محتاجين فرحه
تونِّس الواحِد
وتباري جرحه
محتاجين فرحه
ولهنا على البهجـــــــه
صار الشِّعار يبيله هَـجَّهْ
الكل يبي يسافر ويروح
ترى تبي أرواح الروح
خلَّوا دروبنا
سمحه
محتاجين فرحه
....
....
ياكِثر ما ماشبعنا غمْ
ياكثِر ما كَلانا الهَمْ
ليش العموم مقلدمين؟؟
ليش مو مستانسين؟؟
خبرهم بالوناسه
من سنة الطَّفْحَـــــه
تنقِّصوا لهم فرحه
....
....
ليش من التِّشكِّي مانييوز
وشحقه مدّت البوز
فيكم شي كلموني ؟؟
مضايقكم شي علموني؟؟
فيه شي أقدر أصَلْحَــــه
ممكن اصنع فرحه
16/3/2008
الأحد
31 comments:
صار الشِّعار يبيله هَـجَّهْ
الكل يبي يسافر ويروح
ترى تبي أرواح الروح
واللي وراه دورة بالصيف؟
شيقول؟
خصوصا انه بيجلس لحاله بالبيت
والي يرحم والديك هالجو مال فرحة
الا قول مال قبّة
صحيحة كلماتك صديقى العزيز
كم نحن فعلا بحاجة
إلى تلك الفرحه
فرحة واحدة فقط
ونكتفى
نصنع الفرحه لغيرنا
ونعجز عن صنعها لأنفسنا
فلنحاول مرة أخرى
ف الفرحة
تستحق المحاولة
تحياتى لك
ولكلماتك الرائعه
والله يا خوي يا براك أنت منت مقصر
:)
بالعكس أنت أحد أسباب رسم الأبتسامه النادرة اللي على ويوهنا
الواحد لا دخل بلوقك ينشرح صدره قبل لا يقرى خواطرك وتهدى نفسه
لكن لا تلوم اللي ماااد بوزه
الكويت ماهي الكويت اللي خبرك
نبي الكويت السبعينات والثمانينات
وينهـــــااااا ؟؟؟
حســافه على ذيج الديرة
يازينك يا بو عبدالله
ليش تروح بعيد
انا طلتك علي وتعليقك عندي يساوي عندي مليون فرحه وفرحه
بوست يديد تنزله واقراه اوحس انه يعنيني بطريقة ما
يخليني افرح واقول اكو ناس تفكر مثلي
ترى في اشياء صغيرة وايد ممكن تفرحنا
بس احنا اللي طماعين
ودايم ننتظر اكثر
البوست يشرح
يشرح يشرح
صباحك شراحه وفرح دايم يارب
يبيله سفرة و فرحة يا براك :)
الله يزيد أفراحكم :)
يالله زوّج ولدك خل نفرح
مفيش احساس احلى من
الاحساس بالامل والتفاؤل والفرح دائما
واكيد ده هيجي من الرضا عن الحال
أي فرحه و أي وناااااسة
شوف الجو
غبرنا
لا طلعه تسوا ولا روحة شاليه
انا بلازم مخدتي طول الويك اند
اللــــه
صج محتاجين فرحه
وبوستك اليوم
كافي يرسم هالفرحه
:)
فرحه؟
تبي فرحه؟
ترى النفس خانقتها العبره
شوف العموم
محد خالي من الهموم
تبي تعرف
ليش الانين؟
ليش الكل حزين
لانه مالينا الحنين
لزمان كنا فيه رواد قبل سنين
تطلب الفرحه؟
و اطلب انا الفرج من رب كريم
عل و عسا ترح عنا هالغصه
افا بو عبيد شدعوه مقلدم
وماد البوز
اشرب بيذان ولوز
بمجمع الافنيوز
ومن الحزن بس يوز
لوول شرايك فيني ؟؟ يطلع مني ها لوول
تفااااااائلوا بالخير تجدوه :)))))
عسي انشالله ايامك كلها فرحه وبهجه يارب
واحنا كلنا يبيلنا تغيير جو
اشرايك ناخذ اجازه من كل شي ونسافر كلنا علشان المود يتغير
اتهقه في شي راح يتغير ؟؟؟
فريج سعود said...
والي يرحم والديك هالجو مال فرحة
الا قول مال قبّة
LOOOOOOOOOOOOL
الحر مضايقنا
و الغبار مخلينا نمد بووز
و التشكي من الحساسية والله
بس لا تحاتي دشيت اهني و قريت بوستك و ابتسمت لول
يعني صنعت الفرحه بدون ما تقول
:)
salamz dear...
هذا اسقاط يا براك مثل مايقولون بعلم النفس ...بيعنا بالسوق ...
روح
اقوله ياصاحبة التعليق الاول
من طلب العلا سهر الليالي
ويبيله هجه
فريج سعود
اذا تتكلم عن الجو هذا اللي نشمه اقولك له وقت ويتعدل
بس انا اتكلم عن الجو العام وهذا اللي يقمت وأمراضه مايداويها الفانتولين
اشكرك
princess dodo
نعم سيدتي الراقيه
هي فرحه واحده هذا مانحناجه
او انا ابحث عنه شخصيا
لان الجو العام
ياشينه من جو
وياحلوه من وجود
ويازينه من تعليق
وفمان الله
DiLLi O MiLLi
مو انا اللي مو مقصر انتي والراقين مثلج اللي يحسون بالكلام ويتفاعلون معاه
هذا اللي يخليني ماأقصر
لان انتو مو مقصرين
على فكره ترى الهم واحد بس المشكله شلون نشرح هالهم ونضحك عليه
عطيني ناس فيهم حب وروح الثمانينات والسبعينات وانا اوفر لك جو سبعيني وثمانيني محصلش
ترى كلمة دلي وملي من الستينات
صح ؟
الزين
كلامج يشرح ويشرح ويشرح
نحاول ياوخيتي نقدم شي
مو عشان فلان وعلان
من غير مجاملات نبي نعيش
نبي المشاعر ترتقي
نبي الحب ينرسم
نبي الفرحه تهل
اوقفي عند اي اشاره والتفتي
شوفي التقلدم حواليج
ليش
ماادري
فمن الواجب علي وعليك ان نزرع ابتسامه
خنحاول
اشكرك يالزين
Kuw_Son
الله يسلمك ويخليك
بس لاتحرني
انت تقول يبيله سفره وانت توك ياي من السفر
لاتحرني ياخوي
ياعزوني ياضحكتي ويجاي
kila ma6goog
محد يبيه
الفال لبنتك
بنت أبيها
ومفيش احلى من وجودك
واتمنى انك فهمتي بعض المصطلحات
ماد البوز
يعني متنرفز
بعد نظر
الجو العام يابعد نظر الجو العام اهو اللي محتاجين نغيره
ونصنع فرحه
ترى انا ان دريت عن اي شخص عنده شاليه احسده على طول
ديروا بالكم
الجو حده مال قبه !
بس لو بنقب مو بنرد ونشتاق ونرجع، هذي ديرتنا لو مهما نتذمر منها ومن اللي صاير فيها، من جوها، من أوضاعها، بس هم نحبها ونشتاق لها.. لترابها، لغبارها.. لكل شي فيها :)
اهو بس الواحد يحتاج تغيير جو لا أكثر، عشان يغير الموود..
كلماتك يا براك سلسبيل على الروح.. شرايك بـ سلسبيل هذي لول مادري شلون طلعت :P~
وبيني وبينك..
بوستاتك هذي اهي الفرحة :D
صــــــح
:)
ممكن أصنع فرحـــه
^
^
أنت مدونتك كلها فرحه .. صنعتها و الحين دورنا نصنعها بمدوناتنا و بالشارع :D
الله يبارك فيك يا براك على اختيار هذه الافكار و المواضيع.. ماأقول إلا صح السانك
بالتوفيق
LaDY RaiN
وجودك هو السبيل للفرحه
اشكرك
DiLLi O MiLLi
تعليقك صح
غير
والله كلامك اهو اللي يفرح
اشكر ك
Post a Comment