Thursday, April 10, 2008

غير



الثواني بليّاك غير

ماألقى فيها خير

ثجيل الوقت علي

تدق دقاته بيوفي


وأتذكّر

إشّافت عيني

وأشوف شفيني

ماألقى إلا قلب يدق

وصاحبه محروم

الثواني بليّاك غير

....

أسلّي نفسي بهمس شفاتك

أعلّم حسّي يتنفّس ذكرياتك

أقضي لحظه وأرسمك

أخلق كلام وأتكلمّك

وأسولف وأتخيّلك ترد

وأعيد ماقلته

عل وعسى

ألقى رد يسر

عل وعسى

الدنيا تبر

وأشوفك حقيقه

تعبت أحلم

وماأشوف حلمي

تعّبني الندم

ومحد يمّي

أنا تعّبت الهم

وتعّبت حلمي

وتصبح على خير

الثواني بلياك غير

47 comments:

بوتشخيص said...

الله الله الله و أكبر عليك

روعة يا براك

جارة القمر said...

صباح الخير

:)

اخوي براك كل ثانيه و انت بخير

بس الوجود شي و وجوده اهو اللي غير

:)


ليش شنو اهو الغير

غير انك تكون بخير

تضوي علي دنيتي

و يكون الكون بحضرتك غير

بدونك انااضيع

بدونك انا بقاع البير

يا غايب عني تعال يمي

تعال نبني بيدنا المصير

و يكون العالم ملكنا

يكون العالم كله بخير

vancouver said...

يا سلاااااام عليك يا براك


فعلا غير
!

تسلم ويسلم لنا هالاحساس

Purplecious said...

أي و اللــــــــــــــه غييييييييير


أقضي لحظه وأرسمك
أخلق كلام وأتكلمّك
وأسولف وأتخيّلك ترد


و الحلم و الهم تعبوا يا براك خلاص مافيهم حيل

صح لسانك

أبدعت

كالعادة
:)

kila ma6goog said...

حوّل انتخابات و خلك من الرومانتيكية

:)

Eng_Q8 said...

ترى حلوا مجلس الامه وبتصير انتخابات وروما اطلعوا من الدوري :)


صح لسانك

Soul said...

kalam ya39er el galb :/

9a7 elsanek

Glass Fabric said...

9a7 lsanek :) 3asa allah la yfaregkom

Shaima'a Alkandari said...

الثواني معاك غير
يابراك ياولد ام براك

طعم مميز نتلذذ فيه لمن نقرا ابداعاتك المتواصله

وأتذكّر
إشّافت عيني
وأشوف شفيني
ماألقى إلا قلب يدق
وصاحبه محروم
الثواني بليّاك غير

وردة حب said...

رووووعة ماشاءالله

حسافتج يا كويت said...

أنت غير الناس عندي

يا براك

Barrak said...

بوتشخيص

الروعه وجودك
وتعليقك الاول

انت الروعه

صبا said...

يا حلو كلامك

ويا حلو مدونتك

براك انت مبدع وسلامتك من التعب

,,

Barrak said...

جارة القمر

وانتي بخير

تخيلي الثانيه غير
فمابالج بيوم

اهو غير وايد غير

بس جاسي
وايد جاسي

قلبه ابيض
بس تكوينه غير
أطباعه غير
ظالم
بس لحظات عدالته رغم قلتها جميله

ادري اني ماأضيع
اهو بيضيع
مو لانه ماكو احد مثلي
لانه ماكو قلب يحتويه غيري

تخيلي انا ملت مني احلامي
واقوله تصبح على خير
اشكرك

Barrak said...

vancouver

على قولة ساهر
طبعا غير


اشكرك سيدتي الراقيه
شكرا

Barrak said...

Purplecious

هلا فيج شهالغيبه

سيدتي بعد ان كتبت هذه القصيده ان جاز التعبير
قرأت بوستك

احسست ان ماأعانيه يشبه حروفك
كوني بخير

Barrak said...

kila ma6goog
الانتخابات ونتايجها واثارها لها وقت وتنتهي

لكن الرومانطيقيه على قولتك ماراح تنتهي

مُحَسّدْ said...

كلمات معبرة

الوحدة في مواجهة الآلام قاسية

Najmah said...

الثواني بليّاك غير
بأبسط لحظاتي ماألقى خير
ثجيل الوقت علي
تدق دقاته بيوفي

لأن وجوده غيير
حتى الوقت يصير غيير
من ثجله على قلوبنا نحسه يدق فينا

..

والحلم
والهم
ونتخيل
ونتعب
والدقايق
وكل الثواني
نحسهم غير
لأنها باختصار
قااااقدتهم

..

روعة يابراااك

Barrak said...

Eng_Q8

بالسبه للانتخابات اقرأ قرطبه وانت تعرف اني ادري ان فيه انتخابات
بالنسبه لروما
شدعوه انا فرانكو سينسي


تعرف منو سينسي

awtar << said...

كلماتك و وصفك روعه شويه عليه ، =)سلمت يمينك و دام احساسك

Barrak said...

Soul
صح بدنك

تصدقين هالكلام دوا للقلب

Barrak said...

Glass Fabric

صح بدنك

والطيور طارت برزاقها

Barrak said...

Shaima'a Alkandari

الله يرد أم براك بالسلامه

هالمقطع بالذات تعبت وياه وايد

سيدتي كلامك بلسم للروح

اشكرك

Barrak said...

وردة حب

اشكرك جدا سيدتي الورده

Barrak said...

حسافتج يا كويت

عاد انت بالذات عندي شي كبير



على فكره هالاغنيه من اسمعها اروح ماوراء باريس

احبك

Barrak said...

صبا

مره قلت جمله مالقيت احد يفهمها

بس اكيد انتي راح تفهمينها

ياسيدتي

من اختلافات الاشياء احنا نعيش

وبس

Barrak said...

مُحَسّدْ

بس مرات الوحده تعلمك وتفهمك
انك هم انت بعد غير

وانا الدنيا مافيها خير

Barrak said...

Najmah

والله والله

لو يطلبون مني اشرح معاني الكلام اللي كتبته
ماراح اوصفه كثرج

صج انتي نجمه

Barrak said...

awtar

سيدتي

اشكرك على زيارتك الاولى

واللي مو شويه المقدمه اللي كاتبتها بمدونتك

من اول ماقريتها حسيت ان الرقي مو بعيد عنج

اشكرك وايد

DiLLi O MiLLi said...

كنت أشتكي يا مقصر أوقات لقياك
واليوم يا طول الثواني بدونك
وينك عجاج الوقت لا شك يفداك
مبطي وكوني ما تراوى لكونك
نفس الزمان اللي شهد يوم لقياك
هدَّه غيابك وإنتحر في غصونك
يا ليل سهرني على جمر ممساك
لا تغفي عن حلم التلاقي جفونك
يا ليل لا تنسى وأنا أوعدك منساك
بذكرك و ربوع السهر يذكرونك


كلمات جميله لا ينسج حروفها الا مبدع
وصاحب موهبة شعرية فريدة وقلم راقي



انت لست بحاجة لمدحي
ولكنها مجرد عبارات خرجت لعلها توفيك حقك

عبثي said...
This comment has been removed by the author.
Selezya said...

يا حلو كلماتك

صح لسانك

mtfa2el said...

كلمة بلياك بروحها تعور
كل يوم نتعلم منك يا بو عبد الله

قلب طفله said...

احساس راااقي و كلمات رااائعه

تعزف على اوتار الانتظار المؤلمه

ما اقساها و ما اصعبها

(( الثواني بلياك غير ))

صح لسانك براك و اعتلى شانك

تقبل مروري

Aldenya said...

هالمره الجو غير

موسيقى المدونة وهالكلمات

ارسموا لي خيالي

طبيعة وعصافير تغرد

وبراك

متسند على جذع اشيرة

سرحاااان

يفكر باللى غيابه

هز الأوطان

نون النساء said...

مشاعر الشوق حلوة
لكنها اتنرفز أحياناً
:P

تعتبر محرض كتابي فعّال






بس نبي سياسي

:P

فراوله said...

مساالورد والجوري
مساالثواني اللي لها طعم غير
اكيد مع مبدعنا الراقي
:)
بكل ثانية...وبكل دقيقه..وبكل ساعه...وبكل يوم...و و و و
الي ماله نهايه
بتكون غير
لانها مع الوجود بعينه
ياسلام علي ابداعك
" أخلق كلام وأتكلمك"
أروع شي بالدنيا لمن يوصل الاحساس
لين هالحد
أكيد يبكوووووون
؟؟؟؟؟!!!!!
دمت بدفء وعذوبه
ابدا
:))

Barrak said...

دلّي وملّي


واليوم يا طول الثواني بدونك

شقول

كل اللي اقوله
اشكرك
وماعندي تعليق
اشكرج
وماعندي تعليق

اشكرج وايد ياراقيه

Barrak said...

Selezya

احلو وجودج
صح بدنج

اشكرج

Barrak said...

mtfa2el

كنت كاتب الثواني دونك غير

قريتها مره ثانيه قلت بلياك دون ماأدري

شلون الاستاذ يتعلم من تلميذه
ياأستاذ متفائل

عدل ؟

Barrak said...

قلب طفله

اهلا بك

ليست مؤلمه
بقدر ماهي غريبه علي بعض الشئ

اشكر وجودك

حلو اسم قلب طفله

Barrak said...

Aldenya

شيره عاد

ان شاء الله ماأنطر بعد
النطره تدعو للكسل
وأنا احاسيسي نشيطه
والحمد لله

اشكرك

Barrak said...

نون النساء
اولا هلا فيج سيدتي

من زمان مامريتينا
او بالاصح احنا من زمان مامريناج

وعشان هالطله
بوست سياسي قادم

اشكرك

Barrak said...

فراوله

تصدقين من كثر ماأخلق كلام
اقدر اكتب مسلسلات مكسيكيه


هذا الحد ياسي
تي فراوله مرات يتعّب الواحد
اقول مرات


ودائما تختارين المقطع اللي أحبّه

اشكرك

قلم حبر said...

ماشالله قريت ما امداني اقرا كل كتاباتك بس بحاول اكمل قرائتهم ضروري انشالله
كتاباتك واسلوبك شدني
اتمنى لك التوفيق
وللأمام سر :)

Barrak said...

قلم حبر

لي الشرف بتواجد قلم حبر راقي بمدونتي

اشكرك