تسمحين لي بأرض
تكون عيونك فيها قمر
وتكوني وحدك من البشر
تكوني حولي وحوالي
تكوني انتي القلب
وأنا النبض
تسمحيلي بأرض
....
....
وشتاها وصيفها
أرسم أحلام وأماني
بكيفي أزيّن مكاني
وبكيفي مواعيد الهوى
تلتم وتنفض
تسمحيلي بأرض
....
....
هاديه أرضي وناسها
والأروع إحساسها
وطن سماه بالأشواق مرسومه
الحب مزيّن ملامح غيومه
وتمشي بهدا الليالي
تسمحيلي بوطن
مانؤمن فيه بالحظ
تسمحيلي بأرض
6/11/2007
الثلاثاء
54 comments:
وربما لأني وحيدة هنا..
اتجول بين ردهات السكون في مدونتك
ولهدوء الليل على عتبات الفجر..
وربما لغواية احتلال المقعد الأول
.
وربما لان الارض دوما تعني الامان
..
احيانا تكون الارض هي الام
واحيانا هي الوطن
واحيانا هي نصفنا الاخر. الذي نكتمل به.فيصير هو. الارض
وهوالوطن
..وهو الامان
.
.
وربما لأني
اتذكر...
...صخب السكون.
.قنديل السهر
كراسة الليل
حبر
الفجر.....
..........
......ابيات شعر..عبث بها التعب.وجرفها
..مدٌ...
.ثم تلاشت
كالنجوم.. في بحر
....وأذكره.
..يعبر بي الليالي .
. فأسترد بقربه
الشمس.
.ويذوب بـــ
احلامي.
.كما يذوب السكر
في قهوتي المره.
.فتنمو
على الكرز..الاماني..!.
...ويمتد بي العمر
!!..و
..أذكره..
..هوية..انتماء..قامة.
..زمن
شموخ جبين
يلثمه النهار.
.!!
.
.فـيقترب به الوطن
.
.
وربما لأن فيروز غنت..
كان ياما كان بنت و قمر أخضر
يلفي عليها و كان بالقنطرة يسهر
شيلني بإيديك لبعيد بعدني
مشغول بالي عليك حبك بيحصدني
و بعدك بقلبي وردة الوردات و مفتحة ورقة على ورقة
لأنقـش على ترابك الغنيات علق عا بابك خرزتي الزرقا
حبيتك و غنيت صوتي ندرتلك
عا كل تلي و بيت قصة كتبتلك
عا كل سطح و دار عا كل تعريشي
لا خلصت الأشعار و لا تعبت الريشي
إنت زهر العمر و لما الهوى بيهب
بيهب فيك الشعر إنت الشعر و الحب
قصرك يا برج المتكي عالعاصفي و الريح
و قبابك اللي مشبكة عالغيم رسمت زيح
يا دراجك اللي منورة بخصور و مشاوير
يا ألف درب مدورة تلف الدني و تطير
و بيوت مفتوحة عالخير مفتوحة
تطلع الشمس تضويا و التلج ينزل يسقيا
صيف و قمر نشتل فيها و العمر مرجوحة
http://www.al7antop.com/song-6148.ram
اتمنى ان يكون هذياني خفيف عليكم
:)
صباحك كما تتمنى
ليش الارض؟
اشمعنا الارض؟
هل هو مساحه من المكان يتملكها الانسان و يسكن فيها براحه و امان؟
اذا الحب بحاجه الى استقرار و امان؟
و اذا ما توفر هالشي يصبح الانسان مهزوز
ايده على قلبه
ما يدري ارضه من سماه
ما يدري بدايته وين و نهايته متى
الارض اهي مكان اهد فيها حيلي
اقط فيه روحي و جسدي
مكان احسه ملكي
اعني في الارض هني
مساحه من القلب يكون باسمي و لي
راقي وصفت للحب
و الامان
راقي وصفك يا براك
بكيفي أزيّن مكاني
وبكيفي مواعيد الهوى
تلتم وتنفض
تسمحيلي بأرض
احد اسباب الملكيه لهذي الارض او لهذي القطعه من القلب
حتى امارس عليها حقوقي
بكيفي ازين هالمكان
و بكيفي ابدى مواعيدي
وبكيفي اسوي الي ابي
صباحك اروع من هالغيم المبشر بخير
صبااااااحك صحه و عافيه
صباح الخير
ويسلم بؤك ماتطلع منه الا الكلام الحلو
:)
صباح الخير يا ويه الخير يا براك
ما تتخيل اشكثر اثرت فينى الكلمات
روعه يا براك
حسيت انها دشت روحى بسرعه
بكيفي أزيّن مكاني
انا ابى بكيفى ابيهاا
ابدعت وتسلم ايدك
مساك الله بالخير
:)
ما أعتقد في أحلى من مكان يجمعك مع من تحب
مو مهم المكان نفسه
المهم
ناسه وأهله
عذبه
سيدتي العذبه صاحبة التعليق الاول
سيدتي
ماذا اقول
شرحك كان راقي لكلماتي المتواضعه
قلتي
ابيات شعر..عبث بها التعب.وجرفها
..مدٌ...
.ثم تلاشت
فعلا هي كذلك
مشاعر مختلطه بحلم لاتشوبه شائبه حلم ابيض بسيط رغم صعوبته
ساقضي هذه الليله
عشان اعرف شقصة فيروز
شكرا لك
lawyer
ليش الارض
كنت بجاوب بس انتي سبقتيني
ليش الارض
عجبتني فكره طرات ببالي وانا اقرا تعليقك
لماذا لايكون البوست القادم عو رد منها على كلامي
يبدأ بجملة ليش الارض
بكيفي أزيّن مكاني
وبكيفي مواعيد الهوى
تلتم وتنفض
تسمحيلي بأرض
عندما تتحقق تلك الامنيات
سأكون اسعد انسان
بانقى ارض
ليش الارض
وايد عجبني كلامك
Selezya
صباح النوير
اشكرك
charisma
صباح النور ياأصل النور
اشكرك
وما يخرج من القلب يصل للقلب
اتمنى ان تجدي ارضا كأرضي
78o8eYa
مساك الله بالنور والسرور
مو مهم المكان
مااعتقد
اذا وهبولي المكان بكل تفاصيل وتواصيف احلامه
ماعندي مشكله بالناس
لان كل شي راح يون بكيفي
حتى الحظ
اشكرك
هذي ما نلقاها الا بالينة
ان شاء الله
نصيحة لوجه الله... طلع
copy rights
على هالكلمات الرائعة والمعبرة اللي إنت تكتبها قبل لا تنشرها
صج والله! مو مدح أو مجاملة... ما تسوى عليك باجر واحد/واحدة ما يخافون الله يقومون ينسبون هالكلام لنفسهم, وإياني وياك تقول لي ما يهمني! لأنك جذي بتموتني قهر!! ... معافى دوم حجي
كلمات حلوة
و ان شالله تحصل على هالأرض :)
فتى الجبل
ربي يبلغك ويبلغني ويبلغكم بالينه
اللهم امين
ياخي هزتني اول جملتين !!
تسمحيلي بأرض
تكون عيونك فيها قمر
الله يا حلو راحة البال
ezain_kilah
اشكرك على هذه النصيحه واهتمامك
سيدتي
حقوق الطبع محفوظه بعيون من قرأ هذا الكلام
ليست ثقه بقدر ماهو استنتاج مني لخبره لي في مجال المدونات وهي خبره متواضعه
سيدتي
عندما تتساهل الامور معي ستكون تلك النصوص بالحفظ والصون بعد ان يطبع الديوان
اما الان فهي محفوظه بأعينكم
اخيرا
خل ينسبون اللي يبونه
عندي اكثر من شاهد
وايضا سهل على الحراميه يبوقون بس ماينباق الاحساس
واللي كتب ارض
وانباقت هالارض
يقدر يسوي غيرها
اطمنك اكثر
هناك اكثر من قصيده مخشوشه للديوان وهم اكثر من 50 وحده
اشكر اهتمامك
乂♥Not.ViRGo♥乂
الله يسمع منك
شكرا
mtfa2el
تخيل ارض تكون فيها عيون من تحبه اهي القمر
يعني ماتحس الا بنورها
ولاتشوف الا بياضها
تكفى قولي شلون قايله هالارض
اشكرك
براك اسمحلي ادري داش عرض
بس الأرجنتين خسرانين امس و البرازيل فايزين
و اشوف ارجنتييني مارك البلوق يبيلنا نكتب له عليك واحد و اليايات أحسن !!
mtfa2el
انت تدري انك مسموح لو بالدش عرض لو طول
المكان مكانك
اللي مارني مال الارجنتين هذا اظنتي مضيع
عاد حرام واحد مضيع ننام فيه
وبعدين شلون تبيني اقوله عليك واحد بالارجنتيني
انا اقول نشوف لنا واحد انقليزي ونشبعه طنازه
لانه ناموا فيهم كرواتيا نوم
واقوله youve got 1
يعني عليك واحد
الظاهر انك حاط عينك على أرض و انصدمت بسعرها !!
فجاشت و فاضت القريحة بهالكلمات لأرض الأحلام
:P
صح لسانك :)
هذي مو أرض !!
هذا كوكب ما أكتشف للحين
كوكب يعيش في خيالنا
أحيانا صعب نلاقيه و أحيانا نلاقيه و يضيع و يا بخت من يلاقيه و يعيش فيه طول العمر
كلمة وحدة إبداع
على قولة سيليزيوو يسلم تمك ثانكيوو
سيليزيو كاتبه بؤك
انا اذرب شوي تمك يعني باللبناني
اللحن يجنن عجيب ماودي اطلع من مدونتك ودي انام
براك ترى طول اليوم و انا افكر بالأرض اللي تقول عنها و النور اللي يطلع من قمرها
رحت البر ما غير اشوف القمر
ما اقول الا الله يرزقنا
ام الهيمان , زينة؟
تسمحيلي بوطن
مانؤمن فيه بالحظ
الله عليك والله رهيب هالبيت
!!بس صدقني مافي وطن مودستوره الحظ
مبدع يبراك وأصفقلك برموشي مو بإيديني
وبس
بابل
ياحب كون لي وطن
فيه احيا واندفن
الواحد مايحس بالانتماء الا في بلده وموطنه
فكيف لو كان يبي ينتمي لحبه
احلى انتماء واحلى امان
واحلى وطن
خاطره جميلة اخوووي
يعطيك العافيه :)
صباحك احلا واغلا من ورود الدنيا
هذي كلها
مبدعنا الراقي
هالمره غير
؟؟؟
احساس...مشاعر..ابداع لا متناهي
باختصار قدرت توصل لمكانة قلب العاشق الراقي
وتمشي بهدا الليالي..ويكون حبك راس مالي
:)
اين نحن من هذا الحب..الحب الذي انفقد بزمن طغت فيه المادة علي المشاعر والاحاسيس الراقية
حتي اصبحت كعملة للتداول
؟؟؟؟!!!!
ترجمة احساسك قلبت الموازين وخلتنا نفكر مليون مره
ان الدنيا فيها
خير
دمت بدفء وعذوبه
احاسيسك
ابدا
:)
صح إلسانك و تسلم ايديك على هالابداع و المشاعر الراقية
ربي يبلغكم و يبلغنا راحة البال
:)
تسمحيلي بأرض
تكون عيونك فيها قمر
الللللله عليك يابراك
تعبير طاغي
دمت مبدع
صح لسانك يا براك
right your tongue
looool
موفق وناطرين ديوانك
يااااااااااه
يا براك حلم بس فعلا مستحيل
صباح الورد والجو الروعه الي مو ناقصه الا قطرات مطر ويكمل مع هالكلمات الحلوه
تدري لما اقرا كلامك احس الحب شي ثاني موجود بالواقع مو بس باحلامنا وخيالنا وانه لحظه منه تكفي مو شرط اعيشه عمر
تعودت على رومانسيتك بس ما اعتقد اني بتعود على كلامك ولا بتعود على احاسيسك الي دايما تكون غير
تحياتي لك
:)
إستمعت بالقراءة يا براك
المقطع الأول
كبيييير جدا بالمعني
"
تسمحيلي بأرض
تكون عيونك فيها قمر
"
على طول إنرسمت الصورة في بالي
كلماتك يابراك تاخذنا معاها
كلمه وصورة
دمت لنا يا شاعرنا
ودام إحساسك العذب
Kuw_Son
لا الحمد لله موضوع الارض نسيته من 4 سنين
هذي الارض غير مالها شغل بالبلديه ولامملوكه لتاجر هذي الارض لو اسمحت الايام ملكي بنجومها وقمرها
DanDash
لا هذي ارض مو كوكب
كوكب موجود بخيالي اشوفه بس لو تسمحلي الله يهداها
BeKeFe
اشكرك
mtfa2el
تفكر بالارض ممكن
لكن تشوفها لامايصير
لازم انا اشوفها وعموما انا وصفتها بس اعتقد ان هالارض مو موجوده بهالديره
يمكن في فرنسا
kila ma6goog
ام الهيمان مو كل شي راح يصير فيها بكيفي
بابل
انا اللي بصفقلك باهداب عيني مو بايديني على هالجمله
بس صدقني مافي وطن مودستوره الحظ
ياقلبي ابتسم
فعلا ابي انتماء لهذا الوطن ولتلك الارض
كلامك يعبر عن احساسك بالكلام الذي كتب
اشكرك
فراوله
انتي صح
هالمره وايد وايد غير
وصدقيني للحين الدنيا بخير
وراح تمشي بهدا الليالي
وفي غيري من هم احساسهم اروع من احساسي
انا مجرد هاوي
سدرة العشـــاق
صح بدنك يسلمك ويخليك
قاعد انا وأتريا
haifa
الشمس من وين طالعه اليوم
اشكرك
kuwaitya_7saweya
صح بدنك
right your body
ezain_kilah
قولي يالله وريك يسهلها
magnoonah
ليش مستحيل الخيال مافيه مستحيل
كلامك يامجنونه كبير علي
Aldenya
دائما استمتع بوجودك
المقطع الاول هو احساس انتابني لااعرف كيف اصفه
اشكرك على وجودك الراقي
شنو المانع يا براك؟
كافي احساسك الرائع
هالأرض محد يعوفها يا براك
هالأرض موجوده بقلبك الكبير يا براك
شكرا لكلماتك الجميلة و احساسك الأروع
براك
YOU MADE MY DAY :))
Purplecious
مافي مانع
بس انا طلبت وانطر الرد
انا طلبت انها تسمحلي بهالارض اللي وصفتها لكم ولها
شكرا لوجودك سيدتي
وانشاء الله ايامك كلها خير وسعاده
لا حصلت لك ودي أصير قصيرك
Fahad Al Askr
بحطك باللسته
Post a Comment