أقدر ؟
آخذك من الدنيا وأطير
أقدر ؟
أسلّم بيدك المصير
وأخلي الدنيا إنت وبس
النبض وكل شي ينحس
وتصير الكاين والمقدَّرْ
أقــــدَرْ ؟
ممكن آخذك من الزمن وأوايهَه
وتصير إنت العين بمايهــــــــا
وتكون تفاصيل الشــــــــــوف
وأشيل يوفي وأخليك اليوف
تصدق اللي يعرفك
يحرم عليه يتكدر
أقدر ؟
19/06/2008
الخميس
33 comments:
وهل هناك رجل يجرؤ على اعتناق ماتقوله..؟؟
**أسلم بيدك المصير..
**اشيل يوفي..
وأخليك اليوف..
!
وتصير انت العين بمايها..
وتكون انت تفاصيل الشوف..
!!
من له الشجاعة..
أن يقول ماقلت..
ان يعترف. امام الملأ..
.انه.. سلم مقاليد امورة لمن امتلكت قلبه؟؟
..
حين قال احدهم في لحظة حب شديدة...انتِ شئ مهم في حياتي..ضحكت هي قائلة انت لست مهما..!!
.انت كل الاشياء..المهمة ....في حياتي..
وهذا هو الواقع.
..بعيدا عن رقعة الشطرنج...ومن يكش الملك..
.هذه هي طبيعة المرأة
..وهذه طبيعة الرجل..كما خلقها الله....
الرجل هو سر المرأة الكاملة..
والمرأة ..
هي احد.... أسباب اكتمال رجولته......
قد يودع في يديها مفاتيح القلب..
و تظل أقفال العقل مهما داعبته امرأة..
موصدة .
و.لا تغادر مفاتيحه جيبه العلوي.
.
شكلي رحت بعيد..
.
لكن خلو المكان اغراني بالفضفضة
...
شكرا براك..
على تدفقك .. شعرا وكتابة..
سحابة زرقاء..
تجدد الروح..
وتطوق... المكان..بالضوء
دمت بخير
الله عليك يابراااك
شهالحجي منين تييبه
اي والله متي بس متي
أقدر ؟آخذك من الدنيا وأطيرأقدر
متي يصير واقع واطير معاها لاعلي مدي
متي؟؟
متي يطبع حبه في قلبي
والمس قلبه الدافي
عيشتني جو يابو عبدالله
خيااااااااال
متي؟؟
:'(
مادري شقول ودي اقول امبي بس احس لوعت جبديك فيها
امبي والله روعه الي كتبته من صج
احساس مو طبيعي عورت قلبيي
:"(
thanks alot
salamz....
بقدر
و ماراح اتحسف
براك كلامك لامس جرح كبير
كبير حيل
كلام يصير و يدور بحياتي
اختصرته انت بكلمتين
براك من كثر ما قريناا الكلام
تعبناا
عندي ملاحظه التاريخ فيه غلط
اظن السنه 2007 يمكن
كلمات رائعة تنقل احساس اروع
:)
تسلم ايدك براك وصح السانك
:)
تقدر يبه تقدر :)))
تدري يا براك
لما الأنسان يحب وما يشوف بهالدنيا غير زول حبيبه
تزهى دنيته .. وتزرق سما نهاره .. وتضوي سما ليله بثرية ترسها نجوم
والوقت ماهو بالوقت اللي خبرك .. الوقت يصير زمن يمر ماتقدر تعده
ومن زود غلاه ما وده يغيب عن عينه
ولو يقولون له : لا غفت عينك تشوف حبيبك .. ينام طول عمره
ان شاء الله تقدر ..
التاريخ يقول انك كاتبه في شهر ثمانيى الياي
:P
ابيك تكتب شي عن الغبار
كل منا يقدر....ولكن يهاب
يكتفي بتفاصيل العتاب
فـــيٌ المحبة دومه سراب
الوله و اسباب العذاب
وايد هزني النص
مشكور
ليش ما يزورونا؟
لما قريت كلماتك تذكرت اغنيه سليمان الملا اخاف عليك
احس فيك رومانسيه مفرطه هالأيام !!؟
:)
يعطيك العافيه
أقدر ؟
أسلّم بيدك المصير
وأخلي الدنيا إنت وبس
النبض وكل شي ينحس
وتصير الكاين والمقدَّرْ
عزيزي براك
احساس عذب آسر للمشاعر
ما اجمل الاستسلام لهكذا حب
تقدر اخوي براك
رولا دشتي مو احسن منك :)
عَذبة
سيدتي صاحبة التعليق الاول
مهما حاولت ان ارد عليك بلقة عربية فصحى وانافس تلك الجمل الرائعه لا استطيع وإلا تدرين شلون اقوله بالكويتي
مشكلتي موضوع اللامحدود
لامحدوديه بالحب في كاين ومقدر
وفي حياتي عموما
يمكن اكون مينون
بس صادق
تطوق المكان بالضوء
هالجمله الللي انقالت منك
كتبت فيها للحين ثلاث قصائد
اشكرك
صبا
انا منين اييب هالحجي
سإليه اهوا من وين ييبني
تدرين متى
ماادري
5roofa
هالمره بس امبيتين
لا فيه تحسن
سلامة قلبج
lawyer
انا اختصرت لحظه
فيه مرات اساله من كلمه وحده
ماتنقرا تنشاف
سلامتكم من التعب
شكرا للتوضيح
مع ان 2007 اقل سنه كتبت فيها
وأشيل يوفي وأخليك اليوف
تصدق اللي يعرفك
يحرم عليه يتكدر
تدرى شكثر احس بكلمه اليوف لما اقراها ولا اسمعها
ااخ على القدر بس
الله كريم
مساالورد والجوري
مبدعنا الراقي
لكلماتك فلسفة تستقر
باقصي مدي بالقلب
وماتتزحزح منه لو شنو مايصير
لانهاتنحس قبل ماتنشاف
:))
ياريت بايدينا تغير مسار ذلك القدر
وتملك ذلك الشي الرائع الذي أصبح
سر من أسرار استمرارنا بهذه الحياة...!!!؟؟؟
بس شنقول للكاين والمقدر
):
دمت بدفء وعذوبه
بقدر أجمل من الجمال نفسه
ابدا
:))
كم أشتقت لهذا المكان
ودفئه
أعذر انقطاعي
:)
براك انت راقي
بجيتني
تدفق الشعور يدل على سهولة الاحساس بمن حولك، وهذه صفة جميلة تحوي الكثير من القدرة على التفهم وحل المشاكل والمساندة لمن يحتاج المساندة ربي يزيدك من فضله اخوي براك، آمين
Blog 3amty
اشكرك يبا
تهقى اقدر ؟
DiLLi O MiLLi
احب تعابيرك
دافيه واضحه حساسه راقيه
مثلك
Kuw_Son
كبرنا ياخوي ماقمنا نثبت
السموحه
Eng_Q8
كتبت بس اخاف يبوقون البلوج بعدها
منو ينسى
اشكرك لانك راقيه اكيد النص حسيتيه
ليش مايزورونكم ؟
يزورونكم بس مايعلقون
لكن اللحين غصب عليهم يروحون ويزورون ويعلقون
شتبين بعد
ShLaLaT
الله يابومعاذ سليمان الملا
احب اغنيته جزى الله منهم
الرومانسيه هاللايام واصله حدها
الحمد لله عالنعمه
~warda
ماأجمل تعمقك في هكذا نص
اشكرك ياورده
مُحَسّدْ
انا ترى احب رولا ليش ماادري
بس احس ان كلامها موزون وفاهمه
هذيك قالت بنقدر
انا قلت اقدر
charisma
شفيه القدر
الله يعينج عليه
فراوله
معذوره يافراوله
انتي اصلا في غيابك استعد لتعليق حساس جميل راقي مثلك
اشكرك
darkness
اسف
وماعليج زود
salman almulla
الله قريت تعليقك اكثر من مره
كل هذا انا
اشكرك وايد
Post a Comment