Friday, June 6, 2008

قايلّــــــــــــَهْ



قايلّّه

لو يروح

يروح عمري كلـــــــَه

قايلَّه

،،،،،،،،

لايفكر يغيب مره

الروح مني إتِّبرّا

ابي يعرف قدر حبه

و يحِن علي قلبه

ويعرف غيبته

أبد مو سهلــــــــــَه

قايله

،،،،،،،،،،

من عُمر وأنا مفَهْمَه

بخفايا أشواقي معلْمَه

يدري إني غير الناس

وإنّي بزود حسّاس

وعيوني بزوله

متكحلــــــــــــَه

قايله

،،،،،،،،

ياخذ القلب ياخذ الروح

ياخذ مايبي مسموح

ماأبي غير أشوفه

ويطمن قلبي بخوفه

يقول : لبيه

لو أندهلــــــــــــــَه

قايله

،،،،،،،،،

 مايباعد عن عيني

كثر ماأمَنِّيه يمنِّينـــــي

يسْمَعني لو ناديتــه

يحس شكثر حبِّبته

وشكثر قلبي من الغلا

شايلّـــــــــــَــــــــــه

قايله

49 comments:

mantovani said...

يسلم لسانك الطيب

و عساه يفهمك

كلمات جميلة مو غريبة عليك

مانتوفاني

(روح) said...

ياخذ القلب ياخذ الروح
ياخذ مايبي مسموح
ماأبي غير أشوفه
ويطمن قلبي بخوفه
يقول : لبيه
لو أندهلــــــــــــــَه
قايله

:)


...

كل مانطق اسمي..
قلت "هلا ولبيه"

تامر على عيوني
وعلى كلي انت تامر

ان قال روحي هنا
هناك مااقول ليه

من قلبي اطيعك
وبرضا الـخاطر
..

تامر من الامر
مو من تامر حسني :$



تسلم يا براك
تسلم على الاحساس
اللي نتعلمه..

الزين said...

كل هالدفا بالمشاعر

كل هالعذوبه

ومطنشك

يبيله قرصة اذن يابراك

:))

مبدع كالعاده

DiLLi O MiLLi said...

يدري حبي غير الناس
يدري اني متكون من إحساس
وعيوني بزوله
متكحلــــــــــــَه


الله الله الله


يا زين نظرة عيونك لو تجي بسراق
تخفي وراها معاني للهوى الشافي

منقول

أنا قايلــــه أشعار براك
مثل نومة القايلــه
قصيرة .. تهدي البال
وتريح النفس والبدن




مشكور اخوي براك

:)

Fahad Al Askr said...

قايله
من يروح
يروح عمري كله

لخصت الفكرة

بدون الكلام اللي وراها

Super Woman said...

لايفكر يغيب مره
الروح مني إتِّبرّا
ابيه يعرف قدر حبه
أبي يحِن علي قلبه
ويعرف غيبته
أبد مو سهلــــــــــَه




الراوي براك

وتسألني ليش انت تروي ؟؟

كنت محتاجه اقرا احساس
محتاجه المس عذوبة كلماتك




براك .. لو انت قايله وقايله ومشى من غير ما يعبرك

ومن غير لا يقدر مشاعرك
ومن غير اي احساس بالذنب


شبتسوي ؟؟ تقدر تحقد عليه بعد ما حبيته ؟
تقدر تزعل من مصدر فرحتك بالدنيا ؟
هالحب كله شراح يصير فيه ؟

راح يتبدل ؟ ولا راح يبقى مثل ما اهو ؟
راح تنتظر رجوعه ؟
ولا تنساه وتكمل المشوار ؟

راح تظل تحبه بعد ما تبهته ؟
راح إتبرا الروح ؟


حروفك تعصف بقلبي
عواصف ما تركد

charisma said...

ولهت على هالمدونه وصاحبها

يدري حبي غير الناس
يدري اني متكون من إحساس
وعيوني بزوله
متكحلــــــــــــَه
قايله

الله يا براك
وانا قايله بلقى الى ابيه فهالمدونه

ان شاءالله تكون بالف خير

9ahba'a said...

نص لمس شغاف قلبي

دمت قريب من القلب

Najmah said...

قايله
من يروح
يروح عمر كله

يروح اوسطه
ويروح آخره
ويروح أوله

صج يروح العمر كله

وتسلم يابراك

قلب طفله said...

لايفكر يغيب مره
الروح مني إتِّبرّا
ابيه يعرف قدر حبه
أبي يحِن علي قلبه
ويعرف غيبته
أبد مو سهلــــــــــَه
قايله

********************

لو مو قايله احسن درى

بغلاه و قام يتغلى بزوود

كلمات تتغلغل بالمشاعر و تنفضها

تسلم يا براك

صبا said...

برااااك بس عيوني انشفت والله
:(((

قايلّّه
من يروح
يروح عمري كلـــــــَه
قايلَّه
،،،،،،،،
لايفكر يغيب مره
الروح مني إتِّبرّا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
اخ عليك يابراك
قلبت علي المواجع
ادخل مدونت نجمه اتعب اطلع منها وادخل عليك
اتعب اكثر
والله هالاسبوع بسميه
اسبوع الحزن
بس هم روعه

تراب الكويت said...

يدري اني متكون من إحساس




بروحها تنفض غبار الالم
لمّا يلفّك
بروووووووووووووود
المشاعر


--
لو فيه احد يستاهل

:/

5roofa said...

تسلم ايييييييييييييدك

امبي القصيدة رووووووووعه والله ولا لمة تقول


ياخذ القلب ياخذ الروح
ياخذ مايبي مسموح
ماأبي غير أشوفه
ويطمن قلبي بخوفه
يقول : لبيه
لو أندهلــــــــــــــَه
قايله

امبي روعه من صج

تسلم ايدك

salamz....

7osen said...

من عُمر وأنا مفَهْمَه
بخفايا أشواقي معلْمَه
يدري حبي غير الناس
يدري اني متكون من إحساس
وعيوني بزوله
متكحلــــــــــــَه
قايله

هالمقطع هذا غير طبيعي

من زمان قايلك
إنت تتكلم بلسان مشاعرنا

وترسم بكلامك العذب أحلى وأنقى الصور

أستمتعت بكلامك حتى الثمالة

تسلم هالمشاعر يالبرك

Mamloo7a Q8ia said...

وليش ما يسمع الكلام
مادام انك قايل له

قايلّّه من يروح يروح
عمري كلـــــــَه قايلَّه
لايفكر يغيب مره الروح مني إتِّبرّاابيه يعرف قدر حبه أبي يحِن علي قلبه ويعرف غيبته أبد مو سهلــــــــــَه قايله

اي والله يروح عمري كله
تسلم يا وخيي على هالابداع

فراوله said...

مساالورد والجوري
مبدعنا الراقي
بذمتك دامه سكن
بذاك الصندوق المخشوش
باقصي مدي بالضمير
شلون لين راح ماياخذ
الروح
؟؟؟؟
دمت بدفء وعذوبه
ابدا
:))

Nany said...

مساء الخير
اول شي تسلم اناملك على
هالكلمات وبصراحه انا راده
بعد غيبة طويلة بس
مايمنع اني اقولك
انك مبدع بهالبوست

Selezya said...

ههههه مادري ليش قمت اضحك يوم قريتها حبيتها حيل فوق ما تتصور

جد عجيبه :)

وصــح لسانك

Ra-1 said...

wow 3ajeeba :)
ولو إن كلماتها تعور القلب!

~warda~ said...

قايلّّه )
من يروح
يروح عمري كلـــــــَه
قايلَّه
،،،،،،،،
لايفكر يغيب مره
الروح مني إتِّبرّا
ابيه يعرف قدر حبه
أبي يحِن علي قلبه
ويعرف غيبته
(أبد مو سهلــــــــــَه


عزيزي براك
كلمات عذبة .. تدل على رهافة
احساسك
غياب الحبيب توقيته مختلف
جداً .. فالثواني فيها ساعات
وساعاتها أيام
وروعة احساسك لا تجاريه كلمات

`~MnO YeNSa! ~` said...
This comment has been removed by the author.
`~MnO YeNSa! ~` said...

يدري حبي غير الناس
يدري اني متكون من إحساس
وعيوني بزوله
متكحلــــــــــــَه
قايله


الله الله
يا براك

كما عهدك ارقى من الرقي
بحد ذاته
احبت بساطتك الصعبة

GUCCI-q8 said...

يعطيك العافية
حلوه وايد

Barrak said...

mantovani

يسلمك حبيبي

ياصاحب التعليق الاول

مو يمكن اهو اللي يقول عني قايله


شوفها جذيه


ماتطوفك هذي ياخوي

Barrak said...

روح

اللحين عقب هالكلام الحنين

فجاة تامر حسني


ترا صج ماأحبه



بس هم اشكرك

Barrak said...

الزين

مو يمكن انا اللي يبيلي قرصه ؟

اشكرك ياراقيه

Barrak said...

DiLLi O MiLLi

الله على كلامك ووجودك

تسلمين ياوخيتي

Barrak said...

Fahad Al Askr

انت صح

بس اهو اللي قايلي

الحارث بن همّام said...

يقول : لبيه
لو أندهلــــــــــــــَه
قايله



ههههههههههه .. حلو :)

قلم حبر said...

ياخذ القلب ياخذالروح
ياخذ ما يبي مسموح
:)
صح السانك براك

Barrak said...

ShLaLaT

اولا اشكرك سيدتي

ثانيا الله يبعد عنك العواصف او يهديها

ثالثا اهو اللي قايلي مو انا اللي قايله

وعموما اللي يتعلم يحب
ملزوم تتطبع فيه الطيبه

Barrak said...

charisma

حتى المدونه ولهت عليج
حياج الله ودمت بالف خير وعافيه

Barrak said...

9ahba'a

الله ياصهباء

شهالتسيوره الحلوه

كلامج وحضورج يونسوني



اشكرك

ايتها الغائبه الحاضره

Barrak said...

Najmah

اي والله يروح العمر كله


لابد من الواحد انه يشرح الحاله اللي يمر فيها بواقعيه وبصدق

انصاف الامور ماتمشي


اشكرك

Barrak said...

قلب طفله


قصدك لو مو اهو قايلي جان عذرت نفسي بس قايلي




الحلو بالموضوع مو القصيده ولا لحظاتها الحلو ان انتو تقرونها غير وتبحرون بمعانيها هذا اللي يخلي القصيده حلوه


اشكركم واشكرك

Barrak said...

صبا

سلامتك من الحزن


ترى شي يفرحني لما احس انكم تأثرتوا بحاله معينه او لحظه اشرحها

بس اللي مو حلو دموعك

يالله تتبدل دموع حزنك بدموع فرح


والا فرح من غير دموع

اشكرك

Barrak said...

تراب الكويت

وانا ادري انك متكونه من احساس

واحساس راقي بعد

اختي العزيزه فيه وايد يستاهلون

بس المشكله ان القلوب السوده والجامده اهي اللي بالواجهه
نصبر

Barrak said...

5roofa

يسلمج اشكرج اختي العزيزه


الروعه وجودك

Barrak said...

7osen


مفهمني ومعلمني وادري ان عيونه بزولي متكحله


بس مرات الواحد من كثر مايعرف غلاته بقلب محبوبه يتغلى


اشكرك اخوي الحساس

Barrak said...

Mamloo7a Q8ia

انا اللي مااسمع الكلام مو اهو

وعموما بعد يومين سمعت الكلام وصرت خوش واحد


اشكرك على وجودك اختي الرائعه

Barrak said...

فراوله

ياحلو كلامج

اي والله صندوق مخشوش

لا ومبيت ومزركش الوان الطيف


اشكرك يافراوله

Barrak said...

Nany


الشمس من وين طالعه اليوم


شخبارك

وشلونك

والله وفيج الخير


تفرحني هالطله

Barrak said...

Selezya

ناس يقرونها ويبجون

وناس يقرونها ويضحكون

عيل الاكيد ان الكلام لامس شغاف القلب مثل ماقالت صهباء


لوما انتو ماكان هذا الكلام

اشكركم واشكرها واشكرك

Barrak said...

Ra-1

اشكرك ومشكوره على المرور


وما كتب بصدق يصل للقلب بسهوله


شكرا

Barrak said...

~warda~

كلامك كبير علي ياورده


عموما انا دايما اقول احنا انتعلم منك


اشكرك

Barrak said...

`~MnO YeNSa!

عجبتني بساطتك الصعبه


دايما اكرر لوما وجودكم وتعليقاتكم ماقدرت اكمل واوصل للرمحله اللي انا فيها


ماادري ليش صدقت كلامكم ونويت اطلع ديوان بسمي


كله منكم


اشكركم

Barrak said...

GUCCI-q8

يعافيج
عيونج الحلوه

Barrak said...

الحارث بن همّام

حلت دنياك حبيبي


تسلم

Barrak said...

قلم حبر

اي والله مسموح
صح بدنك