Saturday, June 21, 2008

الظواهر السلبيه

أجمع عدد من القانونيين والدستوريين على ان عمل لجنة الظواهر السلبية البرلمانية «يتعارض مع نص المادة 50 من الدستور التي تؤكد على الفصل بين السلطات» مؤكدين أن الدستور «عهد لمجلس الأمة سلطتي التشريع والرقابة على أعمال السلطة التنفيذية، لا العمل على تعقب حريات الأفراد والحد منها، وهو ما يتعارض مع الحريات وحقوق الإنسان
جريدة الجريدة بتاريخ 12/6/2008
أعتقد ان تفسير هذه اللجنه بسيط واستطيع ان اشرحه لكم
اذا سألتوني ماهي الظواهر السلبيه راح اقولكم التالي
هذي الظواهر السلبيـــــــــــــــــه
اذا شربت عصير وماكملت باجيه
اذا فنيلتك صارت رماديـــــــــــــه
اذا تعرجبت بالزوليـــــــــــــــــــه
اذا رافجتلك دمبكجيـــــــــــــــــــه
اذا لعبت لبّيده بالجمعيــــــــــــــه
اذا قطّيت بدليـــــــــــــــــــــــــــه
اذا قعدت ساعتين بالسالمـــــــيه
اذا كلوا عيالك رقيّـــــــــــــــــــه
اذا شربت فيمتو بممّيــــــــــــــه
اذا لبست غتره بدون قحفيــــــه
اذا سلّمت على مطيرجيّــــــــــه
اذا احد من اهلك شرى KIA
اذا المتحجبه بينت الترجيّـــــــــــه
اذا حذفت جارك بصمّيــــــــــــــــه
واخيرا
اذا استمر هالمجلس 4 سنين
احلق حواجبي بجيريـــــــــــــه
هذي اهي الظواهر السلبيه
21/6/2008
السبت

39 comments:

DanDash said...

و الله ما تنلام يا براك
الله يعينا على هل المجلس بس

بس لا يحرمونا من الفيمتو ياي رمضان

Яeema said...

madry shagooool

كأني تحسفت ليش عطيتهم صوتي

Selezya said...

اذا استمر هالمجلس 4 سنين
احلق حواجبي بجيريـــــــــــــه


كلمة ريال؟

مُحَسّدْ said...

ماكو ظواهر سلبية الا اهم

kila ma6goog said...

4 years

انت متشائم يا راجل

Shaima'a Alkandari said...

طرررررررررررربخ لاتتعرجب ياخوي

ظواهر ظواهر

حنشوف ايه حيحصل ياخوي يابراااك

The Voice Within said...

أحلى فصله عقب‎ ‎الحارج اللي حاشني من مباراة هولندا و روسيا


بوست يسرسح علجبد


يسلموووو‎ ‎:D

5roofa said...

لووول

امبي مت من الضحك سووري بس من ضج شر البلية ما يضحك

بس خيوو

انا اقط بدليات

و قبل فتره متعرجبه بالزولية لوول

تهقه اني ظاهره سلبية

salamz dear...

كويــتي لايــعه كبــده said...

اذا خلصت من الجيريه عطنياها
احلق بعدك

بس ترا بالكويت الدنيا مقلوبه وكل شيء جايز
المنطق ما له مكان

يمكن هيك حكومه "يخدمها" هيك مجلس
وما تحله؟

lawyer said...

ههههههههههههههههههههههه

شوووووووووف ان صرت على قنااعه باي شي تقوله صح..
بس هالمرا ما اظن هالمجلس راح يستمر لي عيد الاضحى ...

Mamloo7a Q8ia said...

ههههههههههه
صاج والله يا وخيي
هذي ظواهرهم السلبيه

خلوا مشاكل البلد كلها
وحطوا حيلهم في لجنة الظواهر
الغبيه مثلهم

Mamloo7a Q8ia said...

وييي نسييييت

شنو عقاب اللي يقط بدليه؟؟
وبعد اللي ياكل رقيه؟؟
الرجاء الافاده

تدري بعد ياخوي الصيف
والواحد مو ملحق بدليات
والرقي يبرد القلب

darkness said...

صاج

صح السانك

:)

GUCCI-q8 said...

معاك حق بو عبدالله
ذبحونا بظواهرهم يقولون بعد امور دخيلة عالبلد ومن الامور هذي الحجي اللي يقولونه لاهو مفهوم ولا هم فاهمينه بس هذره
قواك الله

قلب طفله said...

ههههههههههههههههه

صـــح لــسـانـكـ يا بوعبدالله

Eng_Q8 said...

اذا لعبت لبّيده بالجمعيــــــــــــــه


منو يلعب لبيده الحين ؟

Barrak said...

DanDash

سيدتي صاحبة التعليق الاول

الله يعين الجميع
وماشفتوا شي

بالنسبه للفيمتو برمضان اعتقد راح نترحم على ايامه

ايه صج اهو فيمتو وان فينتو

Barrak said...

Яeema

مو بس انتي اللي متحسفه


الله كريم

Barrak said...

Selezya

اكيد كلمة ريال

والجيريه جاهزه

Barrak said...

مُحَسّدْ

صدقت والله

يسلم فمك

Barrak said...

kila ma6goog


يقول المثل عطني عمر واشبع طماشه

Barrak said...

Shaima'a Alkandari


انتي اهم شي حرصي على موضوع انك ماتاكلين رقيه وكل شي راح يصير سهود ومهود

Barrak said...

The Voice Within

انا قايلج هيدينك هذا مو طبيعي منو اللي رز كوريا الجنوبيه ب2002 وفوزهم على ايطاليا وصعدو ا ربع النهائي

هولندا هدة حصن ودام جيو موجود بالدفاع بشروا بالخير


يسلمك

Barrak said...

5roofa

انتي ظاهره سلبيه كبيره

اذا متعرجبه بزوليه
وقاطه بدليه يمكن تحصلين غرامه فوق الميه


اشكرك

Barrak said...

كويــتي لايــعه كبــده

انا مزهبلك الجيريه لاتحاتي والوعد بصالون لاهور



وربك يعدلها

Barrak said...

لوير


شلون اللي مااقوله مو صج شوفي

شربت عصير وماكملت باجيه
هذا اسراف بنظرهم والمسرف له عقوبه

اذا تعرجبت بالزوليـــــــــــــــــــه

التعرجب يمكن يكون شي من الاداب الاعامه والمتعرجب يكون مخالف للاداب العامه
اذا رافجتلك دمبكجيـــــــــــــــــــه

الغناء والطرب عندهم حرام بحرام

اذا لعبت لبّيده بالجمعيــــــــــــــه

اللبيده تعتبر لعبه شعبيه والالعاب تلهي الواحد عن مشاغله

اذا قطّيت بدليـــــــــــــــــــــــــــه

هذي عاد مالها علاج
اذا قعدت ساعتين بالسالمـــــــيه
السالميه يعتبرونها منطقه محرمه كلها قز ومطاعم وهذا لايجوز
اذا كلوا عيالك رقيّـــــــــــــــــــه
الرقيه الكامله تعتبر اسراف
اذا شربت فيمتو بممّيــــــــــــــه
شرب الفيمتو بطريقه غير المعتاد عليها تعتبر سابقه خطيره
اذا لبست غتره بدون قحفيــــــه

القحفيه من الامور الصحيحه في الثوب العربي
اذا سلّمت على مطيرجيّــــــــــه

قبل المطيرجيه مايسمعون لهم شهاده لانهم دايما يطالون فوق ويطلون على الجيران يبون يردونا لهذا الزمن

KIAاذا احد من اهلك شرى سيارة
سيارة كيا هي سياره كوريه والكوريين يعتبرون ملحدين
اذا المتحجبه بينت الترجيّـــــــــــه
اذا بانت ترجية المتحجبه هذا في نظرهم عيب كبير
طيب في فئه منهم لبسهم جذيه لازم يبينون الترجيه

Barrak said...

Mamloo7a Q8ia

ودي اسأل سؤال اختي العزيزه

الشخص الملتحي واللي مقصر دشداشته ووجهه متجهم ومايبتسم هذا مو ظاهره سلبيه

الشخص الملتحي اللي كل يوم بالمسجد ويتزوج على مرته كيفه بس مايعدل بين زوجاته هل هذي ظاهره سلبيه

القتال في الشوارع اليومي هل هذا مو ظاهره سلبيه

كثرة المسنيين في دار العجزه اليست هذه ظاهره سلبيه

اللي ياكل رقيه وفوقها فيمتو احتمال سجن سنتين مع غرامه

ويمكن يرمونه بام صجمه على ريوله

Barrak said...

darkness

مشكوره

صح بدنك

Barrak said...

GUCCI-q8

الظواهر السلبيه هي عوده للجاهليه

باختصار وبلا اذيه

Barrak said...

قلب طفله

صح بدنك اختي

Barrak said...

Eng_Q8

انت صاج تصدق

انا اخر مره لعبت لبيده سنة 1986

Mamloo7a Q8ia said...

الشخص الملتحي واللي مقصر دشداشته ووجهه متجهم ومايبتسم هذا مو ظاهره سلبيه

الشخص الملتحي اللي كل يوم بالمسجد ويتزوج على مرته كيفه بس مايعدل بين زوجاته هل هذي ظاهره سلبيه

القتال في الشوارع اليومي هل هذا مو ظاهره سلبيه

كثرة المسنيين في دار العجزه اليست هذه ظاهره سلبيه

امبله والله ظواهر سلبيه

5roofa said...

لوووووووووول

عاد غرامه مية؟؟
شرايك اعينلي محامية
تحلي القضية
و تخلي بدل الامية.. روبية

و سلامتك و سلامة الحاظرين لووول

امبي تره مبتدأة بالمجال شوي شوي علي

salamz....

ShLaLaT said...

لوووووووول


اي والله صاج

تخيل بعدين اذا تعمقوا باللجنه
يطقون البيبان حزه الغدا يشوفون عندنا اسراف ولا لأ


ولا اذا كثروا القطاوة عند بيتنا يعني احنا مسرفين وقطينا الاكل

لوول


يمكن بعدين مثلا وحده بتشتري جاكوار يمنعونها يقولون لها شفيها تيوتا مثلا ؟؟ ليش الاسراف ؟؟


او وحده طالعه مع ريلها وبالغلط وبدون ما تحس امسك ايده يمكن يطقوونها ويكفخونها ؟؟ يمكن يعتبرونها وحده تبي تخرب البنات مثلا وتزوغ قلوبهم على الرياييل لوول



يمكن مثلا ياهل توه قاعد من النوم وبيطلعون اهو واهله
امه حاولت تمشط بشعره ومو راضي ينام
راحت حطتله جل
يمكن يحرمونها من ولدها ؟؟ بعد تدري الجل يعتبر من الطواهر الدخيله



!!



:) عجبني البوست

Barrak said...

Mamloo7a Q8ia

مشكله لما يتحكمون فينا ناس
مايهتمون الا لتوافه الامور

Barrak said...

5roofa

بالعكس المحاوله الاولى جيده


استمري


بس بدون امبيهات

Barrak said...

شلالات

وانا عجبني وايد ردج

شكرا جزيلا

همـ القلم ـس said...

أسعد الله أوقاتك بكل خير ..

اخى براك ..

حبيت اسأل عن بعض المعاني إذا ماعندك مانع ..

دمبكجيـــــــــــــــــــه
بدليـــــــــــــــــــــــــــه
رقيّـــــــــــــــــــه
قحفيــــــه
مطيرجيّــــــــــه
الترجيّـــــــــــه
بصمّيــــــــــــــــه
بجيريـــــــــــــه

أعذر جهلى ببعض المفردالكويتيه
دمت بخير ..

Barrak said...

همـ القلم ـس

اختي العزيزه

تامرين امر

اشكرك اولا على وجودك

دمبكجيـــــــــــــــــــه
وهم من يضربون الايقاع وجاءت الكلمه من دمبك اي ايقاع
بدليـــــــــــــــــــــــــــه
وهو تبديل الكلام اي بدل ان تقولي همس القلم تقولي همس اللقم
وهناك مثال حي في ردك
انتي ذكرتي

أعذر جهلى ببعض المفردالكويتيه

المفرد الكويتيه هذي بدليه

رقيّـــــــــــــــــــه

اي البطيخه

قحفيــــــه

اي الطاقيه

مطيرجيّــــــــــه
وهم هواة تربية الحمام وفي السابق كانوا الكويتيين لايسمعون للمطيرجيه شهاده لانهم دائما ينظرون للأعلى

الترجيّـــــــــــه

اي الحلق مادري شيسمونها باللغه العربيه يمكن الحلي
يعني يبا التراجي

اللي ينحطون بالاذون

بصمّيــــــــــــــــه

وهي حجر املس

بجيريـــــــــــــه

وهي مفرد الطابوق الجيري
ومفردها طابوقه جيريه

والله يطلع مني

افرحني وجودك قبل سؤالك