Thursday, June 26, 2008

تفاصيل حنيني



طيعيني

وعطيني إيدياتج

وحضنيني

طيعيني

من غيره قلبي يهديك دقاته

من غيره أنا يهديك حياته

ويعلمك تفاصيل حنيني

طيعيني

.....

بورّيك عالم جديد بتفاصيله

نهاره مختلف عن ليلـــــــــه

ضوى نجومه غير

عالم منبني عالخير

صدقيني


طيعيني

.....

طيعيها مره عيوني الولهانه

اللي تشيلـــــــــــــــك أمانه

لك الغلا وكل الوداد

بتصير عيني أُفـــــــــــاد

جربيني

طيعيني

.....

ماخسر من طاع حبيبه

شكثر شايلّـك طِيبــــــه

تفيض من روحي ينابيع

شفتي هالكون الوسيع

مافيه ربع مافيني

طيعيني

18/6/2008
الاربعاء

54 comments:

Mok said...

صح لسانك
:)

صبا said...

ياحلو كلامك يابراك

شعور حلو وراقي

كل الكلمات الي تملي الكون حب
لازم نوقف ونطق لها تحيه

انشالله تسمع كلامك وطيعك

:)))

تسلم تسلم تسلم

علي هالبوست الحلو

عَذبة said...

جاءت الآن على بالي..
.
.

أنا أول من عرف قلبك
وأول من سمع نبضك
وأول شخص لك إشتاق.
..

لحَرفك..انسيابية الماء.على التعب..
!
.يروي أرواح.. مشروخة...دون ان يلمس ملامحها..


براك
..دمت متدفقا

lawyer said...

شفتي هالكون الوسيع
مافيه ربع مافيني
طيعيني


برااااك اروع ما فيك مو بس كلامك
تختار متى تنزل البوست
عشاااان احضرك انا بصبااح جميل و قهوة مره ..

اعتقد نهايه اسبوع راح تكون جدا ممتعه
دامهااااا بدت معاك اهني


تدري شنو الي يعور قلبك بانصاص الليل..
دمعه تنزل تحترق
تبي تشتري فيها راحه حبيبك ,
و اهو ما يطيعك..

طاوعيه هالمره
تكفين طاوعيه



برااك و لا تحط في خاطرك اذا ماطاعتك
ماني رادتك انا بطيييييعك..
;)

الزين said...

هذي يدي شوفها تنام بيدينك
هذا قلبي شوفة يسبق لهفة وغربة سنينك
هذا عمري شوفه يملي كل مره كاساتي بحنينك

خلني ارسم خلني اغزل دنيتي كلها بتفاصيلك
هو نهاري لو نهارك من سطح باهي بجبينك
وظلمتي صارت ونيسه يوم جت عيني بعينك

لا تواعدني وتسكت
بسمع الكلمة واصدق
وبترك الدنيا واجي لك
بس حط ايدك بيديني


براك
انت ابداع
انت كل سهل طيب
انت النسمة الباردة اللي صحت روحي اليوم بعد ليلة مؤرقة جدا

يسلم لي كلامك يالشيخ

7osen said...

والله ياسلام عليك

كلامك احياني
ورد موتني

طيعيني
وعطيني إيدج
وحضنيني

----
طيعني
وشوفي قلبي
كاهو بعيني
ينادي عليج
مشتاقلج يبيج
بسرعة تعالي
ومن هالدنيا إخذيني

مادري شقاعد أقول

احب أقرا حنينك
وشوقك إللي بعينك

كلامك يخليني أحس بشيء ثاني
حب ماله حد
وحنين ولهفة وبرد

شفتي هالكون الوسيع مافيه
ربع مافيني

أي والله صج
يعني صج

مافيه ربع مافيني

مافي حد للي فيني

ليش ماتطيعيني

-----
انا واصل لحدود الألم
لاتلومني
مع كلامك
مافي عقل يبقى


خلني اعيش بحروفك
اسمع نبضك وأشوفك

اخذ من شوقك
واعطيك شوقي
يمكن يطيب جرحي
يمكن أداوي حروقي

---
ماخسر من طاع حبيبة
شكثر شايلك طيبة

أي والله شايلك
طيبة مالها حدود
كل يوم بقلبي تزود
مافي شي فيني
بس إنت وحدك موجود

----
إنت غير

`~MnO YeNSa! ~` said...

العنوان بروحه
نص متكامل

..

وايد
عورني
قلبي


شفتي هالكون الوسيع
مافيه ربع مافيني
طيعيني


عقب النص
تنهدت
حيـــــــــــل

مس مشاعر مرت فيني

و اللي يكسر قلبي
شعوري الفقد
الندم
اللي كلنا نحسه
بعد هالنص الرائع

5roofa said...

صح لسناك

امبي لي اخر البوست و انا ابتسم

مشالله كلامك يشرح النفس

thanks

salamz...

mellow said...

كل الردود قامت تِشْعَر و آنا إنربط لساني :)

كل إلي أقدر أقوله الحمدلله إن بقى ناس رومانسيين بهالديرة

طمنتني

Mamloo7a Q8ia said...

شكثر شايلّـك طِيبــــــه
تفيض من روحي ينابيع
شفتي هالكون الوسيع
مافيه ربع مافيني

عقب هالحجي وما تطيعك
صعبه يا وخيي
لازم تطيعك

Barrak said...

Mok

صح بدنك ياصاحب التعليق الاول

Najmah said...

بورّيك عالم جديد بتفاصيله
نهاره مختلف عن ليلـــــــــه
نجومه بياضها غير

ياسلااام
بعد هالكلام
لازم تطيعك :))

Super Woman said...

الراوي براك ...


تحيه طيبه وبعد ..

ابدعت باقناع حبيبتك
شرحت وفصلت

شفتي هالكون الوسيع
مافيه ربع مافيني
طيعيني



انت اللي فيك
ابداع شاعر


:)


طاعتك ؟؟

~warda~ said...

طيعيني
من غيره قلبي يهديك دقاته
من غيره أنا يهديك حياته
ويعلمك تفاصيل حنيني
طيعيني


عزيزي براك

كلمات من الرقة والعذوبة
ما يسافر معها الخيال
ويرغب بالاستسلام لها دون مقاومة


براك
أكيد بتطيعك

Anonymous said...

امتنع عن التعليق لكون الخطاب موجه للجنس الناعم :)

enter-q8 said...

بورّيك عالم جديد بتفاصيله
نهاره مختلف عن ليلـــــــــه
نجومه بياضها غير
عالم منبني عالخير

وينه يا براك وينه

DanDash said...

روعة يا براك

Kuw_Son said...

طيعيه يا بنت الحلال .. تراه خوش واحد

Doaa Ebrahim Aaql said...

كيف لا تطيع
مع كل هذا الحب
والنقاء
والخوف عليها


لابد وان تطيع
ذات يوم

.
.


رائعه معانيك عزيزى


دُمت بكل ود وابداع

Noor said...

شفتي هالكون الوسيع
مافيه ربع مافيني
طيعيني

الله

فعلا مبدع

وليش ماأطيعك كل هالحب و الطيبه
اكيد بطيعك

:)

بوست مبدع كالعاده

دمتـِ بخير

Anonymous said...

طاعتك عاد عقب هالكلام؟

: )

charisma said...

الله يا برااك الله

ابى احد يقولى جذييييييييييي
://

ابى احس هالشعور واعيشه


البوست كوم والعنوان بروحه حكاايه
مبدع اسم الله عليك

Shaima'a Alkandari said...

براك

الحين اللى يقرا كلامك شلون مايطيع حروفك

اللى مايطيع يضيع وانا وخيتك

الله عليك وعلى حروفك ياخوي صج مبدع

قلم حبر said...

:)
العنوان روعة
وااااااااااااو
والبوست اروع
:)
بعجر اللسان عن التعبير وبجف فلمي من المدح

esTeKaNa said...

حسيت بنبض قلبها الخايف
وبعينها الولهانه به تناظر
على طرف هالحياة وبعيده
تخاف من لحظة بقلبها تغامر
!!
تسمعه بقلبها
للدنيا بياخذها
وبالفرح يوعدها
وبطيعيني يقنعها
يا زين احساسه
ويا فرح قلبها
كل مابينه وبينه خوف لحظة
بيعدي
ويختفي
وبتعيش بتفاصيل حنينه
:)
بس ها؟
هالله هالله بالأمانه
يوم أمنتك بقلبي
هالله هالله بالأمانه
:)
خووووش بوست كعادتك


صباح الاحساس كله
وصباح خشيم الفار واخيه
:)

Barrak said...

صبا

هلا بصبا

وجودك هو اصل الرقي

فيه بعد كلمات ادق واكثر بس مخشوشه للديوان

Barrak said...

عذبه



سيدتي العذبه


أنا أول من عرف قلبك
وأول من سمع نبضك
وأول شخص لك إشتاق


هذي فيها 7 قصايد بروحها


انسيابية الماء على التعب
هذي قصيده خالصه

سأعترفلك بسر

من هواياتي قراءة ردودك على التعليقات في مدونتك


صج عذبه

Barrak said...

lawyer


مرات اختيار الوقت يكون له دور في ابراز القصيده


ها بشريني عسى عطلة نهاية الاسبوع كانت ممتعه

لالاتحاتين طاعتني


وان ماطاعت

نعرض الامر عليك



اشكرك

Barrak said...

الزين

هالاحساس اعرفه

لما الواحد يقراله بوست او كلام معين ويحسه
يحس انه انكتب عشانه

ترى مو سهله هالايام نلقى واحد يقرا ويحس ويتعمق بالمعاني

اشكرك يالزين وايد

والله لايحرمك من احساسك الراقي
ويبعد عنك الليالي المؤرقه

Barrak said...

7osen

استاذي العزيز

تصدق لو يطلبون مني اني اشرح كل بيت ماراح اشرحه بنفس طريقتك

تصدق من شرحك كانك انت اللي كتب مو انا


والله انت اللي غير

Barrak said...

منوينسى



هلا فيك اختي

الشاعره

هذا النص بالذات غير

لان كلامكم كلكم هالمره غير

الله لايحرمني منكم

Barrak said...

5roofa

الابتسامه دليل على فهم معاني الكلام


من غير امبيه

مشكوره


اللحبن انتي عندك شغلتين

امبيه
وسلامز

Barrak said...

mellow

اشكرك على وجودك الاول سيدتي


ولاتحاتين الديره ماتخلى

عجبتني كلمة طمنتني

Barrak said...

Mamloo7a Q8ia


شقول


كل اللي اقوله ان وان ماطاعت

يكفي ان هالكون مافيه ربع مافيني

Barrak said...

Najmah


ياسلام عليك انتي


مرات الكلام ماينفع

Barrak said...

ShLaLaT

اللي فيني انا مشاعر كبيره واحاسيس من كثرها تخوف

براكين من اللحظات بحاول اترجمها


بس المشكله ثلاث ارباع ترجمتي مو مفهومه


مرات احس ان لي عالم
محد يفهمه الا انا



الحمد لله والشكر

بالنسبه لسؤالك

بدون تعليق

Barrak said...

~warda

تصدقين

بعد كل هالكلام

احس اني ماشرحت تفاصيل حنيني بالضبط

كلامك كبير علي ياورده

Barrak said...

مُحَسّدْ

وشاللي ذابحنا غير الجنس الناعم


لاتصير عنصري

Barrak said...

Enter-Q8


هذا العالم ماتلقاه الا عندي


مرتب فيه كل شي


عالم عليه ماركة
صنع في براك




تبي نمونه

Barrak said...

DanDash

اشكرك سيدتي الراقيه

Barrak said...

Kuw_Son

اي والله خوش واحد

بس ماعنده شعر

Barrak said...

princess dodo


اسعد كثيرا بوجودك سيدتي


فعلا ستطيع ذات يوم


شكرا على كلامك الراقي

Barrak said...

Noor


هلا بنور

من زمان ماشفناك


اي والله مافيه ربع مافيني



اشكرك

Barrak said...

Mai



تبين الرد


شلون ماتطيع بس

Barrak said...

charisma

تبين احد يقولك جذيه


حتى انا ابي


احنا نصبر واللخ يكتب اللي فيه الخير


شدراك


اشكرك

Barrak said...

Shaima'a Alkandari


اختي العزيزه


ترى سهل الكلام انه ينقري

بس الصعب انه ينحس


احمد الله ان فيه ناس تحس نفسكم للحين


اشكرك

فراوله said...

مساالورد والجوري
مساالتفاصيل الامتناهيه
مبدعنا الراقي
شلون ماأطيعه
وهو النبض للروح
والآمان للخوف
والشعور بالوجود
باختصار
هو نور العين
...
بذمتك عقب كل هذا
ماأطيعه
؟؟؟؟
دمت بدفء وعذوبه
ابدا
:))

linda said...

ينتابني شعور جميل حين أقرا كلماتك


دمت لنا

قلب طفله said...

اللي يحس هالكلمات يا براك

غصبا عنه بيطيع :)

روووعه كالعاده

تسلم ايدك و احساسك

Barrak said...

قلم حبر

أشكرك سيدتي

هذا من ذوقك الراقي

Barrak said...

esTeKaNa

يقول عبدالمجيد


انت محبوبي بحق وبلانزاع
من يدي ويش انزعك
بعت لك حريتي اللي ماتباع
دوم امشي واتبعك
ماافترق عنك بنانه

تخيلي بنانه



ياحلو كلامك يااستكانه
بس هذا اللي اقوله

Barrak said...

فراوله

اشكرك ايتها الراقيه

فراوله


وجودك يسعدني

لاتغيبين
انزيــــــــــــن

Barrak said...

linda

ينتابني شعور اجمل

عندما المح ردا منك سيدتي الراقيه

اشكرك

Barrak said...

قلب طفله

انتي اللي تسلمين ياسيدتي
مشكوره
واشكر قلبك