Wednesday, June 18, 2008

كُـــبَــــــــــــرتْ



هذا أنا على ماأنا بس شوي كبرت

شيبتين براسي وحده ترى منـــــــج

أحس وايد وايد عشانج صبـــــــرت

ماتوقعت لهالكثر أنا أحبِّـــــــــــــــــج

مـاأقول إني بعدج إنكســـــــــــــــرت

بس ظليت  أشرِق بحسّــــــــــج

ترييت أشوفج حاولت ماقــــــــــدرت

أحس محدٍ غيرج مبعدني عنّـــــــــــج

يازمن أحسِّك على صــــدري عبرت

ثقيله مرت أيامي وكله منـــــــــــــــــج

هذا أنا مثل ماأنا شوي كــــــــــــــبرت

بس شــــــــــــيبتين براسي وحده منج

46 comments:

kila ma6goog said...

مو شي الريال لمن يكبر

صبا said...

بس شيبتين ؟؟


قول الصج؟؟

(روح) said...

مـاأقول إني بعدج إنكســـــــــــــــرت





:(

كويــتي لايــعه كبــده said...

صح لسانك

كلمات معبره

تراب الكويت said...

أحس محدٍ غيرج مبعدني عنّـــــــــــج


!!!!

هنا مربط الفرس
وابداع واقع

:)

5roofa said...

بس ظليت سنين أشرِق بحسّــــــــــج
ترييت أشوفج حاولت ماقــــــــــدرت

امبي هالمقطع موو طبيعييييييي

مشالله عليك صج كلماتك روعه

salamz dear...

GUCCI-q8 said...

الصراحه ما دري شقول لك

الشيب وقار ما يعيب

بس الحب آه من الحب يتعب

الله يعين

حلو وايد البوست يعطيك العافية

Яeema said...

مافيك إلا العافيه

عيرتني بالشيب وهو وقار

ليتها عيرتني بما هوعار



لو سمحت أنا شنو قايلتلك العام؟؟؟

من أشوف بوستك أتذكر عيد ميلادي الشهر الياي
و أنا بس وقف فيني الزمن من زمان


راح أسمحلك هالسنه إنك تحتفل فيه

السنه اليايه إنشاء الله من تاريخ 16 بسوي هاااك على بلوقك

هههههههه

كل عااام و إنت بخير

و تعودها بالصحه والعافيه


بس بعد تبي تاخذ زمنك وزمن غيرك؟؟

:p

LaDY RaiN said...

أول شي، ترى الشيب وقار :)

أخي براك،
تكتب بـ شفافية عجيبة، كلماتك تتخلل في الروح..

[أشرق بـ حسج] عجبني التشبيه.

وحلو لمن قلت :
شيبتين براسي وحده ترى منج :)

أحس المرة تستانس لمن يقولها الريال شيبتيني أو كل هالشيب براسي منج، أحس انها قدرت تحط بصماتها عليه ;P~

شكراً على الابداع.

charisma said...

من تطلع شيبه بالريال قال كله منج انتى ههههههههه
ودايما السبه هالمره المسكينه

ليش؟؟

بس ظليت سنين أشرِق بحسّــــــــــج

صباح الورد
:)

Purplecious said...

و الشيبه الثانيه من منو؟؟

هههههههه

كل عام و أنت بخيــــــر و صحة و عافية و شيب

:)))))

Mamloo7a Q8ia said...

شوى انك ياوخيي على ما انت
هذي بس نعمه جبيره

هههههههه
يا ربي عليكم انتو الرياييل
كله بالشين هالحريم المساكين

وبعدين اشوا انها شيبتين مو اكثر
:))
مبدع كالعاده يا وخيي الغالي

براك اخوي بيني وبينك
الثانيه من منو؟؟؟؟؟؟

Barrak said...

kila ma6goog

ايتاذي صاحب التعليق الاول

يقولن الريال اللي يكبر يزداد خبره

اي خبره الله يهداهم

قمنا مانشوف ياخوي

Barrak said...

صبا

اولا فرحتني هالزياره لانج من زمان مامرتينا
ومعذوره ياوخيتي

بما انني اصلع فلما احاول اطول شعري بعد مرور شهور طويله اطل بالمنظره القى ثنتين وحده يمين وحده شمال
هذا الصج

لو اكثر يعني معناته انا من النوع اللي اذا حلق شعره الضحى مايصير العصر الا راد مره ثانيه
وهذا شي مستحيل
سؤالج يخليني اطل بقمة راسي كل يوم


بعد هالغيبه جذي تسوين فيني

Barrak said...

روح


انكسرت ياروح



عاد ماوقفتي الا هني


صدق من سماك روح

Barrak said...

كويــتي لايــعه كبــده

صح بدنك ياخوي

وجودك اهو المعبر

Barrak said...

تراب الكويت

ماشاء الله عليك


تصيدينها

ماينخش شي


لانك حساسه اكيد هالبيت ميمر عليك مرور الكرام



اشكرك

Barrak said...

5roofa

وتاليتها ويا امبيه


حتى هني امبيه

بس تصدقين جميله الامبي منك

امبيييييييه

Barrak said...

GUCCI-q8

لاتقولين

وجودج اهو اللي يقول



اشكرج


بس ترى شعرتين


لاتحاتون

Barrak said...

ريما


مابغينا نشوفج


هلا وغلا


شدعوه يبا


انتي قلتي العام

i am 33

عادي ماكو إلا العافيه

هههههههه



عيدكم مبارك و تقبل الله طاعتكم


بس انا للحين ماوصل يوم ميلادي

مابي زمان غيري


ابي اعرف ليش الايام ثقيله علي


اشكرك

Enter-Q8 said...


أحس محدٍ غيرج مبعدني عنّـــــــــــج


يا عيني عليك يالبرك

ابي نسخة من الديوان

|:| DUBAI |:| said...

barrak

هالبوست جد جد خطير


: (


ابداع

mtfa2el said...

و اللي من الحين قبل لا يتزوج بادي يشيب ؟؟
شكلي بادش بالطوفة بعدين الراس بيصير ابيض

Selezya said...

الله يسامحها

ShLaLaT said...

يا حلوو الشيب
الشيب يزين ما يعيب :)


اصلا الشيب ثقل :)


انا ابوي اول ما بدا يطلع له شيب امي كانت تنتفهم لوول

الحين بس استسلمت للأمر الواقع

بس والله ترا احلى

احس الشيب فيه براءه !!؟


:)

يعطيك العافيه

faith said...

آآآه...عوّرت قلبي

Lavender said...

يقولك في خلطة سحرية طبيعية تقضي على الشيب بإسبوع وحياتك :))

زيت زيتون و بابونج


و التجربه خيــــر برهان :))

darkness said...

كنت اظن لي مني كبرت

بلقى طيفك

يعاوني على الدنيا

بلقى قلبك يدفيني

و يحمني

من الايام

و خاب ظني

هذا انا بس كبرت

و كبر شانك عندي

و انا شاني؟؟

اي ذكرت

انا مالي شان عندك

!!

Barrak said...

LaDY RaiN


اهلا بك سيدتي

ترى اهو مو شيب كل الموضوع شيبتين براسي بس


هذا ان بقى راس


اشرق بحسج هتان الكلمتان عجيبتان



وايد استخدم هذا التعبير

ليش ماادري

يمكن لانه صج




اشكرك ايتها الراقيه

Barrak said...

charisma

سبب الشيب المراه

ولكن شيب عن شيب يفرق
فيه شيب من امراه يخلي الواحد كأنه غاطين راسه بطحين

وفيه شيب جميل جمال مالوش مثال

صدق اللي قال


صباح النور

Barrak said...

Purplecious

من لحظات الوداع


عيد ميلادي تو الناس عليه

قلم حبر said...

صح السانك براك
ان كان عالشيب تهون صدقني تهون
:)
اشلعهم هههههههه
نحيسة عشان يطلعلك بدال الوحدة 7
:)
وتسمي بوستك الياي
شيبت
:)

سيدة نفسي said...

العمر كله باخوي براك

المرأة والريال اثنينهم ياكلون من عمر بعض وانا اختك

:)

Barrak said...

Mamloo7a Q8ia

‘حنا الرياييل مساكين


ةهم انتو مساكين

عيل الشيب شنو سببه


بالنسيه للسؤال اللي بيني وبينك

جواربه

من لحظات الوداع
واعتقد من المحاتاة



سيدتي مملوحه

اشكرك

Barrak said...

Enter-Q8


تامر أمر


النسخه توصلك لي مكانك


وهذا مو كلام
او على قولة اخواننا السوريين

طق حنك


تدري ليش قلت

احس انه محد غيرج مبعدتي عنج


هذي ماتنشرح بس تنكتب


ياحبك للتوهق

Barrak said...

دبي


اقولج سر

مرات اقرا قصيده كاتبها واتصفحها يوميه ولاالتفت لها
وفجأة بيوم تلقينها تناديني


وتنكتب

وهذا مو ابداع
الابداع لما ان اللي مثلك يقدرون الكلمه
والرساله اللي بوصلها


وايد طولت


اشكرك

Barrak said...

mtfa2el

اولا شهالغيبه يبا


ولهنا

وبعدين اذا بتدش طوفه يعني عندك شعر

ممكن يمتص صدمة الدشه

بس اللي ماعنده حماية

مثلي


والا شرايك ؟

Barrak said...

Selezya


ويرحمها

Barrak said...

ShLaLaT

لحظه
اول مره ماتقوليبن لي الراوي

ماقمت اروي ؟؟


الله يطول بعمر والدينك اللهم امين

الموضوع كله اني كبرت

هم اشكرك

Barrak said...

Lavender


واللي يشرق بحسه شنو دواه؟؟

Barrak said...

faith


اسم الله عليك

Barrak said...

darkness


إيه ذكرت

عندك القدره على انك تختزنين الكلام بكلمتين



حتى بردك راقيه


اشكرك

Barrak said...

قلم حبر

صج بدنك


مو شيب

يبا شيبتين

بس


حبيت اتكلم عن وحده من هالشيبتين


وايد عجبتني شيبت

اعتقد انها بتكون البوست الياي

Barrak said...

سيدة نفسي

تيين اخر الناس

تقولين حكمه

وتتتركين اثر



اشكرك

|:| DUBAI |:| said...

براك

أقولك سر؟

هذا شعور الشاعر الحساس

ترى مب كل شاعر حساس

: )

Barrak said...

دبي


هذا من ذوقك ياسيدتي الراقيه