Tuesday, April 21, 2009

ياعيالي

: رسالة إلى ابنائي

ياعيالي ياعيالي

لاتخافون علي ياعيالي

اذا خذوني عنكم

اذا منعوني منكم

انتو ببالي

ياعيالي

,,,,,,,,

ماأوصيكم تجيبون لي ميرندا

ولحاف ومسواك ومخده

وزرعوا صوب البيت ورده

وداروها بدالي

ياعيالي ياعيالي

,,,,,,,

يمكن يقولون ابوكم نصاب

يمكن يسموني الكذاب

ومثال سئ للشباب

أو مالي والي

ياعيالي ياعيالي

,,,,,,,

يمكن يسموني لص المدونات

مجرم كريه عدو الإنصات

هيهات يايبا هيهات

تراني ابوكم الغالي

ياعيالي ياعيالي

,,,,,

يبا الحريه طوق ورد لبسوه

يبا الوطن بعيونكم حضنوه

حبوه إحموه داروه

وكملوا باجي آمالي

ياعيالي ياعيالي

,,,,,

إنطقوا بالحق أبد لاتخافون

يسوّون اللي يسوّون

غير الله لاتهابون

ياراس مالي

ياعيالي ياعيالي

21-4-2009

الثلاثاء

12 comments:

كويــتي لايــعه كبــده said...

اول شيء عسى الله يخلي لك عيالك ويسعدك فيهم

وبعدين ما ودنا نكون بحاجة هذه الأشعار لكن العتب على الحكومة ضعيفة عفوا عديمة النظر

`~MnO YeNSa! ~` said...

عسى الله يخليك لهم
يخليهم لك

Sweet Revenge said...

إنطقوا بالحق أبد لاتخافون
يسوّون اللي يسوّون
غير الله لاتهاب


يكفيهم هذا منك ,الله يحفظ العيال وابو العيال

Mamloo7a Q8ia said...

عسى الله يحفظك من كل شر
يا وخيي الغالي
ويحفظ عيالك وكل من تحب

وصاج يا خوي الوطن غالي
ولازم يحبونه ويحظنونه
ويحطونه في قلوبهم
ويحمونه بتكاتفهم

كلمات روعه يا شاعرنا المبدع
تسلم ايدياتك

حنطفيس said...

الله يخليهم لك ويخليك لهم

الحمدلله الكويت كانت ولازالت بلد الحريات , لابوجد سجناء رأي بل يوجد سجناء رأي شاذ ووقح مثل الاحداث الاخيره
مارس حريتك بكل ارتياح طالما انها لاتخرج عن حدود الادب والاخلاق
وانت يابراك عالم ماتنتعلم

أسيرة اللوحة said...

كلماتك مؤثرة ,,
و من كان لهم أب يرى الحرية هي الحياة فهم بنعمه لا تُقدر ,,

ادامك الله لهم و لا حرمت قربهم ,,
و اعانكم على خدمه الوطنو الدين ,,

دمت بخير ^^

Barrak said...

كويــتي لايــعه كبــده

يخليك ويسلمك

ياصاحب التعليق الاول


لاتقول ضعيفه دير بالك

قول فيها فقر دم مش احلى

Barrak said...

منو ينسى

عسى الله يخليك ويسلمك ويحميك

مشكوره

Barrak said...

Sweet Revenge

الله يحفظك ويخليك ويحميك


مشكوره

Barrak said...

Mamloo7a Q8ia

اللهم امين

افرح بوجودك سيدتي الراقيه

اتمنى لك الصحه والعافيه

يارب


تسلمين

Barrak said...

حنطفيس

الله يخليك ويحفظك تسلم

نورتني بهالزياره ياخوي

حبيبي انت

انت تعرفني انا ضد الخطب الجوفاء والناس اللي تدعي حب الوطن
ومااحترم اللي مايحترم رموز البلد
وتدري ان حب هالوطن موجود بقلبي

انا ضد وأد الحريات
انا عشت بمرحلة حامي الديار ودقت الساعه انا تربيت على مبدأ احترام الاخرين وبنفس الوقت اقول اللي ابيه بحدود أخلاقي
انت تدري ان قبيلتي الكويت

لكن الطريقه غلط
هالطريقه ساعدت اصحاب الصراخ وراح تنجحهم

لو تنعرض مره اخرى مسرحية حامي الديار بهالايام اعتقد العموم راح ياخذ مؤبد

انا نشرت ديواني وقلت اللي ابيه قلت للاسف تتحكم فينا هوامش عقول
مااحد اذاني ولاعذبني ولاغربلني
لانه هذي الكويت
بلد الحريه

اتمنى ان تكون بلد الحريه للابد
وان تحترم بضم الباء حرية الرأي

احنا بنعمه
اذا حسيت انها ممكن تزول لازم اعلم عيالي انهم مايتأثرون ولايسكتون

واتمنى ان اهم يمارسون حرياتهم بحدود الادب

وان الكويتي تربى على الحريه

عقلية العصا انتهى دورها

دايما اتعلم منك ياخوي

لانك استاذ

مشكور واسف على الاطاله

Barrak said...

أسيرة اللوحة

اشكرك سيدتي

وانا بنعمه بوجود عقولا نيره مثلكم

مع صادق احترامي سيدتي