من دون مقدمات سأغادر إلى مدينة الاحاسيس ليش بهالوقت ماادري ليش برمضان هم ماأدري اهي فرصه وصارت محتاج شوية تغيير وولهت على باريس مدينة الاحاسيس ، وللأسف الظروف اجبرتني اني اطير على متن الخطوط الجويه الكويتية مسافر انا مسافر بجناح الفرح طاير ، وطبعا انا كلش ماأخاف من الطياره ولا أتراجف أبد ومن يوم مانويت السفر حصلت امور مضبوطه كانت في صالحيأولا : استقالة مجلس ادارة الخطوط الجوية الكويتية
ثانيا : ثلاث طيارات يحصل بها خلل فني وتهبط اضطراريا
ثالثا : واحد من الربع طيار يقول ان طائرات الخطوط الجويه الكويتيه انتهت مدتها الافتراضيه
رابعا : يالهوتي ياخرابي الحقيني يمّه
اخيرا : انا بروح وبوصي المنتجين والمنتجات يخافون الله بهالشهر الفضيل مانبي مسخره وطراقات ومسلسلات مافيها الا مواتر وموبايلات ومخافر ودراريع ، نبي فكر ورقي بالحوار
وترى مدرس العربي يسلّم عليكم
مانبي طراقات
يامنتجين يامنتجات
مانبي براطم متفوخه
الواحد تعب يافوخه
مانبي تفاهات
مانبي طراقات
نبي يمر هالشهر الفضيل
من غير مصاخه ودم ثقيل
نبي شوية سنع
مانبي هلاقه ودلع
ومصاخة ممثلات
مانبي طراقات
أنا رايح ماأوصيكم ياممثلين
ابيكم شوي تصيرون سنعيين
تحترمون هالشهر
لاتقطون السنع بحر
الرحمه ياأصحاب الفضائيات
مانبي طراقات
أنا من باريس بتابعكم
مابي اقول سليمه تصكّم
ابي اقول والنعم فيكم
ابي اقول والنعم فيكم
الرحمه واللّي يعافيكم
مع السلامه ياصبيّان ويابنات
مانبي طراقات
12/09/2007
الأربعاء
84 comments:
لووول الله يعينك !
يااعيني على جو بلاد الاحاسيس
ودي بها = (
ليش مافكرت تسافر على طيران ثاني
وبالذات اوروبا ما اروحها الا بالقطريه..
تروح وترجع لنا سالم ومعافى ان شاء الله ;p
الله يحفظك
Ms Lonely Lavandier
صاحبة التعليق الاول
والوجود الاول كذلك
سيدتي
الله يعين الجميع
عاد يقولون الجو 22 نفس هني بالضبط
بصراحه الظروف اجبرتني اني اسافر على الكويتيه
يمكن انا وايد وطني عشان جذيه اخترت طيران بلادي وافادي وافادي
يمدحون القطريه بس انا بصراحه مره قريت بالجريده انها مره صار فيها خلل لو فيها انا جان قمت اطقطق روس
الله الحافظ
ومشكوره على هالدعوه اللي محتاجها وايد
تسلمين
لووووووووول
يبه من حاصله يروح باريس .. والله لو قالولي نوصلج لباريس بسكوتر ارووح ولا اسال اهم شي اوصل باريس
روح توكل على الله ولا تحاتي ترجع بالسلامه
هناك راح تلهى ما راح تلحق على التلفزيون بس شكلك وايد متاثر بالمسلسلات
شكلهم دابلين جبدك صح
لوول
لا انشالله هالشهر انا حااسه ان غيرر حاسه ان المسلسلات راح تصير سنعه وفيها تمثيل اكثر من المكياج
بس ما تروح من الملاقه بتلقاها موجوده موجوده ماعليه تابعنا من هناااك واذا ماعجبناك حط على شوو تايم ابركلك
لا تعور راسك بهالسوالف يا براك
ثانكيوو على مرورك
special vision
هههه
تصدقين انا عندي السكوتر امان اكثر من الطياره
على الاقل السكوتر مايبيله غير دزه بالرّيل وبس بدون مطبات جويه واذيه
بتوكل على الله وبروح
انا بصراحه اكثر شي اتابعه مسلسلات ساهر ودرويش والبلام
عشان اضحك شوي واتثقّف شعريا لانه الاستاذ ساهر شي ماحصل
وعموما انا رحت للاستاذ ساهر وماقصر وراني مقدمة برنامجهم كاني ماني والخاتمه وسمعة الاغنيه
وفيه مقطع وايد عاجبني بإغنية المسلسل
او مايبدي
يقولون كان ياماكان ياساده
اتشوووووووه
شهاده
وثلاث حلقات
وحده اسمها كيد النساء
والثانيه الاميره النائمه
والثالثه ماادري شسمها
بس لاتطوفكم الاميره النائمه
اما الباجي مالي شغل فيهم
ولاشكر على واجب
اسف وفيه مقطع ثاني
من هذا وهدي وهاده
شكلي حرقت المسلسل عليكم
هههههه
مبارك عليك الشهر و تروح و ترجع بالسلامة ان شاء الله
صدقني راح تقول لهم سليمة تصكم
مستحيل تقول و النعم فيهم
هالسنة واعدينا ببراطم نيو لوك
و طراقات آخر موديل
mtfa2el
الله يسلمك ويخليك وربي يسمع منك
اقولك شي
من قريت كلامك طاح قلبي بشسمه
قصدي ببطني
علبالي تتكلم عن الخطوط الجويه الكويتية
بس لما دققت بالكلام استانست قصدك المسلسلات
يايبا الواحد من المنتجين يدفعله نص مليون عشان ينتج مسلسل شلون تبيه يربح
لازم شوية برطم على شوية طراق على شسمه وشسمونه
عشان يربح
لما كنت بتسافر
ليش تتابع الاخبار
:P
الله يعين ويسمح دربك
ويسهل سفرتك
وترد فرش
:)
والله يسلم المدرس
وسالفة المسلسلات
تتوقع يسمعون
ولا يقرون
ربك كريم :)
ويسلم لنا قلمك
وبالسلامة ان شاء الله
تعليقاتك عجيبة ":>
تروح وترجع بالسلامة وربي يحفظك يا أخوي
وباريس حلوة بس برمضان !! أحس حلاته مع الأهل
بس أكيد للظروف أحكام
ومسلسلاتنا عجب عُجاب :>
" تعودنا "
take care
مساالورد والجوري
سيدي المبدع
براك
مبارك عليك الشهر...وتقبل الله صيامك وقيامك
بس عاد باريس برمضان
الله يعينك ويسهل عليك سفرتك
آمين
ولن نقول وداعا...بل الا لقاء قريب باذن الله تعالي
دمت بدفء وعذوبه
ابدا
:)
بالسلامه يا رب
ومبارك عليك الشهر
ومن عواده
مبارك عليك الشهر
وتروح وترجع بالسلامه و لاتخاف الله الحافظ اقره قرءان طول الطريج ليمن توصل الى باريس مدينه النور
وقررت مقاطعه مسلسلات الكويتيه نهائيا فشلونا مسلسلات تافهه وتمثيل بايخ وتنافس بثقل الدم والملاقه وما انشوف اله دراريع وبراطم ويه حاط مكياج الكويت كله , الله يرحم زمن الفن الراقى
طراقات على قفا اللي مايحبك
مبارك عليج الشهر
:)
كل عام وانت بخير
وترجع لنا بالسلامه يالحبيب
راح توحشنا
:)
لووووووووول
والله حاسه هالسنة بتصير انيل من اللي قبلها!!!
مبارك عليك الشهر....وعطلة سعيده...:)
وصج اشسالفه بلوقك اللي انباق ؟؟ معقوله ؟؟!!!
مبارك عليك الشهر يا وخيي يا براك
وتروح وترجع بالسلامة والله يسهل دربك
الله معـــاك
جنك أناااا ... كلش ما أخـــــــاف من الطيارة !! والكويتية أنا مقاطعتها من 10 سنين .. أطول الرووت وأنزل بكذا ديرة ترانزيت ولا أركب الكويتية اللي تاخذني دايركت !!ء
أيييي ... حتى تلفزيون الكويت مقاطعتة من 10 سنين !! شخباره!؟
الله على باريس وجو باريس خبري فيها شهر أبريل اللي فات .. كان الجو على قولة الوالد : شربت
:)
~: مبــــارك عليــك الشــــــهر :~
تروح وترد بالسلامة ان شاء الله
ومبارك عليك الشهر :)
ههههههههههه
حراام كل هذا بقلبك @@
يبه تروح وترد بالسلامه انشالله وبحفظ الله ورعايته بس دام بالكويتية عسا الله يوصلك لي باريس سالم :p
لان هالايام ينخاف تروح بالكويتيه
اما المسلسلات مأخوذ خيرها والله يستر
C ya broth
مبارك عليك الشهر اولا
وثانيا مبروك السفره
بس ياربي وقت غريب
بس على قوولتك فرصه ما تتعوض
والكويتيه يمونون شنسوي يعني صناعه محليه والكويتي انفع
مع ان هالمره الكويتي أخرع
تمتع بباريس
اللي راح تزيدك رومانسيه
أو سخريه
مادري :)
بالسلامه
ههه واضح جدًا بأنك لا تخشىالطيران , كحالتي هه !
والمسلسلات , إن لم تكنت كما تمنيت ان لا تكون فكيف ستكون إذًا
!!!
qesat_5ayal
سؤالك سيدتي سؤال منطقي
ليش اتابع الاخبار
بعد القراده شلون صايره
الله يسلمك ويخليك ويحفظك
Aldenya
عودتك اهي اللي عجيبه
اصلا باريس ماتحلى الا برمضان
ماكو احد
ماكو مخازز
الجو جميل
وماراح اقول شي عن المسلسلات
لان المكتوب مبين من عنوانه
بس باتفائل
اشكرك
فراوله
مبارك علينا وعليك
شفيكم علي ايه باريس برمضان
عادي
ترى العام نفس الوقت كنت هناك
لازم اشوف امور الرعايا الفرنسيين
عقب رئيسهم الجديد
يمكن محتاجين حاجه محتاجه
charisma
الله يسلمك
ويخليك
ويعافيك
ويتقبل طاعتك
Noor
علينا وعليك سيدتي نوور
راح اقرا قران
واذا ابي انام اشغل اناشيد
بس نوصل بالسلامه
ولو ان الخطوط الجويه الكويتيه مو تكانه بس شسوي
بالنسبة للفن
اول للزمان ارجع يازمان
انا اقولك السبب طبعا انتي قيسيه على جميع الميادين الاجتماعيه والفنيه
قبل كان يهتمّون ببناء الانسان الكويتي
اللحين يهتمون ببناء شوارع وتجديد ارصفه
طبعا انتي فهمتيني
وفمان الله
SolaimaN
حبيب ألبي
انت
مبارك علينا وعليك
ماتبي شي من باريس ؟
MANAF
مبارك علينا وعليك
عاد لك وحشه من اللحين
صارلك جم يوم غايب
عسى ماشر
ماتوصينا بشي
؟؟؟
Q8ya
علينا وعليك
انا اقول تفاءلوا
ربك كريم
يمكن ننافس المسلسلات الامريكيه
وبالنسبه للسرقه شاقول بعد الله يجازي اللي كان السبب
ولاتخافين عطيناه دعوتين
والحبايب ماقصروا بدعاويهم
Mamloo7a Q8ia
علينا وعليج وعساج من عواده
والحمد لله عالسلامه
مبارك عليك الشهر براك
وتروح وترد بالسلامه انشالله
الكلمات لوول عجيبه
صج مانبي طراقات
:P
DiLLi O MiLLi
الله يخليك ويسلمك
طلعتي نفسي ماتخافين
ولايهمج موضوع الطياره
ولاتهتزين باي هزه
ولا دقات قلبج تسوي جكبم بكبم لما تطير
ولا تسوي بم جك بم جك لما تهبط
ايه صح
تصدقين مرات اسب اللي اخترع الطياره
ليش ماخلونا مقزرينها على السفن والبعارين
عمركم سمعتوا ايام قبل بعارين تداعمت او هبوط اضطراري لبعير
بس ماابي اكمل
والله صج ترى من اللحين خايف
Alather
الله يسلمك ويخليك
ومبارك علينا وعليك
Selezya
يعني اللحين لما تقولين الله يستر من الكويتيه انا راح اتشجع واستانس واطق اصبع
حسبي الله ونعم الوكيل
بروحي انا منتهي من الخوف
ياسلام عليك
Q8DOLL
علينا وعليج ايتها الزميله السابقه
ليش الوقت غريب
ماغريب الا الشيطان
احسن وقت هالوقت كل شي رخيص لانه اللي مسببين الغلاء ردّوا لاوطانهم
انشاء الله راح استمتع بباريس
واستلهم الرومانسيه واستلهم السخريه
واشكرك
Ealaf
لااخاف من الطائرات
بل اتصروع فقط لاغير
لااكره المسلسلات
ولكن
اللهم اني صايم مابي اقول
بس مامنهم فايده كلش ملش
::heba::
علينا وعليج
الله يسلمج ويخليج
اذا ماصار فيه طراقات وراشديات وتمجّع شعور وكحل سايح من الراشدي
مانحس بنكهة مسلسلات رمضان
ورجاءا بما اننا برمضان انا شفت صورة القهوة اللي حاطتها وتشوّقت
ترى اذا فطرن انتي السبب
في احداث كثيرة صارت
وشكلي آخر من يعلم.
.!..
خطاكم السو
جد عوار قلب ان يختفي ارشيفك
ويسرق ايميلك
..
لكن عزاءنا انك انت من كتب
وسيظل إبداعك مستمرا
.
. ان شاءالله
ويديم محبة
روادك ومريديك
.
.
براك
سأظل هنا قليلا لأقرأ
احس اني الهث للحاق بكم
.
.
مبارك عليكم الشهر
وتقبل الله طاعاتكم مقدما
وتروح باريس وترجع محملا بأجمل الذكريات
وبالسلامة
كن بخير
مبارك عليكم الشهر
و عساكم من عواده
و عسى الله يهله علينا بالامن و الايمان
و يحفظ كويتنا ويصلح حال حكومتنا
مبــــــــارك عليـــــك الشهــــــــــر
مبــــــــارك عليـــــك الشهــــــــــر
عَـــــــــــــذبه
اهلا بك سيدتي العذبه
ماكو شي بيطوفك
انا من إنبقت ماصار لي شهر
وشبقول غير حسبي الله ونعم الوكيل
والله لايحرمني من هالناس الطيبه
وراح اعطيك اجازه عشان تقرين على مهلك وماتلهثين
والله يسلمك من كل شر
تسلمين
Enter-Q8
كل عام وانت بخير
وعساك من عواده
والله يصلح الجميع
Joli
علينا وعليك
مشكوره
Purplecious
علينا وعليك
تسلمين
لووول براك جذي ما خليت شي ما شفته
عموما الي يناسبك شووفه .. بس لا تلهى عن ذكر الله وعبادته
استفيدوااا من الوقت يا جماعه فرصه لا تعوض
مبارك عليكم الشهر
وتردون بالسلامه إن شاء الله
^_^
special vision
جزاك الله خيرا
78o8eYa
علينا وعليك الله يسلمك ويخليك
تروح وترجع بالسلامة
وكل عام وانت بخير
ودمت بحب وود
مبارك عليك الشهر ..!! وينعاد عليك بصحه وسلامه ..!! ويتقبل منك صالح الأعمال ..!!؟
وتروح وترد بالسلامه ..!! ولا تسوي أشياء أنا ما أسويها ..!!؟
sologa-bologa
وانت بصحه وسلامه
اشكرك اخوي
2 u ALL
علينا وعليك جزاك الله خير
لا تحاتي حبيبي
انا ماأسوي الا الاشياء اللي انت تسويها
مبارك عليك الشهر وعاك تعوده بالصحه والعافيه
عسى الله يسمح دربك ويعينك على الخطوط الجويه الكويتيه ويردك سالم
انا مثلك شجاعه ولا تهزني المطبات
بس الله وكيلك قبل لا اركب الطياره اخذ لي حبتين مهدي و اذا المسافة طويله حبتين منوم ولا يهمني عقبها شي
شفت شلون انا ما اخاف
حافظك الله، هنيالك باريز بس حسافة برمضان حلاته العيد، أمانة إرجع لنا سالم
شنو هالخبر السيء؟
من متى و ليش و شلون و شحقه؟
خطاك السو يالحبيب و عطنا التفاصيل؟
هلا اخوى براك.....تونى اشوف بلوقك الجديد.....وانا اقول شفيه براك ما كتب شيئ من زمان
الحراميه وايد هالايام الله يستر
وبعدين الممثلين والممثلات ترا محد طاع كلامك ....يقولون البوتكس خلص من السوق.... حطوا اعلان بالجرايد
لوووووووووووول
انا هالسنه اعلنت مقاطعة التلفزيون رسميا ولا عندى استعداد ارفع ضغطى
وتحترق اعصابى....الا فى ما ندر
بس اوصيك هالله هالله .....بالكروسون
الله يهنيك وترد بالسلامه
بس اخشيم الفار ما اعترض....؟؟؟؟
هههههههههههه
تروح وترجع بالسلامة
استمتع بوقتك هناك :)
السلام عليكم ورحمة الله وبركاته،
ترجع بالسلامة ان شاء الله
ومبارك عليك الشهر :)
موخوش سفرة بهالوقت !!
الله يردك يالسلامة .. و هالله هالله بالصيام
:P
مانبي طراقات و فناقر و براااااتم
:P
و سلملي على مدرس العربي
:P
أقول وين مختفي
أثاريك
رايح بلد العطور
العطور الباريسية ريحتها
طالعة من البوست
بالمناسبة التفاؤل يا ابني جميل ومطلوب
شوف اشلون خلاك تروح باريس
المهم ترجع بالسلامة
والله يحفظك و دعواتنا معاك بأي طيران كان
مودتي
منى
الله يعينك الصراحة
تروح وترجع بالسلامة
ورمضان كريم
بالفرنسى :)
والله يفكنا من لوعة الجبد بالمسلسلات السخيفة
تروح و ترد بالسلامه مبارك عليك الشهر
بالسلامه يااااااااااارب
وماكو الا العافيه انشالله
والمسلسلات هذي اهي ماتتغير
ملاقه بملاقه
وصح لسانك
ma3a elsalaamah baba barrak ;p
سويلفاتي
علينا وعليك
وشكرا على وجودك سيدتي الشجاعه
هههههههههههه
بس حبيت اقولك اني وصلت بالسلامه الى فرنسا بس الطيار ولد الحجي ريال ولد ريال خلانا مانحس بشي
بس قبل الوصول بدقيقتين خلاني افطر والسبب مطبه هوائيه خلتني اسبه
تسير وترد بالسلامة..
وعلى المسلسلات.. الله يستر!!! كم ذنب هالممثلين والمنتجين بياخذون!!!
حشا شهر مسلسلات مب شهر صيام وعباادة
Fahad Al Askr
الله يحفظك ويخليك
باريس مدينه لكل زمان
برمضان لها طعم غير
كافي انك تقعد بالقهاوي وانت متأكد محد يخزك
تسلم
kila ma6goog
استاذي العزيز
متى ووين وليش
وكل التفاصيل موجوده بأول بوست انكتب بهالمدونه
لاني اذا تكلمت بيضيق خلقي من جديد
عاد الجو هني عجيب ودرجة الحرارة 12
والافطار الساعه 8
فواللي يخليك خلني انسى ماصار
بنت الشامية
والله ياوخيتي شوفة عينج
البوق صار حلالي
ريك كريم
وبالنسبة للمسلسلات
ترى المبالغ اللي تندفع من قبل شركات الانتاج خياليه
عيل وحده تشتغل بالفوازيز وطايحتله دق ورقص
تاخذ 300 الف دينار
ووحده دورها كله منسدحه بالفراش
تاخذ 24 ألف
شلون ماتبينهم ينجنون
اللهم لاتؤاخذنا بما فعل السفهاء منا
mirage
الله يسلمك
وراح استمتع بما يرضي الله
شكرا
tasty_as_berry
الشمس من وين طالعه اليوم
هلا وغلا
الله يسلمك ويخليك
انا ماراح اعاتبج عالغياب
لما اوصل يصير خير
مكانك شكبره
اشكرك على هذا المرور الراقي
Kuw_Son
العام نفس هالحزه كنت هني
وهالسنه انا هني
في طعم ثاني لهذه المدينه بهالشهر
ياخي ربعنا اذا ردوا يخلون الاسعار بارده والجو ابرد
.,
\
بصراحة الله يعينك .,!
يومهم طويل وتعب
وفوق هذا الشمس تغيب متأخر
.,
الأهم مبارك عليك الشهر
وترجع بالسلامة
مبارك عليك الشهر
وعساك من عواده
السوال
راح تصوم ولا لا :)
برنسيس إيكاروس
اهلا بك سيدتي
فعلا انها بلد العطور المفعمه بالاحاسيس
الامل بالله دايم مايضيع
اشكرك سيدتي
ماتوصين بشي
Mishari
يسلمك ويخليك
وترى رمضان كريم بالفرنسي يعني
bon marety et ramadan
لاتصدق ترى هذي لغة فرنسيه من تأليفي
lawyer
الله يسلمك ويخليك
والحمد الله على سلامتك
شلون مصر
kuwaitya_7saweya
الله يسلمج ويخليج
اي ماكو الا العافيه
حاشتنا مطبات نخض البطن
وبالنسه للمسلسلات احمد ربي اني مو بالديره
وهني ماكو الا الجزيره وام بي سي وانقز
شفت صورة التمر عورني قلبي
Om Jaber
الله يسلمج يابنيتي
الـفــــجـــ الــبـــعـــيـــد ــــــر
الله يسلمج ويخليج
وذنويب اهل المسلسلات والمشاهدين كبيره
انصحكم بالامتناع عنها
يا اخي قصيده الي حاطها اعجبتني حيل وكسرت الوجو الي انا حاطه
براك بعد قلبي تسلم ايدك على هذا الكلام من بعد اذنك راح احطه في البلوج مالي
بو بحر
اولا اشكرك على الاطراء
ثانيا
شرف لي ان يكون لي مكان في مدونك الراقيه
من غير اذن
تمون
Post a Comment