Thursday, June 5, 2008

فرحه ومرحه



محتاجين فرحه

تونِّس الواحِد

وتباري جرحه

محتاجين فرحه

ولهنا على البهجـــــــه

صار الشِّعار يبيله هَـجَّهْ

الكل يبي يسافر ويروح

ترى تبي أرواح الروح

خلَّوا دروبنا

سمحه

محتاجين فرحه

....

ياكِثر ما ماشبعنا غمْ

ياكثِر ما كَلانا الهَمْ

ليش العموم مقلدمين؟؟

ليش مو مستانسين؟؟

خبرهم بالوناسه

من سنة الطَّفْحَـــــه

تنقِّصوا لهم فرحه

....


ليش من التِّشكِّي مانييوز

وشحقه مدّت البوز

فيكم شي كلموني ؟؟

مضايقكم شي علموني؟؟

فيه شي أقدر أصَلْحَــــه

ممكن اصنع فرحه

16/3/2008
الأحد

31 comments:

(روح) said...

صار الشِّعار يبيله هَـجَّهْ
الكل يبي يسافر ويروح
ترى تبي أرواح الروح



واللي وراه دورة بالصيف؟
شيقول؟
خصوصا انه بيجلس لحاله بالبيت

فريج سعود said...

والي يرحم والديك هالجو مال فرحة
الا قول مال قبّة

Doaa Ebrahim Aaql said...

صحيحة كلماتك صديقى العزيز
كم نحن فعلا بحاجة
إلى تلك الفرحه

فرحة واحدة فقط
ونكتفى

نصنع الفرحه لغيرنا
ونعجز عن صنعها لأنفسنا

فلنحاول مرة أخرى
ف الفرحة
تستحق المحاولة


تحياتى لك
ولكلماتك الرائعه

DiLLi O MiLLi said...

والله يا خوي يا براك أنت منت مقصر
:)
بالعكس أنت أحد أسباب رسم الأبتسامه النادرة اللي على ويوهنا
الواحد لا دخل بلوقك ينشرح صدره قبل لا يقرى خواطرك وتهدى نفسه

لكن لا تلوم اللي ماااد بوزه
الكويت ماهي الكويت اللي خبرك
نبي الكويت السبعينات والثمانينات
وينهـــــااااا ؟؟؟

حســافه على ذيج الديرة

الزين said...

يازينك يا بو عبدالله

ليش تروح بعيد
انا طلتك علي وتعليقك عندي يساوي عندي مليون فرحه وفرحه

بوست يديد تنزله واقراه اوحس انه يعنيني بطريقة ما

يخليني افرح واقول اكو ناس تفكر مثلي

ترى في اشياء صغيرة وايد ممكن تفرحنا
بس احنا اللي طماعين
ودايم ننتظر اكثر

البوست يشرح
يشرح يشرح


صباحك شراحه وفرح دايم يارب

Kuw_Son said...

يبيله سفرة و فرحة يا براك :)

الله يزيد أفراحكم :)

Mohammad Al-Yousifi said...

يالله زوّج ولدك خل نفرح

بنت أبيها said...

مفيش احساس احلى من

الاحساس بالامل والتفاؤل والفرح دائما

واكيد ده هيجي من الرضا عن الحال

بعد نظر said...

أي فرحه و أي وناااااسة
شوف الجو
غبرنا
لا طلعه تسوا ولا روحة شاليه

انا بلازم مخدتي طول الويك اند

Najmah said...

اللــــه
صج محتاجين فرحه
وبوستك اليوم
كافي يرسم هالفرحه
:)

darkness said...

فرحه؟

تبي فرحه؟

ترى النفس خانقتها العبره

شوف العموم

محد خالي من الهموم

تبي تعرف

ليش الانين؟

ليش الكل حزين

لانه مالينا الحنين

لزمان كنا فيه رواد قبل سنين

تطلب الفرحه؟


و اطلب انا الفرج من رب كريم

عل و عسا ترح عنا هالغصه

Super Woman said...

افا بو عبيد شدعوه مقلدم
وماد البوز
اشرب بيذان ولوز
بمجمع الافنيوز
ومن الحزن بس يوز



لوول شرايك فيني ؟؟ يطلع مني ها لوول


تفااااااائلوا بالخير تجدوه :)))))

صبا said...

عسي انشالله ايامك كلها فرحه وبهجه يارب

واحنا كلنا يبيلنا تغيير جو
اشرايك ناخذ اجازه من كل شي ونسافر كلنا علشان المود يتغير

اتهقه في شي راح يتغير ؟؟؟

why me said...

فريج سعود said...
والي يرحم والديك هالجو مال فرحة
الا قول مال قبّة

LOOOOOOOOOOOOL

5roofa said...

الحر مضايقنا
و الغبار مخلينا نمد بووز

و التشكي من الحساسية والله

بس لا تحاتي دشيت اهني و قريت بوستك و ابتسمت لول

يعني صنعت الفرحه بدون ما تقول

:)

salamz dear...

soul said...

هذا اسقاط يا براك مثل مايقولون بعلم النفس ...بيعنا بالسوق ...

Barrak said...

روح

اقوله ياصاحبة التعليق الاول

من طلب العلا سهر الليالي

ويبيله هجه

Barrak said...

فريج سعود

اذا تتكلم عن الجو هذا اللي نشمه اقولك له وقت ويتعدل
بس انا اتكلم عن الجو العام وهذا اللي يقمت وأمراضه مايداويها الفانتولين


اشكرك

Barrak said...

princess dodo

نعم سيدتي الراقيه

هي فرحه واحده هذا مانحناجه
او انا ابحث عنه شخصيا
لان الجو العام

ياشينه من جو


وياحلوه من وجود
ويازينه من تعليق


وفمان الله

Barrak said...

DiLLi O MiLLi

مو انا اللي مو مقصر انتي والراقين مثلج اللي يحسون بالكلام ويتفاعلون معاه
هذا اللي يخليني ماأقصر
لان انتو مو مقصرين


على فكره ترى الهم واحد بس المشكله شلون نشرح هالهم ونضحك عليه

عطيني ناس فيهم حب وروح الثمانينات والسبعينات وانا اوفر لك جو سبعيني وثمانيني محصلش

ترى كلمة دلي وملي من الستينات

صح ؟

Barrak said...

الزين


كلامج يشرح ويشرح ويشرح


نحاول ياوخيتي نقدم شي
مو عشان فلان وعلان

من غير مجاملات نبي نعيش


نبي المشاعر ترتقي
نبي الحب ينرسم
نبي الفرحه تهل


اوقفي عند اي اشاره والتفتي
شوفي التقلدم حواليج

ليش
ماادري
فمن الواجب علي وعليك ان نزرع ابتسامه

خنحاول



اشكرك يالزين

Barrak said...

Kuw_Son

الله يسلمك ويخليك


بس لاتحرني

انت تقول يبيله سفره وانت توك ياي من السفر


لاتحرني ياخوي
ياعزوني ياضحكتي ويجاي

Barrak said...

kila ma6goog


محد يبيه


الفال لبنتك

Barrak said...

بنت أبيها

ومفيش احلى من وجودك

واتمنى انك فهمتي بعض المصطلحات

ماد البوز


يعني متنرفز

Barrak said...

بعد نظر


الجو العام يابعد نظر الجو العام اهو اللي محتاجين نغيره
ونصنع فرحه



ترى انا ان دريت عن اي شخص عنده شاليه احسده على طول

ديروا بالكم

Anonymous said...

الجو حده مال قبه !

بس لو بنقب مو بنرد ونشتاق ونرجع، هذي ديرتنا لو مهما نتذمر منها ومن اللي صاير فيها، من جوها، من أوضاعها، بس هم نحبها ونشتاق لها.. لترابها، لغبارها.. لكل شي فيها :)

اهو بس الواحد يحتاج تغيير جو لا أكثر، عشان يغير الموود..

كلماتك يا براك سلسبيل على الروح.. شرايك بـ سلسبيل هذي لول مادري شلون طلعت :P~

وبيني وبينك..
بوستاتك هذي اهي الفرحة :D

DiLLi O MiLLi said...

صــــــح


:)

'3air said...

ممكن أصنع فرحـــه
^
^
أنت مدونتك كلها فرحه .. صنعتها و الحين دورنا نصنعها بمدوناتنا و بالشارع :D

الله يبارك فيك يا براك على اختيار هذه الافكار و المواضيع.. ماأقول إلا صح السانك

بالتوفيق

Barrak said...

LaDY RaiN

وجودك هو السبيل للفرحه

اشكرك

Barrak said...

DiLLi O MiLLi


تعليقك صح

Barrak said...

غير


والله كلامك اهو اللي يفرح

اشكر ك