Monday, September 3, 2007

أصول



 شتبي زود  ...

 قول

عطني حلول

خذت روحي

خذت عمري

خذت شبابي

وكلمالها قصّتك... تطول

مو شتبي زود... 

قول

......

ياأخي حنّن ... علي قلبك

شلون بتفهم ... إني أحبّك

شاسوّي عشان تصدّق

شلون تبيني أعشق

باتعلّم منك الأصول

مو شتبي زود ... قول

.....

مو خل لي عيوني ... أشوفك فيها

ليتك تحبها... كثر ماتشقيها

حرام عليك الرّحمه

هالعين دوم متألمه

مشتقيه وياك على طول

مو شتبي زود ... قول

21/12/2006
الخميس

19 comments:

Q8DOLL said...

نتعلم منك أصول الكلام وعذوبته
ودايما نبي منك زود
يعطيك العافيه

qesat_5ayal said...

صباح الخير
كلماتك وايد حلوة وراقية
ما شاء الله

لايوقفك شيء
واللي باق القديم
انت قلتها ببوستك الاولي
:P
DOG
وايد ضحكت عليها
عسى الضحكة ما تفارقك
:)

Barrak said...

Q8DOLL

سيدتي صاحبة التعليق الاول

انشاء الله
وعلى امرك

مو اخاف اكتب زود
انباق مره ثانيه

Barrak said...

qesat_5ayal


اشكرك سيدتي

وجودك الرائع هو الاحلى

ماكو شي بيوقفنا ان شاء الله
اللي باق القديم انا شريتله طوق
والطوق ماينشرى الا حق ال
dog

mtfa2el said...

اي و الله شتبي زود
تسلم على الكلام الذوق يا براك

Barrak said...

mtfa2el

عاد كنت احاتي ماتدل وين رحت انا
الحمد لله تشرفت بوجودك بالمدونه القديمه الجديده

والله من صجي شيبي زود
مرات توصل لمرحله ماهمك بحياتك الا اجابه على هالسؤال

شيبي زود ؟

Anonymous said...

رائع دائماً براك
أستمتع بقـرا’ حروفك الجميلة
لـك جزيل الشكر علي كلماتك الراقية

Fahad Al Askr said...

أبطيت عليك أدري، اسمحلي لكن أتابع، وبعد عاجل واللي صار لك الوضع تعيس، الواحد مو سالم حتى على مدونته

bydvsj said...
This comment has been removed by the author.
bydvsj said...

دايما تتحفنا بإبداعتك الشعريه


ومبروك مدونتك اليديده


والاصول بعد كل هالعطاء الى بلا حدود انه الطرف الثانى ايقدر وايحس

واذا ما قدر كل هالتضحيات معناته يبى يستمتع او يرضى غروه بالتضحيات

وهالنوعيه من الناس متاكدين انه الطرف الاخر ايحبهم ويعشقهم فيتمادون بطلب المزيد والمزيد من التضحيات يحبون ذاتهم بنرجسيه وهالنوع من الحب مصيره الفشل

magnoonah said...

سؤالك عجييييييييب


بس ما تخاف تيأس من بعده؟

جنك تقول:
احترت انا واحتارت الروح فيك


براك ليش يوصل الاحساس لهدرجه معقوله من التعب ولا من الخوف


كلامك مثل ما تعودنا عليه كله احساس

تسلم ايدك

Barrak said...

khaled

اشكرك سيدي
الفاضل
حوفك القليله
عظيمه معانيها
اشكرك
ياخالد

Barrak said...

Fahad Al Askr

من ناحية ابطيت ابطيت

حلوه كلمة ابطيت

كويتية حتى النخاع
أبطبت

بالنسبة لسالفة اخونا عاجل
هذا الانسان من سيعود من جديد
بنفس الروح
لم يعلمون أن هؤلاء الناس ان احاسيسهم عظيمه ومن المستحيل ان يمنعون عاجل وغيره من الناس المحترمه
من الاستمرار بالتعبير عن ارائهم واستنتاجاتهم الرائعه
تسلم يالعسكر

Barrak said...

Noor

ديما تتحفيني بوجودك

الله يبارك فيك ويخليك

احلى شرح لمعنى الاصول قرأته في تعليقك سيدتي الرائعه


اشكرك

Barrak said...

magnoonah

اخاف اني ايأس اكيد بخاف
بس على الاقل اتكمن
لان كل مافيني انثر بدروبه
بس ابي اسمع شيبي
راح ارتاح على طول

مو بس احترت الا مت

تدرين ليش الاحساس يوصل لهالدرجه

قبل لااجاوب سؤالك ذكي
وايد نقطه مهمه انا نعرف ليش الاحساس يوصل لهالدرجه

تدرين ليش

من الخوف


اشكرك

esTeKaNa said...

..من غير شر
رايحة راده على بلوقك القديم
نسيت انك نقلت المدونه اليديده
عساه بلوق مبارك
:)
ليتك تحبها..كثر ما تشقيها
وقفت عند هالامنيه وايد
يا ليييييت
كان حبه فاق كل وصف من كثر الشقا
!!
مبدع ومتجدد دوم

Barrak said...

esTeKaNa

تصدقين
هذاك البلوق مااقدر اشوفه ومااقربله
مااقدر اغيره
خلاص انكتب يبقى
الا اذا مسحوه هذا موضوع ثاني

انشاء الله يكون بلوق مبارك


اشكرك سيدتي

عيون الحب said...

انا وصلت
والله اشتقت لمروري لمدونتك

في ناس ماتشبع
بس تصدق لو احصل احد يدللني ويسمعني
ما بسكت عنه لوول

بس بعد القناعة شي حلو
يعني لازم افكر في الطرف الثاني

اما اللي اسويله كل شي
ومااقصر معاه
ويقول ناقصني وناقصني
مادري شو بسوي فيه لول

سرحت كثير بكلماتك
ورحت عالم ثاني
لكلماتك رنين خاص عندي
ومعاني توديني وتجيبني

ماننحرمش
:)

Barrak said...

عيون الحب

الحمد لله على السلامه
مابغيتي

صدقتي سيدتي القناعه شي حلو
اذا كانت على اصول

شاكر لك اطرائك

تسلمين