Saturday, June 28, 2008

حظوظ رديه

اعتقد أني دخلت إلى الان 690,787 مليون سحب على جوائز ولامره فزت ، ومن القهر كتبت
،،،،،،،
،،،،،
،،،
،،


مو معقوله صك عمري فوق الثلاثين

ولا مره بالغلط  فزت بهديه

لاقلم لاجنطه لاخرجه لاكراعين

مافزت  بسحب فرع جمعيه



ابي بالغلط أفوز بديرمه وفازلين

راضي بقلاصات راضي بصينيه

يقولون الحظ مايموت أقول كذابين

أنا حظي مات وماربحت  قحفيه



اكتب كوبونات فوق الالف ألفين

ماأخلي رقم فنيله لارقم جنسيه

أبي مره بالغلط أربح جلابتين

ترى بتصير فيني عقده نفسيه

اذا يبيعون حظ قولولي وين

ترى حظوظي هالايام وايد رديّه

،،،،،،

لو يسوون سحب على أفنديتين

أطلع الأخير وورقتي ملغيه

أدش السحب ياخال يابوثنتين

يفوز باكستاني وتفوز هنديه



لو يسوون مسابقه أنا وإثنين

اطلع عليهم الرابع بالتبعيه

لو غيري يشق هدومه نصين

ويشتغل صبي بالصحه المدرسيه


ودي يقولون اني فزت بتفاخيتين

او كنافه او زنود الست او لوميّه

ودي يسموني براك بوحظين

ودي يبشروني اني فزت بنويبيه


قهر صك عمري فوق الثلاثين

مامره الحظ ابتسم لي شويه
،،،،،،
،،،،
،،،
28/06/2008
السبت

83 comments:

صبا said...

برااااااااااك

اسم الله عليك

يعل انشالله دوم حظك حلو

واحسن من حظي

عاد اتصدق انا حظي حلو ..
انا ما شالله علي مشنصه
بكل شي
لدرجة ان بنت اختي اذا عندها كوبون باي مكان تحط اسمي والله وتفوز
انا اعطيك حل؟؟؟؟

اذا عندك كوبون حط اسمي وشوف حظك اشلون راح يبتسم لك
وبعدين تعال:

انت شتبي بجوائز السحب من زينها
يا جريده ولا استريو ولا ثلاجه
:))))

اللهم اذا كانت سياره اوكي
؛)))))

وبعدين انت حظك حلو
عندك عبيد بعد شتبي ؟؟؟

وإحنا بعد

:P

وصرت بو حظين
من قدك

::)))))

Blog 3amty said...

يارك الله البرك :)

kila ma6goog said...

انا فزت ب 400 من الجوهرة

esTeKaNa said...

عاد الحظ لي تشرقد وانسدح
شيقومه يا براك
ودي اقولك سو شي
بس لو اعرف طريقه زينه جان سويتها حق نفسي
!!
مو انا بهالموضوع
على خطاك يا براك
يا حافظ حتى مغاطي البيبسي ما يطلع لي فيها شي
:pP~

قلم حبر said...

جرب منت خسران شي ولا يأس مع الحياة ولا حياة مع اليأس جرب للمرة 690788
:)
وانشالله تربح

عاد صج شعور الفوز وااايد وناسة

فريج سعود said...

مو شي تفوز على كبر
خل جذيه مثلي

كويــتي لايــعه كبــده said...

اياك واليأس من حظك

لولا هالكم مليار تهقى كان قالها؟

Mamloo7a Q8ia said...

ههههههههههههههه
طلعت يا وخيي الغالي من ربعي

ههههههه
مشتهيه لو بالغلط افوز
وعقب يقولون خطأ مطبعي
حتى جذي ما قط صارت
:))

بس تصدق
للحين عندي امل
والامل في الله جبييير
وما ييأس من رحمة
الله الا الكافر

وخل نجرب شورانا؟؟
وان شاء الله ربي يلتفت لنا

وقول آمين
عسى يرزقك يايراك يا خوي
الحظ الكبير دنيا وآخره

ShLaLaT said...

تفائل يا الراوي التفائل زين
وحظوظك بأشياء ثانيه قويه

اذا تبي ادليك انا اقولك وين
روح الجمعيات واهمهم العديليه

اشترلك شامبو وخبز وتفاحتين
وتربح على طول بجوائز فوريه



:)


لوووول

شرايك فيني ؟؟

mtfa2el said...

انظم لناديي
نادي المقرودين ..مو زين و انا اخوك الفوز بالجوائز خصوصا على كبر
الواحد بعدين ما يلاقونه الا بلاس فيغاس

princess dodo said...

حب الناس لك
اكبر مكسب فى اعتقادى

ناس كتير يتمنوا الفوز بيه
ويحاولو طوال عمرهم
وما يفوزوا بشئ

..

الله يحبب فيك الناس اكتر واكتر
هذا هو اكبر مكسب



رائعه كلماتك
صديقى العزيز

وتحياتى لفكرتك الحلوة

5roofa said...

لوووول

ايي والله مرة رحنا كل العايلة و حطينا اسمائنا بما فينا الخدامة

احنا محد فينا فاز و خدامتنا فازت بطقم صحون لوووول

:p
الله يهنيهاا

و ياارب كل حظ الدنيه الحلوو ييك

salamz....

charisma said...

looooooooooooooooooooooool
موتنى ضحك ههههههههههههه
برااك شتبى بالديرمه
فازليين يا حيل الله
بس دييرمه هههههههههه

الله يرفع حظك ان شاءالله ما تدرى
لا تيأس انت بس وظل عبى هالكوبونات
:)))

سيدة نفسي said...

صح لسانك اخوي براك

تمتعنا دائما بإسلوبك الساخر
فهو مضحك إلى درجة القهقهة

ولكن شر البلية ما يضحك أخي

"

اذا يبيعون حظ قولولي وين
ترى حظوظي هالايام وايد رديّه

"

أحبب هذا البيت

سلمت يداك

Kuw_Son said...

شنو آخر سحب دشيت فيه ؟
:P

شكلك توك طالع من سحب و منقهر
:P

Barrak said...

صبا

سيدتي صاحبة التعليق الاول

ايه ياوخيتي كثري من هالأدعيه
تسرسح عالجبد

بما انك حظك حلو سلفينا ترى ملينا من حظوظنا الرديه

ابشرك العبد حضه العن مني

Barrak said...

Blog 3amty

وافادي
وافادي

Barrak said...

kila ma6goog

ومستانس بعد
تقولها لي بالفم المليان


الله كريم

Barrak said...

esTeKaNa
انتي حالتك كسيفه

حتى مغاطي البيبسي


عموما كلنا بالهوى سوى

خلينا نقول ونردد بصوت واحد يااستكانه

وافادنا

Barrak said...

قلم حبر

ماقلتي هالكلام الا لان حظك يكسر الصخر


عموما لو اوصل مليارين وربع محاوله ماكو فايده

اقولج ابي افوز بأفنديه

Barrak said...

فريج سعود

يعني انت اللحين تواسيني

يبا راضي على كبر بس اي شي

Barrak said...

كويــتي لايــعه كبــده

انت لازم تودينا ذاك الصوب

Barrak said...

Mamloo7a Q8ia

الظاهر اوضاعنا ياوخيتي نفس الشئ

ابي حل تكفين

Barrak said...

ShLaLaT


شاتفاءل وانا مافزت بلوميتين
ولا حتى نقل وبفك او أفنديه

لو اروح حتى قلعة وادرين
أكيد خسران مليونين بالميه

لاتيبين طاري الشامبو انزين
احنا الصلعان ماينفعنا موليه

Barrak said...

mtfa2el


هههههههههههههه


لاس فيجاس


والا شيراتون القاهره

Barrak said...

princess dodo

بلسم والله بلسم كلامك


يعدل حظوظ رديه



فعلا راقيه

الله لايحرمني من هالناس ولا منك

Barrak said...

5roofa

طلعتي مثلي


لا انتي موضوعك صعب كلكم خسرتوا وربحت الخدامه

بس زين فازت بصينيه لو فايزه بسياره جان انتقل من زمان


شكرا

Barrak said...

charisma

محد ياب طاري الديرمه بقصيده
ولا الفازلين

ومن حرتي كتبت كل هذا

Barrak said...

سيدة نفسي

صح بدنك

ماادري ليش قريت قهقهه ذكرت عصير منجا بمصر ماركة قها

شنو يغث

حتى عصير قها ماربحت فيه

تسلمين ياسيدة الذوق

Barrak said...

Kuw_Son

لا خلاص حرمت

بس اذكر بالشتاء دشيت سحب سوني اريكسون على سيكل ماادري بقي

ماطلعلي حتى تاير منه



ترى حالتي حاله ياخوي

Fahad Al Askr said...

انضم لنادي المتميزيين
وخلك معاي

أنا من كثر ما يأست ما قمت أكتب كبونات المشاركة

Mamloo7a Q8ia said...

ههههههههه
خل اضحكك وياي يا وخيي

فتحت حساب الدانه من مده
لا ودخلت معاي فيه صديقتي اقول يمكن يتغير الحظ لكن مع الاسف طافت 3 سحوبات ولا حاشنا شي
طيحت حظ المسكينه معاي
ههههههه

بس مثل ما قلت لك ماني ياأسه
يبت بنت اختي الصغيره عمرها 6 سنوات وخليتها تدعي لي كل يوم
جود والنصيب
يمكن ربي يستجيب حق دعوة هالياهل ويتعدل حظي وافوز

اذا انجحت الخطه اعلمك
تخلي خشيم الفار يدعي لك
يمكن يتعدل حظك وتفوووز
:))

|:| DUBAI |:| said...

أعرف ناس

يتفاءلون بأسماء دريوليتهم

و طباخينهم

و خدمهم

في هاي السوالف

لووول

قلب طفله said...

لووووووووول

الحال من بعضه يا خويه

ما قمت افكر اكتب كوبونات و غيره

اذا تعدل حظي بفوز من غير شي :P

روووعه كلماتك بس استمر جود تفوز

و ان فزت نبي عزيمه كبيييره :)

الله يعدل حظك و حظوظنا

ShLaLaT said...

لاتيبين طاري الشامبو انزين
احنا الصلعان ماينفعنا موليه


لوووووووووووول


ضحكتني براااك

قهقهه



حالتك كسيفه يا اخوي

لوول اذا في سحوبات محد يدري عنها بقولك

احنا مره فزنا بطاوله وطقم صحون من اكيا من قواطي الحليب

لوول ما تصدق

الصندوق خالي

لي درجه ان طلع اسمنا مرتين
واسم بيت عمتي مره لوول

حسافتج يا كويت said...

أعتقد إنت فزت بسباق الملايين وخرجت لهذي هالدنيا لتفوز بأب وام وبتربية مثل التي انت عليها الان

ومضت الايام ويستمر فوزك بزوجة واولاد

وبحيات طيبة تحسد عليها من كثييييير من البشر

ولقد فزت بحبنا لك وحب المدونين لما تكتب

لقد فزت بكل هذا من غير سحب


وما زلت تطمع ان تفوز يا براك

ما فائدة فوزك بسحب مليون او عشرة وان ينقص منك ما سابك وان فزت بة؟

Barrak said...

Fahad Al Askr

أنا أحسن منك

انا قمت أخش الكوبونات ولما البنغالي يجيب الاغراض بالسياره اعطيه الكوبون ويدعيلي

عشون عيل


ماتشوف حظي طايح

Barrak said...

Mamloo7a Q8ia

الضحك عندي على سالفتين

الاولى

من سنة 2000 عطوني هديه حساب لولدي بالجوهره

اللحين طفنا 8 سنين وماربحت حتى كاشيه


السالفه الثانيه

بتظل بنت اختج الصغيره تدعيلك وتتزوج ويصير عندها يهال ويتخرجون ويتزوجون ويجيبون يهال
وهم يدعولك وماكو فايده


اشكرك للمره الثانيه

Barrak said...

دبي


سيدتي العزيزه

انا عن نفسي فاهم اللي قلتيه
عسب اني كنت عايش سنة الغزو في مدينة العين الراقيه

فأحببت ان اترجم لاخواننا معنى كلمة الدريوليه

طبعا المفرد دريول بتشديد الياء
والدريول هو السائق

احب حجيكم
يونس

بس عندي اسم دشداشه أحلى من كندوره

مو جي



مو جي
يعني بالكويتي مو جذيه

قهوة بالفانيليا - شيماء علي said...

القصيدة دي شبه كل الناس تقريباً إلا من حالفهم الحظ من الهنود
يمكن عشان الهنود كتير ؟
لما قرأتها على والدي بارك الله فيه .. صار يضحك كثير
أضحك الله سنك ..
:)
سعدت بك يا براك.

Barrak said...

قلب طفله

ان فزت بس بسوي عزيمه

إن فزت بسوي حفله تنكريه

ليش تنكريه ماأدري


الحال من بعضه ياختي

وغلوتك ياهانم مفيش مره بالغلط طلعتلي بطاطسايه


اشكرك

Barrak said...

ShLaLaT

الحاله مو بس كسيفه

الا شقول


ههههههه

Barrak said...

حسافتج يا كويت

انت تعتقد وأنا أجزم أنك راقي بكل ماتحمله هذه الكلمه من معنى



شكرا

Barrak said...

قهوة بالفانيليا - شيماء علي


الله يطول بعمر الوالد اللهم امين

ولاتفارقه الابتسامه


تشرفت بوجودك سيدتي الراقيه

سعدت كثيرا عندما علمت ان كلامي خلق ضحكه من القلب



اشكرك

qaqoqa said...

يمكن انك حزين وتدور اي لحظه وتستغلها وتنثر على انغامها حروفك


يمكن ان حسيت فعلا حظوظك رديه
ومابغيت تزعلنا وحطيت حرتك بحروفك


بمكن انك تحاول تهرب من واقعك لنا تنادينا تبينا نفهمك



نفهمك والله يابراك

حتى لو حاولت تغلبنا بخيالك
نفهمك



كمل

GUCCI-q8 said...

سلامتك من القهر

صدقني عن تجربة " الحظ ما يموت "
بس كل شي بوقته حلو
طول بالك

تراب الكويت said...

:)

قآرآقوش said...

loooooooooooool

روعه حبيب قلبي تسلم ايدينك :/

banootah said...

أتمنى عقب هاللي كتبته من ندب لحظك ^_^ اتييك هديه معتبره خل نقول سياره

رجل يحمل مشاعر said...

لا تحزن يا براك فربما لو فزت بجائزه لأصابتك عين

(وعسى ان تحبوا شيئا وهو شر لكم والله يعلم وانتم لا تعلمون)

وانا مثلك لم أفز في حياتي في شيء ولست بعيدا عن عمرك فلا تحزن فعندك من يشاركك الهم :)

دائما ما اقول لنفسي بأنني ربما سيعوضني الله بجائزه قيمه تنسيني هذه الجوائز كلها.

نثر رائع اخي براك :)

لك ودي

MaNaYeR said...

عادي يا براك انت مو اقل مننا حظ كلنا جذي والقدر يعطي ويمنع وماظنتي في احد اقرد مني



ولكن الحمدلله على كل حال

فارس هوى الكويت said...

السلام عليكم :)

اسلم على اخوي الي مامنه اثنين
هو راعي الأوله وراعي الكلمه القويه
يحرسك ربي ويحفظك من كل عين
شلك بالكوبنات وطوابير الجمعيه
.....................
والله سبحانه يعطيك بدال الحظ حظين
وانا اخوك تقبل مني اجمل تحيه
إن شاءالله فالك بدال الجنه جنتين
.......
تحياتي فارس ولد ديرتك الأبيه

ولاهنت
:)

mantovani said...

براك


و الله مو بس انت حتى انا

انا اذا دخلت بأي سحب من كثر ما انا
قبسة محد يفوز...

يا يبا الحظ حظ الاخرة يا يبا

-===

براك ...
شوف دام ان صبا حظها زين
شرايك نروح ندور لنا عرض و نحط الكوبونات بأسمها

و الا نفتح حساب الجوهرة و الا الدانة
و نحطة بأسم صبا
و نشوف شنو يصير

لوووووووول

مانتوفاني

Barrak said...

qaqoqa

شوف

انا لازم اتعرف عليك

لانك شقت شي انا خاشه
وتعمدت اخشه بصعوبه

لازم اتعرف عليك
كيفك عاد

Barrak said...

GUCCI-q8

شطوّل يابنت الناس

اقولك صكيت فوق الثلاثين

يعني اذا ربحت تذكره سقر كويت باريس كويت وانا عمري 72 بالله شهبب هناك

Barrak said...

تراب الكويت

:)


اول مره اسويها

Barrak said...

قآرآقوش


يسلمك شكرا

Barrak said...

banootah

راضي حتى بأفنديه


مو سياره

Barrak said...

رجل يحمل مشاعر

انا قايلك انت رجل يحمل كنز


الظاهر انت بتفوز وبتنول من بعد صبرك

وانا بظل اردد هالنثر على قولتك

Barrak said...

MaNaYeR

القراده تعتبر ماركه مسجله بالنسبه لي

Barrak said...

فارس هوى الكويت

آخذ سلامك أحطه عالراس والعين
ياشاعر يتميز برقه وعفويه

انا وين والحظ الحلو مني وين
حظي اقشر من حظوظ البنشرجيه

اشكر دعاؤك واردد معك امين
ربك يعدل حظوظي الرديه

وان ماتعدل هذا احنا صابرين
غير الصبر قولي شاللي بيديه

براك يهديلك بدل الهلا هلاوين
شرفت مكاني ياشاعر الرومانسيه



وسلامتك نود لك سلامتك

Barrak said...

mantovani

حظك انت بعد اقشر شالسالفه

يبا نجرب صبا ونحط اسمها ونشوف

بس اذا اهي فازت بالمليون وعطتنا طاف

شسوي فيك انا

•·.·°¯`·.·•عـالمها الـخـاص•·.·°¯`·.·• said...

السلام عليكم

لا أ‘لم لم ضحكت عندما قرأت القصيدة..!؟

لربما لأن العرب كلها تشترك في هذا الهم والهنود في كل أصقاع الأرض أيضا تشترك فرحة الفوز!!؟

سؤال للحين مالقيت له على إجابه!!!!!!؟

اشمعنى الهنود هم اللي يربحون ونحن مانفوز!!

مرة من المرات فكرت اني استعير اسم هندي بس عشان افوز!!؟

هل تتوقعون ان خطتي الذكية بتنحج!!

طرح مميز جدا

|:| DUBAI |:| said...

والله براك

كنتوا سكون في العين؟؟

ركز على كلمة سكون

لووول

والله شيء طيب

بس ليش العين و مب مكان ثاني؟

لا يقولون مب جي؟؟

ما نقول مو

رمستنا نحن شوي أهون

و لا رمسة العين

وين تفهم عليهم

: P

كيف نحن نتحجى عدل كويتي

و أنتوا ما تعرفون

السبب المسلسلات الكويتية

لعبت دور فعال

أنا ألحين كله أتحجى كويتي يا معود

شاكين فيني

الأهل

LOOL

هالمرة مب من المسلسلات

من البلوقز

!!

يا هي أيام

كانت

كأن الغزو في الامارات

رغم صغر سني

لكن كنا واعيين

باللي يصير

..

لكن

الله فوق

و النصر

كان كبير

: )

فراوله said...

مساالورد والجوري
مساالحظوظ الورديه
باذن الله
مبدعنا الراقي
باختصار شديد
علي قولت اميمتي
دووم تقول
"يابنيتي الرمح علي اول ركزه"
عاد انت وركزتك
ياتصيب ياتخيب
بس لها يوم وتصيب
قول
انشاءالله
..
دمت بحظ وحظ وحظ
ابدا
:))

فارس هوى الكويت said...

ربي يحرسك ويححميك من كل عين
انت شاعرنا شاعر الإنسانيه

والحظ الردي حايشنا احنا الأثنين
ربي يعطينا حظ الكهربشيه

بضل ادعي ليما ربك يفتحلك بابين
واحد للحظ زين وثاني لايامك الهنيه

والصبر ياخوي تراه مفتاح الفايزيين
لابيدي ولابيدك بيد رب الحميه

وسلامي على شاعرنا الزين
ونور مكاني لأنك مريت عليه

تحياتي وعساك على القوه :)

mantovani said...

براك

اذا طنشتنا صبا
او ما طنشتنا صبا

راح تثبت علينا بكل الاحوال

===

لكن سؤال :

اذا وايد منا مالهم بخت بالسحوبات

ابي ... منو اللي يفوزون كل مرة

غير الهنود ...
و الهاي هاي ؟؟؟؟


مانتوفاني

JuVeNTiNa said...

والله انا حالتي نفس حالتك .. مادري ليش !! خلاص اصلا فقدت الامل .. لو شنو ما اشارك تحبطت وايد وايد

بس صراحه عجيب الشعر يضحك حده حده حده ..

Barrak said...

عالمها الخاص

اشكرك سيدتي على مرورك الاول

الهنود اخ يالهنود

انا بصراحه احبهم بس حظوظهم ماتصير صح الا اذا صارت الجائزه بيت والا طنين ذهب والا سياره كشخه

اما نحن العرب حدنا خلاطه

اما انا العبد لله

مافزت حده بقفشه



القفشه يعني ملعقه


اشكرك

Barrak said...

دبي



ايه يااختي العزيزه
كنا سكون بالعين
بعقدة العامريه

اخ بس يالعين

ليش العين

لان الظروف خلتنا نحط رحالنا بالعين لوجود جامعة المرحوم زايد ال نهيان

بس طبعا لازم يوميا نروح دار الحي
دبي

اسف على بدلياتي الاماراتيه

احنا نقول مو
وانتو تقولون مب

بس احس مب صوتها جنه بوم

مو احلى


عموما اتمنى ان مسلسلاتنا الكويتيه تنقل لكم الصوره الحسنه للأسره الكويتيه

ترى مب كل الكويتيين براطمهم متفخه


انتي شوفي مسلسل الاقدار

هذا احنا بالضبط

وانتصرنا والناصر الله

Barrak said...

فراوله


الله يطول بعمر اميمتك
اللهم امين


احنا مو مال اول ركزه

احنا يصلح علينا مثل


طوفه تصده وطوفه ترده

والطوفه تمثل رداة الحظ

Barrak said...

فارس هوى الكويت

الكهربشيه


ههههههههههههه


بدعت بصراحه

Barrak said...

mantovani

بقولك سالفه


مره كنت باجتماع مع احد رؤساء شركه استثماريه
وقبلها بيوم بالدوانيه قايلين لي معاشه 7 الاف

قلت الله يهنيه

وانا قاعد معاه جاءه اتصال هاتفي من بنك الخليج

يقوله مبروك فزت بسياره كاديلاك

تصدق لوما اني ذكرت الله


جان الريال بدربه للكاديلاك مشبص بباص



الله يرزقه ويرزقنا

Barrak said...

JuVeNTiNa

ليش مانسمي هالكلام اللي كتبته

النشيد الوطني للحظوظ الرديه


حياج الله بنادي قشران الحظ

`~MnO YeNSa! ~` said...

مت مت مت
من الضحك

،،،،،،
لو يسوون مسابقه أنا وإثنين
اطلع عليهم الرابع بالتبعيه

والله زين
ما غشيت
:P
الحظ يمرض ما يموت ... حاول
حاول
حاول
حاول
مـــــــــــــــرة اخرى

Mai said...

COOOOOOOOOOOOOOOOOOOL

مبدع الله يحفظك والله !!

Barrak said...

منو ينسى


احاول هو بقى فيه عمر



خلاص

راح اورث عيالي رداة الحظ

Barrak said...

Mai

يسلمك ويخليك

'3air said...

بدّعـــــــــــــــــت

لا يوقف :)

salman almulla said...

ربي يسعدك اخوي براك

ذكرتني بمقولة قريتها من زمان تتكلم عن الرضى بالقضاء والقدر وتقول: ربما اعطاك القدر فمنعك وربما منعك فأعطاك

مرات الواحد منا يحصل شي يتمناه وهالشي يمنعه من خير كبير علشان جذي لازم نرتاح ونطمئن باللي يصير لنا
لكن مع هذا مايمنع نطلب من الله الخير اللي عنده لانه كريم سبحانه
اتمنى لك الحظ السعيد والتوفيق لكل جميل

Barrak said...

'3air

أشكرك
مايوقف

Barrak said...

salman almulla


منورني ياسلمان


ياخي كلامك كله حكم


ياخي

اشكرك

أتيت متاخرة said...

برااااااااااااك
صج احنا نتشابه في اشيا وايد وهو انا من مواليد سنه القرادة
سنة 74
وصج احنا عندنا نفس الشراسة
شراسة النمر
بس آآآآآآآآآآنه
راحت عني القرادة
يوم فزت بجائزة سنعة بعد طول قرادة
تصدق
ينييت
صج صج ينيت

ما صدقت وقمت ابجي من الفرحة

يعل الي روح عني القرادة يروحها عنك يا براك
ويفرحك بهدية سنة سنعة سنعة
بالثلاث
قول آمين