Sunday, May 4, 2008

إنت تروي



إنت تروي

من أشوفك

أعتلي فوق السّحاب

ماأشوف إلا

مطر

ونورك يضوي

إنت تروي

،،،،

 أشوفك أحس الدنيا متغيره

تاخذ مني حزني وتطيره

تنسّيني شقى أيّامي

تنهي فيني آلامي

تصير على همومي

متقوّي

إنت تروي

،،،،


أجيك والوله تناصف روحي

أجيك مو طايجتني جروحي

أرد فرحانه عيني

ماأدري شتسوّي فيني

ماأدري شتسوّي

إنت تروي

الاحد
4/5/2008

49 comments:

صبا said...

الله الله يا براك


من أشوفك أحس الدنيا متغيره
تاخذ مني حزني وتطيره
تنسّيني شقى أيّامي
تنهي فيني آلامي
تصير على همومي
متقوّي

حروف جميله مقاطع تأثر بالقلب والروح
براك
استمتع لما اقرا حروفك
تسلم وتسلم وتسلم
مليون مره تسلم
دائما متميز
روعه

تحياتي من كل قلبي

(روح) said...

:(

The Voice Within said...

هذي النماين اللي ادعي ربي ان ما يخلينا منها و لا يمحي بصمتها من حياتنا

يبتها ييبه :D

صح لسانك :D

(روح) said...

تجيني..
والدمع حاير في عيني

تجيني..

ومن غيرك يبعثرني
ويحتويني؟


تغيب وتبتعد

وبعبراتي ارتعد

واختنق
بغفوة حنيني



..

..

اظل اردد
بيجيني

بيجيني

بيجيني

ارددها لنفسي

على اخر رصيف

بيجيني


وهو له شهووور

غايب عن مدى عيني


..



عذرا للهذيان

كلامك مؤثر !

فهمته من ناحية اخرى
خاصة بي..


دام لنا هالهطول..

mno yensa said...

الله
الله
يا براك

من أشوفك أحس الدنيا متغيره
تاخذ مني حزني وتطيره
تنسّيني شقى أيّامي
تنهي فيني آلامي
تصير على همومي
متقوّي

ليش الدنيا متغيرة ..

برغم من بساطةالنص
لكنه
صعب جدا
...
قمة الاحساس الراقي

حين اصل اليك
ينتابني الشعور بالرقي
شكرا

kila ma6goog said...

نبي شي عن الانتخابات؟

charisma said...

احتاج من يروى روحى



أجيك والوله تناصف روحي
أجيك مو طايجتني جروحي
أرد فرحانه عيني
ماأدري شتسوّي فيني
ماأدري شتسوّي
إنت تروي


تخيلت الشعوور
الله يا براك

ابى منه من وين اييب هالاحساس وين ينباع
:(
ابى اخزن منه

ياا ليته ينباع

عَذبة said...

رغم كل قصص الحب الفاشلة و جروحة التي لا تندمل.
.تستمر الحياة
انت تكتب عن
.. حب يتفجر بالسماء..كالألعاب النارية..فتخفق بالقلب نبضة زائدة..
فرح.. رهبة..وترقب
تساقط فوق رؤسنا..
وتساقط عليك عليك كهبة من الله. على شكل قصيدة..
لها صوت كما وقع المطر على الأرض

براك
لكتاباتك عطر أشبه برائحة الغيم..
هل شممت قبلا رائحة الغيم؟؟



دمت كما تحب


ولاتسمع كلام (كلاّ مطقوق) الوضع هناك مزدحم

واصواتهم عالية جدا

بشكل مزعج

shahad said...

إنت تأمر غالي الدنيا يهون
إنت تأمر

مادري ليش حسيت الإغنية على وزن اللي أنت كاتبه

بعطي هالشعر غبوي يعطي أمي اليوم عيد زواجهم " لوووووووووووووووووول واي احس ما يلوق هالحركات امي و ابوي
:p"

Barrak said...

صبا

هلا بصبا

صاحبة التعليق الاول

احس الدنيا متغيره من اشوفه
الحزن يطير من اشوفه
اي والله
تخيلي لما واحد يتقوى على الام قلبك
شتسويله
تطيرين فيه مايكفي
شتسويله

والله استمته بوجودك ياسيدة الرقي


اشكرك

Barrak said...

The Voice Within

ياحلوها من نماين

الله لايحرمنا منها

اشكرك سيدتي

Barrak said...

روح


للمره الالف مااقدر اعبر

شقول

اختنق بغفوة حنيني


انا قايلك من زمان حرام تبعدين عن البلوق
وعن التعليقات


لاتقولين ليش حرام

بس

Barrak said...

منو ينسى

تدرين ليش الدنيا متغيره

لانه اهو يغير تفاصيل الوقت


انا ااتعلم منك الرقي ياراقيه

Barrak said...

kila ma6goog

الانتخابات مايبلها قصيده

وايد عليها كلمه وحده


لويه

Barrak said...

charisma

سهل نلقى من يراضينا
لكن صعب نلقى من يروي روحنا

الاحساس ماينباع
بس فيه ميزه
ممكن انه يهل عليج فجاة ماتدرين من وين

نصبر ونشوف

كويــتي لايــعه كبــده said...

صح لسانك

Barrak said...

عَذبة

نهم سيدتي شمت رائحة الغيم وانا اقرا تعليقك


كم انتي راقيه

مطقوق ردينا عليه
وانا بصراحه هالايام شاط بعيد هن الانتخابات
اصلا ماادري وين جنسيتي


الجو اليوم يساعد على بوست جديد حالم ومفعم بالحب

اشكرك ياعذبه

Barrak said...

shahad


الله يخليلك الوالد والوالده ولايحرمهم من بعض


اذا للحين اهم متذكرين عيد زواجهم ابعثيلهم قصيدة اذوب


الله يخليهم لكم
يارب

Barrak said...

كويــتي لايــعه كبــده

صح بدنك

وان شاء الله ماتلوع جبدك بعد هالقصيده

нαмѕαт wαтαя said...

الـصراحــة من الكــثر البلوقات اللي شدتني

صح لــسانك

و إن شــاء الله ما ننــحرم من البــوستــات الــراقيــة بكلــماتها

: )

mantovani said...

براك

كلمات رائعه من احساس اروع

انت ذكرتني بالاغنية

http://www.khalidalshaikh-fans.com/music_library/listening/el_3esh.ram

=====================


اهداء لك و لكل زباين المدونة


مانتوفاني

ShLaLaT said...

اخوي المبدع براك

انت تروي انت تكتب وتروينا
انت تروي بصدق احساسك
انت تروي وتتحفنا


من أشوفك أحس الدنيا متغيره
تاخذ مني حزني وتطيره

بيت حلو وايد
حبيته

صح الدنيا ما ترحم
بس في ناس يخففون عليك
شوفتهم بس تنسيك الدنيا وما فيها

في ناس قربهم جنه وفراقهم عذاب
الله لا يحرمنا منهم


حسيت بصدق معانيك
وصلنا احساسك

دائما مبدع بالكتابه
مبدع باختيار الكلمات
مبدع بالتشبيهات اللي تحلي الخواطر او الاشعار


رويتنا اليوم وما شبعنا
اروينا بعد

Shaima'a Alkandari said...

والله تروى النفس والروح والفؤااد

اخيييييه عليك يابراك

صج كلماتك دايما تروينا

Najmah said...

مادري شتسوي
إنت تروي
..

اللــه
عجييييبة
عجيييييبة

صح لسانك براك

GUCCI-q8 said...

الله عليك
ما عرف شبقول!
ما أعبر

"
من أشوفك أحس الدنيا متغيره
"
صج انت تروي

تحياتي لك

the.thinker said...

ياسلاااام .. شنو هذا يالبرك .. تسلم ايدك .. ابداع .


يعطيك الف عافية

مُحَسّدْ said...

استمر .. مبدع

قلم حبر said...

;b
كلمات روعة

U-Turn said...

أخــوي براك ..,,

في نــاس بقربهم تملك الدنيا وما فيها
بشوفتهم تنسى الدنيا وبلاويها
وبغيبتهم تنسى الكويت وما فيها

والله يطلع مني ;p

مبدع كالعاده ..,, كلماتك تدخل القلب بسرعه

خفيفه ولطيفه :)

صج الواحد يدخل بلوقك ويوسع صدره

يعطيك العافيه وعساك على القوة

قلب طفله said...

عجيب يا براك

تسلم ايدك

دمت بسعاده

Barrak said...

нαмѕαт wαтαя

اشكر وجودك الاول

بصراحه لما زرت بستانك اقتنعت انك همسة وتر

والهمسه ارق من الرنّه

اشكرك على وجودك

Barrak said...

mantovani

أطويلك براري وعلى صدرك احن

علي الشرقاوي هذا الانسان هو كتلة احساس تمشي على الارض

اشكرك

وحلوه زباين المدونه

تسلم

Barrak said...

ShLaLaT

تبيني ارد على كلامج ماأقدر
ماأعبر

بس باختصار كلامج انتي اللي يروي

مشكوره
لانه فيه قلوب مليانه باحاسيس تتابع اكيد كلامي بينفهم وبينحس

Barrak said...

Shaima'a Alkandari

اشكرك ياشيماء

ياليتني اكون قد كلامك ياليت

اشكرك وايد

Barrak said...

Najmah

اي والله ماادري شيسوي ياخذ همي يوديه مناك بعييد


شيسوي ماادري شيسوي


اشكرك يانجمه

Barrak said...

GUCCI-q8

شكرا كلامك رائع
واحساسك اروع

اشكرك الشكر الجزيل

Barrak said...

the.thinker

والله ماادري شنو هذا
شي انحس وانكتب


وبليلتها انكتبت
شغلات وايده

الله يعافيك

Barrak said...

مُحَسّدْ


على امرك

شكرا

Barrak said...

قلم حبر

اشكرك

امي تقول اي عزيزه

قلتلها ماادري

Barrak said...

U-Turn

لا والله يطلع منج


احنا انتعلم منج اصلا



الله يوسع صدرك دوم

اشكرك

Barrak said...

قلب طفله

الله يسلمج

مشكوره

اشكر قلبج

~warda~ said...

أجيك والوله تناصف روحي)
أجيك مو طايجتني جروحي
أرد فرحانه عيني
(ماأدري شتسوّي فيني

كلمات حالمة .. رائعة
ومعبرة فعلاً صاحب احساس
مفعم بالحب يا براك

Shaima'a Alkandari said...

وانا صاجه عند ربي

مشالله عليك
عندك كلمات واقعيه وبالصميم تغلغل ياخوي

وهذا الصج وانا اختك

بـنـت بـطنـهـا said...

من أشوفك
أعتلي فوق السّحاب

:)

صح احساســـك

Barrak said...

~warda

اشكرك ياورده

الاحساس نتعلمه منك

مشكوره

Barrak said...

Shaima'a Alkandari

والله كلامج اهو اللي يغلغل
ياوخيتي

Barrak said...

بـنـت بـطنـهـا

اي والله فوق السحاب
اشلّل

صح خيالك

تراب الكويت said...

اسكت ولاّ احجي
اضحك ولاّ ابجي

ازرع أمل باجر
ولاّ احصد ألم حاضر

ما اعتقد إن هذا احساس عاشق

هذا اسمية تعبقر عشقي
أو عشق متعبقر

مادري

المهم

حيرتني

:::
هذا حالي بعد القراءة

Barrak said...

تراب الكويت


اشكرك


الله يبعد عنك الحيره