مْبَرْوِزَه
صورة الوضع مبرْوِزَه
بإطار حديدي
حَلـَي
وفوقه خرزَه
مبروزه
...
...
بأربع زوايا الأحداث تتقولب
يبيله واحد مشورب
يهدينا وسايل
على قولة القايل
صرنا مَطْنِزَه
مبروزه
...
...
تمتلي الجيوب والخرده تِفِيضْ
والآمال جِنْهِا ديايه تبيــــــــض
تتعسَّر تبي الراحه
وايد متلعوزَه
مبروزه
....
....
توبـِكْ السالفه وتَكتكهَا
ودروب السّنع صكها
خل الحلم يبقى حلم
وتضيق فينا أراضينا
إحنا شفينا
وليش هالجزى
مبروزه
...
...
فيه جيل بيضحك على هالحاله
فيه جيل يتريَّا منّا آمالـــــــــــه
يبي حقّه
ومن حقّه
ترى السالفه
مو محرزه
مبروزه
صورة الوضع مبروزه
22/05/2008
الخميس
20 comments:
اي والله صرنا مطنزه للي يسوى واللي ما يسوى
انقطاعي لمدونتك ليومين او ثلاث
يكون لي ثروة من الكلمات و الاشعار اليديدة
يا اخي الله يديمك لنا
و بخصوص الاطار الحديدي
الله كريم
مانتوفاني
.
اي والله صرنا مطنزه
على آخر الزمن صرنا مطنزه
صح السانك
ملاحظه:
اسفه وايد على انقطاعي عنك
للاحلام
سليمه صكتها
!!!!!
كيف قدرت تقولها؟؟؟
مسكينة الاحلام :(
خل الحلم يبقى حلم
وتضيق فينا أراضينا
إحنا شفينا
وليش هالجزى
اي والله مو محرزة
محزرة
فعلا صرنا مطنزة
تسلم ايدك يا البرك
تسلم ايدك و يعطيك العافيه على البوست
:)
salamz dear....
وقول للاحلام
سليمه صكتها
لووووووووووووووووووووووووووول
ضحكتني لوووول
بس صح كلامك صرنا مطنزه
والاطار حلي مثل ما تقول
كلماتك تعبر يا الراوي :)
تبقى الحالة كما قلت "مبروزة" ونحن نراها من بعيد بزاوية أكثر شمولية
يبيله برواز و صورة فيها ابتسامة تصك عالموناليزا علشان تعدل المووود :)
صح لسانك
امرنا لله
تسلم ايدك
كله مطقوق :|
لوول من قلب
ملينا
والاوضاع ما تسر
احباط
ولكن يبقي الامل
وصح السانك
جماله يكمن في البساطة والعفوية
touchy barrak!
وأنا كل ليلة قدامي البرواز
لكن من غير صورة
هالمرة صورة لكن
بروازها حديد وفوقه خرزة
صح لسانك
حده مطنزه
صـــــــح لـــســـانــــك
و تسلم يــمــيــنــكـــ
مطنزة
مو محرزة
اطار حديدي حلي
متلعوزة
اكو تحلطم و احباط اكثر من جذي
الشكوى لله ياخوي
وصح إلسانك و يعطيك الف عافية
اخواني واخواتي الاعزاء
محسد
mantovani
GUCCI-q8
روح
kila ma6goog
حسافتج يا كويت
5roofa
ShLaLaT
Fahad Al Askr
Kuw_Son
The Voice Within
صبا
AseeL
sologa-bologa
قلب طفله
سدرة العشـــاق
أشكركم
ماعندي شي اقوله
لانه السالفه بكبرها مو محرزه
بييييه
براك الظاهر يبيلك اجازة
مانتوفاني
mantovani
لا كل شي تمام
انا ابي باريس يومين بس
Post a Comment