Monday, August 31, 2009

دعوه عامه



الزملاء والزميلات الاصدقاء والصديقات الاخوة والاخوات

اتمنى تفاعلكم مع السطور التالية

يوم الاربعاء المقبل 2 سبتمبر 2009 في تمام الساعة 9 مساء

يفتتح معرض "ملتقى علشانهم" اللي يجمع عدد من الشباب الكويتي المبدعين في عدة مجالات التصوير الفوتوغرافي والفنون التشكيلية والأدب راح يعرضون ابداعاتهم للبيع،وسيكون 75% من ريع المعرض لصالح بيت عبدالله

يرعى الملتقى وزير الصحة د.هلال الساير

المكان: كريب كافيه - مجمع الراية
الزمان : يوم الاربعاء 2 سبتمبر 2009 في تمام الساعة 9 مساء

المشاركين

المصورين الفوتوغرافيين

جنان بهزاد - فيصل اشكناني - شريفة دشتي

الفنانين التشكيليين

وداد المطوع - اسراء شمس الدين - جنان خسروه - سارة النومس رسامة كاريكاتير - بدر بن غيث رسام كاريكاتير

الكتّاب

أحمد الحيدر "كتاب رجال من العبدلي ونساء من الوفرة" الشاعر براك الصوري "ديوان براك"

Sunday, August 30, 2009

برامج رمضانيه


استعدوا

للبرامج الرمضانيه

استعدوا

للمواضيع السطحيه

القصه كلها طراقات

ويمعة ممثلين وممثلات

ورجل حكيم

حواليه جمبازيه

استعدوا

للبرامج الرمضانيه


،،،،،،

بنشوف عرض للدراريع

وسخافة يديده وحركات

بنشوف مخفر وخط سريع

وأفخم وأرقى السيارات

كأن الديره كلها مليونيريّه

استعدوا

للبرامج الرمضانيه

،،،،،،
مسلسل بالضحى وبالليل

وبعد الفطور الدم الثجيل

وملاقه تشيّب الراس

ديروا بالكم ياناس

لاتنسون الكاميرا الخفيه


استعدوا للمآسي الرمضانيه

٩-٧-٢٠٠٩
الاحد

Thursday, August 27, 2009

ظامي سراب

دعوة لسبر اغوار روح جديده


http://www.thamisarab.blogspot.com/

هذا عنوان مدونه جديده لشخص كان سبب في دخولي لعالم المدونات تشرفت بإقناعه بالدخول لهذا العالم لان كلماته تستحق ان تنطلق في سماء الابداع

Wednesday, August 19, 2009

زهيرية الستلايت



فيه ناس داخل أذونهم ستلايتات


يتسمّعون طايحيله بالحش سلايتات


يتنقل الحجي أسرع من شبّة الليتات

عقولهم فاضيه وداخل نفوسهم ظَلمه


آه من جور الزمان وأه من ظلمه


الحقيقه من افعالهم إصرخت متظلمه


صارت الإشاعه كذبه تنقلها ستلايتات

Sunday, August 16, 2009

الله يرحمهم







لنمد أيدينا لأهلنا في الجهراء للتبرع بالدم لكارثة الجهراء بأسرع وقت ممكن للمصابين حيث ان جميع فصائل الدم مطلوبة بكميات كبيرة






باب التبرع مفتوح من السابعة صباحا في بنك الدم والهلال الأحمر الى التاسعة مساءا في بنك الدم والعاشرة في الهلال الاحمر


كلنا أمل بدعمكم ومساهمتكم

........

Thursday, August 13, 2009

ماتدرين




انتي تدرين

إني بأرض

طبيعتها جامده

نسماتها ماهي عليله

إنتي تدرين

إن السما علينا بخيله

وإن الورود جليله

ورغم كل هذا

بابقى أتغنّى فيج

.... بالنوّير

.... بالسدرة الحنينه

بشجره عطشانه ومرتويه

تدرين

أقدر أخلق من بساتين عيونج

دواوين

وإنتي تدرين

......

إنتي تدرين

ماشفت نهر جاري

عشان أشبّه فيه شوقي

تصدقين ماني داري

أبوصف نَبض  عروقي

.... وهيام

.... ولهفه

....وحنين

تدرين ؟؟؟؟

......

ماتدرين

إن معنى الهدوء أفقده

بس أعرف أحسّه وياج

ماتدرين بحبّج بدا

يسري من قلبي لي يمناج


وياعلج تحسّين

... ماتدرين

... ماتدرين

... ماتدرين

٣١-٧-٢٠٠٩
الجمعه

Monday, August 10, 2009

مقصله




بكل بقعه بالأرض مصيبه ومشكله

نزاعات ومظاهرات أمراض وحروب

العالم يشكي من ضيقة ومعضله

ناس تظلم ناس بذمه ولا تتوب

هل هذي النهاية فهموني المسأله

والا هذا مجرد تكفير ذنوب

فيه شي صاير لا لا فيه بلا

 معقوله الحق بكل مكان مسلوب؟

فايروس طيور  وأمراض كلى

ناس تنشل من إبره ومن حبوب

الفوضى صايره فوق ارقابنا مسلله

والخوف انزرع بالأرواح والقلوب

أزمة إقتصادية وعالم من همّه إمتلى

بسنا عاد نبي منطق و إسلوب

متى ألقى أنا حل حق هالمشكله

حقي من الهدوء بهالدنيا مسلوب

6-8-2009
الخميس

Thursday, August 6, 2009

لا







 قالوا إنساه


وعوفه ؟؟

قلت : 

بس 

خلوني أشوفه

وأوعدكم أعوفه

و أنساه

......

قالوا تَصبِر على بعاده ؟؟

قلت : النيران وقّاده

تذوّب روحي بحشاي

والنار ماتبي ماي؟؟

الماي شوفته

إي والله

قالوا انساه

........

لو قالوا مليون لو

كل ماله بعيوني يحلو

أسئله إجاباتها بعيوني

ياناس خلّوني

أعيش مابقى ويّاه

وتالي أنساه

!!! أنساه

!!! أنساه

!!! أنساه