Tuesday, November 13, 2007

تجديني



تجدّيني

وتسكن حنايا روحي

قبل عيني

تجدّيني

تهل صوبي

وتعلمني دروبي

وتدلّيني

تجدّيني

أتبع ضوى عيونك

و آثار جنونك

ألقاك بكل ماأشوفه

ألقاك بكلامي بحروفه

ألقاك بتكويني

تجدّيني

ماأبعد لحظه عن دربك

أقرب من دقّات قلبك

أقرب لك من أنفاسك

أقرب لك من إحساسك

الله ياكثر مافيني

تجدّيني

19/9/07
جنيف

39 comments:

Selezya said...

يسعدني اكون اول من يعلق عندك :)


مبدع كالعاده اخوي براك ..
افكارك خيالية واقعية حنونه لأبعد الحدود

صح لسانك

:)

Purplecious said...

صباح الخييييير براك

كل مره يلفت نظري مقطع معين بس هالمره ما قدرت أختار

كل المعاني معبره يا براك مشاءالله عليك أبدعت


الله الله الله

تجديني

مع هالجو العجيييييب

ناقصتني القهوة بس

:)

فتى الجبل said...

على حبيبتك والا على جنيف

charisma said...

الله يا براك


أتبع ضوى عيونك
وأتبع آثار جنونك
ألقاك بكل ماأشوفه
ألقاك بكلامي وحروفه
ألقاك بتكويني

يايه مع البريدات والغيم اليوم عجييبه الكلمات لها طعم ثانى
:))

تسلم ايدك

ياقلبي ابتسم said...

السلام عليكم

كلمات رائعه

يعطيك العافيه

lawyer said...

أتبع ضوى عيونك
وأتبع آثار جنونك

ذكرتني في مقطع رويشد
انطر ضوى جيتك انا و حنيني

ااااااااالله يا براك

حتى في السفر
و انت بوسط ربعك و انت لاهي

و انت في درب سفر
و المكان الحلو

ناس لاهيه في صيامها و ناس لاهيه في حلات الجو

ناس لاهيه الرحله و تعبانه
و انت تغسل قلبك في هالابيات حقها

انا ما اظن انت تسافر بروحك؟

اظنك تاخذها وياك
حتى لا غفت عينك


ماشدتني الابيات كثر ظروفها ووقتها

عشان جذي اقولك انت مبدع
لانك تبدع في غفله الناس

Mishari said...

البرك

ججكجكجكجكجكجك
صفقة طويلة وعالية مني لك

:)

(روح) said...

كعادتي
كل مرة اقرى لك
اقول للحين باقي احد يحس؟
انت ترسم لنا المشاعر
بدقة
بضعفها
بقوتها
بانهيارها
بصمودها
كل مرا اقرى لك
احسها انها لي
واتوقع في بعد من يحس
زيي..
...

بجد في مقطعين
ذهلت قدامهم
وقدام كمية الاحساس
اللي فيها

مااقدر ارد اعذرني
بجد هالمرة مااقدر
..

استاذي ربي يحفظك
وشكرا لمشاركتنا احاسيسك

سدرة العشـــاق said...

تسلم يمناك

عجيـــــــــــب

:)

Kuw_Son said...

بجنيف يطلع الشوق ..

صح لسانك :)

حنطفيس said...

ابيات جميلة

merce

Najmah said...

ماأبعد لحظه عن دربك
أقرب من دقّات قلبك
أقرب لك من أنفاسك
أقرب لك من إحساسك

مابعد هالكلمات تعليق
صح لساانك

Najmah said...
This comment has been removed by the author.
kila ma6goog said...

:)

nadeyah said...

تجدينى ذكرتنى بمقوله ليدتى الله يرحمها دايما تقولها....

لما اقرا لك واقول لى الحين فى هالاحساس والشعور الراقى ... مثل البلسم يشفى الجروح

الله كريم

فى حفظ الرحمن

الوجد said...

مشاعر وأحاسيس كثير راقيه



من انسان كثير مبدع



تسلم يا براك

SHAHAD said...

أقرب من دقّات قلبك
أقرب لك من أنفاسك
أقرب لك من إحساسك
الله ياكثر مافيني

الله علييك
حدك مبددع ماشاء الله
دايم ابداعك إن شاء الله
تسلم على الكلمات الروعة :)

qesat_5ayal said...

هذه سفرة جنيف الماضية ؟
:)

كم يجعلنا الطقس نعيش أحلامنا واقعا
وكم يؤثر في نفسياتنا هذا الطقس
وكم يتحكم بمشاعرنا
بجنوننا
وبسكوننا

جعل طقسك ربيع
كما هي كلماتك
:)





بيني وبينك
شنو يعني تجديني ؟

Unbreakable Girl said...

مبدع

ما ادري شقول اكثر من جذيه

Barrak said...

Selezya

انتي يسعدك وأنا اتشرف

اشكرك سيدتي

Barrak said...

Purplecious


صباح النور

اشكرك وكل المعاني احسستها قبل ان اكتبها

Barrak said...

فتى الجبل

انا مايبت طاري حبيبتي

Barrak said...

charisma

أتبع ضوى عيونك
وأتبع آثار جنونك
ألقاك بكل ماأشوفه
ألقاك بكلامي وحروفه
ألقاك بتكويني


فيه ابيات ممكن اني اشرحها بس هالمقطع بالذات ماادري شلون انكتب
وليش انكتب وظهر بهالصوره
اقدر اقول لانه كان شي موجود بتكويني

Barrak said...

ياقلبي ابتسم

وعليكم السلام
اشكرك

Barrak said...

lawyer



لوير انتي ماتعلقين انتي تخطين ابيات اتعنى لها ماالقاها
كتبتيها بسهوله



اظنك تاخذها وياك
حتى لا غفت عينك


الله على هالسطرين

كل اللي صار احساس انحس
وانكتب وتناثرت الورقه مع اوراق كثيره مرميه اسميها بواقي الرحله

قبل فتره كنت ابحث عن الورقه لانني احسست بنفس الشعور
ووجدتها امامي منذ فتره ولم ألحظها


هاهي الان تنشر لانني اريد ان اعرف انا بالضبط شكتبت


اشكرك

Barrak said...

Mishari

سمعتها

فيها صدى

اشكرك

Barrak said...

روح



انا اللي ماعندي رد هالمره

ربي يحفظك

Barrak said...

سدرة العشـــاق

الله يسلمك

مشكور اخوي

Barrak said...

Kuw_Son

صح بدنك

اذا بجنيف مايطلع الشوق
عيل وين يطلع

Barrak said...

حنطفيس

انت الجميل انت

Barrak said...

Najmah

صح بدنك

مشكوره

Barrak said...

kila ma6goog

ههه

Barrak said...

nadeyah

الله يرحم يدتك ويغفر لها

اخترت بالسايت الجديد مكان للكلمات الكويتيه القديمه
اعشق تلك الكلمات بجنون
لان لها معنى وجرس موسيقي


اشكرك سيدتي

Barrak said...

الوجد

اشكرك سيدتي الراقيه

كلامك كبير علي

Barrak said...

SHAHAD

اشكرك ياشهد
تسلمين على وجودك الروعه

Barrak said...

qesat_5ayal

اشكرك سيدتي على كلامك الراقي

بالنسبة لسؤالك عن معنى كلمة تجديني
اولا هناك كلمات اعرفها ولكن عند الشرح لاأدري كيف اوصل المعلومه
اشوه ان سؤالك عن تجديني
ثاني ستكون هناك مكانا مخصصا للكلمات الكويتية القديمه بالسايت الجديد
عموما

معنى كلمة تجديني بصوره عامه
تخليني اشوف الدنيا
او تدليني

امثله على هذه الكلمه
مثال 1
يقولون فلان تجدّيه عصاته
اي انسان اعمى عصاته تشوف عنه وتدليه
مثال 2
فلان ولده يجديه
اي فلان ولده يدليه
مثال 3
يالله الجدوه
وحسن الخاتمه
دعاء يقال اي بمعنى ياربي لاتحرمني النظر
الجدوه بمعنى النظر

مثال 4
تجديني
وتسكن حنايا روحي
قبل عيني

تخليني اشوف الدنيا فيك وتسكن فيها
قبل لاتشوفها عيني


اتمنى ان اكون وضحت معنى الكلمه

Barrak said...

Unbreakable Girl

اشكرك

فريج سعود said...

شنقول غير الله عليك

Barrak said...

فريج سعود

اشكرك اخوي

قال ان اهل فريج سعود دائما يستعملون مصطلح يالله الجدوه