فلونه روبنسون كروز هي أول فتاة أحببتها ، هي بطلة مسلسل كارتوني أعشقه إلى الآن ، دائما أقتني نسخه من هذا المسلسل وسرعان ما تتلف هذه النسخة لسبب أو لآخر ، قبل عام ضحك علي((أو قص علي )) واحد يبيع افلام إشتريت منه شريطا واحدا واستغربت من ذلك قلت له : هذا المسلسل 6000 حلقه شلون كلهم بشريط
قال : ماتخافش يافندم
رحت البيت وإلا الشريط مافيه إلا حلقتين الاولى والاخيره، !!
بالأمس القريب استطعت أن احصل على جميع الحلقات وصممت من جديد أن اعيش طفولتي مع فلونه
ملاحظه : يجب قراءة هذه الابيات على وزن اغنية
على دا العونا على دا عونا
على دا العونا على دا العونا
شقول غير ياحلو فلونه
ابوها روبنسون وياحلو أمها
وأخوها جاك ياحلو أذونه
على دا العوناعلى دا العونا
شقول غير ياحلو فلونه
،،،،،،،
طبّوا بجزيره مافيها بشر
والجو على سفينتهم إسْــتشر
ضاعوا ولا حس ولاخبر
ولا حتى أنباء صغيرونه
على دا العونا على دا العونا
شقول غير ياحلاة فلونه
،،،،،،،،
فلونه شافت حبيبها ميركوري
حلو شعره وجسمه طري
وشعر فلونه جنه كودري
وفيها عيب وايد ملسونه
على دالعونا على دا لعونا
شقول غير ياملح فلونه
،،،،،،،،
بنوا بيت بين الأشجار
وربوّا صخله وأرنب وحمار
ابوها الدكتور يكتب أشعار
وأخوها الثور مبحلق عيونه
على دا العونا على دا العونا
شقول غير ياجكر فلونه
6/6/2008
الجمعه
68 comments:
لوووول
و ليش اخر شي صارت جييكرة عاد
انا كنت احب ليدي ليدي
و نساء صغيرات
و ساااااااااالي
كانو غرااامييييييييييي و للحين اتابعهم واي كارتون اول احلى من الحين
ديجيتال و بوكيمون و مادري شنوو
mashkoor 3ala el post el 5afef
salamz dear...
هاهاهاهاها .. كلش مو ستايلك
انا ليلحين اشوف السنافر و بومبو
هههههههههههههه
حرام عليك مو جيكره تنبلع
و السبه وردتها الحمرا:P
يا حلات فلونه و ايامها
و بالنسبه للاشرطه ملوتها و كل
الببايات اللي على وقتها تلاقيهم
بمحل بالفروانيه اسمه تسجيلات عذاري
كل قديم عنده
تسلم على هالبوست حدي
استانست لما شفت صورة فلونه
:)))
لووووووووووووووووول
هذا وانت تحبها طبيت فيها :)
فلونه يا احلى وردة
وردة جميلة متفتحة
الله
ذكرتني بأيام الطفولة
أنا أقول هذا المسلسل أحلى مسلسل كرتوني
روعة
عجيب الكلام
بس ما ارضا تقول عنها جيكرة
هههههه
لأنها حلوة
من صجك؟
توقعتك الأقدار
العتاوية
محكمة الفريج
فلووللللووووووووونةة؟
:))))
عجبنى الوزن
على دالعونا
لووووووووول
رديتنى لاحلى ايام
ابيييييييه ما صدق
اكو احد مثلي عندنا طالبين من الاترنت انا ورفيجتي جميييييييع الاجزاااااء
لو تشووووووف اشلون انهرب السيديااااات عشااااااان محد يشوووفهم تقوووووووووول افلام اباحيه
لووووووووووول
عجيييييييييييييييييييييييب انت حدك عجييييييب
و الواحه الخضرااااااا تزهو بهااااا و الكل سعدااااء و يحبهاااااااا
فلوووونا اللطفيه ما احلى فلووووووناااا
ابيه ابيه ستروووووو على ماوايهتوووووو فشششششششله ترا
بس تصدق كل مرا اشووف استفيد من وايد اشيااااااء و معلومات
اشلون كنت افهمها و انا صغيره
ششششكلي كنت اتابع و انا مدري شالطبخه بسسسسسسسسس الحين
اسوي تجاااااااااارب
براك ليش طلعت وجهه مني ماكنت احب احد يشووووووووفه
لووول آخر سطر :)
أحب اصدارات ديزني كلها
و بومبو والسنافر :$
مسكينة كسرت خاطري هي
ووردتها
لووووووووووووووووول
شعرها جنه كودري لووووووووووووووول
ضحكتني :)
تسلم ايدك يا حبيب فلونه
اياااااااااااااااااام
ايه
تعرف لما تروح المايه و يطلع الحد
من خبال دركنس و اهي طفله انها تتقمص شخصية فلونه
تحط لها ورده عند اذونها و نشيل شرايط العناقيص و تنكش شعرها و تراكض على الحد
هههههههههههه
امبيه
فضحت عمري
:">
ياحلو فلونه ويا ملح فلونه
وآخرتها يا جكر فلونه
لوووول كسرت فيها
برااااااااك من الونااااسه
رايحه و راده على بووووس فلونا
الموسيقى في بلوقك مو لايقه ويا يا دالعوناااا
لوووووووووول
لوير للمرا العاشره
بيل وسباستيان لا يطوفك :)
اييييييييه
لا تذكرني بالحب القديم
:(حرام عليك فلونه جيكرة
فلووونة يا أحلى وردة وردة جميلة متفتحة . دن دن دن فلوونة يا أحلى وردة وردة جميلة متفتحة لازم بعد دن دن دن
ذكرياااتي كلها مع فلونه ما كنت اتابع اي شي ثاني
ونسيت البابايا الله يزيد النعمه شلون يأكلونها ما ادري و مو قاهرني الا هل الميركوري ينرفز
عقبها بجي مع سالي و صاحب الظل الطوويل
والسناافر طبعا
لحقت على المناهل ولا لا ؟
هههههههههههههه
الله يغربل بليسك يا براك
:D
دخلت علي الوالدة وهي تسمعني أغني على دلعونا
ههههههههههه
تقول علامج خربتي كلماتهــا
:)
براك
:)
الله ذكرتني بأيام
كل ماشوف فلونه مادري تطري علي ريحة مانجا رقي بطيخ شي جذي
الله ايام عجيبه و حلوه
كنت اتابع
ليدي ليدي
سالي
نساء صغيرات
و احلي شي كان
صاحب الظل الطويل
بس الحين الصراحه يكسرون خاطري الصغار شنو يتابعون
ماكو شي سنع كله ذبح و طق و تحول و اشياء شريره
الله يعنيهم
لا شكلي انا بروح اشتري اشرطه و اتابع
احسن لي من هالمسلسلات
:)
لووووووووووووووووووووووول
عجييييييييييبه
هههههههههههه
انا اعشق هاله هذي صاحبه البراري تهبل
اكيد ما تعرفها
بس فلونه ماذكرها عدل
:P
برااك !
فلونة ! فلونة ! فلونة عاد !!!
اضحك عادي ؟ ;P~
لوووووول
(( kila ma6goog said...
من صجك؟
توقعتك الأقدار
العتاوية
محكمة الفريج
فلووللللووووووووونةة؟ ))
بالضبط !! هذي كانت التوقعات لول :P~
أنا كنت أحب أشوف تووتة وبيل وسباستيان وكاليميروو، الله ذكرتني بأيام حدها عجيبة :)
ما أقول غير..
يا محلا العودة إلى الطفولة :) ;P~
دمعة نزلت
الله على أيام الطفولة يا براك
: )
!!
واااااااااااااااي
ايام
,,, فلونه
مو جيكرة
حرام عليك
:P
احبها و اطبق
على شنو مادري ..
احب الاغنيه
وايــــــــــــد
5roofa
اولا اسف على التأخير بالرد
بس راح تعذروني اذا عرفتو السبب
سيدتي صاحبة التعليق الاول
فلونه جيكره رضينا والا لا
كل الكرتون اللي قلتيهم كنت انا كبير عنهم
خبرج صرنا من الشياب
مشكوره على التعليق الخفيف
JuVeNTiNa
ادري مو ستايلي بس لازم اعترف بالحقيقه
الحقيقه ان هالمسلسل وايد اثر فيني
رغم ملاقة جاك وفرانز
قلب طفله
فلونه جيكره لاتحاولون ترزونها
محل عذاري للحين موجود
ويه اذكر قبل كل افلام بورس لي منه
لازم اروحله بس نسيت مكانه وين صاير
لوووول
عطنا شي عن جريندايزر
قلم حبر
دايما اقول للي احبهم
ديروا بالكم مني
شسوي بعمري
7osen
لاتسمعني وانا اغني الاغنيه
اي عبدالحليم اي رويشد
فلونه ترى شي
ومو بس انت ماترضى عليها
خشيم الفار ترى مايرضى
انا حذرتك
kila ma6goog
الاقدار هذي خلصنا منها تربيت عليها
بس كنت اخاف من مشهد عبدالعزيز النمش لما يربطونه
فلونه سنة 1981 كان عمري 7 سنين
كانت ترسم امالي
المسلسل يطرح قضيه مهمه وايد
وهي عدم اليأس من أي شي
وهذا المهم
charisma
انا قايلكم لاتخلوني بروحي اطلع بسوالف عجيبه
حبيت اوريكم نمونه
lawyer
والكل سعداء ويحبها هني تطلع سحبة للكمنجات مو طبيعيه
فلونه اه يافلونه والله عندها جماهير توني ادري
علبالي بس انا اللي احبها
اللحين ترى اغار
عموما خلك جذيه شفتفه قولي اللي تبينه براحه
احسن
لانك اصلا انتي جذيه شفافه
روح
فلونه ماتكسر خاطر احد
شعرها كودري وتكسر خاطرك
عموما ترى اللي كاتب القصه كاتب سويسري
ShLaLaT
ترى مو وايد فهم الكودري
اشكرك
darkness
هذا البوست سوا عمايل
فضح المل
قولوا اللي تبونه اخذوا راحتكم
لوير للمره العاشره
الظاهر يازلك البوست وايد
وين وصلتي اي حلقه
مُحَسّدْ
مااحبه
لااعرف ابدا من اين جاء بيل حالا اليه
فريج سعود
رجاءا هذي حبيبتي
ترى اغار
DanDash
جيكره جيكره ونص
شك شك شك هيا الا المناهل ترللم
هيا الى المناهل
ترى السنافر مااحبها كنت وقتها محول على الصبي الاسود اللي يطلع بمسلسل امريكي
مع بيل كوسبي ايام القناة الثانيه تبطل الساعه 4 وتسكر 8
ماادري ليش متعبين نفسهم
DiLLi O MiLLi
انا ماخربت كلماتها بس حبيت اشطح بافكاري
شسوي
الله يطول بعمر الوالده
مو تقولين براك
Noor
فلونه ريحة منجا
انا احس ان ريحة حلج فلونه ريحة قنفه
من وين مطلع قنفه ماادري
Hahahha :)
زادت المواهب ياخوي يابراك
:)
وقمنا نكتب بالدلعونا
:) ضحكت وايد
زين شريت النسخة قبل لا يمنعها هايف وجماعته !
:P
Blog 3amty
ههههههه
رائعة
ذكرتني بالرزه جدام التلفزيون
حلوه منك
حبيبي .. لحنك مو راكب على الأبيات
:P
أنا عرفت القمندة من أول ما قلت:
ما تخافش يا أفندم
:P
منو ما يحب فلونة !؟!
لو كانت فولنة الحين وحدة بسن الزواج .. جان رحت خطبتها
:P
ينقذك ويدور حولك انه يخشى عليك :)
والله ايام يا براك
أبيات خطيرة و ذكريات أخطر
موأيامي فلووونة كلش.. أنا أيامي رنا رنا أنا رنا .. لول و يمكن ماروكو
أضحك الله سنك -- على قولتهم
أمتعتنا
لوووول والله ضحكتني .. أحس مو لايق عليك فلونه : ))
بس والله خوش بباي على الأقل أحسن من ببايات الحين الديجيتال والقناص ومادري شنو !!
وأخوها الثور مبحلق عيونه
LOOOOOOOOL
موّتني من الضحك لان من صجي قمت الحنها و لا وصلت هالبيت
انت تحفه يا ولد
فلونه اول حب ! لوووول
انا احب وادي الأمان ، فيه وحده اسمها ميّ :D
اهيا على لحن على هونه على هونه
بدوري بدى يمشي و يزينه بعيونه
لوول
Selezya
انا ماوعيت الا على سنان وياسنان ياأحلى الاصدقاء
والملعونه فلونه
وطبعا الرجل الحديدي والغواصه الزرقاء
طبعا الغواصه الزرقاء اكيد تلقين شريطها بالمتحف
LaDY RaiN
الاقدار والعتاويه كنا نشوفهم ومبحلقين عيوننا
مانفهم شي
فلونه كنت اتلذذ بمشاهدتها
كله مطقوق كله يتحرش فيني
كاليميروا اذكره بس توته لا
عموما هذا البوست فيه امور كثيره احسن من الضحك بس
العوده للطفوله احداها
حلوه احداها
اشكرك
دبي
لا يادبي
بعد هالغيبه تردين بدمعه
ان شاء الله تكون دمعة فرح
الله يسعدك
منو ينسى
فلونه ابو الجكر لاتحاولين ترزينها
لو تحط ورده لو تحط خاشوقه جيكره جيكره
وبس
بعد نظر
ماتبين شي عن فضولي
Ra-1
هههههه
سيدة نفسي
ياحلو هالطله
على فكره اول مره تعلقين ببوسط فيه ضحك
مبين انه عجبك
وهذا شي يسعدنا قبل لايشرفنا
منوره
ترى الحر يخلي الواحد يشطح وايد
افكر اكتب بالمغربي
او اليمني
انتظرونا
اشكرك
Blog 3amty
هايف وربعه يقدرون يسوون اللي يبونه
بس مايمنعون عنا الابتسامه البريئه
اهو ده اللي مش ممكن ابدا
GUCCI-q8
والاحلى وجودك
Kuw_Son
دايما تصيدها وهي طايره
بس تهقى لو رحت خطبتها انت ابوها روبنسون بيرضى
مُحَسّدْ
ماأحلاهو هييييييييييي
'3air
لا احنا شياب حتى مسلسلاتنا الكارتونيه غير
ياغير
SHAHAD
كل شي قديم له نكهته
اليديد مو شي كلش
Mai
عطيني جم يوم ولازم يكون الجو مو غبار وانا اشوفلج موضوع علا هونه على هونه
انت لو مسوي هالشعر بلوتوت كان ماقعد احد إلا ومات من الضحك
مرررررة يضحك
youma
اهلا فيك سيدتي
بلوتوث مره وحده
كل مافي الموضوع ان لبراك وفلونه قصه جميله جدا لاتخلو من الظرافه
عجبتني مره
لووول .. ابدعت الصراحع بالكلمات
fatto
اشكرك وشكرا للزياره الاولى
Post a Comment