لو جفّت الأرض
واختفى البترول
وقل المخزون
بنلقى ناس يقزّون؟
بنلقى ناس يتحلطمون؟
.....
بنطالب بالزّياده ؟
بننسى طعم الرباده؟
بترخص أسعار الأراضي
ماراح نلقى أحد فاضي
النّاس بيهجّون
....
بنشوف حملات للترشيد؟
بنشوف مواطن سعيد؟
راضي بمصيره وقانع
بنحس بإراده ودافع
فيه ناس بيتسنّعون
.....
راح يكون فيه استجوابات؟
راح تتغيّر الحجابات؟
مافي حجاب بو روب
مافي حجاب بو تيوب
بتكون الديره
أأمن مكان بالكون
لو قل المخزون
....
....
جم مواطن بيصمد بالديره؟
بتكون القلوب مليانه غيره ؟
بنغار على تراب الوطن؟
بينتهي موضوع الفتن؟
الناس بيتغيّرون
....
بنروح المارينا والأفنيووز؟
فيه أمور ممكن عنها نيووز؟
بننسى الكشخه والكماليّات؟
بنعيش أسعد حياة
وعيال الديره بيفرحون
لو جفّت الأرض
وقل المخزون
68 comments:
هلا وغلا يا براك
لا والله ما اعتقد بيصمدون
انت شفتهم بالغزو اشلون قبوا من اول يوم ؟؟
حتي ما قاوموا ربع المده
يعني قبل ما يعرفون شالسالفه طلعو وخلوها وهيه بعزها وخيرها
الله يعافي التابعيه عند وايد ناس خاشينها حق وقت العازه
اعتبر الى قريته حلم جميل
نتمنى يتحقق
وصباح الورد يا براك
:)
يمكن يصمدون
بس نصير مثل البحرين
استبدل "لو" بـ"لما" ء
النفط ليس للابد
وتخطيط الحكومة لايجاد اقتصاد بديل او حتى دعم الاقتصاد النفطي بغيره غير موجود بخلفية الصراع السياسي على السلطة داخل الاسره وخارجها وتأصل الفساد بكل اشكاله بهدف المصالح الشخصية
طافنا القطار
عامة الناس لم تلاحظ
واللي لاحظ شاف الخطر بعينه
اما "الكباريه" دارين وهم من فعلها
وقناعتهم الآن "اخذ اللي يطلع بيدك قبل لا الديره تطير"
الكويتي العادي من يطالب بالاصلاح
وما شفنا شيء من الخراب
اللي جاي الله يرحم حالنا منه
وليش ما يتحقق وديرتنا بخير ونعمة؟
اخوي براك
امس طفت الكهربا ساعتين
ساعتين غيرت اليوم
هدووء وصفاء بال
شلون لو تجف الأرض مثل ما تقول ؟؟
اعتقد واااااايد أشياء راح تتغير
وياليت لو يهجون من الحين مثل ما تقول
عسى الديره ترد الأهلها ونعيش براحة بال
وود وحب وسلام
وعسى بس يهجون وتكون مصالح الناس كلها لصالح ديرتهم
احلى كلمه قلتها يهجون صج صج صج حبيتها
ويا ليت والله لو تصير الحين
مبدع كالعاده
بس مادري ليش هالمره احس انك يبتها بالصميم
بخاطري هالتساؤلات من زمان
وانت سألتها عني
عسى ابداعك يدوم ويدوم
وما تحرمنا من كتاباتك
والله لو الكل عنده نفس الرؤيا دا لحلت مشاكل كتيرة فى دول الخليج عامة
والكويت خاصة
احترامى لك
سامحنى يا خوى على التقصير
تونى انتبه على البوست الى قبله
عظم الله اجركم
وبجنات النعيم يا رب
االله يرحمها ويصبركم على فراقها
كلــمات بــس مو مجــرد كلمــات ..,,
أحلى شي بيتغير حجاب بو روب لووووووووول
الله يســمع منــك عـــاد ما نجــف مره وحــده ;p
عشــان الله لا يعــوزنــا حق أحـــد ان شــاء الله
كلمــــات عجبتنـــي وايــد
وتستـــاهل "وقــوف وتصفيــق بعــد "
يعطيـــك العافيــه أخــوي بــراك
بننطر لين يخلص المخزون؟
ليش ما نتعدل قبل هالشي؟
عفوا اخوي بس الي صاير يلقى ترحيب و مباركه من الاغلبيه و اللي رافضين مو قاعدين يسوون شي بس واقفين على الجانب يتفرجون
لما الناس تشجع ان القروض تسقط
و الاصوات المسموعه بس الاصوات المؤيده
و الباجين ساكتين يتفرجون
لما تصير موضة احجاب المتفوخ و تطلع البنت جدام اهلها و لا احد يقول لها شي
لا و صارو الامهات قبل بناتهم
و عفوا بس بقولها و هالشي حتى ريلها ما يمنعها عنها
و حتى اللي يتقدمون ما يرفضونها لهالمسخره اللي مسويتها؟؟
لما سوو حملة ترشيد
مع العلم لي ماخذ عليها
بس هل احنا بحاجه لحمله عشان نخاف على الكهربا و الماي؟
بننطر لين يقل المخزون؟
شراح يكون؟
الاغلبيه بهجون
و بيني و بينك يا ريتهم من الحين يتركون
عشان يوفرون
:(
لو مافيه بترول كانت تتشابك الأيدين
ما فيه حضري بدوي عيمي طائفي مصطلحات يديده وغريبه وأحزاب
لو ما فيه بترول..... بس
ما يدرون أن النعمه زواله
شبتقول شبتخلي
وأنا ما أقول ألا
رائعه من روائعك المعتاده
يووه الله يستر
بكل الحالتين فيه الشين والزين
كتابات رائعة
وللأمام سر
say hi to om Barrk
:)
and tell her from bent 3azeza :)
عساه ما يقل ولا يخف المخزون
وعسانا بخير دايم يا رب
بارك الله فيك يا براك وعسى الله يصلح الحال يا رب ونرد مثل الاول واحسن
إذا بعض الألم باقي .. ترى بعض الأمل ماراح
ليش لأ كل شي جايز
تسلم ايدك
صبا
هلا فيج ياصبا ياصاحبة التعليق الأول
ويه ياصبا وين رحتي
السؤال المهم
شنو الشي اللي احنا قاعد نسويه عشان الوقت النشفان
فيه خوف من الله بمصاريفنا
فيه انصاف بالتعامل مع هذه الثروه
ممكن نبني وطن الحب والوفى والتآالف اهو راس ماله
كتبت هذ ا الكلام لاني اريد ايصال جمله بسيطه
هل الحب يبني وطن
وهل البترول صنعنا منه حبا ام هو صنع لنا بلاوي متلتله بعيد عنّك
اشكرك
charisma
شي حلو لما كلامي يترجم لحلم
هذا اللي ابيه
احب احلم
واحب تشوفون حلمي
سيدتي الراقيه
انا وايد احب هالبلد وايد وايد
واحب احلم بمستقبل افضل
حلمي وطن كله حب
اشكرك
kila ma6goog
اعتقد نصير نفس اليابان
بس فيه قز
كويــتي لايــعه كبــده
طافنا القطار
لاابد ماطافنا
تدري ليش لاننا الشعب الوحيد بالعالم اللي جربنا العيش بوطن بلا كهرباء قبل سنين عدّه
كل العالم شاهد التعذيب وشاهد صبر أبناء الوطن
والتفافهم حول الشرعيه الكويتيه
ابناء هذا البلد صادقين بحبهم للكويت
ولكن مشاغل الدنيا مرات تلهي الواحد
السؤال المهم احنا شسوينا
شلون نشوف باجر
القاطار مايفوت بلد فيها ناس طيبه وراقيه مثلك
لما تتكلم تنطق حروفها وفيها حرقه ليش مانصير احسن
ليش احنا مانصير احسن بالاول
شوفي بيناتنا شنسوي
خل ناخذها على الجانب الاجتماعي
في مصاريف بالملايين تندفع للكماليات احنا ندفعها
كلنا تحوشنا انفلونزا بالصيف من البرد داخل البيت
قبل لانقولها سووا خل نسوي احنا بالاول
ونحب هالبلد افضل ونعرف ان النعمه زواله اذا ماحافظنا عليها
وايد تحجيت
قلبه متروسه
فتى الجبل
لاننا عندنا مشكله
على كثر زيادة ايراداتنا على كثر ماتزيد مشاكلنا
ترى الخير الوايد بدون اداره صح
يسوي سواة نكته سمعتها
مره واحد ربح مليون دولار شرى رونالدو
هههههههههههه
ShLaLaT
تدرين شالحلو بشلالاتك اقصد كلامك
ان الواحد يبتسم وهو يقراه
تدرين ليش
لانج باختصار بعد قرائتي لتعليقك الراقي
تبينهم يهجون
خوفج يهجون عقب مانشيّب
ويصير الواحد ان ضحك مايلقى الا ضرس واحد ومسوّس
اخاف يهج منا العمر قبل لايهجون
نهر الحب
اشكرك على مرورك الراقي
انا قايلّهم يجربوني شهرين وزير مارضخوا لمطالبي البسيطه
charisma
مامن قصور ياوخيتي
اجرنا واجرك
ووكلنا لها
مشكوره
U-Turn
اذا ماميش مخزون
انا ابصم حجابات بوروب ماتدور
بتشوفين ياوخيتي كشيش الله لايوريج
وبنرد على ايام الديرم
صج الديرم ليش كانوا يحطونه قبل
جارة القمر
كل هذا فيج ياجارة القمر
انا قلت حلموا بس حلموا
على قولة عبدالحسين
هذا حلم حلم
وكلامك اتمنى الكل يقراه ويفهمه
لانه عين العقل
اشكرك
GUCCI-q8
هذا اللي حبيت اقوله وواوصله
شي حلو لما الواحد يفهم كلامك بالمعنى اللي انت تقصده
شي يشرف لما القى شخص يفهم ويعبر بدالي
وايد يريح هالتعليق
Selezya
الله كريم
ويزيد المخزون
وننحرم من اللي يقزون
واشكرك
قلم حبر
اشكرك واشكر قلمك
والسلام وصل يالعزيزه
بـنـت بـطنـهـا
الامل بكبره ماراح
اشكرك على وجودك
الله يحفظك
The Voice Within
وانتي الصاجه
عند العيايز كل شي جايز
للاسف كل ما زاد الخير
و المخزون زاد الحسد و الطمع و التفرقه
نبي نرجع ديرة الخير و الطيبين
حتى لو قل المخزون او حتى اختفى
بنتم و بنكون عيال هالديره اللي
بيعمرونها ان شاء الله
صح لسانك يا براك و تسلم يمينك
رائعه من روائعك المعتاده
دمت بسعاده
احسن شي بيصير بنرجع حق فريج سعود
يعني انسى اروح مدينة جابر او الخيران او قلعة وادرين
واذا هذا الي بيصير جان زين يخلص النفط ومنهم نخلص
اللــــــــه
صج
ضج
طريقة توصيلك للموضوع
راقية
من خلال نصك .. كأنك تعترف بقضايا الكويت بصورة نص شعري راقي يخفف هم تلك القضايا .. و من ثم من التأثير محاسبة النفس بما اننا كويتين بافتخار
..
دائما
اقرأ و استمتع
لووووووووول
ايام الديرم يا حلوها من أيام
راضيين نشوف هالكشيش أحسن من ناطحات السحاب الي على روسهم
قمت ما اداوم محاضراتي بسبتهم " وجودي وعدمه واحد " مــا أطالع شي منهم ..,, لا وكله يحتلون الاماكن الاولى :D
وإجابة ً على تسائلك ليش يحطون الديرم ..
المفــروض عشــان سبب جمــالي
لووووول بس حلو لو ما تصير الضروس سوده يعني الي تحطه لازم ما تضحك " خطر على المجتمع إذا ضحكت
آنا ما راح أصمد .. ما نعبر
عجيب انت
هالسؤال كان على بالي صارلي جم يوم
يمكن ناس يصمدون ويمكن ناس يسافرون
:))
تصدق يمكن هذا الحل الوحيد لمشاكلنا !
راح نعرف الي قلبه كله حب للديرة ولترابها
واللي بقلبه حب للمحزون والفلوس بس !
مبدع يا براك : )
تهقى لو مافي بترول
جم مواطن بنصير؟
والسؤال الاهم
جم (مواطن) احنا الحين
الفترة التي سبقت ظهور البترول
بلا شك كانت جميلة ببساطتها
بتماسك ابنائها وطهارة قلوبهم من الأحقاد والحسد والامراض التي نراها اليوم
..
اعتقد يا براك انه العيب فينا والبترول بريء من كل التهم فما هو الا نعمة من الله ونحن من أسأنا استغلاله في إشباع رغبات شخصية وإرضاء لنزوات بعض النفوس الدنئية التي باعت ضمائرها بثمن بخس
ولكن تظل الكويت بخير بوجود أمثالك من الناش الشرفاء .. فتسلم ايدك يا خوي
كنت مار بين المدونات
قلت اوقف عند محطة الإبداعات
لو يوقف البترول
صج بنتوهق جم يوم لكن بتشوف الرياييل شلون بتطلع وقتها
بسم الله الرحمن الرحيم
لا يغير الله ما بقوم حتى يغيروا ما بأنفسهم
صدق الله العظيم
العلّة فينا مو بالمخزون أخوي براك
يعني لو راح المخزون، بيطلع شي ثاني
مثل الإستثمارات أو غيرها .. أكو
حقد و حسد و عين ضيجه و عدم أمانه
لازم الكل يتذكر إن الله فوق
و خل المخزون لا تضيق خلقنا
:) la7geen 3ala hassalfa
cz kel shay yekhalle9 w ma ydoom
ella sub7ana ..
Thanks for the great words though
مساالورد والجوري
مبدعنا الراقي
شلال أحلامك هالمرة فيها فلسفة عجيبه
يمكن حطة صبعها علي جرح
بات ينزف من كثر ماشاف
من ناس اشبه بالانتهازيه
وبعيدين كل البعد عن الانسانية
وهنا اشبه البعض وليس الكل
لانها لو خليت
خربت
...
وصدقني دام في أوادم صمدوا بالغزو
اكيد بيكون في ناس بتحملون
قلة المخزون
دمت لنا
مبدعا
وراقيا
ابدا
:))
الله لا اييب هاليوم
نظرتك بعيدة وقريبة بنفس الوقت
مو بس لو قل المخزون
او صار النفط ماله قيمة خصوصا مع
البحث عن بدائل للطاقة
او حتى خلص النفط
شنو بنسوي
اقترح مشاهدة مسرحية كويت سنة 2000 اللي كتبها سعد الفرج قبل اكثر من 40 سنة
اللي حتى الخثرة
صارت عليهم بالحسرة
ودمت بحب وود
للاسف الحين بوجود الخير والنعمه بكل مكان تلاقي الاغلبيه مو عاجبهم شي ومعترضين على حالهم
تخيل لو مافي مخزون ولا بترول ولا حتى بدائل
محد راح يتحمل والي بيتحمل راح بقدر يستمر
تعودوا على النوم والرباده والشي سهل وين تبيهم يتعبون
ان بس قول الله يستر علينا ويوفقنا للي فيه خير ديرتنا
صح لسان
يقول عمر بن الخطاب عن الأموال و هو يبكي
" و تالله ما أعطى الله هذا قوما إلا تحاسدوا و تباغضوا، و لا تحاسدوا إلا ألقى الله باسهم بينهم "
الله لا يخفس فينا عايشين بنعمة مو عارفين . قدرها و إذا صار شي مالنا غير هالديرة:\
قلب طفله
صح كلامك
كل ماتزيد فلوسنا وخير البترول
كل ماتزيد مشاكلنا
المفروض يخلقون وزاره لمعالجة الفائض في الميزانيه
ويعينوني وزير
وانتي وكيله وزاره
اشكرك
واشكر قلبك
فريج سعود
يخلص النفط ممكن
لكن منهم نخلص امل املك
لاتسالني ليش
منو ينسى
انا اللي دائما اسعد بتعليقك وكلامك عامل مشجع لس
اشكرك
كل منا فكر بهالموضوع
بس انا قايلكم لاتخلوني اقعد بروحي اشط بعيد بعيد وايد
وانتو كيفكم عاد
امس كاتب قصيده عن البرد
وانتي كيفج
U-Turn
الكشيش هذا موضوع ماراح نتكلم فيه لانه موضوع متفرع
موضوع الديرمه
انا بالنسبه لي ودس القى وحده حاطه ديرمه
هالايام ماكو
ياتافخه حجابها
ياتافخه براطمها
الحمد لله والشكر
Mother Courage
انا اعبر
بس بشرط يعطوني كرتونين بيبسي
why me
انا من سنين وهالسؤال ببالي
ان شاء الله الكل يصمدون
SHAHAD
اي والله هذا الحل الوحيد لمشاكلنا
اشكرك
Sn3a
سؤال كبير من انسانه سنعه بمعنى الكلمه
~warda
والله ياورده كلامك هعين العقل
ماورى تعليقك تعليق
اشكرك
قلتي اللي انا بقوله
يعجبني تفكيرك
حسافتج يا كويت
حياك الله
الابداه نتعلمه منك ياخوي
كلامك صح
وجبتها هالجرح
hamdool
حي الله بالغايب الحاضر
هلا اخوي
احب صراحتك
اي والله العله فينا
كلامك ووجودك يسعد
اشكرك
فراوله
كلامج كله تفاؤل
كله امل
يونس
اشكرك
واشكر روحك المتفائله
Eng_Q8
راح يجي هاليوم
لازم نستعد له
او نجهزعيالنا لهاليوم
سولوجا
اللحين بتقول مامدانا سولفنا فهالموضوع
متى مداني كتبته
فعلا ممكن يكون قريب ممكن يكون بعيد
تصدق مسرحية الكويت سنة 2000 قريتها عالورق بس ماشفتها كلها
مشكور ياخوي
ممكن تسلفنا مليون من فضلك
magnoonah
النوم والرباده عودونا عليه
كلنا بعد الساعه 5 المغرب ماندري وين نروح وشنسوي
فراغ يولد رباده
كلامج جميل يامجنونه
ياسر الغسلان
صح بدنك
تشرفت بوجودك سيدي
shahad
كلامج كبير
يارب الطف فينا يارب
رغم ان مخزون وبينتهي
ووضع سلبي وخطوة للوراء
الا انك جعلتنا نتمنى ان ينتهي
!!
لنعود اصحاب القلوب البسيطة
المتعاونين في بناء سور
العاشقين للبحر
المتعاونين في كل الامور
لكنا نسينا فلان شصله
وفلان شعنده
وترفعنا عن توافه الامور
لكنا على قلب واحد
يغار الجار على بنت جاره
ويربي الرجل كل ابنائه وابناء غيره
زمن جميل
!!
سمعنا عنه
حرمنا منه
ليته يعود بحله جديده
وروح اجمل
ليته يعود بالرخا
دون ان نحتاج ان نعود للفقر
:(
استكانه
سيدتي الراقيه
بلا مقدمات
وبدون مبالغه
بعد قرائتي لكلامك الرائع
بصراحه المفروض اشيل البوست واحط بداله تعليقك
قريت القصيده بشكل ثاني بعد كلامج
اشكرج
Post a Comment