Thursday, April 24, 2008

سمحه

اليوم بالذات فيني شي شنو ماأدري، جلست وتناولت الدفتر ونظرت للصفحه وتخيلت انني اكتب
وبعد أن أنتهيت وجدت كلاما مكتوبا ، لاأعلم من كتبه
اليوم أنا فيني شي
إقروا الكلام وتكفون قولولي شفيني ؟؟


تشوفني الصفحه

تناديني

 يوّد القلم

وتكلّم عن قلبك

وجرحه

تشوفني الصفحه

...

تتريّاني .. أطاوعها وأكتب

تترجاني .. أرسم حروفي

تقول لوّني بكلامك

وإنثر حروفك بيوفي

واللي فيك وضْحَه

تشوفني الصفحه

.....

تناديني أخط اللي أبيه

وتوعدني ماتبوح أسراري

تقول إيه.. يابرّاك .. إيه

قولّي شلَّي جاري

وإن ماعجبك الحجي

مِسْحَه

تشوفني الصفحه

.....

تبيني ألبّي لك 

وبيديني الحرف يهلك

ويتعذب من خيالي

يتعَب من آمالي

وروحي السّمحه

تناديني الصفحه

.....

ألا ياصفحتي عذريني

اليوم بالذات مافيني

ماعندي أي كلمه

احساسي ماأقدر أفِهمه

مابقى لي صوت

ولا بالصّوت بحَّه

تشوفني الصفحه

24/04/2008
الخميس

36 comments:

خَيَال said...

ما فيك إلا العافيه
ان شاء الله
بس يمكن قلبك خضر
:)

human said...

ارتباط المشاعر في الغالب يكون مع نهاية كل صباح و دخول كل مساء

فهي كلمات ليلية لمشاعر أيضاً ليلية

صح لسانك

lawyer said...

بقلبك حجي مو قادر تقوله ولا عارف اشلون تقوله

(روح) said...

و اللي ذبحه الخوف
و جدب الخفوق وشحّه؟


فيك الخير كله
ربما احسست بنا
هنا
ولاشعوريا انهمرت غيوم نثرك
لتروي العطشى
وممن راودهم الحياء
في طلب المزيد!!


كل خير يارب
كل خير



و ملاحظة لفطوم //لوير:
يا لووويير
ترى جد فاقدتك يختي
ابي اتطمن عليك شلون !

kila ma6goog said...

وتوعدني ماتبوح أسراري

عمرك لا تثق بصفحة

بوتشخيص said...

عجيب يا براك .. اللي فيك ابداع على شكل كلمات منظومة في صفحة

حسافتج يا كويت said...

تبخر

Barrak said...

خَيَال

يمكن ياصاحب التعليق الاول

Barrak said...

human

والله انك صح


لان ماكان فيني اي شي
مرتاح اللي احبهم حوالي
وفجاة صارت السالفه
وغمضت ومسكت القلم

Barrak said...

lawyer


موقادر صعبه
مو عارف مااعتقد

الظاهر اني مايودت القلم
القلم يودني

Barrak said...

روح

اللي اذبحه الخوف هذا هو اللي معذب نفسه
لازم يعرف هكذا الدنيا لقاء واجتماع

والبقى لمصرف الكون الوسيع
ياروح

اقولك شي

كتبت 4 قصايد قبل هذي

كلهم لو انشرهم بتضحكون

وحده منهم عن البرّد

ليش برد ماادري

لا فيني شي


ومنا الى لوير
ان شاء الله تتعطف علي وعليك
قولي آمين

Barrak said...

kila ma6goog

الصفحه ماتبوح اسرار
الصفحه تطفي نار


الله لايحرمني منها
ولامنك

Barrak said...

بوتشخيص
مشكور ياخوي
انا قايلهم لااقعد بروحي ساعه
ولاتخلون جدامي ورقه فاضيه

Barrak said...

حسافتج يا كويت

كل يوم يبخروني

لاتحاتي

Mishari said...

تعرف رأي ما له داعي اقول :)

why me said...

كالعاده أبيات عذبه .. توصل للقلب

تسلم ايدك

Barrak said...

Mishari

لاتقول ياحبيبي انت

بس ابفهم شفيني

Barrak said...

why me
اشكرك

اعتقد ان الكلمات كانت قاسيه

والعذوبه تكمن بوجودكم

ShLaLaT said...

اخوي براك
ما فيك الا العافيه

بس يمكن الصفحه ولهت على كلماتك
وقسوة قلمك عليها

يمكن حست انك ابتعدت ونادتك !!

شوفها مثل ما تشوفك وافهمها تالي اكتب عليها

U-Turn said...

أمممم ..,,

يمــكن فيــك شعــور متنــاقض " لا تقــولي شــلون ! ما أدري " ;D

يمكـــن فــي بقــلبــك كــلام بس مو راضــي يطــلع ..,,
مــع الأيــام راح يتـــرس هالصفحــه ..,

بـــس مــا فيــك شــي لا تخــاف ..,, شعــورطبيــعي الإنســان يمــر فيــه " ما يــدري شفيــه ولا شنــو يحــس فيــه !!" يعــني فلســفة حيــاة وهــندسة دنيــا :)


وبعديــن عط صفحــتك ويــه شــوي ..,," وإكتــب فيــها حتــى لــو مجــامله ";p


الصـــراحــه أخــوي ..,, بــراك

كلمـــاتك الإبــداع بحــد ذاتــه

" جـــامــل صفــحتــك شـــوي ..,, ولا تبـــخل عليــنا " :)


نــاطريــن البـوســت اليــديد :)

Moi said...

kalaam keber walla, 3ajeeeb o keep going barrak ;)

Nachla said...

براك
غير القلم والصفحة
او الظاهر انك لازم تغير جو
انا اقول يبيله باريس
والحمدلله على الصحة والعافية

mantovani said...

براك

احاسيس الشاعر ملك له في المقام الاول
و خزنتك يا براك عامرة بالاحساس الصادق

فجر مخزن اشواقك و لا تعاند الصفحة

علمنا يا براك ترانا نتعلم

مانتوفاني

JuVeNTiNa said...

داخلك كلام و صج صج احسن شي انه الواحد يطلع اللي داخله .. حاول انك دايما تعبر عن اللي تحسه سواء شي زين او لأ .. و ان شاء الله خير :)

قلب طفله said...

ما فيك الا العافيه

ان شاء الله

بس قلبك و ايدك اتفقوا

مع الورقه و القلم على نبش

المكتوم بداخلك و اظهاره

ع الصفحه بالغصب بس انت

يا سيد الاحساس راوغت معاهم

لا تحرم الورقه و تحرمنا من

روعة احساسك و بوحك

دمت بسعاده

قلم حبر said...

:)
انا بعد مثل الصفحة احن عليك واقولك اكتب ولا تحرمنا من كتاباتك
:)

Barrak said...

ShLaLaT

كلام شلالاتك صح
فعلا لازم اشوف الورقه واسمعها واحسها وبعدين اكتب

عجبني تحليلك

لازم اعيد كلامك واقراه وايد عشان افهم

Barrak said...

U-Turn

يمكن اللي فيني عرفته بعد بوست هياوين
كلامج قريته وحسيته
ارجوك لاتحرميني مرورك الراقي

ماراح ابخل عليكم
لاني ماانسى وقفتكم وياي
اشكركم واشكرك

Barrak said...

Moi

مقل ماقلتلك
احنا تلاميذك

مشكور وايد ياخوي

Barrak said...

Nachla

والله من اسبوع ماضحكت

مشكوره ضحكت على باريس

فعلا يبيلي باريس
لا وشهر ويمكن ينفع

مشكوره

Barrak said...

mantovani

حبيبي انت

احنا انتعلم منك

انت الاستاذ

والخير ياي بالطريج

خصوصا لك انت بالذات

Barrak said...

JuVeNTiNa

راح يطلع الكلام بس بعد ماافيق من الصدمه

اشكر مرورك الاول

Barrak said...

قلب طفله

ياحلو كلامك

يسريح هالجبد والله

راح اكتب سواء اتفقوا او لا

اشكرك

Barrak said...

قلم حبر

راح اكتب لما تقول بس

تراب الكويت said...

محد قدر يفهم وش سر هالعلاقة
اللي ما تحتاج لــ أناقة
ولا تشره عليك ذا ما شلت بيدك باقة

تستقبلك وإنت بأسوأ حالاتك
وبالعكس وقتها تشوفك وتقول يا حلاتك
سولف يا بعدي..عن ضياعك وعن اجمل أمنياتك

كلهم يسألوني

عن سر عيوني
وليش فجأة
تتوه ظنوني

واصير بعالم ثاني
ما تنحسب فيه الدقايق والثواني
عالم موجود بس ..عشاني

لونه أبيض
وقلبه أبيض
كل ما يترسه صدري سواد
يرد أبيض من الأبيض..ووو

::

BARRAK

...............

صدقني ما فيني اقول اكثر

الله يحفظك
:)

Barrak said...

تراب الكويت

الله يحفظك


تعليقك وراني شي ماشفته