Thursday, April 16, 2009

Paris




يامن ياخذني يوديني باريس

إسبوع  أقط همومي هناك

أنهي  الملل والهواجيس

والحره والغلقه  والإرتباك

قطوني لاأنيس ولاونيس

بأكوّن لي نجوم وأفلاك

باخذ خبز إيراني وهريس


وسي دي لأنغام و2pac

هي ديرة تبعد الوساويس

ديرة تصنع البهجه  لبراك

أروح السبت ارجع الخميس

أتريّق مع ميشيلومع جاك

شسوي باتعوّذ من إبليس

أحلم بالشانز شاريsac

يالايواد تكفون ابي باريس

تكفون بس ودوني هناك

،،،،،،،،
،،،،
،،
،
حقيبه باللغه الفرنسيه :sac

33 comments:

صبا said...

افا عليك بو عبدالله

انسويلك قطيه
والا اقولك انروح كلنا قروب
علشان لا يضيق خلقك

ها اشقلت
:)

صبا said...

:))))))))))))

ابتساااامه كبيره لاني الاولى

ابي جائزه

تذكره ...كويت فرنسا كويت

؛)

lawyer said...

bonjour ;)

AK-47 said...

من زمان مارحت باريس
يبيله روحه معاك
انا اقول نخلص شغل صاحبنا العريس
ونطق لنا تذكرتين
go and back :)

Barrak said...

صبا

ياصاحبة التعليق الاول

مابي قطيه
ولاابي قروب

ابي اتريق ويا ميشيل او جاك

ولك مني كنافه نابلسيه

وبس

Barrak said...

lawyer

ياحلاة هالكلمه لما تسمعها وانت تتمخطر بالشانز والعموم يبتسم ويقولك اياها

اويلاه اويلاه

Barrak said...

AK-47

انا اتشرف بالروحه وياك

بس مو اسبوع


عشان لما نجابل القهوه اللي بالتراكاديرو اسإلك سؤال

هل مهنة الطيران صعبه ؟
واذا قلت لا

اقولك وماهي الصعوبة فيها

AK-47 said...

كااااااااااااك
وماهي الصعوبة

جذي لازم انروح

esTeKaNa said...

بون جور
:)
ياربي اشوف الصورة
واقرا باريس
وكل ما بديت اعيش الجو
تنقط حجوة غارقه في المحليه على راسي
تقعدني وتقول هن الكويت:D~
.
.
سي دي رويشد وانغام؟
ليش حسيتك رايح الخيران
:pP

I7na 3shagnaha said...

مايصير لندن ؟

Barrak said...

AK-47

خلاص

اروح حق الجويهل واقوله

Barrak said...

esTeKaNa

بون جورات

والله ملينا نبي انتنفّه


رويشد وانغام الخيران

عيل مليان قلبي مليان حق وين؟؟؟؟

Barrak said...

I7na 3shagnaha

لو ببلاش مايصير

هناك ماعندهم
sac

sologa-bologa said...

بون سوا مسيو باغاك

باغاك=براك
بالفرنسي

وأنا أقولك
إن كنت مسافر
خدني معاااك
خدني معاك

:)

Barrak said...

sologa-bologa

بونسواااووااييين



يعني وايد

ههههه

سولولجا بولوجا
باغوح النيباغ

النيباغ= النيبار

انت تزهب

وندورلنا منو يعطينا بوكت موني

وخلك هنا خليك بالاش تفارق

طموحة مملوحة said...

الـــــــــــــــــــــــله
بوخرشد مو سارة لووووول



يبيله اننا بعد اروح باريس والله



كلماتك تونس وحلوة وتطلع الحرة الي بالقلب شكلك منغث من الانتخابات

Barrak said...

طموحة مملوحة

رجاءا باريس مالتي

حتى بالحلم مو مخلينا

اخ ياساره

صارت الروحه لباريس حلم
حسبي الله ونعم الوكيل

بذمتك اكو كلمه دارجه بالكويت غير كلمة المغثّه

؟؟؟؟؟؟

Hashemy said...

يا سلااااااااااااااااااام

صح لسااااااااااااانك والله

ولا يهمك انا راح اقط بالقطيه تستاهل

:)

شغبـ أنثى !! said...

براااااااااك ..

والله وأنا بعد ..

ودّي أساااافر ..

باريس .. سويسرا .. لندن .. المريخ ..

أي مكااان ..
بس أبي أهاجر ..


\



كلّنا يشتاق لـ ( استجمام) بعيدًا عن كل من يعرف ..
وبعيدًا .. حتى عن من يحب ..



أتضور للرحيل ....



/


بالله لو جاتك تذكرة ..

خذلي وحدة أنا بعد ..

بس مو لنفس الوجهة ..

أبي سفرة بروحي :P



....


حقًا ..
أتمنى لك تحقيق ما تريد .. (:

Kuwait said...

اخذنا ويااااااااك
ترا كـل عيال الديره طافحين هموم ;p

PaLoMiNo said...

I'll take u there in may ;P

Mamloo7a Q8ia said...

الله الله على بلد الجن والملائكه
براك ياوخيي الغالي
؟ sac ليش تبي
بون نوي
واحلام سعيده تتحقق لك وللجميع
:)

كويــتي لايــعه كبــده said...

باريس عندهم بيرييه؟

والا مو منغثين مثلنا؟

kuwaitya_7saweya said...

ههههههههه
خلاص نوديك ولايهمك
وانغام احسن اختيار

Barrak said...

Hashemy

بدناش كلام

بدنا افعال


هلا فيك والله

Barrak said...

شغب انثى


اتمنى ان تنعمين برحله الى احد الدول القريبه الى قلبك


اللهم امين

اللي فيك فيني ياوخيتي

الله يعين

اتمنى لك التوفيق والراحه

اشكرك

Barrak said...

Kuwait


الله يعينك ويعيننا ويعينهم

اللهم امين

Barrak said...

PaLoMiNo

بدناش كلام

بدنا افعال


اخ ياباريس

Barrak said...

Mamloo7a Q8ia

هلا فيج وخيتي الغاليه

شلون صحتج

اتمنى تكوني بالف خير وعافيه

ليش الساك

لزوم القافيه

احنا نسميها جنطه
وغيرنا شنطه

اهم يسمونها ساك

شوفي الرقه

شوفي اللطافه


اسعدني مرورك

الله يحفظك

Barrak said...

كويــتي لايــعه كبــده

كل شي عندهم يااخوي

كل شي

حتى الكستن متوفر

Barrak said...

kuwaitya_7saweya

بدناش كلام

بدنا افعال

أسيرة اللوحة said...

براك وش رايك تحول على مكة ,,
و تأخذ عمره و لا احلى منها
و تفطر بالمدينة ,,
باريس ما فيها زود مر بس علينا و هديتك سجادة و سبحه ,,

هههههههههاا
وش قلت ؟؟

الله يعطيك السعادة حيث هي خير لك
دمت بخير ^^

Barrak said...

أسيرة اللوحة

شقول يعني

اكيد بقول اني اتشرف بمكه والمدينه

بس عندي شرط

انا مستعد اروح لما تقولين لي شنو معناة سبحه بالفرنسي