Friday, April 24, 2009

غزو












تذكرون أيام الغزو


يوم اذبحوا كل شي حلو

تذكرون أيام الإعتقالات

تذكرون أيام الباصات

اللي شالت شباب الكويت

وراحت لنينوى والبصره

وعند الناس اللفو

تذكرون أيام الغزو

،،،،،،،،

تذكرون السيطرات

وأهل الهوسات

وصيحات الماجدات

ماكان في كويتي واحد

يقول : أنا شكو

تذكرون أيام الغزو

،،،،،،،،،،

تذكرون دموع جابر

يوم بجى على الديره

وربّى بدمعته مشاعر

خلّت حب الوطن سيره

 يوم الناس كلهم

عشانه صفقوا ووقفوا

تذكرون يوم الغزو

،،،،،،،،،،

تذكرون عيال كيفان

خلوا المنطقه ميدان

داسوا على روس المغتصبين

علموهم شنو يعني كويتيين

وشنو يعني ندوس العدو

تذكرون أيام الغزو

،،،،،،،،

تذكرون يوم على السطوح كبّرنا

وسمّعنا برنا وبحرنا

الله وأكبر على الظالم

وإسمعونا كل العالم

وقالوا ونعم فينا

والله كفو

تذكرون أيام الغزو

،،،،،،،،

تذكرون يوم الضربة الجويه

يوم إشبقتنا الدنيا

وكان الأمل يبرق

كانت القلوب تخفق

وطارت أسراب المحتليين

مثل الطفو

تذكرون أيام الغزو

،،،،،،،

تذكرون يوم حلفنا نحب الوطن

ومانخليه مهما دار الزمن

تذكرون إغنية وطن النهار

اللي بكّت كبار وصغار

منو مابجى يومها منو

تذكورن أيام الغزو

،،،،،،،،،

 وحقول البترول يوم حرقوها

وعيال الكويت بعزيمتهم طفّوها

ماهمهم نار ولا حروره

كان حب الوطن ضروره

ماخافوا دخان وإلا ربو

تذكرون أيام الغزو

،،،،،،،،،

بأذكّركم بذيج الأيام ياكويتيين

شوفوا انتو شتسوون اللحين

صرنا مفترقين

ماقمت اسمع كلمة كويتي

بس سلف -شيعه-حضر

وبدو

نسيتوا الغزو؟؟

28 comments:

مَـــــعْــــمَــــعَـــــه said...

الله يرحمه امير القلوب ويسكنه فسيح جناته


والله لا يعيدها من ايام سوده وذكريات تعيسه

ma6goog said...

صح لسانك

رجل يحمل مشاعر said...

نغيب ونتغير ولكن نعود فنجد براك متمسك بإبداعه وأصاله فكره وجمال كلماته وعبق الماضي في نظمه وسرده

لله درك من مبدع تأسر قلبي عندما أتصفح روائعك :)

رجل يحمل مشاعر said...

نغيب ونتغير ولكن نعود فنجد براك متمسك بإبداعه وأصاله فكره وجمال كلماته وعبق الماضي في نظمه وسرده

لله درك من مبدع تأسر قلبي عندما أتصفح روائعك :)

U-Turn said...

كنت موجوده
بس عنونه :$
فالصراحه ما أذكر

تسلم إيدك على هالكلمات
ويعطييك العافيه
حرام اعلق زياده أظلم الكلمات بعدين :]

كبرياء انثى said...

يبتها على الجرح يا براك
مو بس صح لسانك إلا يسلم راسك بعد

Kuwait said...

صح لسانك ..
ما نسينا ولا نقدر ننسـى :(

-------------

بـراك صراحه لي مده معاي أمانه لك وكل ما نويت أوصلها أنسى :)
بنت وحده من البنات الي معانا بالدوام زايرتنا من فتره بالدوام وشفت معاها ديوانك حدها طايره فيه وامها بس تتحلطم لان البنت مستخفه على الشعر ومطنشه الدراسه على قولة الام بدال ما تشوف بيدها كتاب علوم والا رياضيات ما تشوف الا ديوان براك ..;p
عاد وانا قاعده اسولف مع البنوته تفاجـأت بصراحه ان لها محاولات انها تكتب مثل كتاباتك تقلدك بالاسلوب والطريقه ..
وانا وعدتها اني آخذ وحده من هالمحاولات مالتها وأوصلها لك ;D
طبعا اهيا مو مصدقتني وإعيزت تحاول اتعرف اشلون راح اوصلك اياها وبما ان امها مانعه عنهم النت وهالسوالف والا جان عطيتها موقع مدونتك لكن احترمت رغبـة الأم :)

مدرسه
فيها الدراسه معفسـه
دين ورياضه وهندسه
فيها ادارة مفهرسه
حتى المواد إمسيسه

صج مدرسه

تابعه لوزارة تربيه
ينقصها العطاء والتضحيه
ما يبون غير الأذكيـه
للفوز بمسابقات التربيه

خوووش مدرسه


مدرساتنا سوريه ، هنديه ومصريه
شوفيلنا صرفه يا نوريه
درجاتنا مقابل الفلوس والهديه
عشان نحصل 60 بالميـه

إيــه مدرســه

مدرسات تلعب طول السنـه
وتاليتها أنيابهم مسننه
وقت امتحانات آخر السنــه
خلونا نعيد السنـه

أكو أحلى من هالمدرســه !!


ان شاء الله الأمانه تكون وصلت واعذرني لاني تأخرت في توصيلها :)

صبا said...

الله عليك يا بوعبدالله

عورت قلبي

وختمتها صح

تسلم الايادي يارب

وصح السانك بكل كلمه نطقها قلبك يالشيخ

,,

صبا said...

كوييييييييييت
كويت
كويت

والله العظيم لو مو ذاكره بردج انه البنت اهي الي كاتبه هالحجي

والا والله جان قلت هذا برااااك
بو عبدالله
ماشالله عليها
عجيبه

براااااااااك
في وحده تنافسك

الله عليكم
إنتو
شي ثااااني

ما شالله
:)))

ميمة السبيت said...

الله لايعيدها من ايام

بس للأسف محد يتعض ويتعلم

صح لسانك

* لزهيرية كانت حق رحمة الله عليه *عبدالرحمن الضويحي

كويــتي لايــعه كبــده said...

صح لسانك لا تكفي لما سطرت
لا اعلم كيف أعبر عن ما كتبت

من أفضل ما قرأت في المدونات الكويتية اطلاقا وأكثرها اختصارا

--
"ماكان في كويتي واحد
يقول : أنا شكو"

نبي هالهمة في الانتخابات

"تذكرون دموع جابر
يوم بجى على الديره
وربّى بدمعته مشاعر"

الله يرحمه
ويرحم أيامه
وعلى اللي يدمع للديرة

"تذكرون عيال كيفان
خلوا المنطقه ميدان"

وستين نعم

"تذكرون يوم حلفنا نحب الوطن"

ما نسينا حلفنا

"شوفوا انتو شتسوون اللحين"

مع الأسف
--

الغزو وانا أخوك أمس للكثير منا
ناسين أشياء من الاسبوع اللي فات لكن تفاصيل الغزو نذكرها بريحتها وتفاصيها

أحييك على هذا البوست
شكرا

sologa-bologa said...

هو كان فيه غزو
؟؟
ذكرياته طارت مثل الطفو


تصدق عاد
حتى أغنية وطن النهار أعادوا إخراجها
وقتلوا فيها أحلى مناسبة نذكرها

شنو اللي بقى بعد
!!!


بعد اذنك براك
رسالة إلى المدونة

KUWAIT

ما شاء الله على هالبنية
اهتموا فيها
عندها حس راقي وجميل




ودمتم بحب وود

Kuwait said...

صبـا ..
اييييييي انا بعد لما قريت كتاباتها حسيت نفسي قاعده اقرا لبراك حيل قاعده تحاول تقلده :)

سلوقا بلوقا ..
@@
أم البنت تشوف ان الدراسه اهم من اي شي ثاني ومن النوعيه الي ينظرون لمواهب الشعر والرسم وغيرها نظره سطحيه وما يتعاملون مع البنت على اساس ان عندها ابداع لا بالعكس يحبطونها لدرجة ان البنت ما كان حتى عندها ثقه بنفسها وما كانت راضيه تراويني كتاباتها متفشله وتقول ان خرابيط مثل ما امها تقول عنها :)

حاليمة said...

ايه والله اذكره الله لا يرده ..
يعطيك العافية براك.. لكن من الي يتعض...

بنت أبيها said...

هكذا تجد الغزو في كل بلد

ولكنه بصور مختلفة

ولكن نتيجته واحدة

التفرق

دمت بخير

Barrak said...

مَـــــعْــــمَــــعَـــــه

الله يرحمه ويرحم الشيخ سعد

اشكرك على تعليقك الاول

شكرا

Barrak said...

مطقوق

صح بدنك

Barrak said...

رجل يحمل مشاعر

سيدي الراقي

كم اشتاق لوجودك هنا

وكم اسعد بكلماتك الصادقه

فهي تشجعني


جدا

تقبل احترامي سيدي

Barrak said...

U-Turn

جذيه انتي كبرتيني

انا كان عمري 16

يالله الجدوه

اتمنى ان لاتمحى هذه الذكرى

لو استنبطنا معانيها

حتما سنتغير للافضل

Barrak said...

كبرياء انثى


صح بدنك

مشكوره سيدتي

تسلمين

Barrak said...

Kuwait

صح بدنك

فرحني كلامك وايد

قولي حق شاعرتنا الكبيره

براك يقولك انها اكبر من اني اقيمها

البنت واقعيه دمها خفيف
عندها القدره على اختيار كلماتها بذكاء
فيها ادارة مفهرسه

هذا قصدي بالذكاء

ياسلام الله يحفظها


انياب مسننه

الله الله

وقوليلها بعد

رايي انا مو مهم

شوفي راي صبا وسولوجا
حسوا بالكلمات وهذا الشي كافي


مو مهم انا شقول
قوليلها استمري ولاتهابين
وشرف لي ان ديواني يكون بين اياديها

ومشكوره على توصيلك للامانه

Barrak said...

صبا

صح بدنك

ومشكوره على وجودك وتعليقك

ومشكوره على تشجيعك للبنت

اهي تستحق منكم التشجيع

Barrak said...

ميمة السبيت

وليش محد يتعض

وليش وليش

ليشات وايد ياوخيتي

قبل جم يوم شفت اسم شعيده بطله من شهدائنا الابرار على فرع لوازم العائله لجمعية السره

تخيلي

وين تبين نتعض

بالنسبه للزهيرية

الله على اختيارك

قلتلك جني سامعها

كان حلمي اني التقي بالمرحوم بس شقول غير الله يرحمه

اشكرك وايد

Barrak said...

كويــتي لايــعه كبــده

حبيبي انت

وصلت مشاعرك

والله الحره اللي بقلبي والتناحرات اللي اشوفها اهي اللي اكتبتني

ليش صرنا جذيه

الغزو ربى فينا اشياء وايده ليش فجأة انتهت وانمحت

معقوله مااستفدنا شي

صدقني انا انسان اشوف الوضع واشوف العله فينا احنا

ماقمت اسمع كلمة كويتي

انتهت هالكلمه ياخوي
واحنا اللي نهيناها

بس عموما

فيه ناس فيها خير

والامل بالله دايم مايضيع



اشكرك ياخوي الغالي


وايد

Barrak said...

Kuwait

قولي لام البنت حرام تقتل موهبتها حرام

Barrak said...

sologa-bologa


اخاف يجي اليوم ونقول اهو فيه ناس كفو


اخ ياخوي


كلامك يزيد ناري نيران


دائما راقي بتشجيعك ياخوي

ماأنكر افضالك علي

ماحييت

Barrak said...

حاليمة

الله يعافيج

بالنسبه لسؤالج بعد الانتخابات اجاوبج

Barrak said...

بنت أبيها

نورتينا سيدتي بنت ابيها


كلامج عين العقل


الله يبعد التفرقه عن بلاد المسلمين