Wednesday, June 11, 2008

حلمان




حلمان

إيه حلمان

وإلا شلون أشوفج

وخيوط الزمان

تخنِق وجودج

وتجبرني ظروفي

أحبج

وتجبرك ظروفك

تكوني بخبر كان

حلمان

إيه حلمان

وإلا شلون أشوفج

.....

من غيابج أدمنت الخيال

عايش  على إحتمال


إني أقدر أَلـــِــــــــــــــــمْ

ماضي

إنتهى من زمان

حلمان

إيه حلمان

وإلا شلون أشوفج


2/9/2007

46 comments:

(روح) said...

:(

(روح) said...

ربي يجمع كل
انسان بمغلينه
دنيا.....
....وآخرة


على الارائك متكئين
على سرر مرفوعه
واكواب موضوعه


بجنات لا حدود لها
وجنى الجنتين دان



يارب..
يارب..

Selezya said...

اخييه

:(

حلوه حلووه

الزين said...

اصحى يا براك

اصحى

الأحلام ما تدوم

وعمرنا ما نقدر نمسكها

بس بيدنا شغله وحده

ان نحاول نحققها

اصحى واسعى

يمكن يتحقق حلمك

:)

Mai said...

كلنا يحلم بما يريد

و يأتيه الواقع على عكس ذلك

فلا حيلة لنا إلا الدعاء بأن يجمعنا الله بمن نريد فهو
الوحيـــــــد
القادر على ذلك

(روح) آمين

عسى الله أن يملأ الدنيا حباً ..

قلب طفله said...

ليت حلوم الليل تصدق و اشوفه

كل شي نبيه و نتمناه نحققه بالحلم

على امل نحققه بالواقع

و الله يجمعنا بمن نحب دنيا و اخره

تسلم ايدك اخوي

قلم حبر said...

الحلم انا اعتبره نعمة من الله
فيه ومن خلاله نعيش المو واقع
المو = الغير
:)
شي نتمناه بس بالواقع مستحيل نعيشه من خلال احلامنا ونستانس
:)

ShLaLaT said...

انا اللي حلمانه والله


حلمانه ايه حلمانه
اني خلصت امتحانات
حلمانه اكييد حلمانه
راحت كل المعانات
والله مو سهل هالكورس نسيانه
من كد واجبات وبحوثات
الحمدالله اللي وفقنا بحياتنا
وخلانا نصير احسن الطالبات


:):):):)


وسلامتك :)


يطلع مني ولا ما اصلح ؟؟ لول


تسلم ايدك على احلامك وكتاباتك

lawyer said...

ويه يا براك اشكثر هالدنيا شحيحه

بشوفتها
هقيت اني حلمان

هالدنيا بخيله يا براك

بخيله

و صارت حتى احلامها قليله


من زمان ما دمعت عيني على نص من زماان

رفعت التلفون اكتم عبرتي عن رفيجتي اقولها

ظالمه لي هالدرجه الدنيا ظالمه

kila ma6goog said...

احمد ربك

أحيان الحلم يكون أحلى من الواقع

Barrak said...

روح


صاحبة التعليق الاول

لانك فهمتيني

لازم اشرحلك خيوط النسيان

النسيان هو عباره عن اشارات عصبيه للخلايا الحسيه بالدماغ هو اللذي يفرض موضوع النسيان

واذا جزأنا الخليه العصبيه وكبرناها بالمجهر نرى صورة الخلايا العصبيه تشبه الخيط

وعملية النسيان تتمثل بأن خلايا النسيان تتغلب على الخلايا الحسيه المحفزه للتذكر

صورت الخلايا العصبيه المحفزه للنسيان بالخيوط وعملية النسيان شبهتها بالنسيان


ولهت عليهم وايد


اشكرك

Barrak said...

Selezya

اي والله اخيه

Kuw_Son said...

انت ما أدري ليش تخش لك جم أبيات و تطلعهم بعد سنة !!؟

شكلك تحب المعتق
:P

طاب يومك :)

charisma said...

وإلا شلون أشوفج
وخيوط النسيان
تخنِق وجودج
وتجبرني ظروفي
أحبج
وتجبرك ظروفك
تكوني بخبر كان

والله النسيان اكبر نعمه من رب العالمين
وله جاان اعلووم يا براااك اعلووم

5roofa said...

من غيابج أدمنت الخيال

امبييي البوست روعه

شنو احلى من الخياال انا عايشه على الخيااال

براااك امبي يعطيك العافيه و تسلم اييدك
بوست روعه من صج

salamz dear...

darkness said...

؟

شسويت فيني؟

امبيه

!!

من غيابك ادمنت الخيال

هذي الجمله عذاب

صح السانك

:(

linda said...

ليت كل حلم يجمعنا بهم

لأخترنا دائما النوم في ظل وجودهم الدافء


كلماتك رائعة

Barrak said...

الزين


احس فيني كوفان من الكلمات ابي ارد عليكم بأبيات من هالطوفان

والنصيب الاول لك يالزين


أصحى
ليش أصحى
وأنا حلمي اعرفله
ارتب فيه افراحه
واحميه من اي شي يمسه
او يجرحه
اصحى
ليش اصحى

خليني بعالم خيالي
أحيك خيوط آمالي
خليني لحالي
اريم لحظات دنيتي
بلمحه
أصحى
ليش اصحى

وسلامتكم

Barrak said...

Mai

روح آمين

حاولت ان امتب ولكن كلماتك كمحت جماح طوفان كلماتي


ماأقدرلك

Barrak said...

قلب طفله


انتي قلتي
ليت حلوم الليل تصدق و اشوفه

كل شي نبيه و نتمناه نحققه بالحلم

وانا قلت

وليت تسمحلي ظروفي بظروفه
ويصير الحلم بقدرة قادر علم
تدري قلبي من شنو خوفه
خوفه يشوف بعد من الزمن ظلم

Barrak said...

قلم حبر

بصراحه

المو = واقع

صكت على

خيوط النسيان



جميل جدا

Barrak said...

ShLaLaT

واحد حلمان من سوايا زمانه

وواحد غاية مناه يخلص امتحانه



ياسلام سلم

Barrak said...

lawyer

بخيله
لا ابد
الدنيا مو بخيله
احنا اللي حظزظنا
جليله
بخيله
لاابد مو بخيله




وسلامتك يالوير

Barrak said...

kila ma6goog

دايما الحلم له لذته

Barrak said...

Kuw_Son

انا وايد اخش

تدري ليش


انا واعدتك بالديوان

ولما تقراه يمكن تعذرني


بس بصراحه فيه شغلات وايده
ماتبها قبل سنين وخصوصا ب2007 ولكنني احس اني اكتبها لنفسي


بصراحه على كل هاللي كتبته بهالمدونه

الحجي اللي فيني اكثر



هانت ياخوي هانت

Barrak said...

charisma

النسيان نعمه


بس فيه نسايم ذكرى تمر علينا من غير موعد


تجبرنا نوقف احتراما للوله اللي بصدورنا



اليوم انا قاعد اقول حجي كبير

Barrak said...

5roofa


حلوه براك امبي


ترى ناوي اكتب فيها قصيده

بعد اذنج

Barrak said...

darkness


شسالفة امبيه


سيدتي



ادمان الخيال


اه على ادمان الخيال



بس

Barrak said...

linda


اسعد كثيرا عندما اعلم ان ليندا مرت من هنا




نور ادامه الله علينا


اشكرك

`~MnO YeNSa! ~` said...

الله
يل
براك

هالنص من احلى نصوصك
كل
شوي
ادش اقراه
و
مادري
شنو اعلق
راقي
راقــــــــي
جدا كالعادة


حلمان
وإلا شلون أشوفج
وخيوط النسيان
تخنِق وجودج
وتجبرني ظروفي
أحبج
وتجبرك ظروفك
تكوني بخبر كان

وايد
استوقتني
الحروف مو بس الكلمات



ما هو حلم(ن) ولا انت ابد حلمان
هذا حالك و واقع النسيان
تشوفه دوم بغيابه وقلبك عليه من الوله ولهان
ولان اجبرك وقتك تضيع بساحة الخلان
تدري حسدت الحلم ومن شافه وناظر طيفه اللي بان

يكفي انك بالخطى تشوفه
ولا عدتوا ابد خلان

وااااااي
براك
صج عورت قلبي
اسفه
على
الاطاله
الرد طلع وياي
now
اعذرني

5roofa said...

looooooooool

ادري افشل وايد اقولها لول صارت طبع لول

بس يعني اذا اندمجت اول كلمة اقولها هذي
:P

افا عليج اخذ راحتك



salamz dear...

bu saad said...

مشاعر تحمل في طياتها الحزن و الالم ..فيه الغموض...!!



قولي شنو الحلمين يمكن افسرهم خخخخخخخ

mantovani said...

براك

تحية طيبة و بعد

كلمات جميلة

الله يجمع كل الناس بدون خيوط وهم

الله يجمعنا على خير

مانتوفاني


====

براك مو ملاحظ انك مصنع ناجح للدموع

و الله احبك في الله يا اخي


هم مانتوفاني

مُحَسّدْ said...

لو انا منك جان ما قعدت من النوم :)

صح لسانك

~warda~ said...
This comment has been removed by the author.
~warda~ said...

حلمان
إيه حلمان
وإلا شلون أشوفج
من غيابج أدمنت الخيال
عايش عمري على إحتمال
إنّي بعد أحلِــــــــــــــــــــم
إني أقدر أَلـــِــــــــــــــــمْ
ماضي
إنتهى من زمان


براك

كلمات تعتصر القلب
كيف نستعيد جمال لحظات غابت
مع اشخاص رحلوا .. واخذوا معهم
حتى الحلم

Najmah said...

ليش كل انسان يغيب عنا
نشوفه بالاحلام؟


رووعة روووعة روووعة

تراب الكويت said...

الدنيا بخير
بس إحنا صرنا غير

تدري

يمكن لو يستمر خيالك
يكون ارحم من الواقع

دايما نضيّع جمال اللحظه بطبعنا الإنساني
عشان هالشي

خلنا نحقق احساس بخيال
،،
ادري عذاب
بس يمكن الواقع يعذبنا اكثر

،،
برااااااااااااااااااك

فجّرت الانهار
من قاسي صخوري

وقررت

أحتفظ فيه مع سبق الاصرار والترصد
لا تسالني شنو

@_@

Barrak said...

منو ينسى



يل
منو ينسى



دائما راقيه بردودك

يبقى الحلم شئ جميل لو استطعنا ان نتعمق بلحظاته
اشكرك

Barrak said...

5roofa

بالعكس ياإختي
انتي ماتفشلين
انتي تشرفين


حياج الله

امبيـــــــــــــه

Barrak said...

bu saad

الاجمل من انك تفسرهم

وجودك الراقي يابوسعد



اشكرك

Barrak said...

mantovani

حبيبي


حلوه خيوط وهم

انا مو مصنع للدموع

انا شخص يكتب اللي يحسه
بلحظات جنونه

الدموع مصنعها لحظة الوداع



حبتك العافيه
يااخي


نسختك بالحفظ والصون

عطني 14 يوم

Barrak said...

مُحَسّدْ

لو بيدي جان صارت علوم


علوم يامحسد علوم

Barrak said...

ورده


حني حسيت بشي غريب




كيف نستعيد جمال لحظات غابت


الله عليج ياورده

Barrak said...

Najmah

انتي الروعه

Barrak said...

تراب الكويت

تهقين صج الدنيا بخير


تهقين





سيدتي



شنو ؟؟؟