Saturday, September 29, 2007

مابتعلّمش



أبي أفهم ياقلبي

أبي أفهم

متى بتتعلّم

أبي أفهم

تسامحهم لو ظلموك

تراعيهم لو صدموك

تخلقلهم أفراح

وإنت لوحدك تتألم

أبي أفهم

...

عطني أمل تقسى مرّه

عطني أمل تنسى مرّه

أنك طيب

أبي الطيبه عليك

تحرم

أبي أفهم

....

 طيبتك تعلمهم يخدعون

ياقلبي ماظلّوا الناس يوفون

كل شي تغيّر بهالدنيا

عشاني إقسى شويّه

خل الطيبه

عليك تترحّم

أبي أفهم

52 comments:

bo9ali7 said...

الطبع يغلب التطبع ياخوك

صح السانك

بـوبـحــر said...

يا شاعر المهجر لك كل التحيه ...

يا من قلت متى افهم ..والفهم لايحجتاج الى سؤال وحيرة وغموض ...تساؤلك في محل الفراغ ...فانت تخاطب ذاتك وذاتك مبنيه على ارثك ..وانت من ارث طيب..لاتلوم نفسك بسبب جاهل واحمق ..بل لوم الجهل والحماقه على ماجعلوه فيك ...كن انت كم تريد ..طيب ..عزيز...اصيل ..وغيرها من الصفات الحميده ..كن كالجبل ولا ترضى بغيرة كمثال ...واجعل الاخرين من يتغلونك للصعود ..ولكن من يذكر الانسان حين يصعد الجبل ..ولكن الكل يذكر الجبل عبر القرون ...ماضرك بان ياتي شخص ويستغل امر حميد فيك ..افضل من يستغل امر خبيث ...سبحان الله ماضر هرم بن سنان وحاتم الطائي بطيبتهم ..والل يذكرهم ولا احد يذكر مسيئهم ...لا تتنازل حافظ على ارثك وكن كما انت ولا تلم نفسك بل لم الاحمق والجاهل

اخوك

بوبحر

Mohammad Al-Yousifi said...

المرأة كائن ان فهمته فلن تفهم نفسك

Kuw_Son said...

صح لسانك .. الدنيا في تغير دائم و النفوس ما عادت نفس أول ..

لكن الله تعالى يقول ..

و خالق الناس بخلق حسن ..

دائما عليك بنفسك .. خلك انت الكبير و انت ذو الخلق الحسن لكن بغير سذاجة و طيبة زايدة :)

الزين said...

ابي افهم

صح لسانك

الله عليك يا براك

ولهت على كلامك الحلو رغم مرارته

The Voice Within said...

مشكلة لي صار القلب على قولتهم قلب سمجة

مادري المثل صح ولا لاء


مثلك عارف .. الطيب اب هالدنيا مايعيش


يالله اجر اجر




و صح لسانك

Barrak said...

bo9ali7

اي والله صدقت ياخوي
انت اللي صح لسانك

Barrak said...

بـوبـحــر

اخي المبدع الراقي
لك فلسفه في تناولك لمعاني حروفي المتواضعه تجعلني اقرا ماكتب اكثر من مره
كلامك مثقل بالنصائح بالمعاني الساميه الراقيه
كم انت رائع

Barrak said...

kila ma6goog

ماكتب لايخص امرأة

Barrak said...

Kuw_Son

دائما تتحفني بنصائح تفيد
دائما اتعلم منك استاذي العزيز
اشكرك

Barrak said...

ZoZOta

صح بدنك
توله عليج العافيه
وصدقيني مصدر الكلام الحلو القاه بمدونتك

Barrak said...

The Voice Within

حتى لو المثل مو صح دام انتي قلتيه بقول صح
لان المعنى هو المهم

مثل ماقلتي كله اجر

Mamloo7a Q8ia said...

بو طبيع ما يغير طبعه
والطيب بهالزمن صار ضعيف وغبي والكل يقص عليه
بس يا بخت من بات مظلوم ولا بات ظالم ولا تغير طيبتك وتصير قاسي
خلك طيب احسن
صدقني يا خوي يا براك

بـوبـحــر said...

قليل مما عندكم سيدي العزيز ...

وكل واحد فينا له مشربه ومدرسته ....

واتظل بنظري شاعر المهجر واستاذ اتعلم منه فن الشعور

`~MnO YeNSa! ~` said...

الطيب
اذا ماله مكان بين الناس
و حقه مأخوذ
صــــــــــــدق و امن ان عند رب العالمين مكانة فوق الناس
و حقه محفوظ


احنا شنبي من هالدنيا غير ناس يذكرونا بالطيب و لو ان صاروا من النوادر بس ما يصح الا الصحيــــــــــــح .. صدقني !!
الصراحة صح لسانك و بلوقك من البلوقات اللي لازم لازم ازورها

Barrak said...

Mamloo7a Q8ia

ليـــــــــــــش
فيه ناس ناسيين معنى الطيبه وعايشين مستانسين

Barrak said...

بـوبـحــر

حرام عليك كل هذا قليل

عموما طبع أهل القمه هو التواضع

اشكرك

Barrak said...

`~MnO YeNSa! ~`


وايد عجبتني هالجمله

احنا شنبي من هالدنيا غير ناس يذكرونا بالطيب


اشكرك سيدتي

{ :: alive :: } said...

تسلم على هالكلمات :)

مبدع ومتجدد

يعطيك العافية براك

magnoonah said...

ويـــــــه فقدت كلماتك احس من زمان عنهم


شيوبنا الصغير براك
لو مهما نتغير نرجع لاصلنا لمعدنا الي هو اساس اخلاقنا

ولو مهما تدور فينا الدنيا وتلعب فينا الظروف نرجع مثل ما احنا
المساله مو ليش ما يفهم المساله انه هالشي ما يستاهل يغيرنا او نتغير من طيبنا على شانه

تسلم ايدك كلمات بوقتها
اتوقع اني كنت محتاجه اقرا شي جذي

تحياتي

aaaaaa said...

ودي افهم براك ودي افهم

ما ادري متى افهم

تسلم ايدك

Barrak said...

alive

ربي يعافيك

انتي اللي مشكوره على هالكلمات

Barrak said...

magnoonah

انشاء الله ماتفقدين غالي

شيوبنا هذي يديده

هههه
اتوقع اتوقع ماراح ارجع مثل ماانا
دام اني عايش هني لازم الطيبه مني تحرم

الا اذا عشت هناك ممكن اغير رايي

Barrak said...

انور عبدالله

الظاهر وانا اخوك ماراح نفهم
بنظل انتألم

حنطفيس said...

خل قلبك دايما طيب

اذا مالقيت جزاك عندهم راح تلقاه عند ربك

بـابـل said...

صباح الخير ؟اخوى براك


ماشاء الله على احساسك الطاغي

أول مرور لي بمدونتك الثرية بالكلام الحلو

أنشاء الله ماتكون آخر زيارة


وبس


بــابــل

Barrak said...

حنطفيس


ونعم بالله

اشكرك اخوي
تسلم

Barrak said...

بـابـل

اهلا باستاذ مدرسة الحب
تشرفت بوجودك اخي العزيز

Almas said...

قوة شلونك شخبارك

أمبيه براك من زماااااان شلونك عساك طيب

مبارك عليك الشهر

و

قرقيعان وقرقيعان سلم عبود يالله خله لأمه يالله

و


عيدك مبارك وعساكم من العايدين والفايزين

بارجتلك بالشهر وقرقعت وعيدت عليك

مو ناقص إلا العيدية

هههههههه .. أتأشمر

تعليق عالبوست الحالي

مو إنت ماتدري يا براك إني ما أفتك من الطيبة إلي ماكلة قلبي .. ومطيحتني بموافقة زي النيلة

والنبي .. عندك دوا ليها؟؟؟؟

البوست إلي طاف


ما يشوف شر عبود

عليه العافية

وبعدين .. والله ضحكتني .. شخبارييييي

نصيد القطوة بميدة

من وين مطلعها؟؟؟؟
ههههههههههه
ههههههههههههه
هههههههههههههه

اللبيدة

لا تذكرني بالذي مضى

الله يا هي وناسة .. الله يا هي أناسة

وبعد معاها العنبر

ليه صارت اليمعة مع عيال العم والخال

أخييييييه شكثر تونس هاللعبة

رجعتني لأيام زمان

باب إنت ما يدري قلب ما آنا أور

أهو كله بسبة حسينة

:))))

kuwaitya_7saweya said...

اي والله
الطيب مايعيش

Unknown said...

الدنيا يا ماشى وانا اخوك يالبرك لا تعور قلبك
:)

Najmah said...

على الجرح
:(

(روح) said...

:(

جهازي مامنه فايدة
توه الان طلع البوست :(

..
العقل يمتنع عن اي محاولة للفهم
بيطيع القلب؟؟او بيحاول يستوعب؟

هي اخلاق الطيبين دوماً
تكون قلوبهم مساحات مفروشة
لمن حولهم
ولايشترط الحب ليكونو ضيوفاً على ساحاته !!

لكن هل جزاء الا الاحسان؟
هو يوقن بهذا التساؤل
وله الحق
لكن قلبه المتخم بالطيبه
لا يجرؤ على طرحه ابداً
بل يزيد في عطاءه
في تضحيته

رغم ان غالبية الناس
!ليسو اهلا لها ..

...

كلامك هذه المرة
في الصميم :(


الطيبة تجرح أحيانا صاحبها
تكون نقمة عليه..

لكن في الاخر

....هو من سيكسب ثمرتها


جعلك الله من الطيبين المرضيين :)

Selezya said...

صح لسانك

:)

وحمدلله على سلامة ولدك مايشوف شر انشالله ( على البوست اللي طاف (

----

Barrak said...

Almas
الشمس من وين طالعة اليوم

هلا وغلا
مبارك عليج الشهر
وعيدج مبارك
بالنسبة للطيبه
لو لاقي دوى جان ماكتبت مابتعلمش

البوست اللي طاف
الشر مايجبك
عاد تصدقين محد ياب طاري الميده الا انتي
اي والله شخباري الميده
بعد قاعد 5 ساعات بالاميري جمب البحر اكيد بتطري علي الميده

اه ياحسينه
خذت حسنات شكثر منكم ومني

تسلمين على هذا المرور

Barrak said...

kuwaitya_7saweya

ممكن يعيش بس مو هني

يمكن عند جبال الاناضول

Barrak said...

Mishari

انت وينك يادكتور

منور

ربك كريم واه منك دنيا

Barrak said...

Najmah

سلامتك من الجروح
الظاهر العموم يبي الطيبه على قلبه تحرم

Barrak said...

روح

ترى انا باط جبدي جهازك
كله متأخر
عموما انا برمضان مخفف شوي من البوستات

تصدقين
انتي ماتكتبين تعليق
انتي ترسمين ماكتبته بالوان حقيقيه
تشرح مااقصده
مااحاول ان ابينه
فنانه في تعليقك في وصفك
انتي قلتي كلامي هالمره بالصميم
انا اقولك دايما كلامك بالصميم

Barrak said...

Selezya

صح بدنك
ومشكوره
ربي يلبسك ملبوس العافيه

صح جذيه والا قطيت بدليه

Anonymous said...

صح لســــــــــــــــــــانك

Dana__23 said...

آاااه يا براك ضربة عالوتر الحساس ..
صح إلسانك يا شاعر الإحساس ..

خلك طيب وأجرك عن رب العالمين :)

إيلاف said...

أن تكون مظلومًا خيرُا من ان تكون ظالمًا ..
وان تكون طيبًا خيرًا من أن تكون شريرًا !

دع قلبك بلا لوم ينتهج طريقه الذي اختاره

mtfa2el said...

بعد يا براك
هذي الدنيا ..خير تفعل شر تلقى
بس الطيب جزاه عند رب العالمين ما يضيع

kuwaitya_7saweya said...

عفوا جبال الاناضول
هذوله وين صايرين؟ظ

Barrak said...

ابو شملان

صح بدنك

Barrak said...

Dana__23

صح بدنك سيدتي الراقيه
بنصير طيبين وبنشوف

Barrak said...

Ealaf

كلامك صح
وحكم

ولكن هي دعوه للتفكير بصوت مسموع

Barrak said...

mtfa2el


اي والله صدقت

ربك كريم

Barrak said...

kuwaitya_7saweya

نجاوب على سؤال اختنا الحساويه
جبال الاناضول عباره عن سلسلة من الجبال تقع بالاراضي التركيه وهي عبارة عن سلسلة جبال الأناضول الشمالية على طول البحر الأسود في الشمال

ويقال ان قلعة وادرين تقع في احدى قمم جبال الاناضول

ezain_kilah said...

اسم الله على قلبك من إن الطيبة تترحم عليه! الحلو ما يكمل ... هو واحد من أثنين ... إما إنك تكون طيب وتنجرح أو قاسي وتجرح والدنيا مو قاصرها قاسيين. إذا إنت مستغني عن طيبتك حجي

i7na ma nista'3na ;D

Barrak said...

ezain_kilah

بصراحه انا لاانجرحت ولاجرحت الدنيا
هي مجرد محادثه بين انسان وقلبه

اشكر مرورك