ها .. بشروني
شلون الديرة من دوني
ها .. بشروني
كل مشاكلنا حلوها
عشى امالنا حققوها
خلاص مافي زحمه
صارت الوجوه سمحه
بكحّل بالسنع عيوني
ها .. بشروني
أنا مخضوض خوش خضّه
الطيار ماعرف جوّه من أرضه
تصروعت بين روما واليونان
اللي يركب الكويتيّه ترى يان
وصلت بالسلامه
بخروني
ها .. بشروني
عسى المسلسلات كانت هادفه
وعقول الممثلات ماكانت خافّه
صار فيه منطق بالحوار ؟؟
وصرح المصاخه إنهار ؟؟
تكفون طمنوني
ها .. بشروني
ولهتوا علي وإلا عادي
والا بس اللي وله أولادي
وجني وشريف ومارسيل
تكفون ابي منكم دليل
أمانه نسيتوني
ها .. بشروني
22/09/2007
السبت
47 comments:
براك الوصف عندك عجيب
LOL
الحمدلله على السلامه
كل شي بخير الحمدلله
بس تتوقع المسلسلات بتصير هادفه وبحوار راقي؟ .. مااتوقع هالشي راح يصير
اذا كل سنه المسلسلات تصير اخس
حسبي الله ونعم الوكيل
Nescafé
شلون مايصير وصفي عجيب وانا راد من ديرة التواصيف
شلون مايصير عجيب وانا قاعد بالطياره متبريد
انا من شفت الطيار شكله صغير وانا قايل ان السالفه مرق
الله يبشرك بالخير دام كل شي بخير
يقولون ان فيه مسلسل سوري اسمه فيه كلمة الحاره او الحواري وايد حواره راقي
ويقولون فيه برطم راقي على قناة سكوووووب
والله سمعوا كلامي عشان صيامكم ماينخدش او ينجرح
لاتشوفون التلفزيون هالشهر
اي ولهنا عليك
اكييييد
حمدالله على السلامه
هههههههههه حلوه مشاكلنا حلوها ؟؟
الظاهر بلد الرومانسيه وأحلام اليقظه مأثره عليك
ولا في الأحلام ..طب ده اسموو كلام ؟؟
ومسلسلاتنا في انحطاط كالمعتاد يعني مافي عنصر مفاجئه هالسنه
والكويتيه تهبل عالأقل تحس بإثاره وخرعه ومفتح عيونك ليمن توصل
الحين قولي دام توك راجع من فغنسا
الكلمه الصحيحه لشكرا بالفرنسي
ميرسوووه
والا ميرسي
؟؟
p~
نورت الديره اخوي براك
ابشرك الممثلات كلهم حجابات و الممثلين لحايا
:)
walahnaa 3alaik moooooooooooot moooooooooooooot moooooooooooooot ;p
الحمد لله على السلامة
وأكيد اشتاقو لك
:)
نورتهم
وكل سنة وانتا طيب
ابشرك ابشرك ابشرك ..ابشرك في كل شيئ ..يحوم حوالينا ..كل نكد ..وكل غباء حوالينا ..بل ابشرك في كل ذي منقار حوالينا ..الحلول قاد زاد والحمدالله قد ارتاحت معده المواطنين..واما عن حقوقنا فهيا والله الحمد بخير ومصانه من قبل سكان جنوب السرة حفظهم الله ورعاه فهم العين الساهره لكل صاحب لسان ..فيخرونه امام يشرب الحلول
او يتشرف كضيف عندهم
واما عن الزحمة فهيا من خيار المؤمنين واصحاب الشئن هم من اصحاب الايمان الطاهر والعلى الباهر ارادو ان يدربوا الشعب في يوم القيامه فزادو الزحمه ولم يصلحوا الطرقات حفظهم الله ورعاه
واما عن الوجوه السمحة المزحه المستنيرة المستنارة فهيا بخير في اعلى قصورها لاتعلم عن شيئ فهم اعالي القوم فنحن نتبع وهم سماحه يتسمحون ..بين فيلا مودا الى نينوا يتمخطرون..واصحاب الرواتب الكادحه فهم يا سيدي ليس لهم شأن من هذه السماحه يتمسحون رحم الله حالهم وحفظ الله غيرهم....
واما عن الولهان فنوله واما عن النسيان فنحن لاننسى كل من يعشق الوطن ..وانا عن اسمك فهو من البركه ..عد الينا فنحن محتاجين الى كل بركات الوطنين
اخوك بوبحر
اووه احنا فوق فوق النخل برااك
بس ارجع
:))
حافظك الله
الحمدلله على سلامتك براك
نورت ديرتك ومكانك
والله كل شي على حطة ايدك
واكيد محفوظ لك مكانك
وهذي الكويت صل على النبي
=)
الحمدالله على السلامة
والوضع على حطة ايدك
تيتي يا تيتي مثل مارحتي ييتي
حمدلله عالسلامة
الحمد لله على السلامة براك
المسلسلات و عقول الممثلات خلهم بصوب كل ما لها و تصير اردى
الحمدالله على السلامة
بس حال المواطن ماهو بسلامة
7yaaaaaaaaaak allah nawart el kuwait walla ....
حمد الله على سلامتك:)
وابشرك الوضع ما تغير بالبلد
انت بشرنا اشلونك مع بلاد الفرنجه شنو تعلمت واستفدت مو يقولون للسفر 7 فوائد
قولنا شنو 7 الفوائد الى استفدتها من السفر
وانشاء الله خوفك من الطياره خف
مممم ما ادرى ليش احساسى ايقول انه الى بالصوره اهوه انت الله اعلم:)يعنى صايدتها:q
استناداالى انك شاعر رومانسى بلاشعر
بالنسبه للمسلسل السوري اللي تقول عنه.. عدل اسمه - باب الحاره
واهو الجزء الثاني العام كانو عارضين الجزء الاول.. والله مسلسل عجيب واهم شي فيه قصه تستاهل الواحد يتابعها
يحطونه
mbc 9:00pm
والاعاده ثاني يوم 3 العصر
Qatar 10:00pm
اييييييييييييه المشاكل انحلت
ومافي زحمه بالشوارع
والكل مبتسم
هذي احلامنا لي باجر
وليش راكب الكويتيه
شلك بعوار الراس والبطن
بس المهم انك وصلت بالسلامه
حمدلله على السلامه
ولامسلسل كويتي هادف والممثلات استخفوا كلهم حتى المذيعات
والمصاخه ماراح تخلص ابد طول مافي ناس امصخ يتابعون
وجد ولهنا يااخوي
ومحد يقدر ينساك
افا عليك بس افا
ترجع لنا بالسلامه يارب
ومن طول الغيبات ياب الغنايم
اشتقنا
لهالكلام
اشتقنا
لهالطلة
ما نسينا
خفة الروح
ما نسينا
مكان فيه نستريح
الحمدلله على السلامة
Q8DOLL
توله عليكم العافيه
وليش مافي شي انحل سعر النفط بتصاعد مستمر
والا لي اللحين تعانون من مشكلة الاداره
والمسلسلات هم مو راضيه احوالها تتصلح ليش
انتو ببلد فيها خالد الصديق وفيها غنام الديكان وسليمان الشطي
شسالفتكم
الخطوط الجويه الكويتيه هي تمثل دولتي الحبيبه
والله انها حلوه والمضيفين اللي فيها هم الوحيدين اللي يساعدونك ويصعدون الجنطه فوق بالكبت
ماكو طيران بالعالم يسويها
بس سؤال مهم 6 ساعات بالطياره وماكو تلفزيون واحد شغال ليش
انزين وزعوا علينا حب والا بنك ونقل انتسلى بالدرب
الكلمه الصحيحه ميرسي
واذا تبين تكشخين قولي ميرسي بوكوه
داكور
والا مو داكور
kila ma6goog
حشى هذي قتاة اقرا مو تلفزيون الكويت
Om Jaber
توله عليج العافيه
tala
الله يسلمك
منو قصدك اللي اشتاق
جني مربية مخشيم الفار
والا شريف سايقنا
والا مارسيل مربية محسن
انا احس مارسيل وايد ولهت
بـوبـحــر
ياسلام عليك يابوبحر
تملك خيالا خصبا
انا عاد مابغيت احول الموضوع الى موضوع سياسي
بس انت صدتني
ماشاء الله عليك
واشكرك على اطرائك
دايما بعيوني راقي
انا وصلت بالسلامه
والدليل كلمة بخروني
charisma
اكيد فوق النخل
ودي اصدق
انا رجعت بالسلامه
بس انتو بشروني وطمنوني
ذكرت مسرحية عزل السوق
اصحوني
Najmah
يسلمج ويخليج
يعني ابد ماتغير شي
كلش ملش
ليش ليييييييييييييييش ؟
Bad-Ran
هلا فيك اخوي
وليش ماصار شي
انا مخليكم عشان تضبطون الامور
علامكم
حنطفيس
يسلمك ويخليك
تصدق جملتك تعور القلب
يعني لو اخليكم سنين بيتغير شي ؟؟
ايه هيّن
mtfa2el
يسلمك حبيبي
يعني انكتب علينا التخلف حتى بالفن
اه يابلد من قلب
انور عبدالله
يسلمك ويخليك يارب
يعني افهم من كلامك اننا لي اللحين صايرين حطب دامه
`~MnO YeNSa
يحييج ويخلييج
الكويت منوره بأهلها
ترى والله منو ينسى وايد عاجبتني
Noor
يسلمج ويخليج
الله يبشرج بالخير
ال 7 فواشد هي
1- استغلال جزيئات الوقت بالقراءه لان معظم الناس في بلاد الافرنجه يقرأون بانتظار المترو وانتظار الباص
2- الصبر وتحمل الجوع والعطش فموعد اذان المغرب في تمام الثامنه
3- محاولة الوصول للهدف باسهل وسيله واقصر وقت مع المحافظه على درجة التكلفه هذا ماتعلمته من استغلالي للمترو في تنقلاتي
4- السرعه البديهيه في تحويل اليور الى الدينار وكذلك الفرنك السويسري
5- احترام الانسان لانه انسان وليس لانه لابس هالساعه او راكب هالسياره او شايله هالجنطه فالانسان انسان في تعامله واخلاقه ومنطقه بالحياة
6-افشاء السلام فالجميع في بلاد الفرنجه صباحا يقولون بونجور ومساءا يقولون بونسوار مع ابتسامه صادقه حتى لو ماتعرفه او ماتعرفها
7- عدم التنقل بواسطة الخطوط الكويتيه لانها الوحيده في العالم التي تحتاج منك للذهاب لمكتب الحجز المجهول الملامح لتأكيد الحجز
وابشرك الخوف من الطياره زاد وايد وايد وايد
والاصلع اللي بالصورة هو انا في ربوع جنيف
Nescafé
هذا المسلسل رائع وراقي تخيلي سيدتي العزيزه ان طلاق الرجل لزوجته وخوفه من كلام الناس ونومه في المحل ليلا جعله يرى الناس بصوره اخرى
فعلا منطق بالسيناريو وحوار رائع
وتمثيل سهل ممتنع
اشكرك على هذه المعلومات القيمه
kuwaitya_7saweya
راح اصدق كلامك هذا لما يتغير اسمج من كويتية حساويه الى فنلديه حساويه
لان اللي قلتيه مايصير الا في فنلندا
بلد الحضاره والرقي
مابي اتكلم عن المسلسلات انصحك بمتابعة باب الحار ه التي تحدثت عنه العزيزه نسكافيه
وانا رجعت بالسلامه
الحمد لله
qesat_5ayal
تشتاق لج العافيه
انا اللي كنت اترنم مع ردودكم الراقيه وانا جالس في الريف الفرنسي
الله لايحرمني منكم اللهم امين
كلامج بارد يذكرني بالنسايم البارده في بلاد الفرنجه
الحمدلله عالسلامه يا قااي من السفر وحشتنا سواليفك وكلماتك بعد اكثر
برااااك
ان قلت لك مبدع وبس
اكون جذابه لانك تملك موهبه حلوه وخفيفه وكلمة مبدع شويه عليك
انت تستاهل حروفك اكثر بكثير
حمدلله على السلامه بوعبود
وابشرك الصوره روعه والصلعه تلمع بالشمس يعني مو محتاجين عدسه مكبره
:)))
مبين كويتي اصلــــــــــــي
الحال عند عالم الحال
ما كو على حطت ايدك
الا جان لقيت لنا شي بسفرتك يغير الحال
Shaima'a Alkandari
لا مو ياقاي لا ياجاي
هههههه
الله يسلمج ويخليج
كلامج وايد كبيرعلي
اتمنى ان استحق نصفه
اخجلتمونا
اشكرك
magnoonah
يسلمج ويخليج ياوخيتي المجنونه
شرايج بالصلعه تلق لق
اصلا لو مصور بفلاش جان اللحين انعميتوا
ياصلعتي يانديه روحي لخلي بهديه
شلون مبين اني كويتي؟
انا لقيت لكم حلول بس نطروا علي
يا صلعتي يا نديه ها؟
الله كريم الله كريم
شلون كويتي ؟ انا اقولك
من علامات الرجل الكويتي الصلعه وخصوصا ذات طابع (تلق لق) عشان جذي وثقناك
وعلى ايدك وكا احنا ناطرين
magnoonah
اللحين افتهمت
هسه عرفت
يا حلااااااااااااااااااات هالكلماااااااااات افا عليييييييييييييك لو ما ولهنا عليك جان ما شفت الطوابير صاااااافه
بس اقوووووولك هذا المنظر وين؟
بحيره جنيف ؟
جني اشوووووووف زول ديرتي
:)
المسلسلات كلهم قطهم ورا ظهرك احلى ما فييييييييييهم بن عدواااااااااااااااان
يا زييييييييييينه
الله يخلييييييييك شوفلي جاره
خرب صيامي هذا
ما تقدر تتغزل فيه
راضيه بيتين اطيب خاطري فييييييييييييهم
lawyer
الله لايحرمني من هالطوابير
انتي صح
بحيرة جنيف بس مو صوب البحيره والقهوة مالت العيوز لا صوب الشسمونه انتي تدرين وين
بصراحه ياحلو ديرتج بس وايد غاليه شدعوه
بالنسبة للمسلسلات بصراحه فيه شي اكتشفته الناس صاروا متذوقين للفن من حيث النص ومنتبهين للسيناريو وحتى للموسيقى التصويريه
واحد يحب بن عدوان اللي انا ماشفته والثاني يحب الفريج وام خماس
انا اتابع كاني وماني
الاذواق مختلفه وبالنسبة لطلبك
نخليه بعد رمضان
وبعد صيام الست
الحمدلله على سلامتك
ولهنا عليك وعلى تواصيفك
والديرة على حطت ايدك
اي ادري مو من صوب محطه القطار و الفور سيزن و هذاك الصوب
انت مصور من صوت و انت جنك ياي من فرنسا او افيان و انسي و شومونيه
الا على طاري هالطريج عسى لي الحين تصليحات !!
قاعد يحلم
لا تلومونه
lawyer
انتي ترى ضليعه بالامور الجينيفيه
انا مااقدر اوصل مواصيلج على طاري التصليحات ماشفت فيه عمال يشتغلون
Enter-Q8
انا عم بحلم ليل نهار
بقطف باقه
بشم وراقه
انا عم بحلم
عاشوا
Post a Comment