Saturday, June 14, 2008

فلوس



الفلوس

شنهي الفلوس

إهي كل شي؟؟

إهي زاد الحي؟؟

إهي الدمار

اهي العار

اللي يسحرنا شوي.. شوي

ويغيّر النفوس

الفلوس

شنهي الفلوس

،،،،،،،،،،،

نقدَرنصنع فيها صِحِّـــــــه؟؟

يقدر الواحد يطيّب جرحه؟؟

تقدر ترد الغايب

تقدر تجمِّع حبايب

وترِد العيوز

عروس

الفلوس

شتسوي الفلوس

،،،،،،،،

مصدر للسعاده وإلا وسيله

تخلي النفس بخيله؟؟

وإلا تعلمها الكرم

وتبني ماإنهدم

وتضحّك وجهٍ

عبوس

الفلوس

شقصة الفلوس

،،،،،،،،،،

فيها خير ومنها فايده؟؟

تغيِّرنا لو صارت زايده

تغمــر بيوتنا  وحنان

 تغيِّر معدن إنسان ؟؟

وتقلب الرياييل

؟؟؟؟؟؟؟؟

فلوس

وياطلاّبة الفلوس

،،،،،،،،،،،،

تعمِّــــر ديار وإلا تدمّرها

تزعِّــل الناس وإلا تسرها

 تهدي للجيل أمنياته؟؟

وإلا تخليهم شماته

ويطقطقون روس

الفلوس

شنهي الفلوس

9/6/2008
الاثنين

81 comments:

كويــتي لايــعه كبــده said...

صح لسانك

الفلوس بحد ذاتها ما هي المشكله

ناس فلوسها طافحه وتعمل اعمال خيريه وتخاف الله والناس تحبها وتحترمها

وناس حفاي وهي نفس خايسه وهي جمبزه وهي اخلاق معدومه

انا اشوف الفلوس مجرد "مكبر" لشخصية الفرد. اللي داخله زين يكبر واللي داخله شين يضهر.

9ahba'a said...

وصخ دنيا

صح السانك

(روح) said...

>>>

ما أعرف..


بس لو بترد صحة
ردت صحة جنتي



شكرا براك

enter-q8 said...

الفلوس صارت تشتري النفوس

يالبرك

متى تنزل ديوانك

تراب الكويت said...

الإجابة تختلف

يحددها شي

منو إنت ومنو فلان
ومنو مو يعني باسمك
منو هذي بروحها سالفة

"
:)

Peace said...

الفلوس

ما نقدر نعيش من غيرها
واذا امتلكناها
نطمع
ونطلب المزيد

darkness said...

شنو اهي الفلوس

اهي السيد الامر للعبد اللي يلهث وراها

اهي اللي تشتري حتى النفوس

اهي اللي تخلي الواطي يامر

اهي اللي تقلب كل الموازين

اهي اللي تحرم على الكثر من الحصول على احتياجاتهم الاساسيه للحياه

هذي اهي الفلوس

تحكم و تامر

Dana said...

iL.Flous t`3ayer il.Nfous

bs mu shar6

nice :)

Mamloo7a Q8ia said...

اي والله يا وخيي شنهي الفلوس؟؟
الفلوس في هالزمن تغير النفوس
النفوس المريضه ..النفوس اللي بعدت عن ربها
والفلوس نعمه للي يحمد ربه عليها ويصرفها فيما يرضي الله
الناس مع الاسف يا وخيي الغالي قامت تتذابح والسبه الفلوس

وتسلم ايدياتك على هالكلمات الحلوه
الله يحفظك من شر الفلوس
ويعطيك كل خير الفلوس

Anonymous said...

الفلوس تغير نفوس الطارئين عليها

Kuw_Son said...

و الناس إليا بغيت تعرفها ارم الفلوس

للشاعر ناصر الفراعنة

Anonymous said...

بو خشيم الفار

لو مو هامتك الفلوس عيل لا تداوم

The Simper said...

mo bas salfat floos..
salafat nfoos ridiya!
yimkin 7itta bidoon floos ekonoon aswa2 ba3ad..
bas lefloos zadat el 6een balah!

lawyer said...

نقدَرنصنع فيها صِحِّـــــــه؟؟

يقدر الواحد يطيّب جرحه؟؟

تقدر ترد الغايب

تقدر تجمِّع حبايب



لاااااااااااااااااااااوالله ما تسبب سعااااااااااااده
ولا اتييييييييييييييييب صحه
ناس تسسسبح بالملاين بس هادها المرض

وووووووومفرقه حبااااااااايب
و متعبه ناااااااااس


اشسويت الفلووووووووووووووووس


مالها طعم اذا الهم ترس القلب
ولا لها طعم اذا مالك خلق شي بالهدنيا



لا ترد عنك مرض
ولا صحه

ولا اي شي





هي وسيله وليست غااااااااايه



بس الناس صارت وصخه

DanDash said...

الفلوس تعمي العيون و تمحي قلبك و تنسيك أهلك وممكن تبيعهم لمجرد جم صفر زيادة في حسابك
تغريك و تعميك و تبعدك عن أغلى الناس و ماتنتبه لين ما ينكسر كل شي و صعب انك تصلحه

هل النوعية من البشر اسفة على هل الكلمة أحتقرهم









بعيد جدا جــــــــــدا عن الموضوع

ترى فلونة حلوة انتو بس فهموها
ترى البنات لهم سبع ويوه يعني تخيلها الحين يمكن خشمها تعدل و عالجت ويها و راح النمش و صبغت شعرها شبتكون؟

Barrak said...

كويــتي لايــعه كبــده

صح بدنك ياخوي

مابغينا انتشرف بوجودك


الفلوس مجرد مكبر




انت اختصرت كل اللي قلته بهالجمله

Barrak said...

9ahba'a


هالايام ان قلنا هالجمله يقولون

حجي فقاره



شرفتيني

Barrak said...

روح



مايرد صحتها الا الدعاء

رربك ارحم بعباده



ياروح

Barrak said...

Enter-Q8

اي والله صدقت


حبيبي انت


الديوان راح يجهز خلال 20 يوم

بس ال
vip

راح يوصلهم بعد 14 يوم


شغالين بالبروفات

Barrak said...

تراب الكويت

منو هذي اهي اللي مخليتنا نروح جفي

Barrak said...

Peace

السؤال هني

شنهي الفلوس

شسوت فينا

Barrak said...

darkness

وجهة نظر احترمها

ولكن السؤال



ليش

Barrak said...

Dana

مو شرط


ليش مو شرط

Barrak said...

Mamloo7a Q8ia

تصدقين


اتضايق وايد لما اشوف بالجريده اعلان من وزارة العدل عن بيع عقار مثلا والخصم بالقضيه اخوان

هني اسب الفلوس

Barrak said...

مُحَسّدْ

والطارئين عليها إكثروا ياحبيبي

Barrak said...

Kuw_Son


صح لسانه


واشكرك


يبتها ييب

5roofa said...

صحححححح لسانك

بس تبي الصج اكره الفلووس
و ما احبهاا

لانها هالايام اهي الي صايرة الناس تحكم على اساسها

شكثر عنده الشخص الناس تحترمه

ولا الاخلاق و الادب و العلم ما ينفع هالاياام

teslam edek

salamz dear...

Barrak said...

outkasty


اولا اشكر مرورك الاول
ثانيا

انا ماقلت هامتني او لا

انا ابي للي فهم ماقلته شرح مبسّط عن الفلوس


حاولت اني افسر واثير امور بسيطه غايبه

والدوام لله

Barrak said...

The Simper

المفوس تردت عشان الفلوس


النفوس الرديه سببها كثرة الفلوس


تخلي الادمي يحوس

Barrak said...

lawyer


موضوع الفلوس موضوع بدا يكون الشغل الشاغل وهذا مو غلط

بس الغلط ان كل مازادت فلوسنا دينار تنرفع خشوفنا على قد الفلس




معادله غبيه لزمن مادري شبنسوي فيه




لوير



اشكرك

Barrak said...

DanDash


مو بس انتي تحتقرينهم


انا بعد

بس المشكله اللي يقدرونهم وايد
للاسف



بالنسبه لفلونه


صدقيني مو بس مشكلتها ببشكلها لا ولالك لوى

اهي مشكلتها الاساسيه انها وايد ملسونه
وعلى دالعونه على دالعونا



شقول غير ياكره فلونه

Barrak said...

5roofa

الناس اللحين طبقوا مقولة عادل المام بمسرحية مدرسة المشاغبين

لما قال

العلم لايكلل بالبتنجان

علم ايه اللي لا يكلل بالبتنجان

انا عارف

yoyo said...

عجبني اللي يقول ما يصير نقول على شخص غني ولا فقير الا لما ينعرض على الله يوم الحساب

الفلوس
نغمة العاصي ونعمة المؤمن

لانه المؤمن يعرف يتصرف فيها والعاصي يبذرها ويتحاسب عليها

مشكو على الكلام الحلو

استاد براك

قلب طفله said...

استغرب من اللي يعبد الفلوس

و يكنزهم على

قلبه و مذابح الاخوان عليها

و خسارة الانسان اخرته عشان

سرقتها بالدنيا

يا ليت يفهمون ان الكفن

ماله جيووووووب


صح لسانك يا براك

وصفت الفلوس في سطورك الرائعه

nEo said...

النارُ آخرُ دينارٍ نطقتَ بهِ *** و الهمُّ آخرُ هذا الدرهَمِ الجاري

و المرءُ بينهما ما لم يكن ورِعاً *** معذَّبُ القلبِ بين الهمِّ والنارِ

GUCCI-q8 said...

تسلم بو عبدالله

وما هي الا متعة لنا وللاسف جعلناها

نقمة علينا

بس شتقول

"بو طبيع ما يوز من طبعه"

sologa-bologa said...

قالها الله يرحمه

المال عبدك وسيدك
قرر مصيرك بيدك
يا تصير عبده تنهان
يا تصير سيده تنصان
المال له ألف سلطان


ودمتم بحب وود

Super Woman said...

اخوي براك


الفلوس تغير النفوس



!!

عــــــابره said...

صدقت .. وصح لسانك

الفلوس صارت حياتنا وصاروا الناس يطلق عليهم اسم

مادييييييييين ..

مع الاسف الفلوس صارت هدف كل انسان

الله يكافينا شرها ولايغيرنا

سيدة نفسي said...

:)

لا يسعني سوى الابتسام لتلك الكلمات التي وضعتها لنا في ميزان الحياة

وما بعد ابتسامي ليس سوى أنّات
للأبيات

سلمت يداك

Noor said...

براك

مبدع كالعاده

بس مت من الضحك علي

الفلوس اتخلي العيوز عروس

لوووووووووووول


وبعدين صج انها غايه

بس انا عندي ماتصنع السعاده ولا الحب
ولا الصحه

وصح لسانك
:)

فريج سعود said...

اكثر شي يغث
ان واحد ما يسوى فلس
تشوف الناس حواليه ويطبلون له ويحترمونه
كالعادة مميز يا براك

the.thinker said...

اقرأ عن العلمالية !!

يمكن تتغير وجهة النظر

شكرا لك

Selezya said...

حسب الانسان اللي عنده الفلوس

وايد اللي عندهم وخايفين ربهم ولا صار فيهم هالاشياء

بس الاغلب تصيبهم الامراض اللي ذكرتها بكلماتك

قلم حبر said...

احلى شي انها ترد العيوز عروس :)
صح السانك
بصراحة براك ماشالله ماشالله المدونة مالتك روعة وما تنمل كلش ملش
:)
keep it up bro :)

Anonymous said...

ايييييية يا البرك


والله ما ادري شقولك


صعب صعب اللي كتبت عنة اليوم !!

ماني قادر اجوبك

الفلوس نحبها في اوقات

ونكرها في اوقات

تحسسنا بالضعف في اوقات

وتحسسنا بالقوة في اوقات

تجمعنا في اوقات

وتفرقنا في اوقات

بالنهاية

الفلوس نحتاجها في الدنيا

وماتفيدنا بالقبر

Barrak said...

yoyo

اخوي العزيز انا الى الان ماوصلت لمرحلة الاستاذيه توني تلميذ


كلامك جميل وحسيت انك تعمقت بالنص وهذا الاحساس يفرحني كما هو وجودك

اشكرك

Barrak said...

قلب طفله

اي والله الكفن ماله جيوب

بس منو اللي بيعتبر ويقدر


اشكرك سيدتي

Barrak said...

nEo

انت وينك


شدعوه


ياخي نحتاج وجودك

سير علينا ياهوى


اشكرك على هالابيات

بس منو قائلها

؟؟

Barrak said...

GUCCI-q8

يسلمك

بايدينا نخليها نعمه ونخليها نقمه


اشكرك على مرورك سيدتي

Barrak said...

sologa-bologa

الله يرحمه بس منو هذا

اشكرك استاذي على وجودك

الله يعافي الغبار اللي خلاك تقعد وتعلق

Barrak said...

ShLaLaT

اختي شلالات

انت صح

Barrak said...

عــــــابره

ويــــــــــــــــه

شهالغيبه

مايخالف عاذرينج

بس بشرط ماتعودينها

يسلمك

Barrak said...

سيدة نفسي

انات

اي والله انات

الفلوس هالايام تحكمت بكل شي ببلدنا

انسان يوصل بفلوسه

انسان حرامي وعشان فلوسه يصير اهو الكل بالكل

انات ياوخيتي انات


دائما اتشرف بوجودك سيدتي

Barrak said...

Noor

اشكرك يانور


مع ان هالايام عمليات التجميل مسويه الهوايل الا ان العيوز تمش بوزها ماتصير عروس


على فكره في هذا الشطر كانت هناك جمله الغيتها

وهي عكوس

ومفردها عكس


الا تعرفين شنو العكوس ؟؟؟


اشكرك اختي

Barrak said...

فريج سعود

حبيبي انت


ترى بوستك اللي فيه منتخب هولندا للحين اقراه


احب قطاتك



عجيب انت



والله يرزقك ويرزقنا

بس مو تتلثّم

Barrak said...

the.thinker


وين اقرا عنها


والحمد لله عالسلامه وين الصوغه

Barrak said...

Selezya

معدن الانسان ممكن تغيره الفلوس



اللي انا اشوفه ياسيدتي ان الفلوس فيها انزيمات شفافه تسيطر على العقل


انا ترى بس ابي 240 الف وبس


وانا اعلمكم شتسوي الانزيمات

Barrak said...

قلم حبر

ههههههه



تهقين ممكن ترد العيوز عروس


اشكرك سيدتي على الاطراء شكرا

Barrak said...

حسافتج يا كويت

انا ماابيك تجاوبني


كل اللي ابيه تسلفني مليون دينار كويتي وبس

`~MnO YeNSa! ~` said...

الفلوس
القروش
المصاري
money
masculin
sächlich
maschile
χρήματα
货币;钱,金钱

بكل لغات العالم
كويتي
عربي
سوري -لبناني
english
french
german
italain
russian
chinese :D
وسيله
فقط

charisma said...

المال والبنون زينه الحياة الدنيا

ما نقدر ننكر انها زينه ووجودها يمثل سعاده
بس مو اهى الاساس بالحياة ولا تصير هم البنى ادم وشغله الشاغل
وتاج الانسان الصحه والعافيه

وصح السانج
:)

'3air said...

وترِد العيوز

عروس

لووول .. أما هالبيت .. غيـــــــر ..

أحسنت و أحسنت أبياتك
:)

mantovani said...

مساك الله بالخير

براك

الفلوس فعلا ساعات تخلي الناس جنوس

اشهر الاخوة الدودكية متان و باينة عليهم النعمة

الله لا يبلانا


مانتوفاني

نون النساء said...

شنهي الفلوس ??


عند المصاروة مثل يقول :

عندك مال إبنك يِتشال
ماعندكشي أبنك يمشي


:P


وأنا أرفض أن يُقال عنه وصخ دنيا
مثل ما نسوي كل ما بغينا نتواضع

الله سبحانه وتعالى : قال انه زينة الحياة الدنيا


فالمال زينة بس اذا صارت
سيد ووالي
تبدأ المشاكل

نون النساء said...

إي صج
سجلنا مع ال vip

:P

Barrak said...

منو ينسى



بكل لغات العالم

ثانك يو
شكرا
قراتسيا
ميغسي
اوكي بابا ( مع هزة راس ) يعني بالهندي

Barrak said...

charisma

انا صح لسانج


مايخالف

بس اكو وحده ينقالها صح لسانج قرعه

مايرهم



اشكرك

Barrak said...

'3air

كل شي بهالبوست غير

يا غيـــــــــــــــــر


اشكرك

Barrak said...

mantovani

مساك الله بالنور


انت من وين مطلع الدودكيه

الله لايبلانا يامعود

بس فعلا الفلوس خلت الرياييل جنوس

وهناك امثله كثيره

لاتخليني اقول عشان لا شسمونه

Barrak said...

نون النساء

كلامك هو عين العقل ياسيدتي


بالنسبه لطلبك انتي ماتطلبين تامرين

سيدتي اسمك موجود من غير طلب


على قولة المصريين احنا بديك الساعه

Barrak said...

نون النسوه


لحظه لحظه

شلون تبيني اضيفج وانتي مو داعيتني لمدونتك


بس هم مايخالف

نون النساء said...
This comment has been removed by the author.
نون النساء said...

والله مسكرتها عن الكل
ان شاء الله لي حان وقتها بطلناها


و مشكـــــــــــوور

*^_^*

Barrak said...

شكرا للتوضيح يانون النسوه

mtfa2el said...

ايييه يا الفلوس
عاد يبيلي جم بيزة حق سفرة تعدل الويه نحشة عن هالغبرة

charisma said...

لووووووووووووووووووول
ههههههههههههههههه
واى برااك موتنى ضحك
السمووحه يا سيد الرياييل انت

ما انتبهت لا تلومنى
فينى هالطياره انا ما اعرف اراجع الى اكتبه ههههههههه

صح الساااااااااااانك
;)

Unknown said...

والله يا البرك قاطع عنك من زمان بس
الفلوس وسيلة وصارت غاية يا خوي وصار الكل يركض من الخبل عاد
يبون الوصاخة

Barrak said...

mtfa2el

ياه تامر امر انت

مع انك غايب صارلك مده بس هم عيوني لك

تبيهم كاش والا شيك

بس تكفى لاتصدق
انزين

Barrak said...

charisma

مايخالف سامحناج

بس موتعيدينها وتخليني افكر بمشكلة الصلع

Barrak said...

Mishari

من ناحية قاطع فإنت قاطع


بس فيك الخير
وهذا المهم