بين غيمتين ونجمه
ونهار ناسيه همه
أبرسم احساس
او يرسمني
ابي ألم الناس
وتلمني
كذا لمّه
بين غيمتين ونجمه
...
ماهو ضروري اكون رسام
انا كل كلي الهام
القلم يصير ريشه
والورق ينثرلي الوان
و حولي نور وظلام
ماهو ضروري اكون رسام
لاجل اصور بسمه
بين غيمتين ونجمه
.....
هوى يسري باعماق صدري
ارد النسم واشهق بعمري
من جمال هاللحظه اذوب
تخضر حولي دروب
كل مااختار درب
تنولد لحظة حب
شاللي صاير ماادري
كل مااعرفه بكمّل هالرسمه
بين غيمتين ونجمه
....
اسمع حس امطار تنادي
كل قطره تعطر فؤادي
ناس من المطر تحتمي
وانا بالمطر ارتمي
للاسف ماقدروا هالنعمه
بين غيمتين ونجمه
17-9-2007
Trouville
50 comments:
انا باعلق هني على البوست الي هناك مال مانبي طراقات
عجييبة والله جنها وصيه الابو حق عياله بس وين الي يحترم
المهم انت رايح باريس مو القصبة لا تقاطع علبو مسافر
تروح وترد بالسلامه
بس تدري ان اوربا رافعين حالة التاهب الى البرتقالي ويقول لك في تهديدات قوية هالمرة وسمعت انهم مكتشفين ان القاعدة يبون يعيدون سالفة 911 لانهم يعتقدون ان محد يفتكر انهم يستخدمون الطيارات في الارهاب مرة ثانية بس هالمرة باوربا
بس ولا يهمك انت اخذ وياك قرآن
والله الحافظ
يه يه
اول وحده تعلق على البوست اليديد
طبعا بعد فريج سعود اللي معلق على بوست قديم
احساسك عجيب
والله يعيشني بجو مو طبيعي
عساك عالقوه وصح لسانك
ويعطيك العافيه
يا معود درجة الحراراة 55
أي غيمتين أي عماة عين
طاحوا بجبدي هدوم الشتا
رمزيه جميله لشاعر المهجر ....
حلو اني اشوف شاعر يحب الرمز وحلو
اني اشوف رمزيه شبه شعبيه
استاذ وانا تلمذيك
إلى أي آفاقٍ نقلتنا مع تلك الخاطرة ..
أحب مناجاة الطبيعة , والتقرب منها , فكم هي رحبة وجميلة
هوى يسري باعماق صدري
ارد النسم واشهق بعمري
من جمال هاللحظه اذوب
تخضر حولي دروب
كل مااختار درب
تنولد لحظة حب
شاللي صاير ماادري
كل مااعرفه بكمّل هالرسمه
بين غيمتين ونجمه
اسمع حس امطار تنادي
كل قطره تعطر فؤادي
ناس من المطر تحتمي
وانا بالمطر ارتمي
للاسف ماقدروا هالنعمه
..
..
..
مبارك عليك المطر..
..
كعادتك..تمسك بيد القارئ ببساطة..
تصحبة .
منذ بداية الفكرة..والى نهاية جذابة....
بلغة سلسة. تشبه الهمس الحميم
.بلا تكلف..
انا هنا تنفست الغيم والمطر.. والنسيم البارد
واحسست اني عاشقة.
.احب باريس
و الناس و المطر و المظلات
المقاهي على الرصيف..
واسطح القرميد.
..
الكرواسان الساخن و الاكسبريسو اللاذع
..
احببت الدنيا اكثر..في.. هذا النص ..
..
انت هنا جميل. يابراك...وتستحق..كل هؤلاء المحبين.. و اكثر
..
دمت بخير
هوى يسري باعماق صدري
ارد النسم واشهق بعمري
من جمال هاللحظه اذوب
تخضر حولي دروب
كل مااختار درب
تنولد لحظة حب
شاللي صاير ماادري
كل مااعرفه بكمّل هالرسمه
بين غيمتين ونجمه
الله عليك يا شاعر الإحساس
برااك واخيرا لقيت بلوقك
مبارك عليك الشهر ياخوي
وبعلق على الغيميتين والنجمه
اسمع حس امطار تنادي
كل قطره تعطر فؤادي
ناس من المطر تحتمي
وانا بالمطر ارتمي
للاسف ماقدروا هالنعمه
بيت غيمتين ونجمه
الله عليك ياخوي حروف جميله نثرتها لنا
وتحت الغيوم سنجلس لنستمتع بحروفك وستكون النجمه نورا يضوي طريقنا
مبدع ومتميز
ها تاُثير فرنسا عليك يا برااااك
والا نحن ماعدنا غير لفحة الشمس اللي تحرقنا
قواك الله
يا سلام و الله كلك الهام يا براك
بس احمد ربك بفرنسا بهالجو الحو
مو احنا بالحر و كل ما فتحنا التلفزيون طلع لنا برطم داش عرض
ولا طراق طاقه بتوين
ترجع بالسلامة ان شاء الله
فريج سعود
هلا فيك اخوي
وليش ماعلقت عند البوست مال الطراقات
عموما وجودك باي مكان يشرفني
انا في باريس وبكره في جنيف اذا الله راد
صدقني مااقدر اقاطع بس للظروف احكام
بالنسبة لموضوع الارهاب بالعكس ماشفت منهم اي شي قمةالاحترام والذوق
ومن حقهم يفتشون ويسوون اللي يبونه
برتقالي اصفر وردي انا قاعد عندهم
والله يحفظهم من كل شر ويحفظنا
القران موجود معاي وناوي اختمه اذا الله راد قبل الوصول
kuwaitya_7saweya
لي الشرف بوجود تعليقك الاول سيدتي
شلون مااعيش الجو وبيني وبين بحر المانش شبرين
الله يسلمج ويخليج ويعافيج
kila ma6goog
هذي ثاني مره
اخاف انك عند مشكله بالخيال
يبيلك دوره هني وترد اوكيه
والا الظاهر حرة هدوم الشتا مأثره عليك
ههههه
شوف الشباب والشابات العموم عاشوا الجو
بو بحر
مره وحده اعر المهجر
انا شويعر اتتلمذ على احساسك الراقي استاذ
Ealaf
انقلكم الى افاق جديده
ابعد من حدود الغيوم والسماء
اريد لكم الاستمتاع بهذا المنظر كما استمتعت انا بتلك اللحظه
اسعد بوجودك
كلامك يخلق باعماقي فرحه راقيه تشبهك
عَـــــــــــــذبه
اشكرك سيدتي
مبارك علينا وعليك
لو بيدي اخذت نمونه من المطر ونثرتها على شواطيك العذبه
سيدتي
هل فعلا كلام براك يفعل كل هذا
منذ ان قرات عزفك اقصد تعليقك وانا مبتسم
هل كل هذا حصل
لااملك الا ان اشكرك
شكرا من القلب
اسعدني نقدك الراقي لكلامي
Aldenya
شاعر الاحساس مره وحده
وبوبحر يقول شاعر المهجر
انا شويعر
لم اصل لمرحلة الشعراء
الاحساس يبدأ من عندك
لانك دنيا الاحساس
اشكرك
Shaima'a Alkandari
شسوي بعد حاولوا ان يبعدوني عنكم
ولكن لان فيكم الخير ولانكم اخوه اعزاء على قلبي
ربي جمعنا مرة اخرى رغم انف المعتدين
سأحاول ان استعير غيمة اجلبها معي للكويت لكي تستمتعوا بهذه النعمه التي نفتقدها هذه الايام
يقولون المطر بالكويت بيتأخر
الله يعين
الفجر البعيد
طول ماانا هني بابقى متأثر هايم حالم
هني مكاني
هني الكل احتواني
اشعر بغربه عندما اغيب عن مدينة الاحاسيس
اه يافرنسا اه
mtfa2el
تصدق جو رمضان مو موجود هني ولكن بعض اخلاق الاسلام القاها موجوده
كلمة بونجور وبونسوار باي لحظه ومن اي شخص
احس انه واجب على كل فرنسي ان يسلم على الاخر
والرسول الكريم يقول افشوا السلام بينكم
احترام القانون
العموم يحترم القانون ويعتذر لاي سبب
قال الله تعالى وانك لعلى خلق عظيم
تبقى هناك امورا سلبيه موجوده بهم لانهم لم يفقهوا بتعاليم ديننا الحنيف
وعندنا ناس اول شي يسونه يطولون اللحيه وياكثرهم بمجتمعاتنا
وافشاء السلام غائب والاخلاق غائبه ونحن في بلد بكل قطعه بأي منطقه يوجد اكثر من مسجد
ديننا الاسلامي يحث على الاخلاق والسلام واحترام الغير
ونحن نتفنن بتقصير الدشاديش
ماادري شفيني دشيت عرض
وجني بدش بالطوفه
بس والله شي يحر
في فرنسا مايعرفون شنو الدين ويطبقونه
واحنا عندنا مليون لجنه خيريه وسلامتك نود لك سلامتك
خلني اروح اجابل المانش احسن لي
اه يابلد
براك ولهت عليك
الله عجييبه يا براك
كنت متاكده بدش بلقى كلام استمتع فيه
كل مااختار درب
تنولد لحظة حب
شاللي صاير ماادري
كل مااعرفه بكمّل هالرسمه
بين غيمتين ونجمه
الله الله برااك ابدعت فيها
كل ما اختار درب تنولد لحظة حب
يا سلالام عليك
شقووولك يا ربى مانى لاقيه كلام يعكس احساسى بالى قريته
حافظك الله وعسااك يا خوى دووم مستانس ومرتاح
ومن عواده
اي مالومك يطلع منك هالكلام الروعه
الجو هناك اكيد خلاك تبي تلم الناس وتلمك
:)
تحفه يا براك
متى الوصول انشالله ؟؟
شكلك ما ودك
قصيدة رائعه
شكرا
حسافة ما خفت
بغيت اخرعك لما عرفت انك تخاف من الطيارة
ولا كل الي قلته جوكينج
حافظك الله
والله الناس ما تقدر المطر ..
صح لسانك ..
Yaa salaaaaaaaaM
من قلب وااااو
خاطرره جميلة جداجدا جدا
ماشالله عليك وعلى هالالهام
:)
يعطيك العافيية
مبارك عليك الشهر ولو ان بتناصف
و مسكّت البوست مثل العادة
الله يزيد افراحك
براك يا الغالي خلها على الله
هني الناس بس يبون يتهاوشون على بو صايم لحد يكلمني
ما يدري انه الصيام اصلا يربي الأخلاق
قبل لا يمنعك من الأكل
لا و ابشرك واحد من نوابنا الخبول- أول حرف من اسمه صالح عاشور - مقترح زيادة بالمعاش حق الموظفين عشان الجهد الإضافي بشهر رمضان !!!
بالله شتقول حق هالمتخلف ؟؟
charisma
توله عليج العافيه
وبصراحه انتي عليج غياب
ولازم تدفعين الغرامه باليورو او الفرنك السويسري
طول عمري عندي حلم اني ارسم وللاسف انا فاشل بالرسم لان الرسم يحتاج لموهبه افتقدها
والمنظر الذي رايته كان يجب ان يرسم فحولت القلم الى ريشه والورقه الى لوحه
اتمنى اعجبكم هذا الرسم المغلف بالشعر ان صح التعبير
ياحلو دعاؤك
باااااااارد ابرد من الجو هني
اشكرك
Q8DOLL
انا كنت بلمهم ولكن اللي وقفني شغلتين
اولا
ان الناس رمضان وانا صايم
ثانيا
كانوا وايد يمكن 400 نفر لو اقعد سنتين مااخلص
هههههه
مرات الانسان من فرحته وراحته وده يلم الناس وتلمه
يمكن انا اشوفها جذيه ماادري
بالنسبه للعوده المفروض اني اكمل رمضان هنيه
بس خشيم الفار قط علي نغزه
خلاني احترم نفسي واعزم بامر واحد احد ارجع الجمعه القادم
حنطفيس
وجودك هو الرائع
شكرا لك
فريج سعود
ترى والله صج مو غشمره انا اخاف من الطياره
ومن قالك ماخفت الا تبريدت
Kuw_Son
صح بدنك
المفروض ناخذهم بجوله سياحيه عندنا
عشان يحسون بلذة المطر
اشكرك على وجودك
Selezya
اشكرك سيدتي
مو مني من تروفيل
وجوها
The Voice Within
علينا وعليك
وربي يزيد افراح افراحك
مشكوره
mtfa2el
اخوي الحبيب
انت ناوي علي شكلك
كلامك صح
وانت صح
جم واحد صيامه هذب اخلاقه
جم هوشه صارت عند الاشلره او عند لفة فوق تحت بيت الساعه التاسعه صباحا والرابعه عصرا
بالنسبه لموضوع صالخ عاشور
انا هالريال احترمه وايد اول مانجح
بس اللخين الله يهداه ماادري منو قايله اللي يقدم 4 اقتراحات بالمجلس احتمال يصير وزير
اللحين انا بجنيف وانت تقولي صالح عاشور
الله يسامحك
mashllah 3alaik bel3afya ,, 9ej 3ayashtni eljaw o elmu6aar o ba3ad re7taa (madri i smell the rain P ) o i really feel it as real o the cloudy sky mashaaaaallaa 3alik , etha aba9aif esena kanat paris jawha wayd 7elw `3air 3n baji elsneen fa allah ehaneek there , ewansek methel ma khalitni atfa`al mn your poem ..(ra7 takseb feni ajer cuz rm`6aan )
اي و الله يا براك
قاعد بهالبريدات و الهوا الزين يا الله من فضلك و اذكر بمجلسنا و صالح عاشور و سعدون حماد
حق الحارج و الغثى !!
انساهم يا معود و استانس و تهنى بصيامك و تقبل الله
بس نبي بوست عن سفرتك و الإنطباعات اللي شفتها
و ترد بالسلامة ان شاء الله
تتشرف شبكة الحوار الليبرالي, باستضافة النائب علي الراشد , ليتواصل مع الأعضاء ويجيب على تساؤلاتكم واستفساراتكم حول قانون الأحزاب الذي تقدم به النائب
نستقبل أسئلتكم على مدى اسبوع كامل ابتداءا من اليوم الخميس 20 - 9- 2007
وحتى تاريخ 1 - 10 - 2007
للأشتراك
www.secularkuwait.net
تتشرف شبكة الحوار الليبرالي, باستضافة النائب علي الراشد , ليتواصل مع الأعضاء ويجيب على تساؤلاتكم واستفساراتكم حول قانون الأحزاب الذي تقدم به النائب
نستقبل أسئلتكم على مدى اسبوع كامل ابتداءا من اليوم الخميس 20 - 9- 2007
وحتى تاريخ 1 - 10 - 2007
للأشتراك
www.secularkuwait.net
كلمات لعبت لها فأفرت بها معاني اكثر من ان تتحمل ان تحتويها
كلمات رائعة من شخص اروع
تحياتي
منو ينسى
اعجبتني هذه الجمله
منو ينسى
اشكرك سيدتي
ومن استطاع ان يعيش بهذا الجو الذي جعلني اشتم رائحة المطر وانا ارسم هذه الحروف
هو فنان بمعنى الكلمة ليس لان ماكتبته كان جميلا لا
لان خياله العذب كان رقيقا
بين غيمتين ونجمة اشوف اسمك يا براك
ادام الله قلمك
اسمع حس امطار تنادي
كل قطره تعطر فؤادي
ناس من المطر تحتمي
وانا بالمطر ارتمي
ناس ما تقدر يالبرك
يا اخوي عيشتني بجو الصراحه
خصوصاً
اسمع حس امطار تنادي
ايه يالبرك
mtfa2el
بانساهم وبنسى من حطهم وسواهم
وان شاء الله راح اعطيكم التفاصيل اول بأول
Sowhat
الرائع هو انت
والاروع هو وجودك
كلامك سيدي قبل ان اقرأه
اترنم بمعانيه
اشكرك
انور عبدالله
بالله عليك كيف اكون انا الغيمتين والنجمه وانت انور
قولي شلون تصير بس وانت مصدر النور
اسم على مسمى
Enter-Q8
لانك فنان تحس بحس الامطار
لانك راقي تهزك الكلمات البسيطه
اشكرك
استاذي العزيز
مشكوور و هذي الحقيقة مشالله عليك و الله انتعلم منك الاحساس و العذوبة و البساطة الممزوجة بين حدود الواقع و اللا نهاية بالخيال
`~MnO YeNSa
على قولتهم
ماعليج زود
تسلمين
وانا ماقلت الا الصج
Post a Comment