كتبت بمناسبة زواج اخي خالد
ــــــــــــــــــــ
بووليد
ليش أحس بالعيد
وطيور تحوم حواليك
وكل الغيوم تناغيك
والبهجه كلمالها وتزيد
يابووليد
،،،،،،
ماتشوف عيون اللي يحبونك
كلهم بحب ينادونك
فرحتهم غطّت الكون
إفرحت قلوب وإدمعت عيون
شفت شلون الصبر يفيد
يابووليد
،،،،،،
زوجناك والألم بقلوبنا
ذبح أرواحنا وصدورنا
ماكان ويانا بوبراك
تأكد كان فرحان هناك
وماكان عنّك بعيد
يابووليد
،،،،،،،
شفت عيون أمك
كانت بشوق تضمّك
وعيونها غورفت على جتوفك
حسيت بلمتها بحنايا يوفك
ياعلك دوم سعيد
يابووليد
،،،،،،،
أدري خطبتلك وماسديت مكانه
أدري لوشما أسوّي أنا
ماأقدر اعوضك حنانه
العين بصرت
وقصرت الإيد
يابووليد
29 comments:
ربي يتمم عليه بالخير :)
الله يعطيك طولة العمر وتخطب لعياله
الطيور تحوم حولك
والغيوم تناغيك
!!
الله الله على هالفرح
ليش يا براك كل قلب قرا كلامك اليوم بيحس ان سعيد؟
:)
الله يحفظ بو وليد ويبارك له ويتمم عليه فرحته
وعسى ابو براك بجنات النعيم
و عسى الرحمن يحفظ الغاليه ام براك ويبلغك بعييلك يارب
وخشيم الفار زوجه مبجر
اسمع كلامي وانا اخيتك
:Pp~
،،،،،،،
أدري خطبتلك وماسديت مكانه
أدري لوشما أسوّي أنا
ماأقدر اعوضك حنانه
العين بصرت
وقصرت الإيد
يابووليد
عجبني هالمقطع المؤثر
اخوى براك هذا حال الدنيا
وأنت فيك الخير وأنشاء الله تسد مكان الوالد
ومليون مبرووك والله يتمم عليكم
وبس
بابل
ليش أحس بالعيد
وطيور تحوم حواليك
وكل الغيوم تناغيك
والبهجه كلمالها وتزيد
..
دايما احساسك يسكن
ارواحنا بسهولة عجيبة
الف مبروك يابراك
ربي يوفقهم ويتمم عليهم
ويملي ايامهم فرح وسعادة
بالمباااارك
منه المال ومنها العيال
والله يطول بعمرك ويخليك لعيالك
والفال حق عبودي معرس تشوفه
وبيدك تلبسه البشت. . . . ولعروسته صبا الحلوه تزفه
:)))
بس عاد امصخت متى اتخطبوني عيزت وانا انطر
؛)
ألف مبروك يا وخيي
وعسى الله يطول بعمرك
و يبلغك بعيالك
وعسى ايامكم كلها افراح
:)
الله عليك
بالمبارك و عسى الله يوفق بو وليد و يسعده دوم
كبرياء انثى
الله يسلمج ياسيدة التعليق الاول
الله يبعد عنج التعب
استكانه
كانت مشاعر مختلطه
من الفرح والحزن
كانت خلطه لطيفه مؤلمه
الله يسلمج ياوخيتي
ويطول بعمرج
خشيم الفار شكله اهو اللي بيزوجني مو انا اللي بزوجه
بابل
يا صاحب القلب الكبير
الله يبارك فيك ويسعدك
ويحققلك امانيك
Najmah
ماراح اتكلم وايد
كافي انك نجمه
اشكرج
صبا
الله يسلمج ويخليج
احنا نبي نخطبج
بس انتي مغتره بعبودي
وايد
ترى شايف نفسه على ماميش
وبعدين مهرج وايد غالي
احنامو لاقين ناكل
Mamloo7a Q8ia
الله يبارك فيج ويخليج
مشكوره ياأخيتي الغاليه
تسلمين
mtfa2el
الله يسلمك ويخليك
فيك الخير ياخوي الغالي
بالمبارك :)
Bloggerista
الله يبارك فيج ويسلمج
بالمبارك
الله يتمم عليه يارب
:)
شنو هالابداع
والله انت مبدع
مبدع اشويه عليك
!
الله يسعده و يوفقهم ويوفق الجميع
احساس صعب امتزاج الفرح بالحنين ، ماراح اذكر الالم .
مبروكيين
مبدع كعادتك بالوصف واللهجة الاصيله
على البركة
ربي يوفقه ويسعده
ويسعدك ايها الاخ الاكبر
تبلغ في عيالك يا رب
عسى الله يبارك لكم جميعا ويسعد أخوك ويستر عله
عسى الله يديم افراحكم
ولا تجعل من الفرح يوم حزين
هذه الدنيا واذا انت اخوه الكبير تراه بخير ان شاء الله
ألف مبروك
محد يسد مكان الوالد يا براك
حرام عليك بجيتنا بهالليل
رحمة الله عليهم
الله يخليك لخوانك وخواتك واميييمتك
why me
الله يبارك فيج
تسلمين ومشكوره
violinist_q8
الله يسلمك ويوفقك ويخليك
اشكرك على مرورك
تشرفت فيك
الله يبعدنا ويبعدكم عن الالم
أتيت متاخرة
الله يبارك فيج ويخليج
مشكوره
وهم بعد متأخره
ههههههه
كويــتي لايــعه كبــده
طول عمرك كبير
بذوقك وأخلاقك وتواصلك
الله لايحرمنا منك
تسلم يالغالي
ميمة السبيت
اي والله محد
الله يخليج ويسلمج
ويطول بعمرج
واسف
بس حبيت اكتب مشاعر مختلفه وايد تأثرت فيها
اشكرج
الف مبروك ربنا يتتمله على خير
بنت أبيها
الله يبارك فيك
ويخليك
ويحميك
نورتينا ياسيدتي
Post a Comment