رد نام لاتخاف
هذي شهقة عمر
رد نام لاتخاف
هذي ضيجه بالصّدر
لاتحاتي
كمل الأحلام
رد نام
....
....
فزّيت من ألم بصدري
خوّفتك حبيبي أدري
بس مو بيدي آسف
مثل ماإنت شايف
عمرها مارحمتني الأيام
رد نام
....
....
يوميّه هذي حالتي
ماأتهنى بنومتي
أفزع على صوت أنّاتي
لاتحاتيني ياحياتي
تدري إني مغرم آلام
رد نام
66 comments:
سم بالله و رد نام الله يخليك :)
الله
مغرم ألام
مو بيدي أسف
مثل مانت شايف
عمرها مارحمتني الأيام
روعة
العنوان بس يخلي الوحد يحس بكل شي
الألام سر من أسرار الحياة
مايعرف معناها إلا إللي يحس فيها
صورتها بطريقة مبدعة وبلغتك اللى مافي منها
براك
حبيت هالقصيدة وقريتها بوقت محتاج اقرا فيه شي من هالنوع ومنك إنت بالذات
لأنك غير
شكراً لك لأنك حسستني بألامي
شكراً من القلب
تمنيت أفلتر لك احلامك
أشيل أحلام و أزيد أحلام
و أمحي هموم ناشبتك حتى بمنامك
و أتم أداريك و أحرسك طول لايام
تسلم ايدك و صح لسانك
مبدع على العادة :D
يسلموووو
خخخخخخخخخخ
شادية تقول
الألب يحب مرة ميحبش مرتين
بس انا اقول نكسر القاعدة
مغرم آلام .. بس خل نتفه عونه تفاؤل
عشان نقدر نعيش
:(
شهقة عمر !
بس شهقة بالصدر؟
بس؟؟؟
يا قو قلب اللي بيرد
ينام!!!
و من فينا هالليلة ينام :(
براك شفيك متغير ؟؟
مغرم آلام مره وحده ؟؟ يا حافظ يا عقايل الله
الله يبعد عنك الآلام
ويخليك تتهنى بالمنام
وتحلم احلى الأحلام
بعد شتبي ؟؟ دعاء من القلب
سلامات
سلامة قلبك
رد نام والخير فالك
مغرم آلام
هذيلي الكويتيين
يصوتون بعدين يتحلطمون على تصويتهم
..
..
:)
بحروفك
حليت الآلام
تسلم الأيادي يا بوعبدالله
تعوذ من ابليس
حمام دافيء يفي بالغرض
Kuw_Son
سيدي العزيز
صاحب التعليق الاول
اول شي الحمد لله على السلامه
ان شاء الله بنام
وانت نام وكمل الاحلام
اشكرك
7osen
مو بيدي أسف
مثل مانت شايف
عمرها مارحمتني الأيام
لما الواحد يفزع من نومته موبيده
ولابيجه رحمة الايام
العنوان كان عاشق الام
بس لما كتبت ياحياتي
قلت مغرم اعمق
الالام سر
من اسرار الحياة
هالكلام مايحسه إلا اللي متألم بذمه
بالنسبه لاخر جملتين من تعيقك استاذي العزيز
قريت هالجملتين
وقبل ماأشكرك على كلامك بقولك ان اخر جملتين خلتني اكتب
قصيده ان جاز التعبير
اسمها
لا حس ولا خبر
وعشانك انت
باهديلك مطلعها
وانتكتبت ترى قبل 5 دقايق
مر اليوم
وأنا لاحس ولاخبر
أتأمّل أتذكّر أنتظر
شاليديد يايومي
شالمفيد ياهمومي
وينه
الحلم اللي ينتظرني
أي درب
بيدلني
وكل مافيني إنكسر
مر اليوم
وأنا لاحس ولاخبر
وصح لساني
The Voice Within
تمنيت أفلتر لك احلامك
أشيل أحلام و أزيد أحلام
و أمحي هموم ناشبتك حتى بمنامك
و أتم أداريك و أحرسك طول لايام
قريت وطرت أنا بكلامك
وتشرفت حيل بهالكلام
محد مناشبني علامك
انا بس مغرم آلام
صح بدنك
بسلمو تو
kila ma6goog
رد نام
DanDash
وشاديه قالت بعد
اياه يأسى عليّ
راح نعيش وكل له اسمه
واحد يسمونه عاشق احلام
وواحد يسمونه
يحب ينام
وواحد يسمونه مغرم آلام
واه على الدنيا السلام
روح
ايه ايه شهقة عمر
على فكره تم تغيير البيت من
شهقة صدر
إلى ضيجة صدر
الضيجه أبلغ وأدق
مو صح
؟؟؟؟
اشكرك
ShLaLaT
بسم الله علي
جنّي البخت
بس اهي صوره انرسمت
تقمصت شخصيه وأحببت أن اوصفها لكم
بكل صدق
وتعمقت باللحظه أكثر من الموقف
الرسم له معان كثيره
وصور أكثر
صوره لزوجه مظلومه
لزوج مهزوم
للحظه قويه
لشهقة صدر
فزات الليل تمر على صدورنا لكن من يق
ر يوصفها
يتخيلها قبل لاتصير
مرات احب تقرون كلامي وتوصلون له اكثر مني
مو معناته الكلام اللي ينكتب انا
يمكن لحظه رسمتها وتخيلت اني بوصلها بيوم من الايام
مغرم الام رسمه بسيطه
لكن الوانها معقده
مو سيرياليه
يمكن خياليه
طولت وايد
بس انا مافيني
اهم اللي فيهم
GUCCI-q8
كل بينام
وعلى كيفها ترتبنا الاحلام
فتى الجبل
ماأعتقد
78o8eYa
بذمتج
أنلام
وإلا ماأنلام
راقيه هذي الزياره
مثلك
اشكرك
مُحَسّدْ
تعوذت
جني البخت
اشكرك
الضيقة ..
شهقة
مادري
فيها موت الشهقة
والضيقة
فيها بس احتضار
بطيء
بس
ضيقه بالصدر
وفزه بنص هالليل
وشهقه عمر
تقطع سكون هالليل
وتقوله رد نام؟
كيف يرتاح له جفن
ولا كيف ينام
وحبيب قلبه وروحه ذبحته الآلام
!!
اهو رد نام؟
ما ظنتي نام الا يوم نومه في ضلوعه
وسكن رعشه خوفه
ومسح على راسه
وقاله نام
بكرة بتصدق الأحلام
وكل شي بيكون تمام
بس انته نام
:)))
ما نفز إلا إذا كنا مهمومين ونفكر بسي.
الأيام قليله والدنيا ما تسوى, تكلم باللي هامك " للي يستاهل " ولا تخلي ابالك وراح تنام بذن الله نومه عجيبه... بس لا تخلي بقلبك
وخل مشاكل الغير الكبيره لهلها ;)
مغرم الام
حزن و هم يطرد النوم
و غصه بالقلب تسري بالدم
يا شينه من شعور يصاحب
الادمي بصحوته و منامه
تسلم ايدك بو عبدالله
دمت بحب
قسما باللة مخك مبدع
ما حبيت أستعجل بالرد :p
عشان آخذ فكره عن الي قاعد يصير
قريت التعليقات
ولاحظت الرد على الغاليه شلالات :p
وفهمت الموضوع
!!
فزت الليل الله لا يبها لنا إن شاء الله
وشهقت صــدر بعد @@
الله لا يقوله
اسم الله علينا
الصراحه التعبير يخرع
وما أعتقد عقبشهقت الصــدر أحد يقدر ينام !!
أخوي مغرم الآلام :p j.K
أخوي براك
صح لسانك
دايم مبدع بكتاباتك
ودايم أستمتع بكلماتك
بختصــار أخوي إنت مبــدع
وعساك على القوة
علامك ياخوي انغرمت بالآلاااااام
فرفش استانس ترى نهايتك تصير متيم بالفرح
الشعر مبهم سبب الألم في
شي حلو اتوقع كل واحد يقرا يطري على بالة شي مضايقة بالفترة!
الله إخفف عنك آلامك و يقويك عليهم
مغرم آلام
باغي تعذيب
هاوي حب
هالثلاث تراكيب
شيصيرون لبعض
براك كلماتك تشرح نفسها
والنوم بعيشة هالتراكيب صعبة
براك تسلم ايدك
تفائل يا براك
ومافي احد خالي من الآلام
بس قط كل شي ورا ظهرك وعيش
اسم الله عليك
احنا بروحنا قاعدين انام عشان ننسى !
بعد حتى النومه مانتهنا فيــها !!
...
لاحظت شي غريب بأغلبية المدونات
أن أغلب البوستات مواضيعها عن ألم ,انتظار , شوق, غدر, خيانة, تحلطم
عفيـــا خنفجها شوي:))
تسلم إيدك على هالكلمات المعبرة
دوم مميز بكتاباتك يا براك
نوم العوافي :)
سم بالرحمن ولا تخلي شي يشغل بالك .. الله يريح بالك ياخوي :)
و الله ظنتي كله من المجلس اليديد
أييب الكوابيس
ضيجة الصدر
يا أما من التدخين
أو من أحوال عامة
أو من قراية الجرايد
أو ريال مدريد خسران
يقول الفنان محمد عبدالوهاب
أنسى الدنيا وريح بالك
أوعى تفكر باللي جرى لك
ذكرتي بواحد اسمراني حليوة قالي مرة
ليش احنا نتحلطم
بالصيف سياراتنا وبيوتنا ودواماتنا مكيفة
اذا استمرضنا نلقى العلاج موجود
ندش الجمعية رغم الغلاء اللي فيها
بس ما نطلع الا ايدنا فيها الخير
الحياة فيها ليل ونهار
والليل مو كله اظلم
ترا فيه نجوم تلمع وقمر يضوي
واكرر واقول
إحنا الخطاوي
:)
ودمت بحب وود
روح
سيدتي الراقيه
انت شرحت الضيقه
انا تكلمت عن الضيجه
وهناك فرق
والفرق واضح
اشكرك
esTeKaNa
اهلا بسيدة الرقي
سيدتي
وأنا اقرا كلامك تذكرت
أداري والهوى نمام
على حالي
وأقول لو تسمح الأيام وتصفالي
واعيش وياك مدى عمري
وسرك في الهوى سري
تغيب عني ويضيق صدرك
وأغيب عنك ويضيق صدري
الله عليج
بس هذا اللي بقوله
2cool2care
مرحبا بمرورك الاول
ياسيد التفاؤل
كلامك ينحط فوق الراس قبل لاينسمع ياخوي
اسعدني وجودك
قلب طفله
ياشينه من شعور
والله يعين اللي عاشه واللي بيعيشه
اشكرك سيدتي
دمت بهنا
5:20
مخي واقف
هذا سوايا قلبي
U-Turn
مايطوفج شي
اشكرك لانك وفرتي علي الرد
بس هم برد
التعبير مايخرع بس يمكن غريب
او يمكن لازم ينحس عشان ينفهم
او يمكن ماكو شي يخرع
بس اهي حاله لابد اننا نستعد لها لاي ظرف كان
اشكرج واشكر مرورك
والله لايحرمنا من كلامج
Shaima'a Alkandari
جني البخت ياشيماء
ومفرفش ومتشقق ومستانس
واشكرج ياسيدتي الراقيه
shahad
انتي عرفتي السالفه كلها
مايطوفج شي
ماشاء الله عليج
بالنسبه لهم لاتحاتين
منصورين منصورين
qesat_5ayal
يصيرون لبعض
من نبج واحد
تراكيب صعبه
لو اندخلعا في محاسبه كيميائيه يحصل انفجار
وانا بصراحه تخصصي ادبي والا كان قلتلج المعادله
اشكرج
kuwaitya_7saweya
ماكو شي عشان اقطه
وفعلا محد بهالدنيا خالي
وكل واحد معه همه على قده
اشكرج
Lavender
الله يسلمج بالنسبه لمناخ المدونات هذا مرتبط بالمناخ الجوي وحيث اننا في بلدنا الحبيبه الكويت نعاني من مرتفع جوي اطل علينا من جبال القوقاز فلهذا الجو العام حار وقته
بس تدرين شالحلو بالموضوع ان الاخوان الاعزاء في المدونات اللي طروا الهم والكدر تفننوا في نقل الصوره كل حسب طريقته
وهذا هو الابداع
انا عن نفسي فجيتها شوي ببوست درل الباجي عليكم
اشكرج
Aldenya
الله يسلمج واشكرج
وصدقيني ماهو تميز كثر ماهي صراحه وصدق
وترى لوما انتي وامثالج من الراقين اللي يحللون الكلمه وينتقدونها ويحسونها ويفهمونها ويفسرونها جان ماانعرفت ولاتميزت على قولتج
ذكرتيني بمقوله قالها لي الدكتور عامر جعفر لاتكون وايد مباشر بكلماتك قول شوي وخل الباجي للقراء والمستمعين
اشكرج واشكرهم واشكره
the.thinker
مشكور على هالدعوه
تسلم ياخوي
ماادري ليش ذكرت اغنية عبدالحسين باسكتش بعد الزواج
سمي بالرحمن وانتي تخمين الليوان
اشكرك ياراقي
متفائل
انا بصراحه ماحبيت اتكلم عن المجلس اليديد
ولكني كتبت ابياتا عده
وكلها بعيده عن التفاؤل
منها عيب ياصوتك
و مدينة الاموات
عموما أحمد مشاري العدواني الله يرحمه قال كل شي من الستينيات ومخلالنا شي
بس تعليقي على المجلس اليديد
قالته ام براك الله يحفظها
سمت المجلس لاطبنا ولا غذا الشر
انا سميت اللي حصل عيب
sologa-bologa
ترى ولهت على تعليقاتك
اللحين ماعندك حجه
السبع فاز وخلاص عاد
حبيبي انت
التدخين اي والله مضيق الصدر وايد
وصلنا مرحله مو زينه كلش
الاحوال العامه انت شايف وانا شايف
قراية الجرايد مااقرا الا صفحة الادب وفنون ومقالات ناجي سعود الزيد
وريال مدريد بأكرهه كتير كتير
لان الفريق اصبح متكون من خوال
اه ياعبدالوهاب
على طاري الاسمر الحليوه
اذكر مره قالك هالاسمر ان اهو لما يكون فرحان ومستانس يكتب عن الهم والالام والوداع والجروح
ولما يكون ضايق خلقه يفتر راسه ويكتب عن الفانوس والابره وخلافه
هذا مو تحلطم
هذا تقرطم
وشتان مابين الاثنان
وتدري فيه هالاسيمر مثل الرياح العنيده
اقول يبيله قهوه في ربوه الشانز بس
شنو هالحب
شنو هالحميمية بالتعامل
شنو هالتراحم
براك
اللي يحب صج
يقول اللي قلته حق حبيبه
يداريه رغم الألم
رغم المعاناة والتعب
رد نام لا تخاف
مافيني شي
انت اماني وبالنسبة لي كل شي
مدري شقول
بس ابي هالعلاقه بحياتي
ابي مثلها
ابي اللي يداريني واداريه
تهقا صعبه؟؟
مغرم آلام
شكثر تعور القلب الكلمة
وشلون ينام
ونص روحه ضاعت منها الأحلام
شلون ينام
وقلبه صاحي
وجفنه الثاني مانام
ربي يبعد عنك كل ألم يابراك
"مر اليوم
وأنا لاحس ولاخبر
أتأمّل أتذكّر أنتظر
شاليديد يايومي
شالمفيد ياهمومي
وينه
الحلم اللي ينتظرني
أي درب
بيدلني
وكل مافيني إنكسر
مر اليوم
وأنا لاحس ولاخبر"
وصح لسانك
تدري إني مغرم آلام
براك
غريب ما يبعثه هذا التعبير في النفس
.. مغرم آلام
جميل ومؤلم في آن واحد
مميز قلمك في القدرة على التعبير
(والله يبعد عنك كل حزن وآلام يا خوي)
الزين
شنو هالحميميه؟
الحميميه موجوده بكلامج
ماخربها الا كلمة صعبه
الطيبين امثالج مايستصعبون هالمسافه
بنلتقي باللي يحتوينا
بس ناطرين الزمن
ماادري شقلت بس كلامج وصل لابعد ماتصورته
اشكر خيالج
واشكرج
Najmah
ربي يسلمك ويخليك
يانجمه
ويبعد الالام عنا
بـنـت بـطنـهـا
صح بدنك
لما اليوم يمر
وانا لاحس لاخبر
شي يجبرنا ننكسر
مايطوفج شي
~warda
الله يسلمج ويخليج
صج ورده
اشكرج
شخص مختل
ماله حل
عاشق ألم
والقلب مُحتَلْ
،،
إذا سكت أوأنهى كلامه
ما ينتهي الاحساس
لو يجي مايل ولاّ باستقامة
يصيبك من الساس للراس
،،
ما بين العبقرية والجنون شعرة
،
،
حيرتني
:)
تراب الكويت
مااعتقد اني مختل
ولكني منسجم مع نفسي
اتصور انني ارسم الكلمه ولااكتبها
احاول ان اشرح مااحسسه بصدق
اشكرك
وآسف على الحيره
Back
تحملنا شوي
مختل..فهمتني غلط :(
على العموم
I like ur feelings the way they r
:)
تراب الكويت
مااعتقد اني فهمتك غلط
واذا ماتحملنا تراب الكويت منو نتحمل
افا عليج بس
no comment :)
ابييييييييييه
وبس :)
قلم حبر
سلامتك من الإيه وبس
Post a Comment