تحديث
أمر وزير الداخليه الشيخ جابر الخالد بترقيه استثنائيه للرقيب أول محمد بلال وذلك تقديرا لجهوده وكفائته وتفانيه بالعمل وتمت ترقيه محمد بلال الى وكيل ضابط
مقتطفات من امور حدثت لي اردت ان ابينها لكم
اولا : تلقيت خبرا أحزنني وأعتقد أحزن جميع الإخوه الذين لازموني منذ ابريل 2006 وهذا الخبر هو ان مدونة آه يابلد barrak74.blogspot.com
تم مسحها بالكامل وتم القضاء على جميع ماكتب وعلى جميع التعليقات الراقيه التي تلقيتها من اخوه اعزاء منهم من بقي معي الى الان ومنهم من غاب أو إختار الغياب
اعتقد انني املك ارشيفا كاملا لكل ماكتبته ، وكانت هناك محاولة ثانيه لسرقة ايميلي
ولكنني استطعت ان ارجعه للمرة الثالثه ، أجزم انه في كل مره اكتب فيها قصيده عن احوال البلد برؤيتي الصادقه اتعرض بعدها لسرقه فبعد ان كتبت إلا الدستور تم سرقة المدونه والان عندما كتبت تدوير تمت سرقة الايميل الخاص بي وتم مسح مدونتي العزيزه آه يابلد
عموما نظرا لحزني الشديد على ماحصل وأتمنى ان يكون تحليلي مخطئا ولكن سأبقى كما عهدتموني أنسان راس ماله كلامه ومشاعركم الطيبه
ومن الممكن ان تتعرض هذه المدونه للسرقة بالقريب العاجل وسيكون اللقاء عندئذ في
barrak74.com
واذا فيهم خير خل يلحقوني هناك ايه ترى السايت مسويه عند ناس ماعندهم كيري ميري وعندهم حرية رأي وأول حرف من اسمها الولايات المتحده الامريكيه عاد ذيك الساع ابيهم يوطوطون عندي
ثانيا : ابوبلال السيد محمد بلال وهو ذاك الشرطي الأسمر الذي يقف صباحا وظهرا في الشارع الفاصل بين منطقتي قرطبه والسره هو صديق لي راقي ومهذب ابلغني عن مشاعر الناس الصغير والكبير والطفل وكل شخص يمر بالقرب منه في ذاك الشارع انف الذكر وللعلم ابوبلال لم يتم ترقيته منذ 9سنوات احببت ان اقول ان هذا الشعب رائع وفيه طيبة الدنيا لشخص ادى واجبه بأمانه الا يحتاج هذا الشعب وبوبلال لوقفه كريمه وللعلم بوبلال سوف يقرأ كل مايكتب عنه
ثالثا : ماأحب اضيق خلق احد انا متضايق خلاص وعشان جذيه بقول نكته
فيه واحد غبي عاش بالكويت وماتوفق راح الصين وشرى بقاله يترزق الله منها دخل عليه واحد صيني يبي يشتري عشرعلب كوكا كولا وقاله : ينق شين شانق كوكا كولا
قاله الغبي عشر علب شنو؟
إلى اللقاء
53 comments:
dammek khafeeeeeeeeeeeeeeeeeeef ;p
7esbyyyy allaaaaaaaaah 3alaihom bagaw kelshay.. 7atta "7elmy 7e`6nek" :(
ana shakkah belvisitor elly min israel ;/
غبي و لا ،،،، غبي
:P
سلامات
و بلال من اروع من شاهدتهم يضربون المثل في تفانيهم و اخلاصهم بالعمل
الله يعينك
و يردلك مدونتك و يحفظك انشاء الله من الحساد
شغله ثانيه
و عسى ان تكرهوا شيئا و هو خير لكم
مدري شنو الخير في سرقه المدونه و لكن الله العالم ليش
بس ديربالك على نفسك
ولا تحر قلبك
اما بخصوص بوبلال
وااااااااااااي هالرياااااااال شوفته تشرح القلب
كل ما مريت عليه اررررررررفع ايددي اسلم
ما اعرف حتى اسسسسسسمه
بسسسسسسس شرح
يحسسني الدنيا بخير
و كلا مبتسسسسسسسسم
يشيل مني كدر دواااامي و همي الساعه 2 الظهر و انا راده
و مرة ثانيه ارد و اقولك
تصبر
باجر ديرتنا بتصير احسن
لاه لاه لاه !!! شنووو هذا قاموا يبوقون الكحل من العين !! لالالا ... ألا يبوقون العين بكبرها !!ء
حســـبي اللـه ونـعم الوكيـل
أنا ما أعرف "بو بلال" بس أذا قاعد يقرى اللي نكتبه .. أوجه له سلامي وأقوله
اللــه يعطيك ألـف عافيـه
وتأكد أن هالتسع سنين حصلت على
حب وتقدير وأحترام أهل الديرة
وهذا أكبر تقدير وأعلى ترقية حصلت عليها
خلك مثل ما أنت .. اللي مثلك نادر وجوده .. في بلد ماتت ضماير الناس فيها
يااا أخوي براااك
من ووين نييب الضحكة !؟
صادروها ... ما ظل بالبلد شي يخلينا حتى نبتسم !!ء
يا أخي ناس ما همها إلا التخريب و نشر ثقافة الدكتاتورية !!
مو الواحد وين ينفه عن عمره و يتحلطم !!؟
الله يخلي لك مدونتك العزيزة ..
و قبلها الله يحفظك من كل شر يا البرك :)
لا تحتر اخوى براك
وطالما انك حافظ قصاديك عندك وانا اختك خلاص ... وطالما انت موجود بتكتب أحسن واحسن .. وابتسم وخل ابتسامتك صدقه للكل ... وربى بينصر على من باقك وحرك ...
نصيحه اخت
الهم لك مره عن الحره
وعاد الثالثه ثابته استعجل بالانتقال للبيت اليديد ....
فى حفظ الرحمن اللى عينه ما تنام
Om Jaber
Om Jaber
ماباقوا الاحساس الورق يتعوض
انا عاد ماتحرشت باسرائيل من زمان
nEo
مالنا خلق ننرمي ورانا عيال
يسلمك اخوي
فيه مثل بوبلال وايد
بس حبيت ابين شكثر احنا طيبين ونحب اللي يحب البلد
يقول بوبلال وبوبلال صادق
ان يوميا وجبات تجيله من ناس مايعرفهم وهدايا
على قولته فيه واحد ذابحني كل يوم بيبسي وككاو انزين غير ماكو
lawyer
سالفة ان مدونتي السابقه ترد هذا من المستحيل لان باختصار اخر رسالة وصلت منهم قالولي استريح
الخير في سرقة المدونه اني اعرف طيب اصلكم بتواجدكم الراقي
انا محتر من الاسلوب محتر من عدد الفيروسات التي تصل يوميا لجهازي
محتر لان الذكرى الطيبه والايام الاولى اللي اجمعتني فيكم كنت يوميا اقرا التعليقات واستفيد منها
بالنسبة لبو بلال اللي اعرفه ان احد المسئولين امس الاول اخذ بياناته اعتقد يبون يشكرونه او يرقونه او يمكن شسمونه
اللي مريحني انه بوبلال يشوف بعيونكم فرحتكم فيه وسمع كلام وايد عنه بطريقه مباشره
وانا صابر
DiLLi O MiLLi
ماادري شقول
بس كلامكم اهو الحافز
وكلام الى بوبلال سيطبع وسيصل اليه
على فكره
الضحكه موجوده في نفوسنا صدقيني احنا احسن ناس نشوف ضيم ونضحك
ماتت قلوبنا
Kuw_Son
الله كريم
بشوفلي واحد عينه حاره يعطيهم وحده
انا اقولك وين تنفه عن عمرك مالك الا دبي
الله يخليكم انتو لي قبل المدونه
تسلم يالغالي
nadeyah
امس انا محتر اليوم غير
وباجر اكيد غير
وكل اللي حصل في صالحي عشان اترك الكسل
وابتدي في البيت اليديد
واشكرك على دعائك سيدتي
خنت حيلى عاد انت شقاعد تكتب الى متسلطين عليك هالسلالاطه
شالسااالفه مالنا حجوه يعنى!
اتمنى فى تحليل ثانى للى قاعد يصير
اخاف لك اعداء براك
معادى احد احد معاديك
محترين منك يجووز
ترى الغيره سبايب
ما يندرا بعد
:))
يارك الله يا خوى
وبوبلال الله يعطى الصحه والعافيه
شوفته تشرح الصدر
والله كلهم انا من اشوفهم اقول الله يعطيهم الصحه والعافيه
وخصوصا بشبه الشمس واللواهييب
وبعز البرد
مساكيين الله
الله ياجرهم
ودام حسك موجود لا يهمك شى يا براك
charisma
يمكن لي اعداء بس انا اللي اعرفه ان اعدائي 3 ومالهم شغل بالأنترنت اذا على حظي تعلموا وصاروا هكر قصدي خكر يمكن
محترين على شنو شاللي اسويه يحر
يحر اني احب ديرتي
يحر اني اكتب اللي احسه
يحر اني اتكلم عن ظواهر سابيه
يحر اني استعمل كلمات كويتيه خالصه بدأت تندثر
والغيره على شنو اذا بالشعر فيه من يكتب احسن وارقى مني وكلامهم موزون
على الضحك فيه ناس دمهم اخف مني روحولهم
على العاطفه فيه ناس عواطفهم جياشه حساسه
يمكن محترين ان ماعندي شعر واهم عندهم
بالنسبه لبوبلال
سيصل كلامك الراقي له واذا قال منو بقوله كويتيه تمبتيه اي كويتيه حتى النخاع والا عيل من وين مطلعه
بشبه الشمس واللواهييب
اشكرك
لاحقينك وين ما تروح
خل يبوقون اللي يبون
:)
موفق قلبي
شن شان شونق
حاطين العين عليك يا برااك
زين ان عند باك اب لكل اللي كتبته
اما سالفة الكوكاكولا تضحك
تحياتي لك
kila ma6goog
انا ودي اقول كلمة بحقك
في ابريل 2006 عند دخولي لهذا العالم كنت اتمنى ان اجد تعليقا او حتى مرورا منك لمدونتي
والان بعد مرور سنه و7 شهور تشرفت بهذا الرد
كم انت رائع
ماأنسى افضالك
الـفــــجـــ الــبـــعـــيـــد ــــــر
ماادري على شنو حاطين العين علي
اونه عشان خشيم الفار
عندي باك اب بس ماادري وينه
سالفة الكوكا كولا الحلو فيها ان الغبي فهم اصعب لغه بالتاريخ وحلل كل الجمله الا كلمة كوكا كولا ماعرفها وايد ذكي
لاحول ولاقوة الا بالله
وبعدين معاهم
والله سوالف بايخه وتبط الجبد
بس مهما يسوون بتظل براك الشاب اللي يعادل عمره 100 سنه
وماراح ترد على احد واحنا معاك قلبا وقالبا
ولاتهمك هالتفاهات
افا عليك بس افا
وعلى قولتك لو فيهم خير ومسوين روحهم شطار واقويه خل يلحقونك ببلوجك الامريكي :)
وبوبلال صديق الكل والله انه ماعندي شي بذاك الطريج بس امر عشان اشوف ابتسامته المشرقه واسلم عليه وادعيله بالتوفيق
والله انه اهو الوحيد اللي يطبق مقولة الشرطه في خدمة الشعب
يعطيه مليييييييييييون وزليييييون وترلييييون عافيه
لووووووووووووووووووووووووووووول
والله يعطيك العافيه
لو مو تكتب بمدونة لو تنقش عالحجر بندورك وبندور اشعارك ووراك وراك
:)
والله بو بلال مثال للكويتي المحترم واللي يحب ديرته
الله يبارك له برزقه
kuwaitya_7saweya
مشكوره اختي العزيزه هذا من طيب أصلك
هالكلام ترى يحرهم
انا ودي يروحون للسايت الامريكي عشان يمردغونهم
ماادري من وين مطلع يمردغونهم
بالنسبة لبو بلال اعتقد اذا شاف كلمة تريليون عافيه راح يتشقق
حمد
اشكرك يااخوي حمد هذا من طيبك
كلامك اللي قلته جدد فيني الامل ووسع لي صدري
ربي يوسع صدرك
كلامك وايد وايد أثّر فيني
تسلم ياخوي
فتى الجبل
بوبلال وماقصرت دعيتله
انزين وانا
بو بلال انسان نادر في اخلاصه لعمله
لو اتمر بعز الحر والشمس حنانية تلقاه واقف ينظم السير عكس شباب هالايام اللي يقعد داخل الدوريه وماله شغل بالمرور
هالانسان كل ما امر ودي اوجه له كلمة شكر بس استحي منه اخاف يقولي يالله حركي مو وقته
:))
دامه رفيجك ابيك تقوله يوسع علينا احنا اللي يايين من الدائري الخامس على الجسر..ترى ضيج علينا ويخلي سياره وحدة تمر بدل سيارتين
قبل كنت اقعد بالجسر ربع ساعه
الحين سااااااعه حراااام علييييه
يعطيك العافيه
صج ناس تافهة ماعندها سالفه
الله يعينك ويحفظ مدونتك ان شاء الله
بالتوفيق
ضاق خلقي
عجل بالسايت و حاول تضيف له كل الي كتبه
waaaaaaaay ya zeyneik Barrak, '7alik chethy agwa min hom kilhom mahma sawwaw enshallah allah weyak o met2kdah ra7 togaf min yedeyd, o 3la el nekta, 9ij Kuwaiti!!!
هذا من الواهي اللي فيهم يبوقون مدونتك ... و اعرف إذا أحد دزك فا انت جدامه ... عفست المثل أدري بس هذا معناه
nice one :)
و نسيت اقدم احلى تحية و احترام للسيد بو بلال عسى الله يكثر من أمثاله و يوفقه إن شاء الله
barrrak, sirrrrrrrrrrr wa-na7no min wara'ek, basaweelee t-shirt o ra7 anafis t-shirtat POLO, o ra7 awaz3ha ib balaaash o bakteb feeha *yasQo6 yasQo6 ilbaWaag elleey baag barrak* o bedal shi3ar il-7saaan, ba7e6 sortek wnta rakb il-7saan LOOOL, shrayek?? tara nerba7 mn warahaa =[
النصر لنــــــــا =]
wa-ta7eya 3a6ira lil-akh bu-Blaaal, ya7laila emsaikeeen, marra mashiftah baghait ahiffah o ad3ima =\ bs rabbik rabbik sitar wana ekhtek lol
wa-shokran 3al nikta LOL =]
والله هالنوعيه من البشر قلوبهم مريضه ما يستحون حتى فى المدونات بوق مو كافى البوق الى صاير بالديره ما ادرى شنو بيستفيدون
حسوووودين
اكتب اكتب اكتب اشعار اتخلينهم يحترقون من القهر وعين الحسود فيها عود
لووووووووووول والله صراحه عجبتني النكته لووووووول
والله لا يقوله انشالله عساهم للقص ان باقو بلوقكك كلش ولا بلوق براك
واحنا دايم معاك انشالله
وعسا الله يرزق بوبلال ويلقى تكريمه انشالله
براك
ترى الكابة ما تلوق لك
ناطرين يديد منك
وعساك على القوة
افا والله يا البرك ما تستاهل
واحنا معاك ووياك لو تسوي سايتك بالفارسي هم بنزورك
حبيبي براك
أعتقد إن هوتميل يوفر خدمة شراء إيميل آمن من ناحية السرقه
تأكد من كلامي
أنا مو متأكد
بس كأنه صادفني
و بعدين مو مهم الذكريات الماديه الرك عالمعنوي
و على طاري بو بلال
أنا آخذ طريق دمشق بس عشان أصبح في وجهه
يعطيني تفاؤل هالإنسان
يحترم الصغير قبل الكبير
و الآسيوي قبل الكويتي
غير الكشره العفويه و السلام الحلو
على طاري الصين
تدري إللي يسرق ما يزيد عن 3000 دولار من المال العام في الصين شنهي عقوبته ؟
إعدام
الصين ماكو مجال للمجامله بهالأمور
كل أسره عندها ولد واحد
يعني بعد قرن ماراح يكون في هذول عيال عم ذيلاك
ولا فلان أخو علان
0
أمانه يا براك مو نظام الولد الواحد حلو ؟
آسف علّقت وايد
بس ما عليه أحب هالمكان
أنا أقترح إن الإيميل الخاص بالبلوق يكون مجهول
محد يعرفه
و الإيميل إللي يراسلونك عليه الناس بالطقاق حتى لو ينباق
خل يبلونه و يشربون مايه
لأنه ماله علاقه بالتحكم في البلوق
nena
Najmah
DanDash
Someday
سدرة العشـــاق
very.q8ya
Noor
Selezya
Nachla
فريج سعود
:'(
اشكركم جميعا
من كل قلبي
وبوبلال سيقرأ ماكتبتموه له
شكرا
و انااااااااااااااا
والله العظيم انه يضيق خلقي لي دخلت بالغلط شارع دمشق من زحمته
بس من اذكر انه موجود
انشكح
واااي انطر ايني الدور عشان اشق الابتسااااااامة
عسى الله يشرح قلبه و يرزقه من حيث لا يحتسب
لا صج صج مأثر في حياتي هالانسان السمح
:)
>
>
اما انت يا استاااذ براك
عسانا ما ننحرم من عذب كلامك
رضوا و الا انرضوا هدني عليهم بس لي ياك شي
;P
عسى ربي يحفظه ويشرح صدره ويعطيه من خير الدنيا والآخره على كثر القلوب اللي تحبه وتستبشر بويهه
:)
سنين يا براك
من كنت اروح الثانويه
لي خلصت جامعه
لي قعدت من غير شغل
وانا كل ما امر اشوفه
الله يوفقه يارب ويعلي من قدره
اما انته يا براك يا شيخ البلوقرز كلهم..روحك الطيبه
وعذوبه كلماتك
احساسك واحترامك لكل زوارك
يحتم علينا نبقى حولك وين ما تروح
مامنا فكه
:))
a7La eNG
هالانسان السمح
ربك استجاب لدعاؤه ولدعاء الصادقين امثالك
وتمت ترقيته لوكيل ضابط وهذه بوادر خير من وزير الداخليه الجديد الشيخ جابر الخالد
وقد اشاد فيه بصوره شخصيه
الديره بخير
esTeKaNa
سيدتي
ربك كريم
واليوم الاحد سوف تتم مراسم ترقية هذا الرجل من قبل وكيل وزارة الداتخليه بناء على القرار الوزاري الذي اصدره وزير الداخليه الجديد
اشكرك
يستاهل بوبلال رتبة ضابط مو وكيل ضابط بعد
ولو يستاهل بو بلال
اكثر من ترليووووووووون
عافيه
ولو بس ولو
kuwaitya_7saweya
اي والله يستاهل
فعلا الديره على الاقل فيها ناس تقدر
العم بو بلال احلى شي اشوفه الصبح وانا رايح الدوام والظهر وانا راد
شوفته تفتح النفس وتخلي الواحد يتفائل:)
الله يكثر من امثاله وعسانا نشوفه مدير الإدارة العامة للمرور
قولو امين! يه!
اما النكتة ذبحتني والله:)
Q80MINI
اهلا بمرورك الراقي سيدي
مدير عام مره وحده
اهو 9 سنين يالله رقوه
هالدور مدير
لله الحمد على كل حال أخوكم فارس شارع دمشق تم ترقيته لوكيل اول ضابط بالاقدميه ويستاهل وانشاء الله يرقى ترقية استثائية من الوكيل او الوزير لحبه لعمله وتفانيه وحب الناس له ورفع وتطبيق شعار الشرطة في خدمة الشعب طوال سنوات عمله الدؤوب ويستاهل ترقية ملازم وشكرا شكرًا لمحمد بلال
Post a Comment