ترفّق بعليلٍ من صدّاتك تخدّه
من رحت عنه ودمعته بخدّه
همومه لحافه وجروحه مخدّه
صد عني وأحوالي مهي بزينه
العقل منه اختلت موازينه
يخطي علي وأقول وازينه
تنوّر دنياي من نور خدّه
ــــــــــــــــــــــــــــــــــــــــــــــــــــــ
تخده:اي كان مدركا وأصبح لايدرك أي تائه والصفه هي مخدّي بتشديد الدال ويطلق على الرجل او المرأه الكسلانه خدايوه
بخده : أي الخد
مخده: اي الوساده
مهي بزينه : ليست بجيده
موازينه : اي ميزان العقل
وازينه : اي ماأجمله
20 comments:
والله والله اني لشوفتك واله
وبحق موسى و عيسى والنبي واله
القلب زادت تفاكيره وولواله
من يوم شفت الجفا جسمي غدا ناحلي
وحش الفلا نحت له رد وعطف ناح لي
ماناح وحش الفلا راضي حشا ناح لي
بس قال مسكين هالحب ايتراواله
الله يا براك الله
دائما الزهيرات لها ذوق آخر واحساس مختلف
حبيت زهيريتك
كثر منهم ربي يسعدك
وطبعا ميمة السبيت ابدعت معاك
:)
الله يا براك
من احلى ما قريت
شلون
توقع يومي بيكون اذا بديت بهالنص
الراقي
مشكور براك
خذه!! واااااو
يا حلو خده
:)
يا حلو كل الخدوووود
سلامة عقلك يا براك
ولا احلي
نص عجيب وبس
يااااااااااااااااااااااااا الله
راقي بكلماتك
خوش زهيرية صديقي :)
بعد نبي زهيري نبي زهيري
ميمة السبيت
الله ياسيدة التعليق الاول
اشكرك على مرورك الاول
وصح لسانك
او صح لسان من قال
اعتقد اني سامع هالزهيرية
اشكرك
الزين
اسعد اللحظات اعيشها وانا اكتب او افكر بزهيرية
راح احاول اكثر
ولكن فيه فكره اني اجمع كل الزهيريات بكتاب واحد هذا سبب الإقلال بكتابة الزهيريات
اشكرك والشكر موصول لصاحبة التعليق الاول
منو ينسى
اشكرك ياسيدتي
واتمنى لك يوما سعيدا
وجميل
ShLaLaT
ياحلو مرورك سيدتي
Sweet Revenge
يسلمج ويخليج
مشكوره على تواصلك
nEo
يالله على وجودك
استانس لما القاك هنيه وايد
انت تامر
مبدع يا براك
ما أمكلك أكثر من كلمة ابداع
مساء الخير
:)
قرأت النص أول ما نزل بس ما فهمته
كنت ناطرة الترجمه
:p
شكرا على الترجمه الواضحة
كلمه تخده تكسر الخاطر
عمرك شفت كلمه تكسر الخاطر يا بوعبدالله؟
من رحت عنه ودمعته بخدّه
همومه لحافه وجروحه مخدّه
عجيب
ذكرني بكلمه:
يا عزتي له
:)
الله مـــــن زمــــــان
مو كاتبه بهالمكان
خليت أبوي يقراها
عجبته :]
قالي منو هذا ؟
قتله يبه واحد اسمه براك
قالي والله يا بنيتي مو سامع فيه من قبل
بس كلامه زين
:]
تسلم اييدك أخوي براك
وسعت صدرنا
الى متى نستجدي رحمتهم و حبهم,,
إن كانو يقوون الصد تأكد نقواه ,,
:(
كُن بخير ايها المبدع ^^
كبرياء انثى
اشكرك سيدتي الراقيه
مااملك الا ان اشكرك
esTeKaNa
مساء الورد
ولو انها متأخره
وايد
حلوه كلمة تكسر الخاطر
والاحلى واعزتي له
اشكرك
U-Turn
هالمكان ولهان عليج من زمان
نورتينا
الله يطول بعمر والدك
بلغيه احترامي وسلامي
وقولي له شرف لبراك ان يقرا له شخص مثل ابوك
اشكركم
أسيرة اللوحة
الى متى
هذا السؤال لااملك اجابه له
لان كل مافيني تخده
اشكرك سيدتي الراقيه
Post a Comment