بلوقك الجديد.....وانا اقول شفيه براك ما كتب شيئ من زمان

الحراميه وايد هالايام الله يستر

وبعدين الممثلين والممثلات ترا محد طاع كلامك ....يقولون البوتكس خلص من السوق.... حطوا اعلان بالجرايد

لوووووووووووول

انا هالسنه اعلنت مقاطعة التلفزيون رسميا ولا عندى استعداد ارفع ضغطى

وتحترق اعصابى....الا فى ما ندر

بس اوصيك هالله هالله .....بالكروسون
الله يهنيك وترد بالسلامه

بس اخشيم الفار ما اعترض....؟؟؟؟

هههههههههههه

mirage said...

تروح وترجع بالسلامة
استمتع بوقتك هناك :)

tasty_as_berry said...

السلام عليكم ورحمة الله وبركاته،

ترجع بالسلامة ان شاء الله

ومبارك عليك الشهر :)

Kuw_Son said...

موخوش سفرة بهالوقت !!

الله يردك يالسلامة .. و هالله هالله بالصيام
:P

مانبي طراقات و فناقر و براااااتم
:P

و سلملي على مدرس العربي
:P

برنسيس إيكاروس said...

أقول وين مختفي
أثاريك
رايح بلد العطور
العطور الباريسية ريحتها
طالعة من البوست
بالمناسبة التفاؤل يا ابني جميل ومطلوب
شوف اشلون خلاك تروح باريس
المهم ترجع بالسلامة
والله يحفظك و دعواتنا معاك بأي طيران كان
مودتي
منى

Mishari said...

الله يعينك الصراحة
تروح وترجع بالسلامة
ورمضان كريم
بالفرنسى :)


والله يفكنا من لوعة الجبد بالمسلسلات السخيفة

lawyer said...

تروح و ترد بالسلامه مبارك عليك الشهر

kuwaitya_7saweya said...

بالسلامه يااااااااااارب
وماكو الا العافيه انشالله

والمسلسلات هذي اهي ماتتغير
ملاقه بملاقه

وصح لسانك

Om Jaber said...

ma3a elsalaamah baba barrak ;p

Barrak said...

سويلفاتي

علينا وعليك
وشكرا على وجودك سيدتي الشجاعه

هههههههههههه
بس حبيت اقولك اني وصلت بالسلامه الى فرنسا بس الطيار ولد الحجي ريال ولد ريال خلانا مانحس بشي
بس قبل الوصول بدقيقتين خلاني افطر والسبب مطبه هوائيه خلتني اسبه

الـفــــجـــ الــبـــعـــيـــد ــــــر said...

تسير وترد بالسلامة..

وعلى المسلسلات.. الله يستر!!! كم ذنب هالممثلين والمنتجين بياخذون!!!

حشا شهر مسلسلات مب شهر صيام وعباادة

Barrak said...

Fahad Al Askr

الله يحفظك ويخليك
باريس مدينه لكل زمان
برمضان لها طعم غير
كافي انك تقعد بالقهاوي وانت متأكد محد يخزك
تسلم

Barrak said...

kila ma6goog

استاذي العزيز
متى ووين وليش
وكل التفاصيل موجوده بأول بوست انكتب بهالمدونه

لاني اذا تكلمت بيضيق خلقي من جديد
عاد الجو هني عجيب ودرجة الحرارة 12
والافطار الساعه 8
فواللي يخليك خلني انسى ماصار

Barrak said...

بنت الشامية

والله ياوخيتي شوفة عينج
البوق صار حلالي

ريك كريم

وبالنسبة للمسلسلات
ترى المبالغ اللي تندفع من قبل شركات الانتاج خياليه
عيل وحده تشتغل بالفوازيز وطايحتله دق ورقص
تاخذ 300 الف دينار
ووحده دورها كله منسدحه بالفراش
تاخذ 24 ألف
شلون ماتبينهم ينجنون

اللهم لاتؤاخذنا بما فعل السفهاء منا

Barrak said...

mirage

الله يسلمك
وراح استمتع بما يرضي الله

شكرا

Barrak said...

tasty_as_berry

الشمس من وين طالعه اليوم

هلا وغلا
الله يسلمك ويخليك
انا ماراح اعاتبج عالغياب
لما اوصل يصير خير

مكانك شكبره

اشكرك على هذا المرور الراقي

Barrak said...

Kuw_Son

العام نفس هالحزه كنت هني
وهالسنه انا هني
في طعم ثاني لهذه المدينه بهالشهر
ياخي ربعنا اذا ردوا يخلون الاسعار بارده والجو ابرد

3atreis said...

.,
\

بصراحة الله يعينك .,!
يومهم طويل وتعب
وفوق هذا الشمس تغيب متأخر

.,
الأهم مبارك عليك الشهر
وترجع بالسلامة

ابو شملان said...

مبارك عليك الشهر

وعساك من عواده


السوال

راح تصوم ولا لا :)

Barrak said...

برنسيس إيكاروس

اهلا بك سيدتي
فعلا انها بلد العطور المفعمه بالاحاسيس
الامل بالله دايم مايضيع

اشكرك سيدتي
ماتوصين بشي

Barrak said...

Mishari
يسلمك ويخليك
وترى رمضان كريم بالفرنسي يعني
bon marety et ramadan

لاتصدق ترى هذي لغة فرنسيه من تأليفي

Barrak said...

lawyer

الله يسلمك ويخليك

والحمد الله على سلامتك
شلون مصر

Barrak said...

kuwaitya_7saweya

الله يسلمج ويخليج

اي ماكو الا العافيه
حاشتنا مطبات نخض البطن

وبالنسه للمسلسلات احمد ربي اني مو بالديره
وهني ماكو الا الجزيره وام بي سي وانقز

شفت صورة التمر عورني قلبي

Barrak said...

Om Jaber

الله يسلمج يابنيتي

Barrak said...

الـفــــجـــ الــبـــعـــيـــد ــــــر

الله يسلمج ويخليج
وذنويب اهل المسلسلات والمشاهدين كبيره
انصحكم بالامتناع عنها

بـوبـحــر said...

يا اخي قصيده الي حاطها اعجبتني حيل وكسرت الوجو الي انا حاطه

براك بعد قلبي تسلم ايدك على هذا الكلام من بعد اذنك راح احطه في البلوج مالي

Barrak said...

بو بحر
اولا اشكرك على الاطراء

ثانيا
شرف لي ان يكون لي مكان في مدونك الراقيه

من غير اذن
تمون