Monday, April 27, 2009

بووليد

كتبت بمناسبة زواج اخي خالد
ــــــــــــــــــــ
بووليد
ليش أحس بالعيد
وطيور تحوم حواليك
وكل الغيوم تناغيك
والبهجه كلمالها وتزيد
يابووليد
،،،،،،
ماتشوف عيون اللي يحبونك
كلهم بحب ينادونك
فرحتهم غطّت الكون
إفرحت قلوب وإدمعت عيون
شفت شلون الصبر يفيد
يابووليد
،،،،،،
زوجناك والألم بقلوبنا
ذبح أرواحنا وصدورنا
ماكان ويانا بوبراك
تأكد كان فرحان هناك
وماكان عنّك بعيد
يابووليد
،،،،،،،
شفت عيون أمك
كانت بشوق تضمّك
وعيونها غورفت على جتوفك
حسيت بلمتها بحنايا يوفك
ياعلك دوم سعيد
يابووليد
،،،،،،،
أدري خطبتلك وماسديت مكانه
أدري لوشما أسوّي أنا
ماأقدر اعوضك حنانه
العين بصرت
وقصرت الإيد
يابووليد

29 comments:

كبرياء انثى said...

ربي يتمم عليه بالخير :)
الله يعطيك طولة العمر وتخطب لعياله

esTeKaNa said...

الطيور تحوم حولك
والغيوم تناغيك
!!
الله الله على هالفرح
ليش يا براك كل قلب قرا كلامك اليوم بيحس ان سعيد؟
:)
الله يحفظ بو وليد ويبارك له ويتمم عليه فرحته
وعسى ابو براك بجنات النعيم
و عسى الرحمن يحفظ الغاليه ام براك ويبلغك بعييلك يارب
وخشيم الفار زوجه مبجر
اسمع كلامي وانا اخيتك
:Pp~

بـابـل said...

،،،،،،،
أدري خطبتلك وماسديت مكانه
أدري لوشما أسوّي أنا
ماأقدر اعوضك حنانه
العين بصرت
وقصرت الإيد
يابووليد

عجبني هالمقطع المؤثر

اخوى براك هذا حال الدنيا

وأنت فيك الخير وأنشاء الله تسد مكان الوالد

ومليون مبرووك والله يتمم عليكم


وبس

بابل

Najmah said...

ليش أحس بالعيد
وطيور تحوم حواليك
وكل الغيوم تناغيك
والبهجه كلمالها وتزيد
..
دايما احساسك يسكن
ارواحنا بسهولة عجيبة
الف مبروك يابراك
ربي يوفقهم ويتمم عليهم
ويملي ايامهم فرح وسعادة

صبا said...
This comment has been removed by the author.
صبا said...

بالمباااارك
منه المال ومنها العيال
والله يطول بعمرك ويخليك لعيالك


والفال حق عبودي معرس تشوفه
وبيدك تلبسه البشت. . . . ولعروسته صبا الحلوه تزفه


:)))

بس عاد امصخت متى اتخطبوني عيزت وانا انطر
؛)

Mamloo7a Q8ia said...

ألف مبروك يا وخيي
وعسى الله يطول بعمرك
و يبلغك بعيالك
وعسى ايامكم كلها افراح
:)

mtfa2el said...

الله عليك

بالمبارك و عسى الله يوفق بو وليد و يسعده دوم

Barrak said...

كبرياء انثى

الله يسلمج ياسيدة التعليق الاول

الله يبعد عنج التعب

Barrak said...

استكانه

كانت مشاعر مختلطه

من الفرح والحزن

كانت خلطه لطيفه مؤلمه

الله يسلمج ياوخيتي


ويطول بعمرج

خشيم الفار شكله اهو اللي بيزوجني مو انا اللي بزوجه

Barrak said...

بابل


يا صاحب القلب الكبير

الله يبارك فيك ويسعدك

ويحققلك امانيك

Barrak said...

Najmah

ماراح اتكلم وايد

كافي انك نجمه

اشكرج

Barrak said...

صبا

الله يسلمج ويخليج

احنا نبي نخطبج

بس انتي مغتره بعبودي

وايد


ترى شايف نفسه على ماميش

وبعدين مهرج وايد غالي

احنامو لاقين ناكل

Barrak said...

Mamloo7a Q8ia

الله يبارك فيج ويخليج

مشكوره ياأخيتي الغاليه

تسلمين

Barrak said...

mtfa2el

الله يسلمك ويخليك

فيك الخير ياخوي الغالي

Bloggerista said...

بالمبارك :)

Barrak said...

Bloggerista

الله يبارك فيج ويسلمج

why me said...

بالمبارك


الله يتمم عليه يارب


:)



شنو هالابداع
والله انت مبدع
مبدع اشويه عليك
!

violinist_q8 said...

الله يسعده و يوفقهم ويوفق الجميع
احساس صعب امتزاج الفرح بالحنين ، ماراح اذكر الالم .
مبروكيين

مبدع كعادتك بالوصف واللهجة الاصيله

أتيت متاخرة said...

على البركة
ربي يوفقه ويسعده
ويسعدك ايها الاخ الاكبر
تبلغ في عيالك يا رب

كويــتي لايــعه كبــده said...

عسى الله يبارك لكم جميعا ويسعد أخوك ويستر عله

عسى الله يديم افراحكم
ولا تجعل من الفرح يوم حزين
هذه الدنيا واذا انت اخوه الكبير تراه بخير ان شاء الله

ألف مبروك

ميمة السبيت said...

محد يسد مكان الوالد يا براك

حرام عليك بجيتنا بهالليل

رحمة الله عليهم

الله يخليك لخوانك وخواتك واميييمتك

Barrak said...

why me

الله يبارك فيج

تسلمين ومشكوره

Barrak said...

violinist_q8


الله يسلمك ويوفقك ويخليك

اشكرك على مرورك
تشرفت فيك

الله يبعدنا ويبعدكم عن الالم

Barrak said...

أتيت متاخرة


الله يبارك فيج ويخليج

مشكوره

وهم بعد متأخره


ههههههه

Barrak said...

كويــتي لايــعه كبــده

طول عمرك كبير
بذوقك وأخلاقك وتواصلك

الله لايحرمنا منك

تسلم يالغالي

Barrak said...

ميمة السبيت

اي والله محد

الله يخليج ويسلمج

ويطول بعمرج

واسف

بس حبيت اكتب مشاعر مختلفه وايد تأثرت فيها


اشكرج

بنت أبيها said...

الف مبروك ربنا يتتمله على خير

Barrak said...

بنت أبيها

الله يبارك فيك

ويخليك

ويحميك

نورتينا ياسيدتي