ابن آدم ضعيف أقوى مافيه لسانه
لاالنسب ولا الحسب ولا الفلوس تكبره
هالدنيا كل حساباتها ترى خسرانه
والفهيم من خذى من دنياه العبره
ليش مالواحد يخلّي إيمانه بوجدانه
لوسامح وعفا شاللّي بيخسره
لو درى ابن آدم اشضعفه بزمانه
كان انتهى موضوع الندم والحسره
الدنيا أبد مافيها خير سمعوني آنا
القلب اللي يبرّك بالطيب برّه
أبد ماهي مواعظ أو زود ديانه
القلوب بالكذب صارت متخدره
لو كل شخص يثمّن كلام لسانه
كان الخير مثل النفط نصدره برّه
4/12/2004
السبت
40 comments:
والله صدقت
اللسان ممكن يبعد الناس عنك
وممكن يقرب ناس لك
قالوها
لسانك حصانك ان صنته صانك وان خنته خانك
وأحيانا اخوي براك
قلمك وما تكتبه يقرب الناس منك
وممكن تبعدهم بعد عنك
وانت كسبت الناس باللي تكتبه
الله يديمهامن عليك نعمه
وصح لسانك :)
قواك الله
ما شاء الله عليك 100% صح و بعد ابصم بالعشرة و على قولتك الانسان ضغيف و ما فيه الا لسانه وفيه يكسب الناس كلهم و بيده يخسرهم كلهم و يا بخت اللي ينذكر بالخير..
حكم عظيمة تفيدني كثيرا و شكرا لك ولمدرسة الحياة
صح لسانك يالبرك
و حمدالله على السلامة
:))
Q8DOLL
والله صدقتي
سيدتي
انتي اختصرت كل اللي بقوله بجملك الرائعه
حتى الرسول صلى الله عليه وسلم اوصانا بالانتباه لما يقوله اللسان
وفعلا الكتابه امانه
ولابد ان نخاف الله فيما نكتبه حتى لو اختيارنا وقع على موضوع هزلي
او حتى عندما نعلق على موضوع عند الغير
فالكلمه تجرح
عموما ماكتبته يتكلم عن اللسان وادمان الخير وحسن النيه
وهي نفحات ايمانيه
اشكرك زميلتي السابقه
صاحبة التعليق الاول
اولا الحمدلله على سلامتك
كلماتك كثير حلوة
ولو كل واحد منا تحكم بلسانه
لعشنا بسلام
صح لسانك يا ولد العم
صدقت والله وصح لسانك
كلها حكمة
صح لسانك استاذنا
وأثني على كلامك بأبيات شعر لعلي بن أبي طالب
كن ابن من شئت واكتسب أدبا
يغنيك محموده عن النسب
إن الفتى من قال ها أنا ذا
ليس الفتى من قال كان أبي
والله صح لسانك
الواحد شماخذ من هالدنيا
صح لسانك يا براك ..
إلا يقولون سعر برميل النفط مرتفع هالأيام
:P
`~MnO YeNSa
هذا مو كلامي هذي هي الاصول وبصراحه دايما الواحد اذا سمع كلام جارح عنه ومو صحيح يتأثر وايد
لازم نحس بهالموضوع قبل لانسويه
في مجتمعنا كلام الناس وظلم الناس لبعضهم البعض بالكلام وايد يجرح
Purplecious
صح بدنك
والله يسلمك من الشر
الوجد
اولا الله يسلمك من الشر
ثانيا شهالغيبه
ثالثا
الكلام اللي قلتيه هذا مو تعليق هذي حكمه
kila ma6goog
صح بدنك ياخوي
Najmah
صح لسانج اختي
اشكرج
sologa-bologa
انت الاستاذ يااستاذ
ولاكلام فوق كلام علي بن ابي طالب كرم الله وجهه
The Voice Within
والله صح بدنك
مو ماخذين منها شي
Kuw_Son
صح بدنك ياخوي
البرميل مرتفع الاراضي مرتفعه اليورو مرتفع
وواحد من الربع رد من السفر وصاير مرتفع
يالله عاديه السالفه
يا صديقي
ياعزيزي
يا رفيقي
احسن مافي الانسان ندمه ..وكل ماندم كل ماتقدم..احسن مافيه لسانه ...لانه كل ماتكلم كل مافهم
بس بيني وبينك خلنا انا وياك نرجع ..كم واحد فينا يفجج من هالمساطيل حوالينا ...
نسيت يوم كتبت ..بانه العالم مسطول بحشيشه تفوق الجوده اعلى المعايير..
خلهم بسطلتهم ..يمكن باجر يصحون ويندمون ويبجون ويقولون اخ وينا وياليتنا كنا صاحيين ...
عزيزي براك لك كل التحية والاخلاص ...
انا مليت ..وانت باجر راح اتمل
والي يمسكنا ضميرنا وراح انرد نكتب..
هذي أم ناصر
لسان طويل والحيل قاصر
يا ليت احد يسمع منك
صج انت كاتبه من زمن بس وقته وووقته ووقته
ما ظنتي بتم الحال شكلها للاسوء
راح احاول اتفاءل
وصح لسانك على هالكلام الراقي
نصيحه عسانا نحفظها ونذكرها
اي والله اي والله
صح لسانك براك
لو يدري بن آدم انه لسانه حصانه
و انه لسانه اهو الميزان اللي ينوزن فيه
جان اعتبر و حافظ عليه
بس منو يسمع يا براك
ليش الواحد ما يخلي ايمانه بوجدانه؟
اي والله يا براك بوجدانه
لو خلا هالايمان بقلبه
بيزين كل اخلاقه
الايمان والديانه مو لحيه ونقاب وبس
لااا
الايمان
اخلاق
وسنع
والتزام وادب
ومنهج حياه كامله
صح لسانك
:)
اشلون خشيم الفار؟
ماكو قرقيعان؟
:)
بـوبـحــر
انا علي اقول النصيحه واللي يبي يتفاءل احسن له واللي مايبي من قرادته
يااستاذي
مشروع السطله مشروع مشيّد بتقنيه راقيه
بس ترى ماراح امل
لانه للحين فيه ناس تخاف الله بلسانها وبوطنها
وبس
اشكرك
حنطفيس
السؤال اللي يطرح نفسه
كم ام ناصر موجوده
وماهو دورنا في محاربة ام ناصر
magnoonah
النصيحه مالها زمن ووقت
صدقوني الانسان ضعيف بس لسانه اقوى شي فيه
والدلايل كثيره
يامجنونه
kuwaitya_7saweya
صح بدنك
mtfa2el
ترى انت بآخر 3 بوستات ماتقول إلا حكم ومواعظ
كبير ياخوي
esTeKaNa
هذا المقطع الوحيد اللي خلاني من خلاله ابتدي القصيده ان جاز التعبير
الاخلاص
وجود الايمان بالوجدان
كل مننا يستطيع ان يصلي ويخاف الله
ولكن العظمه بالايمان تكون بالاخلاص
بالنسبة لخشيم الفار من داوم بالروضه وهو محد عاجبه بس ابشرك طالع طلعه يديده يسمي القرقيعان
قرقرعان
الحمدالله على السلامه
وقرت عينا بردتك
ولو كنت مخضوض شويه من الطياره، ما عليه
المهم شوفتك سالم
^_^
تسلم يمينك على هالكلام الطيب
جنك اليوم حاس فيني
"الدنيا أبد مافيها خير سمعوني آنا
القلب اللي يبرّك بالطيب برّه"
اي والله مو سالفه ديانه
الا سالفه القلب الي خلقه القران و بس
و الرسول يقول
الدين خلق
و انت اختصرت الاخلاق بتصرفات تطهر القلوب
اي والله مو سالفه ديانه
78o8eYa
الله يسلمك يااختي القانونيه الرقيقه
انا بس مخضوض الا طايره بوهتي من الخوف اللي قاعد يتجدد بصورة مو طبيعيه
قبل كنت اسولف ويا عمري اللحين قمت اصارخ والقادم اعظم
الدنيا أبد مافيها خير سمعوني آنا
القلب اللي يبرّك بالطيب برّه"
فعلا من جعل الدنيا هي جل اهتماماته لن يربح الكثير ومن يقدم لك الخير قدمله الخيرات لان الواحد مايبي من الناس غير كلمة الله يذكره بالخير او والنعم
اللي خلقله اعداء بدنياه شاللي اربحه؟
اشكرك سيدتي
الحاضره الغائبه
lawyer
اخاف يقولون هذا بس عشان رمضان يسوي روحه ديّن
اهي السالفه مو سالفة ديانه
اهي سالفة خوف من ربه وتطهير لخطايا القلب والروح
الصيام هو تهذيب للروح والعقل
والله تعالى بعث نبينا محمد ليتمم مكارم الاخلاق
وانك لعلى خلق عظيم
اشكرك سيدتي
درر درر
صح لسانك اخوي العزيز براك
كلامك بالواقع وياليته حلم مو واقع
بس الشكوى لله
Selezya
صح بدنك اختي العزيزه
واخاف يجي اليوم حتى الحلم يصير حرام
الشكوى لله
مو غريب عليك...
كعادتك
مبدع
يحفظك المولى..
.....
(روح)
ashlaa-roo7
روح
ومو غريب عليك هالمرور الراقي
اشكرك سيدتي
مررت لقول
كل عام وانت بخير
my sold
وانتي بخير وصحه وسلامه
Post a Comment