Monday, November 26, 2007

أحمدك يارب



أتصنع الفرح وأضحك مع الناس وأداري

وأخليها مستوره واللي بالقلب بالقلب

شذنب غيري يحترق بلواهيب ناري

وشيهم  لو الدمع من العين صب

أنا جروحي غريبه مالها محاري

انجرح احترق وماادري شالذنب

أنا عارف مليان مآسي وداري

أنا انسان على ضيمه ربى وشب

عمري مالقيت اللي يداري ويباري

و اللي بحنانه يمسح عالقلب

أنا ا الحزن هو كل أخباري

أنا ماأقول غير أحمدك يارب

19/2/2007
الاثنين

65 comments:

Q8DOLL said...

الله يبعد الهم والحزن عنك
شهالكدر يا براك
لا تشوف الدنيا بعين المكسور

ياقلبي ابتسم said...

الله يبعد عنك كل ضيق وزعل

والله يسعدك يارب :)

قصيده جميله جدا

charisma said...

يالله صباح خير

برااك سرحت شكان فييك الى كاتب هالابيات

:(

هذى الدنيا يوم اطيرنا من الفرح ويوم اتقطنا قاع

الحمدالله على كل حال

قول اميين
عسا ايامك كلها افراح يا براك
تستاهل كل خير يا خوى




أنا جروحي غريبه مالها محاري

عورت قلبى
:(

Barrak said...

ملاحظه

هذي الابيات تحكي قصه سابقه حصلت لي

Barrak said...

Q8DOLL

هلا فيك زميلتي السابقه
اهلا بصاحبة التعليق الاول
الهم له حزات مره صوبنا مره بعيد عننا
ان شاء الله مانشوف الدنيا بعين المكسور

Barrak said...

ياقلبي ابتسم


الله يبعد الهم عن الكل

اشكرك سيدتي

Barrak said...

charisma

يالله صباح خير

اللي كان فيني شي صار وانتهى والله لايعوده
يقول الشاعر ساهر

يوم يزورك الفرح ويحضن هواك
ويوم تحس ان الحزن ماله سواك

ياحلو دعائك الراقي

اشكرك

DiLLi O MiLLi said...

أخوي براك

تبـــي محــــايه ؟

:)



هلا بك يالهموم اللي غيابك صار شبه محال
هلا بك مع مغيب الشمس ومع تنهيدة أحزاني

هلا بك قرّبي يمي وأسمعك آخر الموال
وأصور لك عنا جرحٍ تمكن بي وأعياني

تعالي ودي اشكي لك تعب قلبي وهموم ثقال
وألم في داخلي يصرخ عناه اليوم أشقاني

تعبت أزرع وفا وأبني صروح مشيده بآمال
وأمني نفسي بالفرحه وأعيش بعالم ثاني

حسايف لانقضى عمرك تعيش أحلام ما تنطال
وكيف يتحقق المقصود وأنا حظي تحداني

تعلمت الصبر غصباً علي أتحمل الأهوال
لك الله يالهموم اللي أبد ما يوم تنساني

هلا بك دام لي صبرٍ بفضل الله يهز جبال
بحضن بالحشا جرحي وبطوي صفحة أحزاني

براك .. أطوي صفحة أحزانك
ترى الدنيا ما تسوى






يا ضايق الصدر بالله وسـع الخاطـر
دنياك يا زين ما تستاهل الضيقه




وياااا قلبـــي لا تحــــزن

:)

nadeyah said...

أناانسان مايقول غير أحمدك يارب

الـفــــجـــ الــبـــعـــيـــد ــــــر said...

مساء الخير

احلى شي الواحد يسويه وهو قي قمة احزانه وهمومه يقول..
الحمدلله رب العالمين..
تراها تغير وااايد من النفسية

تحياتي لك

فتى الجبل said...

يا يبه نطفي نارك
واذا ما طفت
نحرق نفسنا معاك

Barrak said...

DiLLi O MiLLi

لا مشكوره مابي محايه

مافيني شي جنّي البخت
وبطوي صفحة أحزاني



ابشرك انطوت

ماني بحزنان

خاطره كتبت بالسابق واردت ان توثق هنا قبل ان انساها

Barrak said...

nadeyah

الحمد لله والشكر

Barrak said...

الـفــــجـــ الــبـــعـــيـــد ــــــر

الحمد لله رب العالمين

اشكرك

Barrak said...

فتى الجبل

بعد شبدي انت

Kuw_Son said...

الحمدلله ..

صح لسانك :)

Barrak said...

Kuw_Son

صح بدنك

nEo said...

ياي اقولك حياك نشوفك في ندوة النيباري
اثاري همك ماكلك قولي تراني بمشيلك الدرب

شفيك براك

Barrak said...

nEo

انا رايح اليوم
بس بكون مبتسم مو مقلدم

حبيبي انت
بس ماادل

نور الوجود said...


براك ..

إحساس انكتب بريشة تعب .. مغموسة في محبرة حقيقية الألم

*
*

قصيدة مفضلة لدي .. أتمنى أن تعجبكم أيضا

http://www.elbader.net/hdsystems/show_poem.php?pid=295


نور الوجود

فريج سعود said...

احمد يا رب
وصح لسانك

بـابـل said...

أنا جروحي غريبه مالها محاري
انجرح احترق وماادري شالذنب
أنا عارف مليان مآسي والله داري
أنا انسان على همومه ربى وتشبّب


مساء الورد

أخوي براك اليوم المود حزن

هزني كلامك لأن لي قصة طويلة مع الحزن

مبدع ياعزيزيي والله يبعد عنك الحزن



وبس



بابل

Sn3a said...

وشيهم الناس لو الدمع من العين صب

بالضبط!

ابو شملان said...

بوست حزين جدا


الله يعيطك العافيه اخوى براك

Fahad Al Askr said...

يارك الله

ترنا موجودين ونعطيك جان طلبت من ماي العين

lawyer said...

ييت اصبح عليك

لقيت يومك من الهم كاسي

فقلت ماكو الا افرج ظيقتك في ابيات لخالد الفصيل شوي



يا ضايق الصدر بالله وسع الخاطر
دنياك يا زين ما تستاهل الضيقه

الله على ما يفرج كربتك قادر
والله له الحكم في دبرة مخاليقه


ويزيدك من الشعر بيت محمد السديري

الصدر ضاق,, وحاير الدمع دفاق
من ناظر من حاير الدمع مرهوق

دمع تكبه عين عاشق ومشتاق
أرعد سماها بالغضب وامطر الموق


براك
تجمعنا ذكريات حلوة في بلوقك
دوم اهو واحه
نرتاح فيها
او انفس همومنا فيها

ياترى هم من كثر ماشلت همنا و دمعنا
تعبت؟؟

Barrak said...

نور الوجود

احساس انكتب وكانت له قصه وانتهت
رغم وجود بعض الفقرات ملازمه لي الى الان

بالنسبه للرابك المرفق في تعليقك
لم يدلني على شي

اشكرك

Barrak said...

فريج سعود

صح بدنك

ماتدري شكثر بوستك اليوم غير تواصيف يومي

Barrak said...

بـابـل

الله يبعد عننا الحزن

ومن سمات المؤمن الحزن

اشكرك استاذ

Barrak said...

Sn3a

اشكرك على هذا المرور

Barrak said...

ابو شملان

لازم يكون فيه تنويع بين الحزن والفرح

هذي الدنيا مشاعر مختلطه

Barrak said...

Fahad Al Askr

وافادي


الله لايحرمني من هالعين

Barrak said...

lawyer

دايم السيف هو من يطلق عليه لقب شاعر

اشكرك على اختيارك

هذا البلوك اثر على امور وايده بحياتي
نورلي وبين لي اشياء وايده
جمعني معكم الصدق ومشاركة احزان الناس وافراحهم
هذا البلوج دنيا حلوه


ياترى هم من كثر ماشلت همنا و دمعنا
تعبت؟؟

ماتعبت تو الناس

على فكره بوستك في 23/11/2007 اثر وايد فيني
وكان بالفعل يمسح عالقلب

اشكرك

BeKeFe said...

صح لسانك

والله يكون في عونك
مافي انساان خالي
كلنا نقول نفس الحاله

Eng_Q8 said...

صخ لسانك

Barrak said...

BeKeFe

صح بدنك الله يكون بعون الجميع

Barrak said...

Eng_Q8

صح بدنك

DanDash said...

نانسي عجرم شتقول..
انسى الي فات على طول على طوول متخلي زعلك مرة يطول أضحك شوية و أزعل شوية ده العمر كله يومين

هذي الدنيا يوم لك و يوم عليك ما يصير ما نتعب ولا نحزن ولانمر بتجارب لأنه كل هل الأشياء تخلينا أقوى و أحسن

سلمت يدااك

و أيضا نكرر السؤال أين هو الديوان

فراوله said...

مساالورد والجوري
مبدعنا الراقي
دائما نكون أسري لهذا القدر
ترفعنا الافراح تارة...وترمي بنا الاحزان تارة أخري
فلسفة قدر
ولكن
عزاؤنا الوحيد بالله سبحانه وتعالي
أن يبدل الله حالنا الي حال أحسن منه
آمين
دمت بدفء وعذوبه
ابدا
وبعيد عن الاحزان والهموم
آمين
:)

7osen said...

وانا اقولك ياسلام على الأحساس العذب

حتى في حزنك إنسان

مشاعرك راقية
وحزنك راقي

مالقيت إللي يباري ويداري
مالقيت اللي بحنانه يمسح عالقلب

هذا البيت حسيت فيه وااايد

كلامك على طول يمسح عالقلب

الله يبعد عند كل هم

اجمل تحية أيها الرائع

حنطفيس said...

لأنك انسان

esTeKaNa said...

أضحك ودمعي حاير وسط عيني
!!
ليش يا براك هالحزن كله
وليش ترضى الحزن في روحك يتشبب؟

عسى الرحمن يشرح صدرك ويزيدك رضا ويقين برب العالمين اللي حمدته رغم الحزن ورغم كل ما فيك


:)
مسا الراحة والسعاده

mtfa2el said...

اي و الله نحمدك يا رب
اخليها مستورة و اللي بالقلب بالقلب
كتبت شعوري بهالجملة

حمد said...

رائع دائما

The Voice Within said...

imbaddi3 as usual :D

Lat7ati, b3ad i'6ija iyiy ilfaray inshala :D

IlDinya tlagomna il'6eim wil7arat bilmilaas, 9j ina 3ood bs mga'6a'6

:D atmana inha w9alat , sa3at tashbihati 3abi6a :p


Yislamo

Najmah said...

قريتها 3 مرات
كل الابيات كلها اعجبتني
لامست أعماقي حيل

صح لسانك براك

Barrak said...

DanDash

يقول المحضار
حس بالكبد جمره
والعين تصبح من اثار السهر حمره
فيها علامه

بالنسبة للديوان
ربك يسهلها

Barrak said...

فراوله
صباح الورد

فعلا فلسفة قدر
واحنا اسرى لهالقدر
الله كريم
وهذي الدنيا

اشكر وجودك الراقي

Barrak said...

7osen

ياهلا فيك اخوي العزيز

دائما يكون رسم الحزن ابلغ من رسم الفرح

حتى وجودك ترى يمسح عالقلب

اشكرك

Barrak said...

حنطفيس
لانك راقي

Barrak said...

esTeKaNa

ياحلو كلامك

بالنسبه لسؤالك ليش
الجواب كانت ازمه وعدت
وربك سهلها
وان شاء الله القادم احلى

Barrak said...

mtfa2el


الحمد والشكر لله على اي شي صار وبيصير

الستر زين وانا اخوك

Barrak said...

حمد


وانت راقي دائما وابدا

Barrak said...

The Voice Within

اشكرك
انا الدنيا ملقمتني بقفشه الى الان ماوصلت مرحلة الملاس


خوش تشبيه

Barrak said...

Najmah

انا الى الان لم اقرأها منذ ان كتبت

ربي يعينك ويعينا

Selezya said...

والحمدلله على العافيه :)
الحمد افضل من كل شي
وعسا الله يبعد الحزن عن كل دروبك

Barrak said...

Selezya

الحمد لله على كل حال
اشكرك

magnoonah said...

صرت رايحه وراده على هالبوست اكثر من مره

اول ما قريته قلت ابي ارفع ايدي واقول هذي انا

بعدين ترددت شلون بشوف نفسي واحكم مو من حقي


بس فعلا هذي انا
انا الي صرت اشوف الفرحه شي غالي ول اخذته ضريبته اغلى
انا الي قاعده مع الوقت اتحول الي صخر ما يحس ولا يهتم ومع هذا اظل بقائمة البشر



بالنهايه لا تصير مهموم مثلي وتنفر من الناس ترى حتى الاطوف تمل من مجابلنا
عيش الدنيا بضحك وفرح وخل الهم يولي اذا ما قدرت تنساه تجاهله

:)

Barrak said...

مجنونه


عيش الدنيا بضحك وفرح وخل الهم يولي اذا ما قدرت تنساه تجاهله

هذا الكلام انا اللي اقوله لك

ezain_kilah said...

الشكوى له والعوض منه وعليه

Barrak said...

ezain_kilah

ونعم بالله

layal said...

شذنب غيري يحترق بلواهيب ناري
الاكثر تأثير بالنسبه لي

عساك علي القوه :-)

Q8ya said...

allah yeb3ed el7ezen 3anek oo 3ana...:)

SMILE...:)

Barrak said...

layal

الشمس من وين طالع اليوم

هي اللخ اهل البحرين
شهالغيبه

فيني طبع من سنين
ماأحب ان اوصّل اي خبر سئ لغيري
عشان جذيه

شذنب غيري يحترق بلواهيب ناري

Barrak said...

Q8ya

اللهم امين

مااعرف ارسم شكل البسمه

جذيه
(-
or
-))))