Tuesday, June 3, 2008

مطنزه



مْبَرْوِزَه

صورة الوضع مبرْوِزَه

بإطار حديدي

حَلـَي

وفوقه خرزَه

مبروزه

...


بأربع زوايا الأحداث تتقولب

يبيله واحد مشورب

يهدينا وسايل

على قولة القايل

صرنا مَطْنِزَه

مبروزه

...



تمتلي الجيوب والخرده تِفِيضْ

والآمال جِنْهِا ديايه تبيــــــــض

تتعسَّر تبي الراحه

وايد متلعوزَه

مبروزه

....



توبـِكْ السالفه وتَكتكهَا

ودروب السّنع صكها

خل الحلم يبقى حلم

وتضيق فينا أراضينا

إحنا شفينا

وليش هالجزى

مبروزه

...


فيه جيل بيضحك على هالحاله

فيه جيل يتريَّا منّا آمالـــــــــــه

يبي حقّه

ومن حقّه

ترى السالفه

مو محرزه

مبروزه

صورة الوضع مبروزه

22/05/2008
الخميس

20 comments:

Anonymous said...

اي والله صرنا مطنزه للي يسوى واللي ما يسوى

mantovani said...

انقطاعي لمدونتك ليومين او ثلاث

يكون لي ثروة من الكلمات و الاشعار اليديدة


يا اخي الله يديمك لنا

و بخصوص الاطار الحديدي

الله كريم




مانتوفاني



.

GUCCI-q8 said...

اي والله صرنا مطنزه
على آخر الزمن صرنا مطنزه

صح السانك

ملاحظه:
اسفه وايد على انقطاعي عنك

(روح) said...

للاحلام
سليمه صكتها
!!!!!

كيف قدرت تقولها؟؟؟

مسكينة الاحلام :(


خل الحلم يبقى حلم
وتضيق فينا أراضينا
إحنا شفينا
وليش هالجزى

Mohammad Al-Yousifi said...

اي والله مو محرزة

محزرة

Anonymous said...

فعلا صرنا مطنزة

تسلم ايدك يا البرك

5roofa said...

تسلم ايدك و يعطيك العافيه على البوست


:)

salamz dear....

Super Woman said...

وقول للاحلام
سليمه صكتها


لووووووووووووووووووووووووووول

ضحكتني لوووول


بس صح كلامك صرنا مطنزه
والاطار حلي مثل ما تقول




كلماتك تعبر يا الراوي :)

Fahad Al Askr said...

تبقى الحالة كما قلت "مبروزة" ونحن نراها من بعيد بزاوية أكثر شمولية

Kuw_Son said...

يبيله برواز و صورة فيها ابتسامة تصك عالموناليزا علشان تعدل المووود :)

صح لسانك

The Voice Within said...

امرنا لله


تسلم ايدك

(روح) said...

كله مطقوق :|

لوول من قلب

صبا said...

ملينا
والاوضاع ما تسر
احباط
ولكن يبقي الامل

وصح السانك

AseeL said...

جماله يكمن في البساطة والعفوية

touchy barrak!

sologa-bologa said...

وأنا كل ليلة قدامي البرواز
لكن من غير صورة

هالمرة صورة لكن
بروازها حديد وفوقه خرزة



صح لسانك

قلب طفله said...

حده مطنزه

صـــــــح لـــســـانــــك

و تسلم يــمــيــنــكـــ

سدرة العشـــاق said...

مطنزة
مو محرزة
اطار حديدي حلي
متلعوزة


اكو تحلطم و احباط اكثر من جذي

الشكوى لله ياخوي
وصح إلسانك و يعطيك الف عافية

Barrak said...

اخواني واخواتي الاعزاء

محسد
mantovani
GUCCI-q8
روح
kila ma6goog
حسافتج يا كويت
5roofa
ShLaLaT
Fahad Al Askr
Kuw_Son
The Voice Within
صبا
AseeL

sologa-bologa

قلب طفله
سدرة العشـــاق


أشكركم

ماعندي شي اقوله
لانه السالفه بكبرها مو محرزه

mantovani said...

بييييه

براك الظاهر يبيلك اجازة

مانتوفاني

Barrak said...

mantovani

لا كل شي تمام

انا ابي باريس يومين بس