أزمة أخلاق
الصدر منها ضاق
نتمنى السّنع أمنيه
صارت كل هالدنيا
بلا طعم
بلا مذاق
ازمة أخلاق
لاولد يحترم أبوه
لا أبو يحترم عياله
الحنان للأسف ظلموه
صارت حالتنا حاله
كذب
ونفاق
أزمة أخلاق
هذا يضحك عالمدرس
هذا يغازل وهو مفلّس
ذاك يرمي ورقة بالشارع
وهذا يظلم ماعنده مانع
وذاك يصفط بموقف
معاق
أزمة أخلاق
37 comments:
محجوووووووووووز
اقرا وارجع اعلق
:)
الحين اقدر اعلق
هيه والله صدقت صدق ازمة اخلاق
هالزمن الاخلاق كل مالها في تدني
ياخي مادري ليش الناس صارت كذا اخلاقها زفتة
يعني شو بيصير لو احترم الاهل
احترم القانون
احترم اللي اكبر منه
احترم اللي علّمه
مادري الحين صارت شطارة قلة الادب
اللي لسانه طويل ومشاغب هو الزعيم
واللي كافي خيره شره صار ضعيف شخصية
الزمن من مغبّر لأغبر
الله يستر من الجاي
فتحت باب ماقدرت اسكره بسرعة
وماخفي في القلب اعظم
:)
سـلام عليك وإنشـاء الله يزيل عن صدرك كل ضيق.
هالأزمة غمرت كل شـؤون حياتنا وأصـعب ما في الأمر هو عدم أمكانياتنا بالتحدث عن "أزمة أخلاق" كون معظم الناس لا تعرف معنى الكلمة ...
تحياتي
احيانا تحس انك غريب فى هالزمن الى انعدم فى الضمير وتعتبر الاخلاق موضه قديمه
وعلى الدنيا السلام
عيون الحب
سيدتي صاحبة التعليق الاول
مو ملاحظه ازمة الاخلاق انتشرت بصورة ملاحظه في مجتمعاتنا
الاحترام جزء لايتجزأ من منظومة الاخلاق
على قولة ابوبكر سالم
الزمن ماتغير بس اهل البشر متغيريين
رحمتك يارحمتك يامعين
Straniero
اشكرك استاذي العزيز
تعجبني كلماتك التي تختصر مااردت قوله
فعلا مفهوم ازمة الاخلاق اختلفت من شخص الى اخر
هناك من يعتقدون ان التراحم والمسامحه والطيبه ازمات اخلاقيه
سبحان الله
اسعد بوجودك دوما استاذي العزيز
Noor
سيدة النور
ماجعلني اكتب عن تلك الازمه الاخلاقيه تلك الاحداث التي نراها بصوره يوميه
ابن عاق يعتدي على والديه
اب يترك تربية ابناءه للشارع الذي يتكفل بتربيتهم
عدم وجود اخلاق في الطرق العامه والشوارع
الوقوف بموقف معاق بحد ذاته جريمه
ليست نظره تشاؤميه بل نظره واقعيه
اشكرك
اي و الله أزمة أخلاق
أنا كل ما أروح اىلجمعية صافطين بمواقف المعاقين مع الأسف
و ناس عال العال ما فيهم شي
mtfa2el
المفروض اللي يصفط بمصفط معاق يخلونه يشتغل باحد دور الرعايه الاجتماعيه للمعوقين سنه من غير راتب
عشان يحس بمعاناتهم
شاكر لك مرورك اخي الكريم
صح لسانك
وأحلى من كده ما فيش
ضربت على الوتر
ودمت بحب وود
صح لسانك
مساالورد والجوري
لصاحب الابداعات المنهمره
براك
دائما ما نعاني من تلك الازمة
ولكن اين المفر من وجود اناس يعيشون بيننا بدون اخلاق
واين المفر من الابتعاد عن مخالطة هؤلاء الناس
مانقول الا الله يعينا عليهم وعلي سوء اخلاقهم
دمت بجمال تلك الابداعات
ابدا
يا
براك
:)
تسلم ايدك يالشايب
مو ازمة اخلاق الا ضياع وانعدام والله
ياربي هالبشر ما تخاف من الله
لا ولد يحترم ابوه
الله لا يوريك ذاك اليوم
فعلا زمن متروس قلوب ميته لا رحمه ولا احساس
وهذ يظلم ما عنده مانع
كثر منها يابراك
الظلم صار عادي الحين ما اقول الا يا زينا واحنا نحط روسنا ونام مظلومين ولا ظالمين
وسع صدرك وتاكد هذي الدنيا كل يوم بحال
صح لسانك
عز الله ما قلت الا الحقيقه والصج
بارك الله فيك
صاج يابراك .. ازمة اخلاق
والله هالزمن يخوف
كل شي فيه معفوس
الصح صار غلط والغلط صار صح
الموضوع الذي تطرقت له حديث الساعة
ولكن لنتفاءل تدري ليش يا ابني العزيز
لأن هناك من أمثالك و أمثال الشباب الحلوين الذين يعلقون وقلبهم مثلك على الديرة
فالطيبين موجودين
وإن شاء الله بهمتكم
تعود الكويت كما كانت في الماضي
طيبة ورحمة وأخلاق و أمان وخير
و أسرة واحدة
قول يا رب
مودتي
منى
صباح الخير اخوي براك..
فعلآ ازمة أخلاق..
انا الحمدلله صادفت ناس عندهم ازمة اخلاق بس ما احتكيت معاهم لانهم مايهموني ولا لي شغل معاهم بس الله وكيلك عندنا الناظره كله تقول المدرسات بؤرة الفساد في المدرسه..
مادري اربي الصبيان ولا اربي المدرسات!!!
جد هذا كلام حده قوي وعندما مو ازمه الا كارثه بأخلاقها..
بعدين ابي اعرض مشكاتي انا وابيك تحلها لان كذا بلوق ما ردوا علي وما عطوني حل..
المشكله:
الحين لما اكتب التعليق وابي انزله يطلع لي المربعين اليوزر نيم والباسوورد هذولا شنو ترى عقدوني حطيت كذا نك وكذا ايميل وما ينزل تعليقي والكل عباله اني ما ازوره بالبلوق..
ماكو الا اني احط مجهول واكتب اسمي :((
اتمنى الإفاده :((
إمبراطورة أشعاري
تزامنا مع أزمة الكهرباء و الماء !!
يبيلنا ترشيد أخلاق !!
البرك .. شكلك أغلقت خاصية
Feeds
من الـ
Settings !!
علشان جذي ما يطلع لي انك منزل بوست يديد !!
تباطيتك و دشيت لبلوقك و لا انت كاتب مواضيع وايد ما شفتها !!
عرفت انك متعبث بهالخاصية
:P
مسااء الخير
:/
لالالا تزعل منيييي
انا احب الصلعان ماكو مشاكل معاى
:)))
وانت الصاج يا خوى يا براك اهى اومة اخلاق
غاب الخلق بزمانه هالاقبر
براك فى شى مو مفهوم
هذا يغازل وهو مفلّس
شنو يعنى وهو مفلس!
:/ وسع صدرك على
السلام
ضاق خلقي يوم دريت ان البلوق انباق
ما يستحون عايشين بأزمة أخلاق
عسى ربي ما يوفقهم على اللى سووه
ناس معدومبن الضمير وحقودين لنجاح
الآخرين
وإعرف انه اذا جاءتك ضربة من الخلف ثق بأنك في المقدمة
sologa-bologa
تشكرك سيدي الراقي
اسف استاذي الراقي
ماادري ليش لما قريت كلامك تذكرت توفيق الدقن الله يرحمه
حمد
صح بدنك
واشكر مرورك الاول
فراوله
مامن مفر لانهم مفروضين علينا
وللاسف كثر ماتقل اخلاقهم كثر مايوصلون
والدلائل كثيره
ها تبين اسامي
كلامك مؤلم لكنه واقعي
اشكرك سيدتي الراقيه
magnoonah
على طاري لاولد يحترم ابوه
شوفي الفرق بين اول واللحين
اول اذا الريال دش البيت وتنحنح الفريج بكبره يوقف على ريل وحده هذا غير اهل البيت والعيال
قبل يومين بالجريده قريت عن ولد يضرب امه لانها ماشرتله سياره وبعدها بكم يوم ولد يضرب ابوه
وختامها مسك
اليوم بالجريده ولد يرمي ابوه بكلانشنكوف
ياسلام على الاخلاق
ابو شملان
صح بدنك
الله يبارك فيك اخوي
وللاسف هذا الصج
Nescafé
اين انت سيدتي العزيزه شهالغيبه
الحمدلله عالسلامه
اي والله الزمن يخوف
دايما اذا اجتمعت بجلسه فيها شياب اسألهم عن التربيه بالسابق واللحين
كله يقولون لي الله يعينكم ياآباء هالوقت
فعلا الزمن يخوف
برنسيس إيكاروس
سيدتي
كلامك دائما مفعم بالامل
تعجبني نظرتك المتفائله
ولكن استميحك العذر سيدتي المتفائله
مايحزن ان من هم معدومي الاخلاق بدأوا ينتشرون بسرعة البرق في كيان مجتمعاتنا
من يكذب ترتفع اسهمه ويصل الى درجات عليا وزير على سبيل المثال
من يسرق تكون له جريده وقناة ودكاتره يتحدثون بإسمه
سأحاول ان اتفائل
ولكن هذا الوقت هو وقت من نسوا الاخلاق
اسعد بوجودك سيدتي
قول آمين
يا عسى ايدينهم الكسر يا رب
شنو هذول لا ضمير لا احساس قلوبهم من شنو صخر
يعلهم فدوه لامهم وابوهم ما يستاهلون والله ما يستاهلون
شكوتنا لله ولا هذي اخرة التربيه
قهر والله قهر
هذي عبره لك ولغيرك ولي بعد اذا الله كتب عيالنا بنربيهم ان الدين ثم الاخلاق ثم الاخلاق
لان الدين التعامل
وعسى الله يبارك لك بعيالك
اي والله اازمه اخلاق
الدنيا صارت تمشي بالمقلوب لاسف
محد يحترم الثاني والكل مصحلته قبل الجميع
صحيح ازمه اخلاق
كلمات روعه يا براك
إمبراطورة أشعاري
سيدتي المدرسه الفاضله
وايد كلامج يعور القلب
تربين المدرسات والا الطلبه
فعلا اذا المعلم ماعنده اخلاق شلون بنبني جيل
بالنسبة لمشكلتك
شرف لي انس اقدر اساهم بحل مشكلتك
بس لازم تعرفين اني فقير من الجانب التقني وهذه المدونه الجديده اللي سواها وعدل فيها مو انا
شخص عزيز وغالي عمره ماقصر وياي
الله يسلمه ويخليه
جمايله علي كثيره
انتي مشكلتك انك اذا حبيتي تعلقين مايطلع ردك هذا معناته انه الباسوورد مالك غلط
طيب جربي انك تدخلين على الداش بورد مالك يعني كأنك بتكتبين موضوع جديد وبعدها من هالصفحه انتقلي لاي مدونه وحاولي انك تعلقين
اعتقد والله لايقوله انه باسوردك انباق
مثل ماحصل معاي
شوفي شصار معاك وبلغيني
ومني الى اي شخص له خبره تقنيه ان يساعد اختنا الفاضله الامبراطوره
Kuw_Son
اخوي العزيز
انت عارفني انا بالله اعرف شي بالستنج
ترى اخوك مايعرف الا انه يكتب موضوع يديد ويعلق بس
تكفى قولي اشلون يسوونها
اشكرك لانك متابع للمواضيع التي تكتب هنا
اسعد كثيرا بوجودك اخي العزيز
انت ضبطني وانا اضبطك
Aldenya
اولا مرحبا بك سيدتي مره اخرى
شهالغيبه
وايد طولتي
بالنسبة لسرقة البلوج شبنقول غير الله يجازي من كان السبب
والحمد لله اعرف ناس دعواتهم وحده بوحده
اللي راح راح
صدقيني سرقة البلوج خلتني اعرفكم عدل واعرف اني فعلا الله عطاني ناس تحب لي الخير وتحب تتابع مااكتبه وتحسه
وقفة الناس وياي من اكثر من دوله دليل ان الدنيا بخير رغم ازمة الاخلاق
شاكر لك مرورك سيدتي الراقيه
magnoonah
الله يستر من الجاي
وصدقيني هالدنيا مثل مافيها ناس ماعندها اخلاق هم في ناس الاخلاق بالنسبة لهم هواء يتنفسونه
لو خليت خربت
اشكرك
::heba
اشكرك اختي العزيزه
اليوم بصلاة الجمعه شفت مشهد خلاني اقول صح لساني على الكلام اللي كتبته
واحد مسكين بعد الصلاة قال ياجماعة ظروفي سيئه واتمنى منكم ان تساعدوني
المهم قام الريال وقعد باخر المسجد والكل تبرعله انا جلست قريب منه اتحمد ربي على نعمته الله لايحوجنا لاحد انشاء الله
فجأة شفت ريال خذا الاوراق مالت المسكين وقراهاا لمده طويله وبدأ يحقق معاه شنو هذا ومن وين وهذي الاوراق بسنة2001 والمسكين يجاوبه
اخر شي قاله بصوت مسموع وبالمسجد انتوا تجون بكروت زيارة وتغرقون البلد طيب انا ودي اسأل سؤال اذا انت متصور انه جذاب خله ووخر عنه ليش تكسر بخاطره حتى لو هو جذاب
لا وبمسجد
ديننا الاسلامي دين اخلاق
وانك لعلى خلق عظيم
صدق الله العظيم
charisma
سيدتي الراقيه اسف
لم ارى تعليقك وسقط سهوا والله سهوا
بالنسبة لموضوع الصلعان ترى اتغشمر
وانتي اصلا قايله انهم طيبين قلب
هذا يغازل وهو مفلّس
دايما اللي يغازل يحاول يظهر باحلى صوره
سياره كشخه لبس كشخه ساعه كشخه لانه من مواصفات المغازلجي الكشخه
او التظاهر بالكشخه وهو مفلس ولابيزه بجيبه
صدري وسيع اختي الغاليه
واسف مره ثانيه
هل من أخلاقٍ تُباع لنشتريها لهم !
الله يستر على عيال ديرتنا !
Ealaf
الاخلاق لاتباع
بل تكتسب
Post a Comment